Populære bibelvers fra Mat 23

Del

Wel wɛ əb chian ghel ɛjim ɛ ghɛne məm lu vi wɛ əb səksen ngeŋ ə wen ɛ ntiɛ, è se fɛle se wel əbjim.

Naa ndɛ wɛ əb koksen ngeŋ ə wen lu nɛ Feyine nɛ̂y səkse wen, nɛ naa ndɛ səkse ngeŋ ə wen, é Feyine náà lose wen.

Lòn se ghɛne ndintese tesak gese nɛ̀ ghele kenone Falisee! Ghɛn lu nfefsese. Chèmè lu əbfua wɛ ɛ́ lóó ɛ́ yɛ naaye mbas so, fene ghɛne liɛ, ɛ́ ko nyifte əblik ɛyvəm è fo kemok se Feyine, dî nɛɛye wiy ketuu kenəə kɛ nchile dinen ge ghɛn yɛ nɛɛy, ka se yɛ nɛɛy kenəə kɛ́ titiye se wel, koosen ɛysen se wel, gese foo ɛytem se Feyine. Vii nɛ̂ vine lu əbnəə wɛ ghɛn luun se yɛ nɛɛy, se geese yɛ nɛɛy əmnəətese əmlee.

Lòn se ghɛne ndintese tesak gese nɛ̀ ghele kenone Falisee! Ghɛn lu nfefsese. Ghɛne lóó ɛ́ yɛ suute ɛybom ə yɛn ghene əbghen ə wɛne kɛn ɛbɛy ɛbɛy, dî nɛ ɛməme tene lun nɛ̀ əbfua wɛ ghɛne fiin se kediak gese nɛ̀ keŋwɛye.

O Jolesalem, Jolesalem! Ghɛne yuyte ghele ntum nə Feyine gese təmle ghel ghɛ Feyine tumen se ghɛn nɛ̀ ɛtiye. Lu kaŋe sek wɛ mɛ momen ge mɛ baate ghone ghiɛ ka no ngvəə zəten ghon ɛ wen ɛyshaa ghàà dî wɛ̀ jia beeme.

Lu ghɛɛ-ghɛɛ ka ghɛne yɛnsen ɛ bɛy ɛ bɛy se ghel ə Feyine, dî nɛ ghɛn lu kɛn naa nfefsese gese lu ghele mbeese.