Populære bibelvers fra लूका 12

Del

अपे मेनेरपे ओंगोलेता हनानाः बेला मनुवारीग बेटा वेगता। हनालगा अपे हों सपड़ावतोपे दोहोन।”

मनदो भगवानराः राइजराः कताकूनपे ञाम, दो नाःआ जमाकून हों अँननपेराः होया जुवाःता।”

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

अपेराः आन-धान दोहोनता हननंडा अपेराः ओंगोल हों दोहोनता।

अपे अते इये ओंगोल कुहकाः घड़ीन अनँयगराः उमइर मी घंटा होंय बडे अवेयता?

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

मुरुक बगरा गोरेलाकू अते हों अपे भगवान लगा मइद इदानपेःआ। अपेराः मेमेडटोंग ऊब हों भगवान गँड़ाव दोहोकेरा। हनालगा अपे अलोपे बोर।”

ईसू अरूय कताया, “ने हुडिंग गउदारिकुःआ होड़कू, अपे अलोपे बोर। अपेरीग सेरमो देसरीग अपांग, आँयगराः राइज अपे एमेवापे लगा मंजूररे इदानिया।

कवाःकूराः बदीरेपे ओंगले। हँकू मेरकू वेरता अरू ईरकेडखन ओड़ाःरे सहे पलारे हुड़ू मेरकू दोहोयता। मनदो भगवान हँकू जोम लगाय ओवाकूता। दो अपे तितीगकू अते मुरुक मइद कोवापेःआ जा?

चिलाले जोम अरू चिलाले ञू, माःआन अलोपे ञाम, अरू ओंगोल कुहकाःरे अलोपे दोहोन।

अपे ईंगपे अयूम। बीर तोनोंग दिन वरी हड़ियड़ दोहोनता अरू तयोमरे झुरा जुवाःता अरू होड़कू हना बीर ईर जुमावकेडखनकू बाल लो एंडागोडता। हनारे हों भगवान हना बीरकून सुघरे तुसिंगेता। दो ने हुडिंग बिसवास होड़कू, अपे तुसिंगे लगा नपाय सोनहे भगवान चिला लगा मेरेय एमेकेःआ?

डबावतो इदा, हना जमा उघाड़ जुवाःता अरू ओकोत इदा, हान जमाकू सुदीगोडता।