Populære bibelvers fra San Lucas 8

Del

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

Sindiꞌi ndi̱kaꞌan ra xiꞌin nda, káchi ra saa: ―¿Ndachu köo ndáa ini ndo Ndioxi ya sikaku ra yoo? ―káchi ra xiꞌin nda. Ta saa ndi̱kanda ini nda íꞌvi ka vi nda ndóo nda, ñaa ndi̱ndakan tuꞌun taꞌan nda, káchi nda saa: ―¿Unku ra yóꞌó kua yakan vaꞌa xíni soꞌo tachi tin xíni soꞌo tu tikuii va tuꞌun káꞌan ra? ―káchi nda xiꞌin taꞌan nda.

Ta siꞌva ri ndi̱koyo yuꞌu ichí ku na xíni soꞌo tuꞌun Ndioxi, ta vaxi kiti nǎꞌa táva ri tuꞌun Ndioxi nima na ya ná kändixa na tuꞌun ra ya sikaku ra na.

Saa kúndaa ini yo, ndiꞌi ñaꞌa ya íyo sêꞌe vitin ta nduxa ndituvi ndiꞌi ya kuni inka naꞌa. Saa chi tindaa iin kivi ta ndiꞌi na kundaa ini na xaꞌa ya íyo sêꞌe.

Ta saa ku̱ndaa ini yá ñaꞌa ikán ta köo ndi̱kuvi ka tiseꞌe yá, ñaa xa̱á yá íꞌvi ka vi yá ndakua kísia yá xa̱a yá si̱kusiti yá nuu Jesús. Nuu ndiꞌi na saa ndi̱tuꞌun yá ndá xaꞌa kua ti̱in ndaa yá tikoto ra, chi tá ti̱in ndaa soꞌva yá tikoto ra ta ndikun ndu̱vaꞌa yá. Ta saa ndi̱kaꞌan Jesús xiꞌin yá, káchi ra saa: ―Siꞌi, ndu̱vaꞌa un chi ndáa ni ini un xíni un yeꞌe. Ta vitin kuanuꞌu ta kündiꞌi ka ini un ―káchi ra xiꞌin yá.

Ta saa si̱ndikoo nda Jesús, ndi̱kaꞌan nda xiꞌin ra, káchi nda saa: ―¡Tata Maestro, Tata Maestro! ¡Ndikaxin ini un koto ka kuvi yo! ―káchi nda xiꞌin ra. Saa ndi̱koo Jesús ndi̱kaꞌan ra xiꞌin tachi tin nduta tikuii. Ñaa si̱yaa tachi tin si̱yaa tu tikuii va. Iin yayaa ku̱u.