Populære bibelvers fra MATEO 15

Del

Per le diiz ne rlen ruu mén, lextoo men rruu we; laa we rlaa ne rak men mendol. Porke lextoo mén nuu yra ne mal ne rlebleedx men, zegnak ne rket men semén men, zegnak ne rkano men mén ne nakdet lzaa men, zegnak ne rkanogue men xkompanyer men chene gardet ytsëlnya men, zegnak ne rbaan men, zegnak ne rkagyii men semén men, no le zegnak ne rninyaan men lo semén men.

Let ne rudet mén rlaa ne rak men mendol, sinke dizmal ne rruu ruu men rlaa ne rak men mendol.

Yra ménree noze xdiiz men za ne rzaknon men noo, per rlaadet meno ydeblextoo men. Bat rkyiindet yra ne rlaa men chene rzaknon men noo, porke yra ne rneluu men, noze mén rkyeeno.

Lex wke Ne re Ne lo men: ―¡Wnaae, kesentyent rlaleedx de noo! Gak zegne rlaan de. Orgueguin wyaken xsaap wnaa guin.

Per wbig wnaa guin wzuzhib men lo Ne, re men: ―¡Dechey, gugun xyudar noo! Wke Ne re Ne: ―Ngyidet ne ygyitxee mén ne ru zhiin men chen ynii meno lo mëëk. Lex re wnaa guin lo Ne: ―Nli we Dechey; per axtegue mëëk ru ne byu ne ratxee zhiin xmezh xpexwaan maa.