Populære bibelvers fra Luka 17

Del

Kua karanga atura a Iēsū ki aia, “Ka tū, ka 'aere. Kua ora koe i tō'ou 'irinaki'anga.”

Ē kia 'itu 'ua atu rāi ōna 'ara'anga mai i a koe i te rā 'okota'i, ē e 'itu 'oki ōna 'āriu'anga mai ē te tuatua'anga mai ē, ‘Kua tatarā'ara au,’ e 'akakore atu rāi koe i tāna 'ara.”

Ē kia kite i'ora tēta'i o rātou ē kua ora aia, kua 'oki maira ma te kāpiki 'ua ma te reo ma'ata i te 'akakakā'anga i te Atua. Ē kua tīpapa i'ora aia ki raro i te pae vaevae o Iēsū, ē kua 'akameitaki maira i aia. Nō Sāmāria taua tangata ra.

Nō reira, e matakite i a kōtou 'ua'orāi. “Kia 'ara tō taeake, e kauvae atu i aia, ē kia tatarā'ara aia, e 'akakore koe i tāna 'ara.

Kua ui atura a Iēsū, “Kāre āinei ē tino nga'uru katoa i 'akaora'ia nei? Tei 'ea i'o nei ra te tokoiva?

Kua pa'u atura te 'Atu, “Nāringa 'e 'irinaki'anga tō kōtou mei te 'ua sinapi te ma'ata, e tuatua 'ua atu i a kōtou ki tēianei pū sukamīno, ‘Kia kiriti tumu'ia koe, ē kia tanumia atu ki raro i te tai,’ ē ka kauraro mai aia i a kōtou.”

Ko tei aruaru i te mou i tōna 'ua'orāi ora, ka ngere ia i te reira; ko tei kore rā e umuumu atu i te reira, ka rauka ia tōna ora.

Kua karanga atura a Iēsū ki tāna au pipi, “Kāre rava e kore i te tupu mai te au mea e 'ara ai te tangata nei. 'E 'ae aia tei 'akatupu i te reira. 'E ngari ake aia kia rī'ia tēta'i toka tāviri'anga ki runga i tōna kakī, ē kia titiri'ia aia ki raro i te tai, i aia kia riro 'ei tumu'anga nō tēta'i o tēianei au tangata rikiriki kia 'ara.

Mei tei te tuātau i a Noa ra, ka pērā katoa i te tuātau o te Tamaiti a te Tangata nei: tē kaikai ra te tangata, tē inuinu ra, tē 'akaipoipo ra ē te 'ōronga'ia ra rātou kia 'akaipoipo'ia, e tae rava akera ki te rā i tomo ei a Noa ki roto i te 'āraka ra. Ko te vai puke maira e tā'iripoti'ia rava akera rātou.