Populære bibelvers fra मरकूस 13

Del

ईंगराः ञाव अते जमा होड़कू अपेकू हिनइस-बिनइसवाता। मनदो अरीन टुटीगगुः वरी सनाहाव ञवनता हनाँयग होड़ भगवान सडावगेयता।

अपे मेरपे सुदीयतना तुमिस ईंग कुदा वेगता। हनालगा अपे जगलेपे दोहोन।

अपे दरबाररेकू साब इदीपेता हनमेला अपे अलोपे ओंगोल दोहोगे, ईंग चेले माःआनिंग कतायता। हनमेला भगवान उदुःवापेता हना कतापे बड़रा। अपे कतायता हना अपेराः बड़रा ओरो दोहोनेना, मनदो सुद बिरुवाराः बड़रा दोहोनता।

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।

मनदो हना दिन सहे बेला तोनोंगीग होड़ मेरकू सुसुदीता। सेरमोरिकुःआ बराहीलकू अरू बेटात हों मेरकू सुदीयतना, मनदो अपांग भगवान एनेकला नाःआय सुसुदीतना।

अपे एटाः एटाः देसरे लड़ाइ होयाःराः बदीरेपे अयुमे दो, अलोपे बोर। नाःआ इयाःआ लड़ाइ मड़ंगरे होनोयाः लगा इदा। मनदो हनमेला टुटीगगुःराः बेला कोवानेःआ।

हनन लगा अपे जगलेपे दोहोन। अपे मेरपे सुदीयतना ओड़ाः मुवार तुमिन बेलाय वेगता। हाँय सिंगाड़ मेला, सहे हटिंग बरा रइत, सहे कुकुड़ा कुकूड़चुः बेला सहे निंदावाय वेगता। हाँय असाकाय वेग दो अपीगतो अहाय ञेलपे। ईंग अपे एचेरेयिंग कतायता हना कता जमाकू एचेरेयिंग कतायतना, जगलेपे दोहोन।”

जइत जइतरिकुःआ होड़कू अरू देस देसरिकुःआ होड़कू अँननकू अँकू लड़ाइता। एटाः एटाः ततेरराः ओत डोलाःता अरू कतकाल हों होयाःता। नाःआ जमाकून, लँइग होयाः मेला हसू बुँहड़ीनता हना इया चउंदीस लुलिगगुःराः बेलारे होयाःता।

नाःआ इया जमा होयाः अते मड़ंग ईंगराः नपाय सरवन जमा जइत होड़कू एचेरे उउदुः लगा इदा।

मुरुक होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे। अरू हँकू मुरुक होड़कूकू अडिगकूता।

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

हना सिकिसताराः दिनकून अते तयोमरे, बेर अंदरा जुवाःता, अरू बांगो अते मरसल ओरो टेडेगनेना। अरू सेरमो अते इपीलकू लुजुरुःता अरू सेरमोरे विड़चेड़ता हना जंगरकून डोलाव जुवाःता।