Populære bibelvers fra San Marcos 2

Del

Ko je̱'e̱ Jesús du'un mu̶dooy neby je̱'e̱ fariseotu̶jk najty ñi'oj ñiyaxu̶u̶yu̶gu̶xyu̶ñ, chi nu̶maay ajku̶xy: —Mu̶dyiibu̶ oy'ajtp mu̶k'ajtp y mu̶dyiibu̶ ka'p pyu̶gyii y'ixyii ajku̶xy, ka'p tzooydyuumbu̶ je̱'e̱ yajmayjyajtku̶xy. Je̱'e̱ju̶tz tu̶y je̱'e̱ mu̶dyiibu̶ pu̶jku̶p ijxu̶bu̶ñ ajku̶xy, yajmayjyajtku̶xypy tzooydyuumbu̶ je̱'. U̶u̶ch ka'p u̶u̶ch je̱' tu̶ nnimiñ je̱'e̱ ja'ay mu̶dyiibu̶ ka'p pyokymyu̶u̶du̶chu̶ñ ajku̶xy. Je̱'e̱ pokyjya'ay u̶u̶ch tu̶ nimíñ.

Ko je̱'e̱ Jesús ijxy je̱'e̱ ja'ay myu̶bu̶jku̶ñ ajku̶xy, chi je̱'e̱ pa'amja'ay nu̶maay: —Ya'ay'úng, tu̶ je̱'e̱ mboky yajwinme̱kxta'ay.

Chi je̱'e̱ Jesús jyakmu̶naañ: —Je̱'e̱ pokxyxyu̶u̶ yajpu̶daak je̱' neby je̱'e̱ ja'ay mu̶'oy'ádu̶chu̶ñ, y ka'p neby je̱'e̱ ja'ay myu̶'oy'adu̶u̶ju̶chu̶ñ je̱'e̱ pokxyxyu̶u̶.

Peru̶ je̱' ko ka'p najty ni neby y'óyu̶ch neby je̱'e̱ pa'amja'ay mu̶baad yajja'tku̶xy ma je̱'e̱ Jesúsu̶ñ, je̱' ko je̱'e̱ tu̶jk najty jyanch'ujtzu̶ch mu̶u̶d je̱'e̱ mayjya'ay. Chi je̱'e̱ tu̶jk ni'kx we̱e̱nu̶ taj'awaatzku̶xy ma je̱'e̱ Jesús najtyu̶ñ y chi je̱'e̱ pa'amja'ay ku̶jx'aam ku'udu̶u̶yñajxy ajku̶xy ma najty tu̶ taj'awaatzku̶xyu̶ñ.

Pues cham u̶u̶ch miich nyajni'ixu̶u̶ygyu̶xu̶ch ko u̶u̶ch je̱' je̱'e̱ ja'ay mu̶dyiibu̶ tzon tzajpjooty, nmu̶u̶du̶ch je̱'e̱ ane̱'e̱mu̶ñ ya naaxwiiñ neby u̶u̶ch nwinmé̱kxu̶chu̶ñ je̱'e̱ ja'ay ñu̶u̶ pyoky ajku̶xy. Mu̶'it je̱'e̱ xuxyjya'ay nu̶maay: —Miich yam du'un nu̶maaby: pu̶du̶'u̶g, yajpu̶du̶'u̶g yu̶'u̶ mmabe̱jt y nu̶kxnu̶ ma je̱'e̱ mdu̶jku̶ñ.

¿Mu̶dyiibu̶ da'a ka'p chípu̶ch ko u̶u̶ch yu̶'u̶ ku̶'u̶xúxypyu̶ tekyxyuxypyu̶ nnu̶ma'awu̶ch: ‘Tu̶ je̱'e̱ mboky yajwinme̱kxta'ay’, o ko u̶u̶ch nnu̶ma'awu̶ch: ‘Pu̶du̶'u̶g, yajpu̶du̶'u̶g yu̶'u̶ mmaabe̱jt y yo'oyu̶'u̶g’?

Chi je̱'e̱ pa'amja'ay mu̶k'eemby pyu̶du̶'ky y yajpu̶du̶'ky je̱'e̱ myaabe̱jt. Y je̱'e̱ mayjya'ay y'ijxku̶x je̱'e̱ pa'amja'ay ko jiiby yo'oychóñ, paady je̱'e̱ mu̶k yajnú̶kxy yajju̶wu̶u̶y ajku̶xy y ja'aymye̱jtz o'owu̶dajtku̶xy je̱'e̱ xu̶u̶ Dios, myu̶naangu̶xy: —Nimu̶naaxu̶u̶nu̶ ijty du'un nga'ijxu̶mnu̶ ajku̶xy adaa mu̶jwinma'añ tu̶u̶bu̶ cham n'ijxu̶m ajku̶xy.