Mātaio 15
15
Te 'āpi'i'anga a te 'ui tupuna
(Māreko 7.1-13)
1Kua 'aere maira i reira ēta'i Phārīsea ē te au Pū'āpi'i Ture ra ki a Iēsū mei Iērūsalēma mai, ē kua ui maira, 2“'E a'a te au pipi ā'au nei i 'a'ati ei i te 'āpi'i'anga a te 'ui tupuna ra? Kāre 'oki rātou e 'ōrei ana i tō rātou rima ka kai ei i te kai.”
3Kua pa'u atura a Iēsū, “'E a'a i reira kōtou i 'a'ati ei i te 'akaue'anga a te Atua ē i āru ei i tā kōtou 'ua'orāi 'āpi'i'anga? 4#a: Exo 20.12; Deut 5.16; b: Exo 21.17; Lev 20.9I 'akaue maira 'oki te Atua, ‘E 'akangāteitei atu i tō metua tāne, ē tō metua va'ine,’ ē, ‘Ko tēta'i 'ua atu tei 'akakino atu i tōna metua tāne, mē kāre ra metua va'ine, kia tāmate tākiri roa'ia ia.’ 5Tē tuatua nei rā kōtou ē, mē nā kō atu tēta'i tangata ki tōna metua tāne, mē kāre ra metua va'ine ē, ‘Ko tēta'i 'ua atu tauturu tei rauka i a koe mei konei atu i āku nei, 'e 'ātinga tapu ia ki te Atua,’ 6kia kore aia e 'akangāteitei atu i tōna metua tāne ē tōna metua va'ine ki te reira. Mei te reira kōtou i te 'akakore'anga i tā te Atua 'akaue'anga nō tā kōtou 'ua'orāi 'iku'iku'anga. 7E kōtou, te au tangata tāpikipiki ē! Tē tika 'ua ra tā Īsaia i tōna toto'u'anga i a kōtou i te nā kō'anga ē,
8 #
Isa 29.13
‘Tē 'akameitaki mai nei tēianei aronga tangata i āku ki tō rātou ngutu,
tei te ātea kē roa rā tō rātou ngākau i āku.
9'E 'akamori'anga pu'apingakore ra tā rātou i āku,
nō te mea, ko tā rātou au 'āpi'i'anga ra
nā te tangata 'ua 'oki te reira i tuku mai.’ ”
Ko te au mea e vi'ivi'i ei tēta'i tangata
(Māreko 7.14-23)
10Kua kāpiki atura a Iēsū i te urupū tangata ki aia ra, ē kua nā kō atura ki a rātou, “E 'akarongo mai kia nakiro! 11Kāre ē ko te mea tei ō ki roto i te va'a te mea e vi'ivi'i ei te tangata, ko tei nā roto mai rā i te va'a, ko te reira te mea e vi'ivi'i ei te tangata.”
12Kua 'aere maira tāna au pipi, nā kō maira ki aia, “Tē kite na koe ē, kua riri te au Phārīsea i te 'akarongo'anga i tēia tuatua nei?”
13Kua pa'u atura aia, nā kō atura, “Ko te au rākau rava rāi tei kore i tanumia e taku Metua i te ao ra, e kiriti tumu'ia ia. 14#Luk 6.39E 'akaruke 'ua atu i a rātou. 'E au arataki matapō ia i te matapō. Ē mē arataki te matapō i te matapō, ka topa kāpipiti i a rāua ki roto i te va'arua.”
15Kua pa'u maira a Pētero ki aia, nā kō maira, “E 'akamārama mai koe i tēia parabole nei ki a mātou.”
16Kua nā kō atura a Iēsū, “Ē kāre rāi kōtou i mārama ake? 17Kāre rāi kōtou i kite ē, ko te au mea kātoatoa tei ō atu ki roto i te va'a ra, e tae ia ki roto i te kōpū, ē 'akaātea'ia maira ki va'o? 18#Māt 12.34Kāreka te au mea tei 'aere mai ki va'o mei roto mai i te va'a, nō roto mai ia i te ngākau, ē ko ēia nei te au mea e vi'ivi'i ei te tangata. 19Nō roto mai 'oki i te ngākau te au manako kikino, te tā tangata, te 'akaturi, te moeāana, te keiā, te tāpepe pikika'a ē te 'akakino Atua. 20Ko te au mea ia e vi'ivi'i ei te tangata. Kāreka rā te kaikai ma te rima 'ōreikore'ia ra, kāre aia e vi'ivi'i i te reira.”
Te 'akarongo ma'ata o tēta'i va'ine
(Māreko 7.24-30)
21E 'akaruke maira i taua ngā'i ra, kua 'aere atura a Iēsū ki te au tu'anga 'enua o Tūria ē Sīdona. 22Ē inā, kua 'aere maira tēta'i va'ine nō Kanaana nō taua au kōtinga 'enua maira, kua kāpiki maira ki aia, nā kō maira, “E te 'Atu, te tamaiti a Dāvida, e tangi mai koe i āku! Kua ma'ata kino te maki dēmoni o taku tamā'ine.”
23Kāre rā a Iēsū i kī 'ua atu ki aia. Kua 'akavaitata maira tāna au pipi, ē kua pati maira ki aia, nā kō maira, “E tuaru atu i aia kia 'aere kē, nō te mea, tē kāpikipiki 'aere mai nei aia i muri i'o i a tātou.”
24Kua pa'u atura aia, nā kō atura, “Kāre au i tonokia mai, māri rā ki te au māmoe ngaro o te ngutu'are o Īserā'ela.”
25Kua 'aere 'ua maira taua va'ine ra, tīpapa maira ki mua i a Iēsū, nā kō maira, “E te 'Atu, e tauturu mai koe i āku!”
26Kua pa'u atura aia, nā kō atura, “Kāre i te mea meitaki i te rave i te varāoa a te tamariki ē ka titiri atu ei nā te punua kurī.”
27Kua nā kō maira taua va'ine ra, “'E tika rāi, e te 'Atu, tē kai nei rāi 'oki te au punua kurī i te 'unga'ungā kai e pururū ra mei runga mai i te kaingākai a tō rātou pū.”
28I reira kua pa'u atura a Iēsū, nā kō atura ki aia, “E mā'ine, 'e 'akarongo ma'ata tō'ou. Kia 'akapērā'ia rāi ki a koe ki tā'au i 'inangaro ra.” Ē kua ora tākiri akera tāna tamā'ine i taua ora rāi.
'E mānganui tā Iēsū tangata i 'akaora
29E 'akaruke maira a Iēsū i taua ngā'i ra, tae atura aia ki te pae i te tai roto o Galilea ra. Kua kake atura aia ki runga i te maunga, kua no'o i'ora ki reira. 30'E ma'ata te au urupū tangata i 'aere mai ki aia ra, ē kua 'apai katoa maira i tō rātou au pirikoki, matapō, mūrare, maki paruparu ē te au maki kē 'e mānganui, kua tuku i'ora ki te pae vaevae o Iēsū. Ē kua 'akaora atura aia i a rātou. 31Kua ūmeremere anake i'ora te au urupū tangata ma'ata ra i te kite'anga i te mūrare i te tuatua'anga, te maki paruparu i te māro'iro'i'anga, te pirikoki i te 'aere'anga ē te matapō i te kite'anga. Ē kua 'akakakā atura rātou i te Atua nō Īserā'ela.
'Āngai i'ora a Iēsū e 'ā tauatini tangata
(Māreko 8.1-10)
32Kua kāpiki atura a Iēsū i tāna au pipi ki aia, nā kō atura, “Tē tangi nei au i tēia urupū tangata ma'ata ra, nō te mea, ka toru ake nei ō rātou rā i konei i āku nei, ē kāre 'ua 'e mānga kia kai rātou. Ē kāre au e 'inangaro i te tuku pongi 'ua i a rātou kia 'aere, ko te matapōiri mai ā'ea rātou i te ara.”
33Kua tuatua maira tāna au pipi ki aia, “'Ei 'ea i te mēdēbara nei e rauka mai ei te taupūpū varāoa e rava ai nā tēia urupū tangata ma'ata?”
34Kua ui atura a Iēsū ki a rātou, “E 'ia ā kōtou taupūpū varāoa?”
Kua pa'u maira rātou, “E 'itu, ma ēta'i ika rikiriki.”
35Kua 'akaue atura a Iēsū i te au urupū tangata ra kia no'ono'o rātou ki raro. 36Kua rave i'ora aia i te au taupūpū varāoa ē 'itu ra ē te ika, kua 'akameitaki atura, vāvā'i i'ora, kua tuku atura ki tāna au pipi, ē nā te au pipi i tu'a atu ki te urupū tangata. 37Ē kua kai anake rātou kātoatoa, ē e pangia rava akera. Ē kua 'akaputuputu i'ora rātou i te 'unga'ungā kai toe ra, e 'itu kīkau i kī. 38Ko te aronga i kai ra, e 'ā tauatini tāne takakē i te au va'ine ē te tamariki.
39Kua tuku atura aia i te au urupū tangata kia 'aere, ē kua 'aere atura aia ki runga i te poti, ē kua uru atura ki te kōtinga 'enua o Māgadana.
Valgt i Øjeblikket:
Mātaio 15: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Mātaio 15
15
Te 'āpi'i'anga a te 'ui tupuna
(Māreko 7.1-13)
1Kua 'aere maira i reira ēta'i Phārīsea ē te au Pū'āpi'i Ture ra ki a Iēsū mei Iērūsalēma mai, ē kua ui maira, 2“'E a'a te au pipi ā'au nei i 'a'ati ei i te 'āpi'i'anga a te 'ui tupuna ra? Kāre 'oki rātou e 'ōrei ana i tō rātou rima ka kai ei i te kai.”
3Kua pa'u atura a Iēsū, “'E a'a i reira kōtou i 'a'ati ei i te 'akaue'anga a te Atua ē i āru ei i tā kōtou 'ua'orāi 'āpi'i'anga? 4#a: Exo 20.12; Deut 5.16; b: Exo 21.17; Lev 20.9I 'akaue maira 'oki te Atua, ‘E 'akangāteitei atu i tō metua tāne, ē tō metua va'ine,’ ē, ‘Ko tēta'i 'ua atu tei 'akakino atu i tōna metua tāne, mē kāre ra metua va'ine, kia tāmate tākiri roa'ia ia.’ 5Tē tuatua nei rā kōtou ē, mē nā kō atu tēta'i tangata ki tōna metua tāne, mē kāre ra metua va'ine ē, ‘Ko tēta'i 'ua atu tauturu tei rauka i a koe mei konei atu i āku nei, 'e 'ātinga tapu ia ki te Atua,’ 6kia kore aia e 'akangāteitei atu i tōna metua tāne ē tōna metua va'ine ki te reira. Mei te reira kōtou i te 'akakore'anga i tā te Atua 'akaue'anga nō tā kōtou 'ua'orāi 'iku'iku'anga. 7E kōtou, te au tangata tāpikipiki ē! Tē tika 'ua ra tā Īsaia i tōna toto'u'anga i a kōtou i te nā kō'anga ē,
8 #
Isa 29.13
‘Tē 'akameitaki mai nei tēianei aronga tangata i āku ki tō rātou ngutu,
tei te ātea kē roa rā tō rātou ngākau i āku.
9'E 'akamori'anga pu'apingakore ra tā rātou i āku,
nō te mea, ko tā rātou au 'āpi'i'anga ra
nā te tangata 'ua 'oki te reira i tuku mai.’ ”
Ko te au mea e vi'ivi'i ei tēta'i tangata
(Māreko 7.14-23)
10Kua kāpiki atura a Iēsū i te urupū tangata ki aia ra, ē kua nā kō atura ki a rātou, “E 'akarongo mai kia nakiro! 11Kāre ē ko te mea tei ō ki roto i te va'a te mea e vi'ivi'i ei te tangata, ko tei nā roto mai rā i te va'a, ko te reira te mea e vi'ivi'i ei te tangata.”
12Kua 'aere maira tāna au pipi, nā kō maira ki aia, “Tē kite na koe ē, kua riri te au Phārīsea i te 'akarongo'anga i tēia tuatua nei?”
13Kua pa'u atura aia, nā kō atura, “Ko te au rākau rava rāi tei kore i tanumia e taku Metua i te ao ra, e kiriti tumu'ia ia. 14#Luk 6.39E 'akaruke 'ua atu i a rātou. 'E au arataki matapō ia i te matapō. Ē mē arataki te matapō i te matapō, ka topa kāpipiti i a rāua ki roto i te va'arua.”
15Kua pa'u maira a Pētero ki aia, nā kō maira, “E 'akamārama mai koe i tēia parabole nei ki a mātou.”
16Kua nā kō atura a Iēsū, “Ē kāre rāi kōtou i mārama ake? 17Kāre rāi kōtou i kite ē, ko te au mea kātoatoa tei ō atu ki roto i te va'a ra, e tae ia ki roto i te kōpū, ē 'akaātea'ia maira ki va'o? 18#Māt 12.34Kāreka te au mea tei 'aere mai ki va'o mei roto mai i te va'a, nō roto mai ia i te ngākau, ē ko ēia nei te au mea e vi'ivi'i ei te tangata. 19Nō roto mai 'oki i te ngākau te au manako kikino, te tā tangata, te 'akaturi, te moeāana, te keiā, te tāpepe pikika'a ē te 'akakino Atua. 20Ko te au mea ia e vi'ivi'i ei te tangata. Kāreka rā te kaikai ma te rima 'ōreikore'ia ra, kāre aia e vi'ivi'i i te reira.”
Te 'akarongo ma'ata o tēta'i va'ine
(Māreko 7.24-30)
21E 'akaruke maira i taua ngā'i ra, kua 'aere atura a Iēsū ki te au tu'anga 'enua o Tūria ē Sīdona. 22Ē inā, kua 'aere maira tēta'i va'ine nō Kanaana nō taua au kōtinga 'enua maira, kua kāpiki maira ki aia, nā kō maira, “E te 'Atu, te tamaiti a Dāvida, e tangi mai koe i āku! Kua ma'ata kino te maki dēmoni o taku tamā'ine.”
23Kāre rā a Iēsū i kī 'ua atu ki aia. Kua 'akavaitata maira tāna au pipi, ē kua pati maira ki aia, nā kō maira, “E tuaru atu i aia kia 'aere kē, nō te mea, tē kāpikipiki 'aere mai nei aia i muri i'o i a tātou.”
24Kua pa'u atura aia, nā kō atura, “Kāre au i tonokia mai, māri rā ki te au māmoe ngaro o te ngutu'are o Īserā'ela.”
25Kua 'aere 'ua maira taua va'ine ra, tīpapa maira ki mua i a Iēsū, nā kō maira, “E te 'Atu, e tauturu mai koe i āku!”
26Kua pa'u atura aia, nā kō atura, “Kāre i te mea meitaki i te rave i te varāoa a te tamariki ē ka titiri atu ei nā te punua kurī.”
27Kua nā kō maira taua va'ine ra, “'E tika rāi, e te 'Atu, tē kai nei rāi 'oki te au punua kurī i te 'unga'ungā kai e pururū ra mei runga mai i te kaingākai a tō rātou pū.”
28I reira kua pa'u atura a Iēsū, nā kō atura ki aia, “E mā'ine, 'e 'akarongo ma'ata tō'ou. Kia 'akapērā'ia rāi ki a koe ki tā'au i 'inangaro ra.” Ē kua ora tākiri akera tāna tamā'ine i taua ora rāi.
'E mānganui tā Iēsū tangata i 'akaora
29E 'akaruke maira a Iēsū i taua ngā'i ra, tae atura aia ki te pae i te tai roto o Galilea ra. Kua kake atura aia ki runga i te maunga, kua no'o i'ora ki reira. 30'E ma'ata te au urupū tangata i 'aere mai ki aia ra, ē kua 'apai katoa maira i tō rātou au pirikoki, matapō, mūrare, maki paruparu ē te au maki kē 'e mānganui, kua tuku i'ora ki te pae vaevae o Iēsū. Ē kua 'akaora atura aia i a rātou. 31Kua ūmeremere anake i'ora te au urupū tangata ma'ata ra i te kite'anga i te mūrare i te tuatua'anga, te maki paruparu i te māro'iro'i'anga, te pirikoki i te 'aere'anga ē te matapō i te kite'anga. Ē kua 'akakakā atura rātou i te Atua nō Īserā'ela.
'Āngai i'ora a Iēsū e 'ā tauatini tangata
(Māreko 8.1-10)
32Kua kāpiki atura a Iēsū i tāna au pipi ki aia, nā kō atura, “Tē tangi nei au i tēia urupū tangata ma'ata ra, nō te mea, ka toru ake nei ō rātou rā i konei i āku nei, ē kāre 'ua 'e mānga kia kai rātou. Ē kāre au e 'inangaro i te tuku pongi 'ua i a rātou kia 'aere, ko te matapōiri mai ā'ea rātou i te ara.”
33Kua tuatua maira tāna au pipi ki aia, “'Ei 'ea i te mēdēbara nei e rauka mai ei te taupūpū varāoa e rava ai nā tēia urupū tangata ma'ata?”
34Kua ui atura a Iēsū ki a rātou, “E 'ia ā kōtou taupūpū varāoa?”
Kua pa'u maira rātou, “E 'itu, ma ēta'i ika rikiriki.”
35Kua 'akaue atura a Iēsū i te au urupū tangata ra kia no'ono'o rātou ki raro. 36Kua rave i'ora aia i te au taupūpū varāoa ē 'itu ra ē te ika, kua 'akameitaki atura, vāvā'i i'ora, kua tuku atura ki tāna au pipi, ē nā te au pipi i tu'a atu ki te urupū tangata. 37Ē kua kai anake rātou kātoatoa, ē e pangia rava akera. Ē kua 'akaputuputu i'ora rātou i te 'unga'ungā kai toe ra, e 'itu kīkau i kī. 38Ko te aronga i kai ra, e 'ā tauatini tāne takakē i te au va'ine ē te tamariki.
39Kua tuku atura aia i te au urupū tangata kia 'aere, ē kua 'aere atura aia ki runga i te poti, ē kua uru atura ki te kōtinga 'enua o Māgadana.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.