Populære bibelvers fra Markus 13

Del

Rare hakonsebombe aerene ro miyae helen mare ikele konayembe. Ro mbai na aka baekere enaisombonde naeise kelai nenende, nane hului mbai naeko yae na kelure. Kelu omi hiwa naeko nenakere angkaei oboroiboi konate, ro miyae hiware ungaimile honate. Nebeibe kena yae heraungayende Raei elele are hila rabo halenayende ro miyaere hole eremolombonde.

Nebei yare mayae isianne kayaa-kayaa hebembe.

Mai wali ijokore erenayengkombere ikilenayembene, emelengkombe are buhae ohokoijae. Nebei hee Allahle Roh yae u bene yakanembe hului a yae elengkombe. Nebei a elele waei a ban, Allahle Roh waei euwa walora elele.

Yaku bele nda kani kela bele enainundembonde, nebeibe Reyae wamale a na hibi mo hononayende.

“Na huba mokoikoi ya hului hu hului raungehikere surgana malaikat yoni-yoni bele, Reyae Allahle Kelu bele, nde nde nanemene isian mo, Allah nembai ken naeisaei.

Buloo fela kulun relennele nane merau a yo-yo buloo fela kaenainyebonde naei emborombe yane buhae ohokoijae. Nda wanen nemene inyaibonde hele. Nebeibe nebei huba mokoikoi ya ban.

“Nebei mekai Reyae berehonde merelene ijongkune honombe yae hubaimakonde belene mayae kayaa hebembe. Rabuhine ban nebei imae rowa berehonde wanen Raei merele hee isian nekaube, huae yae, reniai yae, ojo konate hee yae, ya hembonde yae. Nda a faeu mare wamale hului mbai ro miyae nemene ufemiyende, ‘Kayaa bele yae mo hebembe mai wali mokaungehake yae nekemembe!’ ”

Nda kani kelana yo yan hi bele yo yan hi bele fela relenainyele. Onyeu, moni mai makeinye-makeinye benate, nebeibe huba mokoikoi ya namman, miyae hiyaunge fare honondere kole wanen ma bekore hubanainyele naei hengkelenbe raungehike.

Nane merau huba mokoikoi ya emei yae Raei a foi fae foi nda kani kelana nanemene hungaimile hele.

Ro miyae helen menate ame-ame yae elenate, ‘Reyae Wali Ondofolo, Allah yae ukeufe mekale.’ Nebei yo ro miyae nekai sele ame-ame yae wabenaimile.

“Nebei hee kayaa bele yae hebembe, rabuhine ban Rare ehakoyei yo yae mare ikilenayengkombe, yo riyare kinyenayembombe, mai wali ijoko erenayengkombere. Ei mom-mom imaene erahuae yae bonayembe. Rangkele mbainye nekandene yaungayembombe gubernur yoni-yoni bene ondofolo yoni-yoni bene embe. Nebei hee yae mon rowembe Raei a foi faeu foi wemmile.

Rabuhine ban, na hele ban wali ondofolo holona bele na hele ban yenjo kayaayo bele menaiyakambonde, rambun emere-emere mokonate, Allah yae eleukoke holonare ame yae wabenaimihinde balenatere, nebeibe na hului ban.

“Allahle homofaene ya beko huba mokonnekonde naeise nda a moloukoke, ‘Hu hehe wende ouben yembonde, oko na hehe kebengkonde, findelau yoni-yoni yakura balenate onate, yakuna elae wake Allah yae kusemmikonde.’