Mātaio 17
17
Tō Iēsū 'akatūkē'anga'ia
(Māreko 9.2-13; Luka 9.28-36)
1E topa akera ngā rā e ono kua arataki atura a Iēsū i a Pētero, i a Iākōbo ē tōna teina i a Ioane, ki runga i tēta'i maunga teitei, ko rātou anake ra. 2Ē kua 'akatūkē'ia aia ki mua i a rātou, kakā atura tōna mata mei te rā ra, e teatea atura tōna kāka'u mei te mārama ra. 3Ē inā, kua mama maira a Mōse rāua ko Ēlia ki a rātou ra i te tuatua'anga mai ki aia. 4Ē kua karanga atura a Pētero ki a Iēsū, nā kō atura, “E te 'Atu, 'e mea meitaki kia no'o tātou i konei. Mē ka tika i a koe, e 'akatū au i e toru 'are pū'ākapa i konei: 'okota'i nō'ou, 'okota'i nō Mōse ē 'okota'i nō Ēlia.”
5 # a:
Gen 22.2; Sal 2.7; Isa 42.1; Māt 3.17; 12.18; Mār 1.11; Luk 3.22; b:
Deut 18.15
#
2 Pet 1.17,18 Ē tē tuatua ra aia, inā, tēta'i tiao kakā maira tei tāmarū mai nā runga a'o i a rātou, ē inā, tēta'i reo maira nā roto i taua tiao ra, nā kō maira, “Ko taku Tamaiti tēia tei 'akaperepere'ia, kua mareka rava au i aia. E 'akarongo kōtou i aia.”
6E 'akarongo akera te au pipi i te reira, kua tīpapa i'ora rātou, mataku roa akera. 7E 'akavaitata maira a Iēsū, kua 'āmiri maira i a rātou, tuatua maira, “Ka tū, auraka e mataku.” 8Ē kia 'ākara akera ō rātou mata ki runga, kāre 'ua akera 'e tangata i kitea'ia e rātou, māri 'ua ko Iēsū anake ra.
9Ē tei tō rātou 'eke'anga mai mei runga mai i te maunga ra, kua 'akaue atura a Iēsū i a rātou, nā kō atura, “Auraka e 'akakite i te 'ōrama tā kōtou i kite ki tēta'i 'ua atu tangata kia tū 'aka'ou roa mai te Tamaiti a te Tangata mei te mate maira.”
10 #
Mal 4.5
Kua ui maira tāna au pipi ki aia, nā kō maira, “'E a'a i tuatua mai ei te au Pū'āpi'i Ture ē, ko Ēlia te ka nā mua mai?”
11Kua pa'u atura a Iēsū ki a rātou, nā kō atura, “E nā mua tikāi 'oki a Ēlia i te 'aere'anga mai e 'akatika i te au mea kātoatoa. 12#Māt 11.14Inārā, e karanga atu nei au ki a kōtou, kua riro mai ana a Ēlia, kāre rā rātou i kite i aia. Kua rave atura rā rātou ki aia i tā rātou i 'inangaro ra. Ē ka pērā katoa 'oki rātou i te tākinga kino'anga mai i te Tamaiti a te Tangata nei.”
13Nakiro atura te au pipi ra ē, ko Ioane Bāpetīto tāna i tuatua maira.
Tē 'akaora nei a Iēsū i tēta'i tamaiti 'e vaerua kino tōna
(Māreko 9.14-29; Luka 9.37-43a)
14Ē tē 'aere atura a Iēsū ē Pētero, ē Iākōbo ē Ioane ki te urupū ma'ata ra, kua 'aere maira tēta'i tangata, kua tuturi maira ki mua i aia, nā kō maira, 15“E te 'Atu, e tangi mai koe i taku tamaiti; 'e nēneva 'oki aia, 'e ma'ata kino 'oki tōna roko'ia'anga; nō te mea, 'e mānganui tōna 'inga'anga ki roto i te a'i ē ki roto 'oki i te vai. 16Ē i 'apaina'ia mai aia e au ki te au pipi nā'au nei, ē kāre aia i ora i a rātou.”
17Kua pa'u atura a Iēsū, nā kō atura, “Auē ia uki 'akarongokore ē te tārurikē'ia ē! Mei te a'a te roa o tōku no'o'anga ki ō kōtou nei? Mei te a'a te roa o tōku 'akakoromaki'anga atu i a kōtou? E 'apai mai i aia ki āku nei.” 18Kua kauvae'ia atura taua dēmoni ra e Iēsū, kua 'aere atura ki va'o. Ora tākiri akera taua tamaiti ra i taua ora rāi.
19Kua 'aere pōiri maira tāna au pipi ki a Iēsū i reira ra, nā kō maira, “'E a'a i kore ei e rauka i a mātou nei kia tuaru atu i aia ki va'o?”
20 #
Māt 21.21; Mār 11.23; 1 Kōr 13.2 Kua pa'u atura a Iēsū ki a rātou, “Nō tō kōtou 'akarongokore! Koia mou tāku e karanga atu ki a kōtou nei, 'āngairi 'e 'akarongo tō kōtou mei tēta'i 'ua sinapi nei, ka tuatua atu kōtou ki tēianei maunga, ‘E neke mei konei atu ki kō!’ ē nāna e neke atu. Ē kāre rava 'e mea e kore e tika i a kōtou kia rave.”#17.20 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 21 Kāre tēianei tū dēmoni e 'aere ki va'o, māri 'ua, i te pure ē te 'akakore'angā kai.
Tē tuatua 'aka'ou nei a Iēsū i tōna matenga
(Māreko 9.30-32; Luka 9.43b-45)
22Ē tō te au pipi putuputu'anga i Galilea i karanga atu ei a Iēsū ki a rātou, “E riro te Tamaiti a te Tangata nei i te tuku'ia atu ki roto i te rima tangata, 23ē e tā tākiri rātou i aia, ē i te toru o te rā e 'akatū'aka'ou'ia mai ei aia.” E taitaiā ma'ata rava atura rātou.
Te tūtaki'anga i te tero nō te 'iero
24 #
Exo 30.13; 38.26 E tae atura a Iēsū ē tāna au pipi ki Kāperenāuma, kua 'aere maira te aronga e ko'i ana i te tero nō te 'iero ki a Pētero, nā kō maira, “Tē tūtaki āina tō kōtou pū'āpi'i i te tero nō te 'iero?”
25Kua pa'u atura aia, “Āe.”
Ē i te tomo'anga atu a Pētero ki roto i te 'are, kua manako kē ana a Iēsū i te tuatua mai ki aia, nā kō maira, “'E a'a tō'ou manako, e Simona? Mei ko mai i a 'ai tō te 'ui ariki o tēianei ao ko'i'anga mai i te 'apinga 'uipā ē te tero? Mei tā rātou 'ua'orāi tamariki āina, mē kāre, mei te tangata kē āina?”
26Kua pa'u atura a Pētero, “Mei te tangata kē.” Kua tuatua maira a Iēsū ki aia, “Nō reira, kua rangatira te tamariki. 27Inārā, ko te kinokino mai ā'ea rātou i a tātou nei, e 'aere atu koe ki te pae tai, e titiri atu ei i tēta'i matau, ē ka 'apai mai ei i te ika mua i kai maira. Ē kia 'a'ae koe i tōna va'a ra, ka kite koe i tēta'i moni 'ārio, ko tā'au ia e 'apai atu ē e 'ōronga ki a rātou nā tāua katoa.”
Valgt i Øjeblikket:
Mātaio 17: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Mātaio 17
17
Tō Iēsū 'akatūkē'anga'ia
(Māreko 9.2-13; Luka 9.28-36)
1E topa akera ngā rā e ono kua arataki atura a Iēsū i a Pētero, i a Iākōbo ē tōna teina i a Ioane, ki runga i tēta'i maunga teitei, ko rātou anake ra. 2Ē kua 'akatūkē'ia aia ki mua i a rātou, kakā atura tōna mata mei te rā ra, e teatea atura tōna kāka'u mei te mārama ra. 3Ē inā, kua mama maira a Mōse rāua ko Ēlia ki a rātou ra i te tuatua'anga mai ki aia. 4Ē kua karanga atura a Pētero ki a Iēsū, nā kō atura, “E te 'Atu, 'e mea meitaki kia no'o tātou i konei. Mē ka tika i a koe, e 'akatū au i e toru 'are pū'ākapa i konei: 'okota'i nō'ou, 'okota'i nō Mōse ē 'okota'i nō Ēlia.”
5 # a:
Gen 22.2; Sal 2.7; Isa 42.1; Māt 3.17; 12.18; Mār 1.11; Luk 3.22; b:
Deut 18.15
#
2 Pet 1.17,18 Ē tē tuatua ra aia, inā, tēta'i tiao kakā maira tei tāmarū mai nā runga a'o i a rātou, ē inā, tēta'i reo maira nā roto i taua tiao ra, nā kō maira, “Ko taku Tamaiti tēia tei 'akaperepere'ia, kua mareka rava au i aia. E 'akarongo kōtou i aia.”
6E 'akarongo akera te au pipi i te reira, kua tīpapa i'ora rātou, mataku roa akera. 7E 'akavaitata maira a Iēsū, kua 'āmiri maira i a rātou, tuatua maira, “Ka tū, auraka e mataku.” 8Ē kia 'ākara akera ō rātou mata ki runga, kāre 'ua akera 'e tangata i kitea'ia e rātou, māri 'ua ko Iēsū anake ra.
9Ē tei tō rātou 'eke'anga mai mei runga mai i te maunga ra, kua 'akaue atura a Iēsū i a rātou, nā kō atura, “Auraka e 'akakite i te 'ōrama tā kōtou i kite ki tēta'i 'ua atu tangata kia tū 'aka'ou roa mai te Tamaiti a te Tangata mei te mate maira.”
10 #
Mal 4.5
Kua ui maira tāna au pipi ki aia, nā kō maira, “'E a'a i tuatua mai ei te au Pū'āpi'i Ture ē, ko Ēlia te ka nā mua mai?”
11Kua pa'u atura a Iēsū ki a rātou, nā kō atura, “E nā mua tikāi 'oki a Ēlia i te 'aere'anga mai e 'akatika i te au mea kātoatoa. 12#Māt 11.14Inārā, e karanga atu nei au ki a kōtou, kua riro mai ana a Ēlia, kāre rā rātou i kite i aia. Kua rave atura rā rātou ki aia i tā rātou i 'inangaro ra. Ē ka pērā katoa 'oki rātou i te tākinga kino'anga mai i te Tamaiti a te Tangata nei.”
13Nakiro atura te au pipi ra ē, ko Ioane Bāpetīto tāna i tuatua maira.
Tē 'akaora nei a Iēsū i tēta'i tamaiti 'e vaerua kino tōna
(Māreko 9.14-29; Luka 9.37-43a)
14Ē tē 'aere atura a Iēsū ē Pētero, ē Iākōbo ē Ioane ki te urupū ma'ata ra, kua 'aere maira tēta'i tangata, kua tuturi maira ki mua i aia, nā kō maira, 15“E te 'Atu, e tangi mai koe i taku tamaiti; 'e nēneva 'oki aia, 'e ma'ata kino 'oki tōna roko'ia'anga; nō te mea, 'e mānganui tōna 'inga'anga ki roto i te a'i ē ki roto 'oki i te vai. 16Ē i 'apaina'ia mai aia e au ki te au pipi nā'au nei, ē kāre aia i ora i a rātou.”
17Kua pa'u atura a Iēsū, nā kō atura, “Auē ia uki 'akarongokore ē te tārurikē'ia ē! Mei te a'a te roa o tōku no'o'anga ki ō kōtou nei? Mei te a'a te roa o tōku 'akakoromaki'anga atu i a kōtou? E 'apai mai i aia ki āku nei.” 18Kua kauvae'ia atura taua dēmoni ra e Iēsū, kua 'aere atura ki va'o. Ora tākiri akera taua tamaiti ra i taua ora rāi.
19Kua 'aere pōiri maira tāna au pipi ki a Iēsū i reira ra, nā kō maira, “'E a'a i kore ei e rauka i a mātou nei kia tuaru atu i aia ki va'o?”
20 #
Māt 21.21; Mār 11.23; 1 Kōr 13.2 Kua pa'u atura a Iēsū ki a rātou, “Nō tō kōtou 'akarongokore! Koia mou tāku e karanga atu ki a kōtou nei, 'āngairi 'e 'akarongo tō kōtou mei tēta'i 'ua sinapi nei, ka tuatua atu kōtou ki tēianei maunga, ‘E neke mei konei atu ki kō!’ ē nāna e neke atu. Ē kāre rava 'e mea e kore e tika i a kōtou kia rave.”#17.20 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 21 Kāre tēianei tū dēmoni e 'aere ki va'o, māri 'ua, i te pure ē te 'akakore'angā kai.
Tē tuatua 'aka'ou nei a Iēsū i tōna matenga
(Māreko 9.30-32; Luka 9.43b-45)
22Ē tō te au pipi putuputu'anga i Galilea i karanga atu ei a Iēsū ki a rātou, “E riro te Tamaiti a te Tangata nei i te tuku'ia atu ki roto i te rima tangata, 23ē e tā tākiri rātou i aia, ē i te toru o te rā e 'akatū'aka'ou'ia mai ei aia.” E taitaiā ma'ata rava atura rātou.
Te tūtaki'anga i te tero nō te 'iero
24 #
Exo 30.13; 38.26 E tae atura a Iēsū ē tāna au pipi ki Kāperenāuma, kua 'aere maira te aronga e ko'i ana i te tero nō te 'iero ki a Pētero, nā kō maira, “Tē tūtaki āina tō kōtou pū'āpi'i i te tero nō te 'iero?”
25Kua pa'u atura aia, “Āe.”
Ē i te tomo'anga atu a Pētero ki roto i te 'are, kua manako kē ana a Iēsū i te tuatua mai ki aia, nā kō maira, “'E a'a tō'ou manako, e Simona? Mei ko mai i a 'ai tō te 'ui ariki o tēianei ao ko'i'anga mai i te 'apinga 'uipā ē te tero? Mei tā rātou 'ua'orāi tamariki āina, mē kāre, mei te tangata kē āina?”
26Kua pa'u atura a Pētero, “Mei te tangata kē.” Kua tuatua maira a Iēsū ki aia, “Nō reira, kua rangatira te tamariki. 27Inārā, ko te kinokino mai ā'ea rātou i a tātou nei, e 'aere atu koe ki te pae tai, e titiri atu ei i tēta'i matau, ē ka 'apai mai ei i te ika mua i kai maira. Ē kia 'a'ae koe i tōna va'a ra, ka kite koe i tēta'i moni 'ārio, ko tā'au ia e 'apai atu ē e 'ōronga ki a rātou nā tāua katoa.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.