Populære bibelvers fra Luka 13

Del

“E aruaru 'ua atuna i te tomo nā roto i te ngūtupa 'ōiti, nō te mea, tē karanga atu nei au ki a kōtou, 'e mānganui te ka tāmata i te tomo ki roto, ē kāre e rauka i a rātou.

Ē inā, tei reira tēta'i va'ine, 'e vaerua 'akatupu maki tōna e ta'i nga'uru mā varu mata'iti. Kua mingi rava ki raro, kāre rava i rauka i aia i te tū tika. I tō Iēsū kite'anga i aia, kua kāpiki atura aia ki aia, nā kō atura, “E mā'ine, kua ora koe i tō'ou maki.”

Ē kua tuku atura a Iēsū i ōna rima ki runga a'o i aia. Ē i taua 'ati'anga rāi kua tū tika mai taua va'ine ra ki runga, ē kua 'akakakā atura i te Atua.

Ē inā, ka riro tō muri nō mua, e riro tō mua rā nō muri.”

Kia tū mai te pū ngutu'are ki runga e tōpiri i te pā, tē tū 'ua ra kōtou i va'o ē ka tōpāpā i te pā i te nā kō'anga mai, ‘E te 'Atu, e 'e'eu ana i te pā ki a mātou.’ Ka pa'u atura aia ki a kōtou, ‘Kāre au i kite i a kōtou, ē nō 'ea mai kōtou.’

Kāre tākiri! Tē 'akakite atu nei au ki a kōtou, kia kore rā kōtou e tatarā'ara, ka mate rāi kōtou kātoatoa mei a rātou rāi.”

Ka karanga atura aia ē, ‘Kāre au i kite i a kōtou, ē nō 'ea mai kōtou. E 'aere kē atu kōtou mei konei i āku, e te aronga rave i te tuatua tikakore ē!’

Kua karanga atura a Iēsū, “Mei te a'a te tū o te bāsileia o te Atua? Ē ka 'aka'āite au i te reira ki te a'a? 'E 'ārite aia ki tēta'i 'ua sinapi i rave'ia e tēta'i tangata ē i tanumia atura ki roto i tōna kāinga. E tupu atura, e riro atura 'ei rākau ma'ata, ē e tō maira te au manu o te reva i runga a'o i tōna rārā.”