Mātaio 16
16
Te mānono'anga nō tēta'i 'akairo ūmere tikāi
(Māreko 8.11-13; Luka 12.54-56)
1 #
Māt 12.38; Luk 11.16 Kua 'aere maira te au Phārīsea ē te au Sādukea ē kua pati maira ki a Iēsū kia 'akaāri aia ki a rātou i tēta'i 'akairo ūmere tikāi mei te rangi mai i te tīmata i aia. 2Kua pa'u atura a Iēsū ki a rātou, “I te a'ia'i tē karanga na kōtou ē, ‘Ka meitaki te reva, nō te mea, kua muramura te rangi,’ 3ē i te pōpongi ra, ‘Ka 'uri'ia ākōnei, nō te mea, kua muramura ē te pōiri te rangi.’ Tē kite nei kōtou i te 'akapāpū i te tū o te rangi, kāre rā i te au 'akairo o te au tuātau. 4#Māt 12.39; Luk 11.29'E uki tangata kino ē te 'akaturi e pati mai nei i tēta'i 'akairo ūmere tikāi, ē kāre 'e 'akairo ūmere tikāi e 'ōronga'ia atu ki aia, māri rā i te 'akairo o Iōna.”
Ē kua 'aere atura aia ma te 'akaruke i a rātou.
Te 'ōpue a te au Phārīsea ē te au Sādukea
(Māreko 8.14-21)
5Kua ngaropōina i te au pipi i te 'apai atu i te kai i tō rātou 'aerenga ki tēta'i pae o te roto. 6#Luk 12.1Kua karanga atura a Iēsū ki a rātou, “E matakite meitaki i te 'ōpue a te au Phārīsea ē te au Sādukea.”
7Kua 'uri'uri manako i'ora rātou i rotopū i a rātou 'ua'orāi, nā kō akera, “Tē tuatua maira a Iēsū i tēia, nō te mea, kāre tātou i 'apai mai i te kai.”
8I tō Iēsū nakiro'anga i te reira, kua ui atura aia ki a rātou, “E te aronga 'akarongo meangiti nei, 'e a'a kōtou i 'uri'uri manako ei i rotopū i a kōtou ē, kāre ā kōtou kai? 9#Māt 14.17-21Kāre rāi kōtou e mārama? Kāre rāi kōtou e ma'ara i te au taupūpū varāoa e rima o te rima tauatini, e 'ia tāpora tā kōtou i 'apai atu? 10#Māt 15.34-38Mē kāre, i te au taupūpū varāoa e 'itu o te 'ā tauatini, e 'ia kīkau tā kōtou i 'apai atu? 11'Akapē'ea kōtou i kore ei e mārama ē kāre au e tuatua ki a kōtou nō te kai? E matakite rā i te 'ōpue a te au Phārīsea ē te au Sādukea!”
12I reira rātou i nakiro ei ē, kāre aia i tuatua kia matakite rātou i te 'ōpue o te varāoa, i te 'āpi'i'anga rā a te au Phārīsea ē te au Sādukea.
Tā Pētero 'a'aki'anga ē, ko 'ai a Iēsū
(Māreko 8.27-30; Luka 9.18-21)
13I tō Iēsū 'aere'anga ki te tu'anga 'enua o Kaisarea Philipi ra, kua ui atura aia ki tāna au pipi, nā kō atura, “Ko 'ai te Tamaiti a te Tangata nei i tā te au tangata tuatua'anga?”
14 #
Māt 14.1,2; Mār 6.14,15; Luk 9.7,8 Kua pa'u maira rātou, “Ko Ioane Bāpetīto tā ēta'i, ko Ēlia tā ēta'i, ko Iēremia, mē kāre, tēta'i o te au peroveta tā ēta'i kē atu.”
15Kua ui atura aia ki a rātou, “Ko 'ai rā au nei i tā kōtou tikāi tuatua'anga?”
16 #
Ioa 6.68,69 Kua pa'u maira a Simona Pētero, nā kō maira, “Ko te Mesia koe, ko te Tamaiti a te Atua ora.”
17Kua karanga atura a Iēsū ki aia, “'E ao tō'ou, e Simona Bara Iōna, nō te mea, kāre nā tēta'i tangata i 'akakite mai i te reira ki a koe, nā tōku Metua i te ao ra. 18Tē karanga katoa atu nei au ki a koe na, ko Pētero koe, ē ki runga i tēia tokapapa nei e patu ei au i tāku 'ēkālēsia, ē kāre rava ia e rauka i te ngūtupa o Āte. 19#Māt 18.18; Ioa 20.23E 'ōronga atu au i te au tāviri o te bāsileia o te ao ki a koe, ē tā'au e 'akamou i te 'enua nei, e 'akamou katoa'ia i te ao ra, ē tā'au e tatara i te 'enua nei, e tatara katoa'ia ia i te ao ra.” 20I reira i ako atu ei aia i tāna au pipi, kia kore rātou e 'akakite ki tēta'i 'ua atu tangata ē, ko ia te Mesia.
Tē tuatua ra a Iēsū i tōna mamae ē tōna mate
(Māreko 8.31—9.1; Luka 9.22-27)
21Mei te reira 'ati'anga mai i 'akamata ai a Iēsū i te 'akakite atu ki tāna au pipi ē, kia 'aere aia ki Iērūsalēma e tikāi, ē kia ma'ata tōna au mamae mate i te rima o te aronga pakari ē te kau ta'unga nunui ē te au Pū'āpi'i Ture, ē kia tāmate rava'ia 'oki, ē kia 'akatū'aka'ou'ia kia tae ki te pō toru.
22Kua arataki kē atura a Pētero i aia, kua ako atura ki aia, nā kō atura, “Auraka tākiri, e te 'Atu. 'Eia'a koe e pērā'ia mai.” 23Kua anga maira a Iēsū, tuatua maira ki a Pētero, “Ka 'aere kē atu koe, ē Sātani, ki muri i āku. 'E tumu koe nō te 'ara nōku. Kāre koe i tau i tā te Atua, ko tā te tangata rā.”
24 #
Māt 10.38; Luk 14.27 Ē kua karanga i reira a Iēsū ki tāna au pipi, “Kia 'inangaro te tangata i te 'aere nā muri i āku ra, e 'akaruke aia i aia 'ua'orāi, e 'apai i tāna sātauro, ka āru mai ei i āku. 25#Māt 10.39; Luk 17.33; Ioa 12.25Nō te mea, ko tei 'inangaro i te tāpū i tōna ora, kua ngere ia i te ora; ē ko tei tika i aia i te 'akangere i tōna ora nōku nei, e rauka i aia te ora. 26'E a'a 'oki tā te tangata nei pu'apinga kia rauka i aia tō tēianei ao kātoatoa, e riro atura tōna vaerua? Mē kāre rā, 'e a'a tā te tangata nei kia 'ōronga atu 'ei 'oko i tōna vaerua? 27#a: Māt 25.31; b: Sal 62.12; Rōm 2.6E tae mai 'oki te Tamaiti a te Tangata nei ma tāna au 'āngela ē te kakā o tōna Metua, ē i reira aia e tūtaki ei i te tangata tātakita'i kia tau ki tāna 'anga'anga. 28Koia mou tāku e karanga atu ki a kōtou na, kāre 'ua tēta'i pae o te aronga e tū mai nei e roko'ia e te mate, e kite ei rātou i te Tamaiti a te Tangata nei i te tae'anga mai ki roto i tōna bāsileia.”
Valgt i Øjeblikket:
Mātaio 16: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Mātaio 16
16
Te mānono'anga nō tēta'i 'akairo ūmere tikāi
(Māreko 8.11-13; Luka 12.54-56)
1 #
Māt 12.38; Luk 11.16 Kua 'aere maira te au Phārīsea ē te au Sādukea ē kua pati maira ki a Iēsū kia 'akaāri aia ki a rātou i tēta'i 'akairo ūmere tikāi mei te rangi mai i te tīmata i aia. 2Kua pa'u atura a Iēsū ki a rātou, “I te a'ia'i tē karanga na kōtou ē, ‘Ka meitaki te reva, nō te mea, kua muramura te rangi,’ 3ē i te pōpongi ra, ‘Ka 'uri'ia ākōnei, nō te mea, kua muramura ē te pōiri te rangi.’ Tē kite nei kōtou i te 'akapāpū i te tū o te rangi, kāre rā i te au 'akairo o te au tuātau. 4#Māt 12.39; Luk 11.29'E uki tangata kino ē te 'akaturi e pati mai nei i tēta'i 'akairo ūmere tikāi, ē kāre 'e 'akairo ūmere tikāi e 'ōronga'ia atu ki aia, māri rā i te 'akairo o Iōna.”
Ē kua 'aere atura aia ma te 'akaruke i a rātou.
Te 'ōpue a te au Phārīsea ē te au Sādukea
(Māreko 8.14-21)
5Kua ngaropōina i te au pipi i te 'apai atu i te kai i tō rātou 'aerenga ki tēta'i pae o te roto. 6#Luk 12.1Kua karanga atura a Iēsū ki a rātou, “E matakite meitaki i te 'ōpue a te au Phārīsea ē te au Sādukea.”
7Kua 'uri'uri manako i'ora rātou i rotopū i a rātou 'ua'orāi, nā kō akera, “Tē tuatua maira a Iēsū i tēia, nō te mea, kāre tātou i 'apai mai i te kai.”
8I tō Iēsū nakiro'anga i te reira, kua ui atura aia ki a rātou, “E te aronga 'akarongo meangiti nei, 'e a'a kōtou i 'uri'uri manako ei i rotopū i a kōtou ē, kāre ā kōtou kai? 9#Māt 14.17-21Kāre rāi kōtou e mārama? Kāre rāi kōtou e ma'ara i te au taupūpū varāoa e rima o te rima tauatini, e 'ia tāpora tā kōtou i 'apai atu? 10#Māt 15.34-38Mē kāre, i te au taupūpū varāoa e 'itu o te 'ā tauatini, e 'ia kīkau tā kōtou i 'apai atu? 11'Akapē'ea kōtou i kore ei e mārama ē kāre au e tuatua ki a kōtou nō te kai? E matakite rā i te 'ōpue a te au Phārīsea ē te au Sādukea!”
12I reira rātou i nakiro ei ē, kāre aia i tuatua kia matakite rātou i te 'ōpue o te varāoa, i te 'āpi'i'anga rā a te au Phārīsea ē te au Sādukea.
Tā Pētero 'a'aki'anga ē, ko 'ai a Iēsū
(Māreko 8.27-30; Luka 9.18-21)
13I tō Iēsū 'aere'anga ki te tu'anga 'enua o Kaisarea Philipi ra, kua ui atura aia ki tāna au pipi, nā kō atura, “Ko 'ai te Tamaiti a te Tangata nei i tā te au tangata tuatua'anga?”
14 #
Māt 14.1,2; Mār 6.14,15; Luk 9.7,8 Kua pa'u maira rātou, “Ko Ioane Bāpetīto tā ēta'i, ko Ēlia tā ēta'i, ko Iēremia, mē kāre, tēta'i o te au peroveta tā ēta'i kē atu.”
15Kua ui atura aia ki a rātou, “Ko 'ai rā au nei i tā kōtou tikāi tuatua'anga?”
16 #
Ioa 6.68,69 Kua pa'u maira a Simona Pētero, nā kō maira, “Ko te Mesia koe, ko te Tamaiti a te Atua ora.”
17Kua karanga atura a Iēsū ki aia, “'E ao tō'ou, e Simona Bara Iōna, nō te mea, kāre nā tēta'i tangata i 'akakite mai i te reira ki a koe, nā tōku Metua i te ao ra. 18Tē karanga katoa atu nei au ki a koe na, ko Pētero koe, ē ki runga i tēia tokapapa nei e patu ei au i tāku 'ēkālēsia, ē kāre rava ia e rauka i te ngūtupa o Āte. 19#Māt 18.18; Ioa 20.23E 'ōronga atu au i te au tāviri o te bāsileia o te ao ki a koe, ē tā'au e 'akamou i te 'enua nei, e 'akamou katoa'ia i te ao ra, ē tā'au e tatara i te 'enua nei, e tatara katoa'ia ia i te ao ra.” 20I reira i ako atu ei aia i tāna au pipi, kia kore rātou e 'akakite ki tēta'i 'ua atu tangata ē, ko ia te Mesia.
Tē tuatua ra a Iēsū i tōna mamae ē tōna mate
(Māreko 8.31—9.1; Luka 9.22-27)
21Mei te reira 'ati'anga mai i 'akamata ai a Iēsū i te 'akakite atu ki tāna au pipi ē, kia 'aere aia ki Iērūsalēma e tikāi, ē kia ma'ata tōna au mamae mate i te rima o te aronga pakari ē te kau ta'unga nunui ē te au Pū'āpi'i Ture, ē kia tāmate rava'ia 'oki, ē kia 'akatū'aka'ou'ia kia tae ki te pō toru.
22Kua arataki kē atura a Pētero i aia, kua ako atura ki aia, nā kō atura, “Auraka tākiri, e te 'Atu. 'Eia'a koe e pērā'ia mai.” 23Kua anga maira a Iēsū, tuatua maira ki a Pētero, “Ka 'aere kē atu koe, ē Sātani, ki muri i āku. 'E tumu koe nō te 'ara nōku. Kāre koe i tau i tā te Atua, ko tā te tangata rā.”
24 #
Māt 10.38; Luk 14.27 Ē kua karanga i reira a Iēsū ki tāna au pipi, “Kia 'inangaro te tangata i te 'aere nā muri i āku ra, e 'akaruke aia i aia 'ua'orāi, e 'apai i tāna sātauro, ka āru mai ei i āku. 25#Māt 10.39; Luk 17.33; Ioa 12.25Nō te mea, ko tei 'inangaro i te tāpū i tōna ora, kua ngere ia i te ora; ē ko tei tika i aia i te 'akangere i tōna ora nōku nei, e rauka i aia te ora. 26'E a'a 'oki tā te tangata nei pu'apinga kia rauka i aia tō tēianei ao kātoatoa, e riro atura tōna vaerua? Mē kāre rā, 'e a'a tā te tangata nei kia 'ōronga atu 'ei 'oko i tōna vaerua? 27#a: Māt 25.31; b: Sal 62.12; Rōm 2.6E tae mai 'oki te Tamaiti a te Tangata nei ma tāna au 'āngela ē te kakā o tōna Metua, ē i reira aia e tūtaki ei i te tangata tātakita'i kia tau ki tāna 'anga'anga. 28Koia mou tāku e karanga atu ki a kōtou na, kāre 'ua tēta'i pae o te aronga e tū mai nei e roko'ia e te mate, e kite ei rātou i te Tamaiti a te Tangata nei i te tae'anga mai ki roto i tōna bāsileia.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.