Māreko 13
13
Tē tuatua nei a Iēsū nō te 'akatane'a'anga i te 'iero
(Mātaio 24.1-2; Luka 21.5-6)
1Ē tē 'aere atura a Iēsū ki va'o i te 'iero ra, kua nā kō maira tēta'i pipi nāna ki aia, “E te Pū'āpi'i, ka 'ākara na i te tū o tēianei au toka ē te 'are i te mama'ata.”
2Kua karanga atura a Iēsū ki aia, “Tē 'ākara nei koe i te au 'are mama'ata nei? Kāre tākiri tēta'i toka i konei e vai'o'ia ki runga a'o i tēta'i, e 'ope rava ia i te 'uri'ia ki raro.”
Te au pekapeka ē te au tākinga kino'anga
(Mātaio 24.3-14; Luka 21.7-19)
3Ē tē no'o ra a Iēsū ki runga i te Maunga o te Ōlive i runga ake i te 'iero ra, kua ui pōiri maira a Pētero, ē Iākōbo, ē Ioane, ē ko Ānēderea ki aia nā kō maira, 4“E 'akakite mai koe ki a mātou ē, ā'ea tēia au mea e tupu ei? Ē 'e a'a te 'akairo kia vaitata taua au mea i te 'akaoti'ia?”
5Kua karanga atura a Iēsū ki a rātou, “Kia matakite, kia kore tēta'i 'ua atu e arataki kē i a kōtou. 6'E mānganui te ka 'aere mai ma tōku nei ingoa ē te nā kō'anga mai ē, ‘Ko au ia,’ ē 'e mānganui 'oki te ka vare i a rātou. 7Ē kia 'akarongo kōtou i te au aoaoa tamaki ē te au rongo tamaki, 'eia'a e taitaiā; e nā mua 'oki taua au mea i te tupu e tikāi, kāre rā te 'openga i vaitata mai ake. 8E tū mai 'oki tēta'i 'iti tangata e tamaki mai ki tēta'i 'iti tangata, ē tēta'i bāsileia e tamaki mai ki tēta'i bāsileia. Ē ka tupu mai te ngāruerue 'enua i tērā ngā'i i tērā ngā'i, ē ka tupu mai te onge ma'ata. 'E mōmua anake ēia mea nei nō te au mate.
9 #
Māt 10.17-20; Luk 12.11,12 “Kia matakite rā i a kōtou 'ua'orāi. E tuku 'oki rātou i a kōtou ki mua i te aroaro o te Sūnēderi, ē ka pāpā'ia 'oki i roto i te au sūnago ra. Ē nōku nei 'oki e arataki'ia atu ei kōtou ki mua i te aroaro o te au tūtara ē te 'ui ariki 'ei kite nō rātou. 10E nā mua rā te 'ēvangelia nei i te tūtū 'aere'ia ki te au 'iti tangata rava rāi e tikāi. 11Ē kia arataki rātou i a kōtou ē tuku atu ki te aronga 'akavā, auraka e nā mua i te apiapi 'e a'a tā kōtou ka tuatua atu, e tuatua atu rā i te tuatua tei 'akakite'ia mai ki a kōtou i reira ra, nō te mea 'oki ē, kāre 'oki ē ko kōtou tei tuatua, ko te Vaerua Tapu rā. 12E tuku 'oki te tuakana i te teina kia mate, ē te metua tāne i te tamaiti. Ē te au tamariki 'oki e tū mai e rave i tō rātou 'ui metua kia mate. 13#Māt 10.22E mākitakita'ia mai kōtou e te tangata rava rāi nō tōku nei ingoa. Ko tei tāpū tikāi e tae 'ua atu ki te 'openga ra, ka ora ia.”
Te rikarika'anga ma'ata ē te vinivini
(Mātaio 24.15-28; Luka 21.20-24)
14 #
Dan 9.27; 11.31; 12.11 “Mē kite kōtou i te mea rikarika e tane'a ai ra i te tū 'ua'anga i te ngā'i tei kore e tau i aia (ko ia tei tatau ra, kia nakiro ia), i reira, kia 'oro rātou i Iūdea, kia 'oro rātou ki te au maunga. 15#Luk 17.31Ē ko ia i runga a'o i te 'are ra, auraka aia kia 'eke mai ki raro, mē kāre ra kia tomo ki roto kia rave i tēta'i 'ua atu 'apinga mei roto atu i tōna 'are. 16Ē ko ia i roto i te kāinga ra, auraka aia kia 'oki mai e tiki i tōna pereue. 17'E 'ae rā 'oki tō te au va'ine i 'apū ra, ē rātou e 'akangote i te tamariki ra i aua rā ra. 18E pure 'oki kōtou kia kore e tupu i te tuātau anu. 19#Dan 12.1; Apo 7.14'E tākinga kino'anga ma'ata 'oki i aua rā ra, kāre ia i 'āite mei muatangāna mai o te au mea katoa tā te Atua i 'anga ē tēia noa ai; ē kāre katoa ā muri atu. 20Ē nāringa kāre te 'Atu i tāpoto i aua rā ra, kāre rava tēta'i 'ua atu tangata e ora. Inārā, nō te aronga tāna i 'iki ra, kua tāpoto aia i aua rā ra.
21“Ē kia 'akakite mai tēta'i 'ua atu tangata ki a kōtou ē, ‘Inā, tēia te Mesia!’, ‘Inā, tērā!’, auraka e 'irinaki atu. 22'E au Mesia pikika'a ē te au peroveta pikika'a 'oki te ka tū mai ki runga, ē ka 'ōronga mai i te au 'akairo ē te au rāvenga ūmeremere, kia vare katoa te aronga 'iki'ia ra, nāringa e rauka. 23Kia matakite rā i a kōtou 'ua'orāi. Kua 'akakite takere atu ana au ki a kōtou i tēia au mea kātoatoa.”
Te 'aere'anga mai o te Tamaiti a te Tangata
(Mātaio 24.29-31; Luka 21.25-28)
24 # a:
Isa 13.10; Ioel 2.10,31; 3.15; Apo 6.12; b:
Isa 13.10; Ezek 32.7 “Ē i aua rā ra i muri ake i taua tākinga kino'anga ra, ka 'akapōiri'ia te rā, kāre te marama e tūrama mai i tōna mārama, 25#a: Isa 34.4; Apo 6.13; b: Ioel 2.10ka pururū mai 'oki te au 'ētū o te rangi, ē ka rūrū'ia mai te au mea mana o te rangi ra. 26#Dan 7.13; Apo 1.7'Ei reira rātou e kite ei i te Tamaiti a te Tangata i te 'aere'anga mai nā roto i te au tiao ma te mana ma'ata ē te kakā. 27'Ei reira aia e tono atu ei i tāna au 'āngela, ē e 'akaputuputu mai ei i tōna aronga 'iki'ia ra mei ngā pore e 'ā o te ao ra, ē mei te 'openga mai o te 'enua e tae 'ua atu ki te 'openga o te rangi ra.”
Te 'āpi'i'anga nō runga i te pū suke
(Mātaio 24.32-35; Luka 21.29-33)
28“E 'āpi'i rā kōtou i te parabole nō te pū suke mai: kia ni'oni'o mai te kao, ē kia pu'era mai te rau, tē kite ra kōtou ē, tē vaitata maira te tuātau vera. 29Pērā kōtou i a kōtou, mē kite kōtou i ēia mea nei i te tupu'anga mai, kia kite 'oki kōtou ē, kua vaitata mai te 'openga, tei te pae ngūtupa ia. 30Koia mou tāku e karanga atu ki a kōtou na, kāre rava tēianei uki e 'ope kia tupu rava tēia au mea kātoatoa nei. 31Ka kore 'oki te rangi ē te 'enua, kāre tākiri rā tāku nei tuatua e kore.”
Kāre tēta'i e kite i te rā ē te ora
(Mātaio 24.36-44)
32 #
Māt 24.36
“Kāreka rā tō runga i te reira rā ē te ora, kāre rava tēta'i e kite, kāre te au 'āngela i te rangi, ē kāre katoa 'oki te Tamaiti, māri ko te Metua 'ua rā. 33E matakite! E ara! Kāre 'oki kōtou i kite i taua tuātau ra. 34#Luk 12.36-38Mei te tangata nei 'oki tei 'aere ki te ngā'i mamao. Kua 'akaruke aia i tōna 'are ē tuku atu i te mana ki tōna au tāvini rava rāi, tāna a'o tāna a'o, ē kua 'akaue 'oki i te tiaki pā ra kia tiaki meitaki. 35E tēnā na, e ara kōtou, kāre 'oki kōtou i kite i te ora e tae mai ei te 'Atu o te 'are ra: i te a'ia'i ra āina, te tūruā'ipō āina, i te kākaoa'anga moa, mē kāre, i te pōpongi āina? 36Mē 'aere vave mai aia, auraka kōtou kia kitea i te moe'anga e ia. 37Ē tāku e karanga atu ki a kōtou nei, tē karanga atu nei au ki te tangata rava rāi, e ara!”
Valgt i Øjeblikket:
Māreko 13: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Māreko 13
13
Tē tuatua nei a Iēsū nō te 'akatane'a'anga i te 'iero
(Mātaio 24.1-2; Luka 21.5-6)
1Ē tē 'aere atura a Iēsū ki va'o i te 'iero ra, kua nā kō maira tēta'i pipi nāna ki aia, “E te Pū'āpi'i, ka 'ākara na i te tū o tēianei au toka ē te 'are i te mama'ata.”
2Kua karanga atura a Iēsū ki aia, “Tē 'ākara nei koe i te au 'are mama'ata nei? Kāre tākiri tēta'i toka i konei e vai'o'ia ki runga a'o i tēta'i, e 'ope rava ia i te 'uri'ia ki raro.”
Te au pekapeka ē te au tākinga kino'anga
(Mātaio 24.3-14; Luka 21.7-19)
3Ē tē no'o ra a Iēsū ki runga i te Maunga o te Ōlive i runga ake i te 'iero ra, kua ui pōiri maira a Pētero, ē Iākōbo, ē Ioane, ē ko Ānēderea ki aia nā kō maira, 4“E 'akakite mai koe ki a mātou ē, ā'ea tēia au mea e tupu ei? Ē 'e a'a te 'akairo kia vaitata taua au mea i te 'akaoti'ia?”
5Kua karanga atura a Iēsū ki a rātou, “Kia matakite, kia kore tēta'i 'ua atu e arataki kē i a kōtou. 6'E mānganui te ka 'aere mai ma tōku nei ingoa ē te nā kō'anga mai ē, ‘Ko au ia,’ ē 'e mānganui 'oki te ka vare i a rātou. 7Ē kia 'akarongo kōtou i te au aoaoa tamaki ē te au rongo tamaki, 'eia'a e taitaiā; e nā mua 'oki taua au mea i te tupu e tikāi, kāre rā te 'openga i vaitata mai ake. 8E tū mai 'oki tēta'i 'iti tangata e tamaki mai ki tēta'i 'iti tangata, ē tēta'i bāsileia e tamaki mai ki tēta'i bāsileia. Ē ka tupu mai te ngāruerue 'enua i tērā ngā'i i tērā ngā'i, ē ka tupu mai te onge ma'ata. 'E mōmua anake ēia mea nei nō te au mate.
9 #
Māt 10.17-20; Luk 12.11,12 “Kia matakite rā i a kōtou 'ua'orāi. E tuku 'oki rātou i a kōtou ki mua i te aroaro o te Sūnēderi, ē ka pāpā'ia 'oki i roto i te au sūnago ra. Ē nōku nei 'oki e arataki'ia atu ei kōtou ki mua i te aroaro o te au tūtara ē te 'ui ariki 'ei kite nō rātou. 10E nā mua rā te 'ēvangelia nei i te tūtū 'aere'ia ki te au 'iti tangata rava rāi e tikāi. 11Ē kia arataki rātou i a kōtou ē tuku atu ki te aronga 'akavā, auraka e nā mua i te apiapi 'e a'a tā kōtou ka tuatua atu, e tuatua atu rā i te tuatua tei 'akakite'ia mai ki a kōtou i reira ra, nō te mea 'oki ē, kāre 'oki ē ko kōtou tei tuatua, ko te Vaerua Tapu rā. 12E tuku 'oki te tuakana i te teina kia mate, ē te metua tāne i te tamaiti. Ē te au tamariki 'oki e tū mai e rave i tō rātou 'ui metua kia mate. 13#Māt 10.22E mākitakita'ia mai kōtou e te tangata rava rāi nō tōku nei ingoa. Ko tei tāpū tikāi e tae 'ua atu ki te 'openga ra, ka ora ia.”
Te rikarika'anga ma'ata ē te vinivini
(Mātaio 24.15-28; Luka 21.20-24)
14 #
Dan 9.27; 11.31; 12.11 “Mē kite kōtou i te mea rikarika e tane'a ai ra i te tū 'ua'anga i te ngā'i tei kore e tau i aia (ko ia tei tatau ra, kia nakiro ia), i reira, kia 'oro rātou i Iūdea, kia 'oro rātou ki te au maunga. 15#Luk 17.31Ē ko ia i runga a'o i te 'are ra, auraka aia kia 'eke mai ki raro, mē kāre ra kia tomo ki roto kia rave i tēta'i 'ua atu 'apinga mei roto atu i tōna 'are. 16Ē ko ia i roto i te kāinga ra, auraka aia kia 'oki mai e tiki i tōna pereue. 17'E 'ae rā 'oki tō te au va'ine i 'apū ra, ē rātou e 'akangote i te tamariki ra i aua rā ra. 18E pure 'oki kōtou kia kore e tupu i te tuātau anu. 19#Dan 12.1; Apo 7.14'E tākinga kino'anga ma'ata 'oki i aua rā ra, kāre ia i 'āite mei muatangāna mai o te au mea katoa tā te Atua i 'anga ē tēia noa ai; ē kāre katoa ā muri atu. 20Ē nāringa kāre te 'Atu i tāpoto i aua rā ra, kāre rava tēta'i 'ua atu tangata e ora. Inārā, nō te aronga tāna i 'iki ra, kua tāpoto aia i aua rā ra.
21“Ē kia 'akakite mai tēta'i 'ua atu tangata ki a kōtou ē, ‘Inā, tēia te Mesia!’, ‘Inā, tērā!’, auraka e 'irinaki atu. 22'E au Mesia pikika'a ē te au peroveta pikika'a 'oki te ka tū mai ki runga, ē ka 'ōronga mai i te au 'akairo ē te au rāvenga ūmeremere, kia vare katoa te aronga 'iki'ia ra, nāringa e rauka. 23Kia matakite rā i a kōtou 'ua'orāi. Kua 'akakite takere atu ana au ki a kōtou i tēia au mea kātoatoa.”
Te 'aere'anga mai o te Tamaiti a te Tangata
(Mātaio 24.29-31; Luka 21.25-28)
24 # a:
Isa 13.10; Ioel 2.10,31; 3.15; Apo 6.12; b:
Isa 13.10; Ezek 32.7 “Ē i aua rā ra i muri ake i taua tākinga kino'anga ra, ka 'akapōiri'ia te rā, kāre te marama e tūrama mai i tōna mārama, 25#a: Isa 34.4; Apo 6.13; b: Ioel 2.10ka pururū mai 'oki te au 'ētū o te rangi, ē ka rūrū'ia mai te au mea mana o te rangi ra. 26#Dan 7.13; Apo 1.7'Ei reira rātou e kite ei i te Tamaiti a te Tangata i te 'aere'anga mai nā roto i te au tiao ma te mana ma'ata ē te kakā. 27'Ei reira aia e tono atu ei i tāna au 'āngela, ē e 'akaputuputu mai ei i tōna aronga 'iki'ia ra mei ngā pore e 'ā o te ao ra, ē mei te 'openga mai o te 'enua e tae 'ua atu ki te 'openga o te rangi ra.”
Te 'āpi'i'anga nō runga i te pū suke
(Mātaio 24.32-35; Luka 21.29-33)
28“E 'āpi'i rā kōtou i te parabole nō te pū suke mai: kia ni'oni'o mai te kao, ē kia pu'era mai te rau, tē kite ra kōtou ē, tē vaitata maira te tuātau vera. 29Pērā kōtou i a kōtou, mē kite kōtou i ēia mea nei i te tupu'anga mai, kia kite 'oki kōtou ē, kua vaitata mai te 'openga, tei te pae ngūtupa ia. 30Koia mou tāku e karanga atu ki a kōtou na, kāre rava tēianei uki e 'ope kia tupu rava tēia au mea kātoatoa nei. 31Ka kore 'oki te rangi ē te 'enua, kāre tākiri rā tāku nei tuatua e kore.”
Kāre tēta'i e kite i te rā ē te ora
(Mātaio 24.36-44)
32 #
Māt 24.36
“Kāreka rā tō runga i te reira rā ē te ora, kāre rava tēta'i e kite, kāre te au 'āngela i te rangi, ē kāre katoa 'oki te Tamaiti, māri ko te Metua 'ua rā. 33E matakite! E ara! Kāre 'oki kōtou i kite i taua tuātau ra. 34#Luk 12.36-38Mei te tangata nei 'oki tei 'aere ki te ngā'i mamao. Kua 'akaruke aia i tōna 'are ē tuku atu i te mana ki tōna au tāvini rava rāi, tāna a'o tāna a'o, ē kua 'akaue 'oki i te tiaki pā ra kia tiaki meitaki. 35E tēnā na, e ara kōtou, kāre 'oki kōtou i kite i te ora e tae mai ei te 'Atu o te 'are ra: i te a'ia'i ra āina, te tūruā'ipō āina, i te kākaoa'anga moa, mē kāre, i te pōpongi āina? 36Mē 'aere vave mai aia, auraka kōtou kia kitea i te moe'anga e ia. 37Ē tāku e karanga atu ki a kōtou nei, tē karanga atu nei au ki te tangata rava rāi, e ara!”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.