Populære bibelvers fra PURA' 10

Del

Kebala Tuhan ni Musa, “Amé' iko papu' raca'. Ui pangeh nengetueh niatneh idi niat amung lun tarehneh pana', pad Ui miak nganau' tanu'Ku ini arangdeh, pad ini miak belénmu macing inan anak inulmu ratnan luk inau'Ku kuan lun Masir, kareb Ui nengigu' nedeh dengan tanu' luk inau'Ku arangdeh. Idi amung muyuh miak kali' Ui ini Tuhan.”

Kebala Tuhan ni Musa, “Ngegenang langenmu idi mangun medacem bang bawang Masir, pad lemulun perikekap bang dacem ineh.” Idi Musa nengegenang langenneh, idi macing dacem luk pelaba pingot aput bawang Masir teluh aco kinioneh. Idi seburur pana' na miak nier luk baken. Idi seburur pana' nateh luk nenalan teluh aco kinioneh. Iamo' kuan lun Israil inan acang bang amung su luk inandeh tudo.

Idi Musa nengegenang rukudneh pa luun bawang Masir. Idi Tuhan nengacing aceh barui rat pa busat aco bang bawang Masir seaco idi sedacem kinioneh. Idi pekak uka-uka bui nemalid amung-amung kato. Idi kato ineh numak aput bawang Masir idi netemurun bang anid-anid babpat bawang Masir pelaba ula'. Idi atun na inan kato luk kudeng ini. Idi muci aco pana' nateh luk kudeng ineh.