Luka 4
4
Tō Iēsū tīmata'anga'ia
(Mātaio 4.1-11; Māreko 1.12-13)
1Kua 'oki maira a Iēsū mei Iōrīdāna mai ma te kī i te Vaerua Tapu, ē i arataki'ia aia e te Vaerua ki te mēdēbara. 2E 'ā nga'uru ra rā aia i te tīmata'ia e te Tiāporo. Ē kāre rāi aia i kai i tēta'i mea i taua au rā katoa ra, e 'ope akera pongi i'ora aia.
3Kua tuatua maira te Tiāporo ki aia, “'E Tamaiti koe nā te Atua ra, ka karanga atu koe ki tēianei toka kia riro mai 'ei kai.”
4 #
Deut 8.3
Kua pa'u atura a Iēsū ki aia, nā kō atura, “Kua tātā'ia ē, ‘Kāre ē ko te mānga anake ra te mea e ora ai te tangata nei.’ ”
5Kua arataki atura te Tiāporo i aia ki runga ē kua 'akaāri maira ki aia i te au bāsileia katoa o te ao nei i te kamo'angā mata nei. 6Ē kua tuatua maira te Tiāporo ki aia, “E 'ōronga atu au ki a koe i taua mana kātoatoa ra ē tōna au 'inu'inu. Kua tuku'ia mai 'oki ki āku, ē nāku e 'ōronga atu ki taku tangata e 'inangaro. 7Ē tēianei, kia tika i a koe i te 'akamori mai i āku, nō'ou kātoatoa anake ia.”
8 #
Deut 6.13
Kua pa'u atura a Iēsū ki aia, nā kō atura, “Kua tātā'ia ē, ‘Ko te 'Atu, tō'ou Atua ra, tā'au e 'akamori, ē ko ia anake rāi tā'au e tāvini.’ ”
9Kua arataki atura te Tiāporo i aia ki Iērūsalēma, ē kua tuku atura i aia ki runga a'o i te ngā'i teitei rava o te 'iero, ē kua karanga atura ki aia, “'E Tamaiti koe nā te Atua ra, 'akatopa atu koe i a koe 'ua'orāi ki raro mei tēianei ngā'i. 10#Sal 91.11,12Kua oti 'oki i te tātā'ia ē, ‘Ka 'iku'iku aia i tāna au 'āngela i a koe 'ei tiaki i a koe.’ 11Pērā katoa, ‘Ka mou rātou i a koe ki tō rātou rima, ko te tūkia 'ua atu ā'ea tō vaevae ki te toka.’ ”
12 #
Deut 6.16
Kua pa'u atura a Iēsū ki aia, nā kō atura, “Kua tuatua'ia mai ē, ‘Auraka koe e 'akakōkō atu i te 'Atu i tō'ou Atua ra.’ ”
13'E 'ope akera tā te Tiāporo tīmata'anga, 'akaruke maira i aia nō tēta'i tuātau tau meitaki tikāi.
Tē 'akamata nei a Iēsū i tāna 'anga'anga i Galilea
(Mātaio 4.12-17; Māreko 1.14-15)
14Kua 'oki maira a Iēsū ki Galilea ma te mana o te Vaerua. Tutuki akera tōna rongo e kako rava akera taua 'enua ra. 15'Āpi'i atura aia ki roto i tō rātou au sūnago ma te 'akangāteitei'ia e te kātoatoa.
Tē kōpae'ia nei a Iēsū i Nāzarēta
(Mātaio 13.53-58; Māreko 6.1-6)
16E tae maira a Iēsū ki Nāzarēta i te ngā'i i pakari ei aia ra. Ē kua tomo maira aia ki roto i te sūnago i te rā Sābati, ko tāna ia peu tikāi, ē kua tū akera nō te tatau. 17Kua tuku'ia mai ki aia i te puka a te peroveta ra a Īsaia, ē kia 'e'eu akera aia, kitea i'ora e ia te ngā'i i tātā'ia ra ē,
18 #
Isa 61.1,2 “Tei runga a'o i āku te Vaerua o te 'Atu,
nō te mea, kua 'akatā'inu mai aia i āku 'ei tūtū 'aere i te 'ēvangelia ki te aronga rikiriki;
kua tono mai aia i āku 'ei 'akakite 'aere i te 'akaora'anga nō te aronga tuika'a,
ē kia kite 'aka'ou te matapō,
ē 'ei tuku i te ora rangatira ki te aronga tākinga kino'ia,
19'ei 'akakite 'aere i te mata'iti mareka'ia e te 'Atu.”
20Ē kua pōkai akera a Iēsū i te pōkaikai tuatua ra, tuku atura ki te tāvini, no'o i'ora ki raro. Ē kua 'ākara tāmou atura te mata o te kātoatoa i roto i te sūnago i aia. 21Kua 'akamata atura aia i te tuatua ki a rātou ē, “I tēianei rā kua tupu tikāi tēia tuatua i tātā'ia nei, tā kōtou i 'akarongo nei.”
22Kua 'akatika atura te kātoatoa i aia, ūmere atura i te tuatua mānea nō roto mai i tōna va'a, ē kua karanga i'ora rātou, “Kāre āina tēia i te tamaiti nā Iōsēpha ra?”
23Kua karanga atura aia ki a rātou, “'E mea pāpū, e riro kōtou i te tuatua mai ki āku i tēia 'aka'āite'anga e, ‘E te ta'unga, ka 'akaora i a koe 'ua'orāi. Ko te 'anga'anga kātoatoa tā mātou i 'akarongo ake nei, i rave koe i Kāperenāuma ra, e rave katoa koe i konei i tō'ou 'ua'orāi 'enua.’ ” 24#Ioa 4.44Kua nā kō akera aia, “Koia mou tāku e karanga atu ki a kōtou na, kāre 'e peroveta e 'āriki'ia mai i tōna 'ua'orāi 'enua.
25 #
1 Arik 17.1
“'E tika tikāi tēia tāku e karanga atu ki a kōtou na, 'e mānganui te au va'ine taka'ua i Īserā'ela i te tuātau i a Ēlia, ka mōmani'ia ai te rangi ra e toru akera mata'iti e ono 'oki marama, ka pini tākako'ia ai taua 'enua ra i te onge ma'ata. 26#1 Arik 17.8-16Kāre rā a Ēlia i tonokia atu ki a rātou ra, māri rā ki Zārēphata i Sīdona ki tēta'i va'ine taka'ua. 27#2 Arik 5.1-14'E mānganui 'oki te lēpera i Īserā'ela i te tuātau i te peroveta ra i a Elisaia, kāre rā tēta'i o rātou i tāmā'ia, māri rā ko Na'amana, te tangata Sūria.”
28Tei te 'akarongo'anga rātou i te reira, kua riri rava akera tō te sūnago katoa. 29Kua tū akera rātou ki runga, 'ōpara atura i aia ki va'o i taua 'ōire ra, arataki atura i aia ki te ni'a o taua maunga i 'akatū'ia ai tō rātou 'ōire ra nō te titiri atu i aia ki raro. 30'Aere atura rā aia, nā rotopū 'ua atura i a rātou te 'aere'anga.
'E tangata ma te vaerua vi'ivi'i i roto i aia
(Māreko 1.21-28)
31E tae atura a Iēsū ki Kāperenāuma, ko tēta'i 'ōire 'oki i Galilea, ē 'āpi'i atura i a rātou i te rā Sābati. 32#Māt 7.28,29Vā 'ua maira rātou i tāna 'āpi'i'anga nō te mana 'oki i tāna tuatua.
33Tei roto i taua sūnago ra tēta'i tangata, 'e vaerua dēmoni vi'ivi'i tei roto i aia, ē kua kāpiki 'ua maira ma te reo ma'ata, 34nā kō maira, “Auē, e Iēsū o Nāzarēta ē! 'E a'a tā'au i a mātou nei? I 'aere mai āina koe e tā i a mātou? Kua kite 'oki au i a koe, ko te Mea Tapu a te Atua ra.”
35Kua kauvae atura a Iēsū i aia, nā kō atura, “Ka mūtēkī! Ka 'aere mai ki va'o!” Kua titiri i'ora taua dēmoni ra i te tangata ki raro i rotopū i a rātou, 'aere maira ki va'o ma te kore e tākinga kino i taua tangata ra.
36Ūmeremere i'ora rātou rava rāi, ē kua tuatua i'ora rātou rātou 'ua'orāi, nā kō akera, “'E a'a ra tēnā na tuatua? Tē 'akaue nei 'oki aia i te au vaerua vi'ivi'i nei ma te mana ē te ririnui, ē tē 'aere nei rātou ki va'o!” 37E tutuki atura tōna rongo e pini rava akera taua 'enua ra.
Tē 'akaora nei a Iēsū 'e ma'ata te tangata
(Mātaio 8.14-17; Māreko 1.29-34)
38E riro atura a Iēsū ki va'o i taua sūnago ra, tomo atura aia ki roto i te 'are o Simona. Kua roko'ia te metua 'ōngai va'ine o Simona e te vera ma'ata, ē kua pati 'akatenga maira rātou i aia nō taua va'ine ra. 39Tū i'ora a Iēsū ki runga a'o i aia, kauvae atura i te vera, e peke kē atura te reira. Kua tū maira taua va'ine ra ki runga i reira, mātuāpuru maira i a rātou.
40E topa atura te rā, kua 'apai mai te au tangata i te aronga maki 'e mānganui te tū ra. Kua tuku atura aia i tōna rima ki runga i a rātou tātakita'i, 'akaora atura i a rātou. 41Ē te au dēmoni katoa i 'aere mai ki va'o i te au tangata 'e mānganui ma te kāpiki mai i te nā kō'anga ē, “Ko te Tamaiti koe a te Atua.”
Kua kauvae atura rā a Iēsū i a rātou ma te kore e 'akatika kia tuatua mai, nō te mea, kua kite rātou ē ko te Mesia aia.
Tē ako 'aere nei a Iēsū
(Māreko 1.35-39)
42E ao akera, riro kē atura a Iēsū ki tēta'i ngā'i motuta'a. Ē kua kimi maira taua urupū ma'ata ra i aia, ē kitea maira, kua pupuru maira i aia, auraka aia e 'akaruke i a rātou. 43Kua karanga atura rā aia ki a rātou, “E tūtū 'aere rāi au i te tuatua meitaki o te bāsileia o te Atua ki te au 'ōire kē atu e tikāi. Nō reira 'oki au i tonokia mai ei.”
44Kua ako atura 'oki aia i roto i te au sūnago o te 'enua o te Ngāti Iūda.
Valgt i Øjeblikket:
Luka 4: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Luka 4
4
Tō Iēsū tīmata'anga'ia
(Mātaio 4.1-11; Māreko 1.12-13)
1Kua 'oki maira a Iēsū mei Iōrīdāna mai ma te kī i te Vaerua Tapu, ē i arataki'ia aia e te Vaerua ki te mēdēbara. 2E 'ā nga'uru ra rā aia i te tīmata'ia e te Tiāporo. Ē kāre rāi aia i kai i tēta'i mea i taua au rā katoa ra, e 'ope akera pongi i'ora aia.
3Kua tuatua maira te Tiāporo ki aia, “'E Tamaiti koe nā te Atua ra, ka karanga atu koe ki tēianei toka kia riro mai 'ei kai.”
4 #
Deut 8.3
Kua pa'u atura a Iēsū ki aia, nā kō atura, “Kua tātā'ia ē, ‘Kāre ē ko te mānga anake ra te mea e ora ai te tangata nei.’ ”
5Kua arataki atura te Tiāporo i aia ki runga ē kua 'akaāri maira ki aia i te au bāsileia katoa o te ao nei i te kamo'angā mata nei. 6Ē kua tuatua maira te Tiāporo ki aia, “E 'ōronga atu au ki a koe i taua mana kātoatoa ra ē tōna au 'inu'inu. Kua tuku'ia mai 'oki ki āku, ē nāku e 'ōronga atu ki taku tangata e 'inangaro. 7Ē tēianei, kia tika i a koe i te 'akamori mai i āku, nō'ou kātoatoa anake ia.”
8 #
Deut 6.13
Kua pa'u atura a Iēsū ki aia, nā kō atura, “Kua tātā'ia ē, ‘Ko te 'Atu, tō'ou Atua ra, tā'au e 'akamori, ē ko ia anake rāi tā'au e tāvini.’ ”
9Kua arataki atura te Tiāporo i aia ki Iērūsalēma, ē kua tuku atura i aia ki runga a'o i te ngā'i teitei rava o te 'iero, ē kua karanga atura ki aia, “'E Tamaiti koe nā te Atua ra, 'akatopa atu koe i a koe 'ua'orāi ki raro mei tēianei ngā'i. 10#Sal 91.11,12Kua oti 'oki i te tātā'ia ē, ‘Ka 'iku'iku aia i tāna au 'āngela i a koe 'ei tiaki i a koe.’ 11Pērā katoa, ‘Ka mou rātou i a koe ki tō rātou rima, ko te tūkia 'ua atu ā'ea tō vaevae ki te toka.’ ”
12 #
Deut 6.16
Kua pa'u atura a Iēsū ki aia, nā kō atura, “Kua tuatua'ia mai ē, ‘Auraka koe e 'akakōkō atu i te 'Atu i tō'ou Atua ra.’ ”
13'E 'ope akera tā te Tiāporo tīmata'anga, 'akaruke maira i aia nō tēta'i tuātau tau meitaki tikāi.
Tē 'akamata nei a Iēsū i tāna 'anga'anga i Galilea
(Mātaio 4.12-17; Māreko 1.14-15)
14Kua 'oki maira a Iēsū ki Galilea ma te mana o te Vaerua. Tutuki akera tōna rongo e kako rava akera taua 'enua ra. 15'Āpi'i atura aia ki roto i tō rātou au sūnago ma te 'akangāteitei'ia e te kātoatoa.
Tē kōpae'ia nei a Iēsū i Nāzarēta
(Mātaio 13.53-58; Māreko 6.1-6)
16E tae maira a Iēsū ki Nāzarēta i te ngā'i i pakari ei aia ra. Ē kua tomo maira aia ki roto i te sūnago i te rā Sābati, ko tāna ia peu tikāi, ē kua tū akera nō te tatau. 17Kua tuku'ia mai ki aia i te puka a te peroveta ra a Īsaia, ē kia 'e'eu akera aia, kitea i'ora e ia te ngā'i i tātā'ia ra ē,
18 #
Isa 61.1,2 “Tei runga a'o i āku te Vaerua o te 'Atu,
nō te mea, kua 'akatā'inu mai aia i āku 'ei tūtū 'aere i te 'ēvangelia ki te aronga rikiriki;
kua tono mai aia i āku 'ei 'akakite 'aere i te 'akaora'anga nō te aronga tuika'a,
ē kia kite 'aka'ou te matapō,
ē 'ei tuku i te ora rangatira ki te aronga tākinga kino'ia,
19'ei 'akakite 'aere i te mata'iti mareka'ia e te 'Atu.”
20Ē kua pōkai akera a Iēsū i te pōkaikai tuatua ra, tuku atura ki te tāvini, no'o i'ora ki raro. Ē kua 'ākara tāmou atura te mata o te kātoatoa i roto i te sūnago i aia. 21Kua 'akamata atura aia i te tuatua ki a rātou ē, “I tēianei rā kua tupu tikāi tēia tuatua i tātā'ia nei, tā kōtou i 'akarongo nei.”
22Kua 'akatika atura te kātoatoa i aia, ūmere atura i te tuatua mānea nō roto mai i tōna va'a, ē kua karanga i'ora rātou, “Kāre āina tēia i te tamaiti nā Iōsēpha ra?”
23Kua karanga atura aia ki a rātou, “'E mea pāpū, e riro kōtou i te tuatua mai ki āku i tēia 'aka'āite'anga e, ‘E te ta'unga, ka 'akaora i a koe 'ua'orāi. Ko te 'anga'anga kātoatoa tā mātou i 'akarongo ake nei, i rave koe i Kāperenāuma ra, e rave katoa koe i konei i tō'ou 'ua'orāi 'enua.’ ” 24#Ioa 4.44Kua nā kō akera aia, “Koia mou tāku e karanga atu ki a kōtou na, kāre 'e peroveta e 'āriki'ia mai i tōna 'ua'orāi 'enua.
25 #
1 Arik 17.1
“'E tika tikāi tēia tāku e karanga atu ki a kōtou na, 'e mānganui te au va'ine taka'ua i Īserā'ela i te tuātau i a Ēlia, ka mōmani'ia ai te rangi ra e toru akera mata'iti e ono 'oki marama, ka pini tākako'ia ai taua 'enua ra i te onge ma'ata. 26#1 Arik 17.8-16Kāre rā a Ēlia i tonokia atu ki a rātou ra, māri rā ki Zārēphata i Sīdona ki tēta'i va'ine taka'ua. 27#2 Arik 5.1-14'E mānganui 'oki te lēpera i Īserā'ela i te tuātau i te peroveta ra i a Elisaia, kāre rā tēta'i o rātou i tāmā'ia, māri rā ko Na'amana, te tangata Sūria.”
28Tei te 'akarongo'anga rātou i te reira, kua riri rava akera tō te sūnago katoa. 29Kua tū akera rātou ki runga, 'ōpara atura i aia ki va'o i taua 'ōire ra, arataki atura i aia ki te ni'a o taua maunga i 'akatū'ia ai tō rātou 'ōire ra nō te titiri atu i aia ki raro. 30'Aere atura rā aia, nā rotopū 'ua atura i a rātou te 'aere'anga.
'E tangata ma te vaerua vi'ivi'i i roto i aia
(Māreko 1.21-28)
31E tae atura a Iēsū ki Kāperenāuma, ko tēta'i 'ōire 'oki i Galilea, ē 'āpi'i atura i a rātou i te rā Sābati. 32#Māt 7.28,29Vā 'ua maira rātou i tāna 'āpi'i'anga nō te mana 'oki i tāna tuatua.
33Tei roto i taua sūnago ra tēta'i tangata, 'e vaerua dēmoni vi'ivi'i tei roto i aia, ē kua kāpiki 'ua maira ma te reo ma'ata, 34nā kō maira, “Auē, e Iēsū o Nāzarēta ē! 'E a'a tā'au i a mātou nei? I 'aere mai āina koe e tā i a mātou? Kua kite 'oki au i a koe, ko te Mea Tapu a te Atua ra.”
35Kua kauvae atura a Iēsū i aia, nā kō atura, “Ka mūtēkī! Ka 'aere mai ki va'o!” Kua titiri i'ora taua dēmoni ra i te tangata ki raro i rotopū i a rātou, 'aere maira ki va'o ma te kore e tākinga kino i taua tangata ra.
36Ūmeremere i'ora rātou rava rāi, ē kua tuatua i'ora rātou rātou 'ua'orāi, nā kō akera, “'E a'a ra tēnā na tuatua? Tē 'akaue nei 'oki aia i te au vaerua vi'ivi'i nei ma te mana ē te ririnui, ē tē 'aere nei rātou ki va'o!” 37E tutuki atura tōna rongo e pini rava akera taua 'enua ra.
Tē 'akaora nei a Iēsū 'e ma'ata te tangata
(Mātaio 8.14-17; Māreko 1.29-34)
38E riro atura a Iēsū ki va'o i taua sūnago ra, tomo atura aia ki roto i te 'are o Simona. Kua roko'ia te metua 'ōngai va'ine o Simona e te vera ma'ata, ē kua pati 'akatenga maira rātou i aia nō taua va'ine ra. 39Tū i'ora a Iēsū ki runga a'o i aia, kauvae atura i te vera, e peke kē atura te reira. Kua tū maira taua va'ine ra ki runga i reira, mātuāpuru maira i a rātou.
40E topa atura te rā, kua 'apai mai te au tangata i te aronga maki 'e mānganui te tū ra. Kua tuku atura aia i tōna rima ki runga i a rātou tātakita'i, 'akaora atura i a rātou. 41Ē te au dēmoni katoa i 'aere mai ki va'o i te au tangata 'e mānganui ma te kāpiki mai i te nā kō'anga ē, “Ko te Tamaiti koe a te Atua.”
Kua kauvae atura rā a Iēsū i a rātou ma te kore e 'akatika kia tuatua mai, nō te mea, kua kite rātou ē ko te Mesia aia.
Tē ako 'aere nei a Iēsū
(Māreko 1.35-39)
42E ao akera, riro kē atura a Iēsū ki tēta'i ngā'i motuta'a. Ē kua kimi maira taua urupū ma'ata ra i aia, ē kitea maira, kua pupuru maira i aia, auraka aia e 'akaruke i a rātou. 43Kua karanga atura rā aia ki a rātou, “E tūtū 'aere rāi au i te tuatua meitaki o te bāsileia o te Atua ki te au 'ōire kē atu e tikāi. Nō reira 'oki au i tonokia mai ei.”
44Kua ako atura 'oki aia i roto i te au sūnago o te 'enua o te Ngāti Iūda.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.