Mātaio 25
25
Te parabole o te au pāretēnia e ta'i nga'uru
1 #
Luk 12.35
“I taua tuātau rā, ka 'aka'āite'ia te bāsileia o te ao ra ki e ta'i nga'uru pāretēnia tei rave i tā rātou au mōrī, ē e 'aere atura kia 'ārāvei i te tāne 'akaipoipo 'ōu ra. 2E tokorima rātou 'e aronga pakari, e tokorima 'e aronga nēneva, 3nō te mea, te aronga nēneva ra, kua 'apai i tā rātou au mōrī, ē kāre i 'apai i te 'inu. 4Ko te aronga pakari rā, kua 'apai atura i te 'inu i roto i te 'āriki ma tō rātou au mōrī. 5Kua tāroaroa i'ora te tāne 'akaipoipo 'ōu ra ē kua vareā moe rātou rava rāi, moe atura.
6“E tae akera ki te tūruā'ipō, ko te kāpiki maira, ‘Inā, te tāne 'akaipoipo 'ōu! Ka 'aere kōtou e 'ārāvei atu i aia!’ 7Kua tū akera taua au pāretēnia katoa ra ki runga, ē kua 'akate'ate'amamao i tā rātou au mōrī. 8Kua pati atura te aronga nēneva ki te aronga pakari, ‘E 'ō mai ki a mātou i tēta'i mānga o tā kōtou 'inu, tē matemate nei 'oki tā mātou au mōrī.’ 9Kua pa'u maira te aronga pakari, nā kō maira, ‘Kāre pa'a e rava nō mātou ē nō kōtou katoa. 'E ngari ake kia 'aere kōtou ki te aronga 'oko'oko e 'oko nā kōtou 'ua'orāi.’ 10Ē tē 'aere atura rātou e 'oko ra, tae maira taua tāne 'akaipoipo 'ōu ra. Ē te aronga i te'ate'amamao ra, kua 'aere atura ma ia ki roto i te 'ōro'a 'akaipoipo'anga ra. Tōpiri'ia i'ora te pā.
11 #
Luk 13.25
“Ē i muri ake, kua 'aere maira tēta'i pae pāretēnia ra, nā kō maira, ‘E te 'Atu, e te 'Atu, ka 'e'eu mai ana i te pā i a mātou!’ 12Kua pa'u atura aia, ‘Koia mou tāku e karanga atu ki a kōtou, kāre au i kite i a kōtou.’ 13Nō reira, e ara, kāre 'oki kōtou i kite i te rā ē te ora.”
Te parabole o te au tālēni
(Luka 19.11-27)
14 #
Luk 19.11-27
“E 'āite katoa te bāsileia o te ao ra ki tēta'i tangata e 'aere ki tēta'i 'enua kē, ē kua kāpiki i tōna au tāvini ē kua tuku atura i tāna au 'apinga ki a rātou. 15Kua tuku atura aia e rima tauatini moni 'auro ki tēta'i, e rua 'oki tauatini ki tēta'i, e 'okota'i 'ua tauatini ki tēta'i, mei tei tau ki te kite o te tangata tātakita'i. Kua 'aere atura aia ki te 'enua kē ra. 16I taua 'ati'anga rāi kua 'aere atura tei rave i e rima tauatini moni 'auro ra, tā'anga'anga atura i a rātou, rauka maira i aia e rima 'aka'ou tauatini tere. 17Pērā katoa tei aia e rua tauatini moni 'auro ra, rauka maira i aia e rua 'aka'ou tauatini tere. 18Kāreka ko tei rave i te tauatini moni 'auro 'okota'i ra, 'aere atura ia, ē kō atura i tēta'i va'arua i roto i te one, 'u'una atura i te moni a tōna pū.
19“E roa akera, 'oki maira te pū o taua aronga tāvini ra ē kua 'akamata i te 'akatano i tāna tuatua ki a rātou. 20Kua 'aere maira tei rave i e rima tauatini moni 'auro ra, tao'i katoa maira i e rima 'aka'ou tauatini tere, nā kō maira, ‘E te 'atu, e rima tauatini moni 'auro tā'au i tuku mai ki āku. Inā, e rima 'aka'ou tauatini i rauka mai i āku.’ 21Kua nā kō atura tōna pū ki aia, ‘Meitaki rava, e te tāvini meitaki ē te 'irinaki'ia ē! Kua 'ākono meitaki koe i te mea meangiti 'ua, ka tuku atu au i a koe ki runga a'o i te mea ma'ata. E 'aere koe ki roto i te rekareka o tō'ou pū.’
22“Kua 'aere katoa maira tei aia e rua tauatini moni 'auro ra, nā kō maira, ‘E te 'atu, e rua tauatini moni 'auro tā'au i tuku mai ki āku. Inā, e rua 'aka'ou tauatini i rauka mai i āku.’ 23Kua nā kō atura tōna pū ki aia, ‘Meitaki rava, e te tāvini meitaki ē te 'irinaki'ia ē! Kua 'ākono meitaki koe i te mea meangiti 'ua, ka tuku atu au i a koe ki runga a'o i te mea ma'ata. E 'aere koe ki roto i te rekareka o tō'ou pū.’
24“Kua 'aere katoa maira tei rave i te tālēni 'okota'i, nā kō maira, ‘E te 'atu, kua kite au ē, 'e tangata roto riri koe. E kokoti rāi koe i te ngā'i kāre koe i tanu, ē e 'akaputuputu 'ua koe mei te ngā'i kāre koe i rūrū. 25Mataku akera au. Kua 'aere atura au e 'u'una i'ora i tā'au tauatini moni 'auro ra ki raro i te one. Inā, tēia 'aka'ou mai nei tā'au tauatini moni.’
26“Kua pa'u atura tōna pū ki aia, kua nā kō atura, ‘E te tāvini kino ē te ngoru ē! Kua kite koe ē, tē kokoti nei au i te ngā'i kāre au i tanu, ē tē 'akaputuputu nei au mei te ngā'i kāre au i rūrū. 27Te tika'anga i reira kia tuku atu koe i tāku moni ki roto i te pāngika, ē i tōku 'oki'anga mai ka rauka mai i āku tāku moni ē tēta'i moni tere. 28Ka rave mai i tāna tālēni ē e 'ōronga atu ki te tāvini e ta'i nga'uru āna tālēni. 29#Māt 13.12; Mār 4.25; Luk 8.18Nō te mea, tēta'i 'ua atu tei pu'apinga'ia ra, 'e ma'ata atu te ka 'ōronga'ia atu ki aia kia ma'ata roa atu tāna. Ko tēta'i 'ua atu kāre āna ra, e rave kē'ia ia rāi tāna. 30#Māt 8.12; 22.13; Luk 13.28Ē e 'uri atu i taua tāvini pu'apingakore nei ki va'o i te pōiri ra, tei reira te auē'anga ē te pākati'angā ni'o ra.’ ”
Te 'akavā'anga o te au 'iti tangata
31 # a:
Māt 16.27; b:
Māt 19.28
“Ē kia tae mai te Tamaiti a te Tangata ma tōna kakā ē te au 'āngela rava rāi, 'ei reira aia e no'o ei ki runga a'o i tōna terōno kakā. 32Ē ka 'akaputuputu'ia te au 'iti tangata rava rāi ki mua i tōna aroaro. Ē nāna e 'akatakakē i a rātou, mei te tiaki māmoe e 'akatakakē i te au māmoe ē te au puakani'o. 33Ē e tuku aia i te au māmoe ki tōna rima katau, kāreka te au puakani'o ki te rima kaui ia. 34'Ei reira e tuatua mai ei te Ariki ki a rātou ki tōna rima katau ra, ‘E 'aere mai kōtou, te aronga i 'akameitaki'ia mai e taku Metua ē, e no'o ki te bāsileia i 'akate'ate'amamao'ia nō kōtou mei te 'akamata'anga mai rāi i te 'enua nei. 35Nō te mea, i pongi ana au, ē kua 'āngai mai kōtou i āku. I kakī vai ana au, ē kua 'aka'āinu mai kōtou i āku. I tangata kē ana au, ē nā kōtou i 'ō'ō mai i āku. 36I kāka'ukore ana au ē kua 'akakāka'u mai kōtou i āku. I maki ana au, ē kua utuutu mai kōtou i āku. I roto au i te 'are 'āuri, ē kua 'aere mai kōtou ki āku.’
37“'Ei reira ka ui atu ei te aronga tuatua tika ki aia, nā kō atura, ‘E te 'Atu, i nā'ea mātou i 'ākara ai i a koe i te pongi'anga ē kua 'āngai, i te kakī'angā vai ē kua 'aka'āinu? 38I nā'ea mātou i kite atu ei i a koe i te tangata kē'anga ē kua 'ō'ō mai, i te kāka'ukore'anga ē kua 'akakāka'u atu? 39I nā'ea mātou i kite atu ei i a koe i te maki'anga ē i roto i te 'are 'āuri, ē kua 'aere atu ki a koe na?’ 40Ē ka pa'u mai te Ariki ki a rātou, nā kō maira, ‘Koia mou tāku e karanga atu ki a kōtou: Tēta'i 'ua atu mea tā kōtou i rave nō tēta'i o taku au taeake rikiriki rava nei, kua rave mai kōtou ki āku.’
41“'Ei reira aia e tuatua mai ki a rātou ki tōna rima kaui, ‘E 'aere kē atu kōtou, te aronga i tauma'a'ia, ki roto i te a'i mutukore tei 'akate'ate'amamao'ia nō te Tiāporo ē tāna au 'āngela. 42Nō te mea i pongi ana au, ē kāre ake nei kōtou i 'āngai mai i āku. I kakī vai ana au, ē kāre ake nei kōtou i 'aka'āinu mai i āku. 43I tangata kē ana au, ē kāre kōtou i 'ō'ō mai i āku. I kāka'ukore ana au, ē kāre kōtou i 'akakāka'u mai i āku. I maki ana au ē i roto i te 'are 'āuri, ē kāre kōtou i utuutu mai i āku.’
44“'Ei reira ka ui katoa atu ei rātou ki aia, nā kō atura, ‘E te 'Atu, i nā'ea mātou i 'ākara ai i a koe i te pongi'anga, i te kakī'angā vai, i te tangata kē'anga, i te kāka'ukore'anga, i te maki'anga ē i roto i te 'are 'āuri, ē kāre mātou i tāvini atu i a koe?’ 45'Ei reira aia e pa'u mai ei ki a rātou, ‘Koia mou tāku e karanga atu ki a kōtou na: Tēta'i 'ua atu mea kāre kōtou i rave nō tēta'i o te aronga rikiriki rava nei, kāre kōtou i rave mai i āku.’ 46#Dan 12.2Ē ka 'aere rātou ki te utunga mutukore, ko te aronga tuatua tika rā ki te ora mutukore.”
Valgt i Øjeblikket:
Mātaio 25: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Mātaio 25
25
Te parabole o te au pāretēnia e ta'i nga'uru
1 #
Luk 12.35
“I taua tuātau rā, ka 'aka'āite'ia te bāsileia o te ao ra ki e ta'i nga'uru pāretēnia tei rave i tā rātou au mōrī, ē e 'aere atura kia 'ārāvei i te tāne 'akaipoipo 'ōu ra. 2E tokorima rātou 'e aronga pakari, e tokorima 'e aronga nēneva, 3nō te mea, te aronga nēneva ra, kua 'apai i tā rātou au mōrī, ē kāre i 'apai i te 'inu. 4Ko te aronga pakari rā, kua 'apai atura i te 'inu i roto i te 'āriki ma tō rātou au mōrī. 5Kua tāroaroa i'ora te tāne 'akaipoipo 'ōu ra ē kua vareā moe rātou rava rāi, moe atura.
6“E tae akera ki te tūruā'ipō, ko te kāpiki maira, ‘Inā, te tāne 'akaipoipo 'ōu! Ka 'aere kōtou e 'ārāvei atu i aia!’ 7Kua tū akera taua au pāretēnia katoa ra ki runga, ē kua 'akate'ate'amamao i tā rātou au mōrī. 8Kua pati atura te aronga nēneva ki te aronga pakari, ‘E 'ō mai ki a mātou i tēta'i mānga o tā kōtou 'inu, tē matemate nei 'oki tā mātou au mōrī.’ 9Kua pa'u maira te aronga pakari, nā kō maira, ‘Kāre pa'a e rava nō mātou ē nō kōtou katoa. 'E ngari ake kia 'aere kōtou ki te aronga 'oko'oko e 'oko nā kōtou 'ua'orāi.’ 10Ē tē 'aere atura rātou e 'oko ra, tae maira taua tāne 'akaipoipo 'ōu ra. Ē te aronga i te'ate'amamao ra, kua 'aere atura ma ia ki roto i te 'ōro'a 'akaipoipo'anga ra. Tōpiri'ia i'ora te pā.
11 #
Luk 13.25
“Ē i muri ake, kua 'aere maira tēta'i pae pāretēnia ra, nā kō maira, ‘E te 'Atu, e te 'Atu, ka 'e'eu mai ana i te pā i a mātou!’ 12Kua pa'u atura aia, ‘Koia mou tāku e karanga atu ki a kōtou, kāre au i kite i a kōtou.’ 13Nō reira, e ara, kāre 'oki kōtou i kite i te rā ē te ora.”
Te parabole o te au tālēni
(Luka 19.11-27)
14 #
Luk 19.11-27
“E 'āite katoa te bāsileia o te ao ra ki tēta'i tangata e 'aere ki tēta'i 'enua kē, ē kua kāpiki i tōna au tāvini ē kua tuku atura i tāna au 'apinga ki a rātou. 15Kua tuku atura aia e rima tauatini moni 'auro ki tēta'i, e rua 'oki tauatini ki tēta'i, e 'okota'i 'ua tauatini ki tēta'i, mei tei tau ki te kite o te tangata tātakita'i. Kua 'aere atura aia ki te 'enua kē ra. 16I taua 'ati'anga rāi kua 'aere atura tei rave i e rima tauatini moni 'auro ra, tā'anga'anga atura i a rātou, rauka maira i aia e rima 'aka'ou tauatini tere. 17Pērā katoa tei aia e rua tauatini moni 'auro ra, rauka maira i aia e rua 'aka'ou tauatini tere. 18Kāreka ko tei rave i te tauatini moni 'auro 'okota'i ra, 'aere atura ia, ē kō atura i tēta'i va'arua i roto i te one, 'u'una atura i te moni a tōna pū.
19“E roa akera, 'oki maira te pū o taua aronga tāvini ra ē kua 'akamata i te 'akatano i tāna tuatua ki a rātou. 20Kua 'aere maira tei rave i e rima tauatini moni 'auro ra, tao'i katoa maira i e rima 'aka'ou tauatini tere, nā kō maira, ‘E te 'atu, e rima tauatini moni 'auro tā'au i tuku mai ki āku. Inā, e rima 'aka'ou tauatini i rauka mai i āku.’ 21Kua nā kō atura tōna pū ki aia, ‘Meitaki rava, e te tāvini meitaki ē te 'irinaki'ia ē! Kua 'ākono meitaki koe i te mea meangiti 'ua, ka tuku atu au i a koe ki runga a'o i te mea ma'ata. E 'aere koe ki roto i te rekareka o tō'ou pū.’
22“Kua 'aere katoa maira tei aia e rua tauatini moni 'auro ra, nā kō maira, ‘E te 'atu, e rua tauatini moni 'auro tā'au i tuku mai ki āku. Inā, e rua 'aka'ou tauatini i rauka mai i āku.’ 23Kua nā kō atura tōna pū ki aia, ‘Meitaki rava, e te tāvini meitaki ē te 'irinaki'ia ē! Kua 'ākono meitaki koe i te mea meangiti 'ua, ka tuku atu au i a koe ki runga a'o i te mea ma'ata. E 'aere koe ki roto i te rekareka o tō'ou pū.’
24“Kua 'aere katoa maira tei rave i te tālēni 'okota'i, nā kō maira, ‘E te 'atu, kua kite au ē, 'e tangata roto riri koe. E kokoti rāi koe i te ngā'i kāre koe i tanu, ē e 'akaputuputu 'ua koe mei te ngā'i kāre koe i rūrū. 25Mataku akera au. Kua 'aere atura au e 'u'una i'ora i tā'au tauatini moni 'auro ra ki raro i te one. Inā, tēia 'aka'ou mai nei tā'au tauatini moni.’
26“Kua pa'u atura tōna pū ki aia, kua nā kō atura, ‘E te tāvini kino ē te ngoru ē! Kua kite koe ē, tē kokoti nei au i te ngā'i kāre au i tanu, ē tē 'akaputuputu nei au mei te ngā'i kāre au i rūrū. 27Te tika'anga i reira kia tuku atu koe i tāku moni ki roto i te pāngika, ē i tōku 'oki'anga mai ka rauka mai i āku tāku moni ē tēta'i moni tere. 28Ka rave mai i tāna tālēni ē e 'ōronga atu ki te tāvini e ta'i nga'uru āna tālēni. 29#Māt 13.12; Mār 4.25; Luk 8.18Nō te mea, tēta'i 'ua atu tei pu'apinga'ia ra, 'e ma'ata atu te ka 'ōronga'ia atu ki aia kia ma'ata roa atu tāna. Ko tēta'i 'ua atu kāre āna ra, e rave kē'ia ia rāi tāna. 30#Māt 8.12; 22.13; Luk 13.28Ē e 'uri atu i taua tāvini pu'apingakore nei ki va'o i te pōiri ra, tei reira te auē'anga ē te pākati'angā ni'o ra.’ ”
Te 'akavā'anga o te au 'iti tangata
31 # a:
Māt 16.27; b:
Māt 19.28
“Ē kia tae mai te Tamaiti a te Tangata ma tōna kakā ē te au 'āngela rava rāi, 'ei reira aia e no'o ei ki runga a'o i tōna terōno kakā. 32Ē ka 'akaputuputu'ia te au 'iti tangata rava rāi ki mua i tōna aroaro. Ē nāna e 'akatakakē i a rātou, mei te tiaki māmoe e 'akatakakē i te au māmoe ē te au puakani'o. 33Ē e tuku aia i te au māmoe ki tōna rima katau, kāreka te au puakani'o ki te rima kaui ia. 34'Ei reira e tuatua mai ei te Ariki ki a rātou ki tōna rima katau ra, ‘E 'aere mai kōtou, te aronga i 'akameitaki'ia mai e taku Metua ē, e no'o ki te bāsileia i 'akate'ate'amamao'ia nō kōtou mei te 'akamata'anga mai rāi i te 'enua nei. 35Nō te mea, i pongi ana au, ē kua 'āngai mai kōtou i āku. I kakī vai ana au, ē kua 'aka'āinu mai kōtou i āku. I tangata kē ana au, ē nā kōtou i 'ō'ō mai i āku. 36I kāka'ukore ana au ē kua 'akakāka'u mai kōtou i āku. I maki ana au, ē kua utuutu mai kōtou i āku. I roto au i te 'are 'āuri, ē kua 'aere mai kōtou ki āku.’
37“'Ei reira ka ui atu ei te aronga tuatua tika ki aia, nā kō atura, ‘E te 'Atu, i nā'ea mātou i 'ākara ai i a koe i te pongi'anga ē kua 'āngai, i te kakī'angā vai ē kua 'aka'āinu? 38I nā'ea mātou i kite atu ei i a koe i te tangata kē'anga ē kua 'ō'ō mai, i te kāka'ukore'anga ē kua 'akakāka'u atu? 39I nā'ea mātou i kite atu ei i a koe i te maki'anga ē i roto i te 'are 'āuri, ē kua 'aere atu ki a koe na?’ 40Ē ka pa'u mai te Ariki ki a rātou, nā kō maira, ‘Koia mou tāku e karanga atu ki a kōtou: Tēta'i 'ua atu mea tā kōtou i rave nō tēta'i o taku au taeake rikiriki rava nei, kua rave mai kōtou ki āku.’
41“'Ei reira aia e tuatua mai ki a rātou ki tōna rima kaui, ‘E 'aere kē atu kōtou, te aronga i tauma'a'ia, ki roto i te a'i mutukore tei 'akate'ate'amamao'ia nō te Tiāporo ē tāna au 'āngela. 42Nō te mea i pongi ana au, ē kāre ake nei kōtou i 'āngai mai i āku. I kakī vai ana au, ē kāre ake nei kōtou i 'aka'āinu mai i āku. 43I tangata kē ana au, ē kāre kōtou i 'ō'ō mai i āku. I kāka'ukore ana au, ē kāre kōtou i 'akakāka'u mai i āku. I maki ana au ē i roto i te 'are 'āuri, ē kāre kōtou i utuutu mai i āku.’
44“'Ei reira ka ui katoa atu ei rātou ki aia, nā kō atura, ‘E te 'Atu, i nā'ea mātou i 'ākara ai i a koe i te pongi'anga, i te kakī'angā vai, i te tangata kē'anga, i te kāka'ukore'anga, i te maki'anga ē i roto i te 'are 'āuri, ē kāre mātou i tāvini atu i a koe?’ 45'Ei reira aia e pa'u mai ei ki a rātou, ‘Koia mou tāku e karanga atu ki a kōtou na: Tēta'i 'ua atu mea kāre kōtou i rave nō tēta'i o te aronga rikiriki rava nei, kāre kōtou i rave mai i āku.’ 46#Dan 12.2Ē ka 'aere rātou ki te utunga mutukore, ko te aronga tuatua tika rā ki te ora mutukore.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.