Populære bibelvers fra Luka 14

Del

“Mē āru mai tēta'i tangata i āku, ē kāre e mākitakita i tōna metua tāne, tōna metua va'ine, tāna va'ine, tāna au tamariki, tōna au tungāne ē tōna au tua'ine, ē tōna katoa 'ua'orāi ora, kāre aia e riro 'ei pipi nāku.

Ē tēta'i 'ua atu tei kore e 'apai i tōna 'ua'orāi sātauro ē ka āru mai ei i āku, kāre aia e riro 'ei pipi nāku.

Ko tei 'akateitei i aia 'ua'orāi ka tā'aka'aka'ia ia; ē tei tā'aka'aka i aia 'ua'orāi ka 'akateitei'ia ia.”

Koia katoa 'oki kōtou, ko tei kore i 'akaruke i tāna au mea katoa ra, kāre aia e riro 'ei pipi nāku.”

“Mei te mea ē, tēta'i i ō kōtou na, kia 'akakoro e 'akatū i tēta'i 'are teitei, kāre āina aia ē nā mua i te no'o ki raro, ka tatau ei i te moni te ka pou i aia e oti ei, kia kite aia mē ka rava tāna moni? Ko tē tuku ā'ea aia i te tango ki raro, ē kāre akera e oti i aia, e riro 'oki te tangata kātoatoa i 'ākara i te 'āviri i aia, nā kō maira, ‘I tāmata i'o nei tēianei tangata i te 'akatū i te 'are, ē kāre ake nei e oti i aia!’

Kia 'akatupu rā koe i te umukai, ko te tangata rikiriki tē pati atu, ko te pirikoki, ko te 'akangoru, ko te matapō. Ē 'e ao tō'ou i reira. Kāre 'oki ā rātou kia tūtaki mai i a koe. E tūtaki'ia mai 'oki koe kia tae ki te tū'aka'ou'anga o te aronga tuatua tika.”

'E mea meitaki te miti. Kia riro rā te miti 'ei mea māngarongaro, 'e a'a atura te mea e kavakava ai? Kāre e meitaki nō te one, ē kāre 'oki nō te tāruta tītā; e titiri rava'ia rā. 'E taringa tōna 'ei 'akarongo ra, e 'akarongo aia.