Populære bibelvers fra Luka 16

Del

Ko te tāvini i 'irinaki'ia i te mea meangiti rava, kua 'irinaki katoa'ia ia i te mea ma'ata; ē ko tei tikakore i te mea meangiti ra, ka tikakore katoa ia i te mea ma'ata.

“Kāre e rauka i te tāvini 'okota'i kia 'ākono i ngā pū e rua. Nō te mea, ka mākitakita atu aia i tēta'i ē ka 'inangaro atu i tēta'i, mē kāre ra, ka 'akangāteitei atu aia i tēta'i ē ka 'akava'ava'a 'oki i tēta'i. Kāre 'oki e tika i a kōtou kia tāvini i te Atua ē i te moni.”

Mē kore kōtou e 'irinaki'ia i te moni tikakore, ko 'ai te ka 'irinaki i a kōtou i te mea mou tikāi? Ē, mē kore kōtou i 'irinaki'ia i tā tēta'i kē ra 'apinga, nā 'ai e 'ōronga atu ki a kōtou i tōna 'ua'orāi?

Kua pa'u atura a Āberahāma ki aia, ‘Mei te mea ē kāre rātou e 'akarongo ki a Mōse ē te au peroveta, kāre rāi rātou e 'āriki mai i te 'akamatakite'anga, noa atu rāi ē ka tū 'aka'ou mai tēta'i tangata mei te mate atu nei.’ ”

“Ko tei kōpae atu i tāna va'ine ka 'akaipoipo ei i tēta'i, kua 'akaturi ia; ē tei 'akaipoipo i taua va'ine i kōpae'ia e te tāne ra, kua 'akaturi ia.”