Populære bibelvers fra Yohaannisi 15

Del

“Anti an quduppatta qoyra wayneeta, ishina' nefo a taammaayyo. Nama anan kallaanno, anti ka ishin kallaanno, delta kutta'e dalli; maana malla, ana maliiyyi we takkan nefo kodeeta a ettanissaneey.

Anan kallaada, anti in ishinan kallaadaay. Taama oton quduppatta qoyra wayneeta qara'e in qapanniniiyyi, isi pattan akkima delta dela ettaninni in kinnin mina'e, ishina' nefoow oton ananne a kallaanni a kinniniiyyi, dalta dala a ettanissan.

Katin ananne kallaannittan, qaaletiyyo ka ishin kara kinnaannittaayye, wa' heentane oto' qinsannittan, i''akkattan.

Ana ishin reexade diisheey, ishina ana a reexanne. Anti ka akka antan ka delta kutta' deltan, deltaayshin ka a kallaannitto koddito'e ishin shuumade. Semmalla wa maxxiyyon qinsannittane piisa Waaqa Aappa i'ishina' daasha.

Nama moottadaadi a jaalanna malla toota isi dassata, qaropa jaalala in qapo.

Taama ana qara co ka dalta dalli in kinnin piisa Aappinno alle'e murri ka alle' kanni. Ka taama delta dallo akka dalta kutta' delo'e, qara tamini ka harminni.

Ajajiyyo nefo, akkan anti ishin jaalade mina'e akka ishina oli jaalattan.

Oto' dalta kutta dallittaneeyye, Aappinno sedenne ulfeessama, ishina ka akka tamaarewwaayyo kodditen akkissan.

Yesuusi ikide, “Quduppatta a qoyra wayneeta a dukaata ana. Qotampayta nefo aappinno.

Nama anan kallaanni in kinnin, a taama mina'e lakopa katama ka koka, taamma asse paha apittoppopa kataman ka kupadan.

Waan malla sede ishina' haasawade, akkan ishinan xasoodo, xasoottaayshin ka immakaado malla.

Anti akkan ajaja Aappinno kode ka jaalalaadin kallaanno mina'e, ishina'ew oton ajajiyyo' koonittaneeyye, jaalalaayyonne' kallaattan.

Akka oli jaalattane'e ajajiyyo toy sede.”

Katin ishinan a piita kiiteeyye, piita wa xaadi kodde jaalanni heente, ma xoori, qoota a piita a koddinin anti ka piitoppa ishin reexade malla, piita ishin needdanni.