Populære bibelvers fra Mat 24

Del

Əbnəə əbbee naa dio ɛ ketuu ntiɛ se ŋaŋ é ghel se ɛydio jia bo yɛ koŋe ghel ɛlee. Dî nɛ naa ndɛ wɛ əb teem ketaan se chin se kenləysene náà boy.

Ɛ́ náà fekte sakghɛ əbjuŋ vin wɛ kum ɛysak ə Feyin é ketuu ntiɛ kejime yio, nɛ mbi geese mɛy.

Ghɛne naa yio ge ɛ́ təme ɛyghoŋ fɛn-fɛn, è yio ge ɛ́ baate ɛyghoŋ ɛ əbtəm, ghàà ke yɛ foo ngɛk se ghɛn. Əbnəə nɛ̂ vin lu se nɛy se gan, dî nɛ báà se lu ge mbi se mɛye.

Ɛylak ɛlee náà yɛ noo ɛylee, nɛ əbfon ghene ghele ə wene təme ɛyghoŋ ghene ghe əbfon əblee ghene ghel ə wene. Jeŋe naa koo. Ntiɛ naa yɛ shiken ketaan ketaan əblik se ɛydio. Əbnəə nɛ̂ vin əbjime nɛ̀y yɛ lu kɛn kenkɛɛte kenəə kɛn ka wán ɛ əbliy wɛ əb momen əbvii.

Ɛyyio ghene ntiɛ yî mɛy, dî nɛ giɛ ə some jia yî mɛy.

Ghele náà fəy è gwiy se ɛydio è yɛ lɛɛse ghel ɛ mɛ ɛyghel suuye ge: Lu mɛ Vi wɛ Feyine nè Yiosen, é ghele jas jii se ɛydio.

Ɛ́ náà loo lu əbliy fô ɛ́ koo ghɛn è fo ge ɛ́ nəkse è yuy. Mbi ɛyjime náà yɛ bane ghɛn bek mɛ. Ghel se ɛydio náà maa mɛ, è yɛ bane wel nɛ̀ wel, kale əmnaŋ kum ngeŋse ghen. Nfektese əbbuame náà fəy è yɛ lɛɛse ghel se ɛydio.

Jesus fise ge: Ghɛn yɛ toknen fɛ wel lɛɛse ghɛn.

Ke me se lu ge ghɛn yɛ lu kebaaten, bek ge Wanwele náà gwiy ɛ əbliy wɛ ghɛne báà se kwaatee.

Ke me se lu ge ghɛn yɛ toknen bek ge ghɛne báà se ke kechii kɛ Báàba ə wen gwiyen ɛ ten.

Wele báà se ke kechii, kene əbliy wɛ əbnəə vine náà gan ɛ ten. Chèmè lu nchiyse-ndaa nə Feyine ɛyyio, kene wán ə wen, fene ghene báà se ke. Lu kɛn Bay wen nyiŋ wɛ əb keen.

Ghel ɛlee náà fəy è yɛ lɛɛse ghel ge ghene lu Vi wɛ Feyine nè Yiosen, nɛ ɛlee yia ge ghene lu ghele ntum nə Feyine. Ghene náà fek mbɛm è nɛɛy əbnəə əbchio əbyúméné, nɛɛy dî ge jii sɛ yɛ lu yɛ nɛɛy ge ghele jas jii-a, tete-tete ghɛ Feyine nè chokenmen.

Ɛygwiye Wanwele náà yɛ lu kɛn ka ke nè luun ɛ əbliy nə Noa. Nɛ jio geese lun se fəy se kuŋe ketuu ntiɛ, nè lu nɛ ghele yiɛ, nəə əmnduk, nɛ ɛluumene ghene əbkiye chintene, se kok se chin se kechii kɛ Noa nè liin se kenək, nɛ̀ ghele ke wiy kenəə kɛ ke ganen, se chin se əbliy wɛ jio nè lunen è fəy, è kuŋ ghene ɛjim. Lu ghɛɛ-ghɛɛ ka ke náà gan ɛ əbliy wɛ Wanwele gwiyen.