Populære bibelvers fra लूका 5

Del

हाँय बड़रा टुटीगतेडखन सिमोन एचेरेय कतातेरा, “नाःआ डोंगा गहीर दाः अगीम गोः अदेरगे। हनते हकूकू दाः लगा जाल तेकेगेमे।”

दो सिमोन ईसू एचेरेय कताया, “ने साहेब, अले अंगुः वरी जालले रेडतेरा। मनदो अले मीटोंगीग मेरले दाःगरा। नुँहू आम कताकेरा, हनालगा जालिंग तेकेगोडता।” हँकू हना इयाकू एचेतेड दो, मुरुक हकूकू दाःनेना अरू जाल हिराः हिराःआ।

मनदो ईसू, हँकू अते एटाःनेनखन रिंग-रोंग ततेररे सेनेवाडखने अरजीःआ।

ईंग बेगर गारबार होड़कू राः लगा मेरिंग वेगगना। मनदो कसूर होड़कू अँकूराः कसूर अते जीव एचे कुदाकू लगायिंग वेगकिया।

नाःआ ञेलतेडखन सिमोन पतरस ईसू मड़ंगरे उकुड़ोमवाडखने कतातेड, “ने परबू। ईंग कसूर होड़ हवे। ईंग अते सलाव जुवाःमे।”

नाःआ अयूमतेडखन ईसू कतातेड, सुलटीगरे इदानिया हाँयग होड़ लगा कोवान, मनदो बेमारीरेय दोहोनता हाँयग होड़ लगा जिड़ीदारराः जरूरी दोहोनता।

हनते हँकुःआ होड़कू डोंगा, दाः धरीरेकू ओर उडुंगतेरा अरू हँकू जमा बरानाः अड़ाःतेडखन ईसूरिकुःआ चेलाकू बड़ाँवयान।

तोनोंग दिनरे ईसू मीटोंग सहररेय सेनेडा अरू हंडा मी होड़ कुड़गा होड़ दोहोना। अरू हाँय ईसूय ञेलतेरा दो, तबेरवाडखन ईसू एचेरेय गोड़न-पइयना, “ने परबू, आम चाहाःतान दो ईंग नपाय अविंगताम।” दो ईसू तिःई लंबावतेडखन हाँये टोँवावतेरा अरूय कताया, “ईंग चहाःतना। आम नपाय जुवाःमे।” अरू हननमेला हाँय कुड़गा बेमारीतेय नपाययान।

ईसूराः बदीरे मुरुक तान तानरिकुःआ होड़कू सुदीगोतेड अरू मुरुक बगरा होड़कू ईसूराः बड़रा अयूमगे लगा अरू अँननकूराः बेमारी अते नपायगुः लगा हाँय एचेरेकू जुमाःआ।