Populære bibelvers fra Hechos 1

Del

San kati si'li'ne Bë' La'ay kie' Dios, wap'li yëla wak len uroj'li tzajxaka'lau'li nia'a kia' lu yëdz Jerusalén, gdu yu ki Judea len yu ki Samaria len gdu gabi'i yëdz'lyu.

Jesús bubi'e diidza: —Ti rné lbi'ili gnëëzi'li bixh dza u batxh'tek guune Dios le zua lu ne'e guune.

Kati ni zue' len bënni gbaaz kie', Jesús ti gu'un'de luze'e Jerusalén len gudxe leke: —Gulkëëz gak le pxënelaadxi'li Xuuza ka neda chik'z guudxa lbi'ili. Koma Juan pkiile bunach len nis, san tir rdzei zian dza kati Dios jkiile lbi'ili len Bë' La'ay kie'.

Len kati gdëëd gutie' kuin'kze yajlui'lau'e len blui'de leke le tunn'be' ki yu'u yëla naban kie'. Chua' dza blui'lau'e len leke len be'leene leke diidza ki yëla rnabe' kie' Dios.

Buudx gne' ki, tzal nakua'ke tuyu'ke le', Jesús bubeene ati tu buaj pka'chi' le', len tir gulale'i'de le'.

Len tzal tuyu'ke ka rubeene Jesús yewayuba, chop'ke bënni naku'ke laari xhkich gulului'lau'ke ga nakua'ke'a len gle'ke leke: —Bënni Galilea, ¿Bixhkia' zeeli ryuuli lu xhba? Larakz Jesús ni bënni'a gzue' len lbi'ili ati na'a chi bubeene yewayuba, wëëde le yubl lekz'ka' ka na' ble'i'li'ne zuwëëje.