Populære bibelvers fra लूका 6

Del

अपे एटाः होड़कू बगरापे एमेवाकू दो, भगवान हों अपे लगा बगराय एमेवापेता। डिलिंगीरे हुड़ू कसाव पेरेगकेडखनकू एंडाता हान इया अपे लगा हों भगवान एमेयता। अपे सोंगगेता हनानाः तंबीते अपे लगा हों भगवान सोंगगेता।”

नपाय होड़ अनँयग नपाय जीवते नपाय नपाय बड़राय कताता अरू नपाये एचेयता। अरू आड होड़ अनँयग आड जीवते बेलूर बेलूर बड़राय कताता अरू बेलूरे एचेयता। आहते उडुंगगुःता हना बड़राराः सोर जीव हवे।

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

अपे ईंगपे अयूम, अपेरीग अपांग भगवान सोगावाकूताय, हनन इया अपे हों एटाः होड़कूपे सोगावा।

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

मनदो ईंगराः बड़रापे अअयूमतना हँकू एचेरेयिंग कतायतना, अपेरिकुःआ मुदइ होड़कूपे अलार-दुलार। अपेकू आड-बेकारवाता हँकू सुदा नपायपे एचेय। अपेकू सती-सरापता हँकूपे भलावा अरू अपेकू लंदा एरांगवाता हँकू लगापे अरजी।

एटाः होड़कूते अपे चहाःतना हनन इया हँकू सुदापे एचेय।

तोनोंगीग अपेराः खउना गलूय चपाड़ दो, डिरही गलू हों लगापे एमेगोड। तोनोंगीग अपेराः सेरमो तुसिंगतो सोनहेय लुड़ी गोःगे दो, आमराः अंगा हों गोः लगा अहापे रोंकावगेय। तोनोंगीग होड़ अपे एचेरेय असेयता, हनापे एमेगोड अरू तोनोंगीग अपे अते तोनोंगाः जिनिसे गोःया दो हना अहापे असे कुदाय।

तोनोंगाः नपाय सींग दूबरे आड जोःओ मेर जोःता अरू आड सींग दूबरे नपाय जोःओ ओरो जोनेना।

जमा सींग दूब जोःओत ञेलकेडखनबू सिनहागोडता। पोटवा दूबते लुवा जोःओ अरू पुटूस दूबते अंगूर जोःओ मेरबू गोडता।