Yozhanq Saw 1
1
Gij vah Cangqdiq bienqbaenz boux miz lwed miz noh he
1Daj gaihcij mijyaengz cauh mbwn cauh deih haem, cix miz gij vah Cangqdiq lo. Miz Cangqdiq caemh miz gij vah de; gij vah de couh dangq dwg Cangqdiq lo. 2Gij vah neix daj gaihcij cix caeuq Cangqdiq youq lo.
3 Gij vah neix couh dangq dwg boux vunz he. Gwnzmbwn lajdeih sojmiz hih cungj dwg baengh boux de cauh okdaeuj he; mij saek yiengh naeuz mij dwg de cauh. 4Boux neix couh dwg doenj mingh; gij mingh neix couh dwg rongh, ndaej ciuq vunz he. 5Gij rongh neix ciuq haeuj laep bae; laep mbouj ndaej giengz goq gij rongh neix.
6Cangqdiq baij boux he daeuj, gij coh de heuh Yozhanq,#1:6 Boux Yozhanq neix mbouj dwg sij bonj saw neix dih Yozhanq; dwg guh sijlij dih Yozhanq lah. 7baij de daeuj cingqmingz gij rongh neix, dwg ij hawj vunz dingq gij siuhsiz de hwj sinq gij rongh neix. 8Hoeng Yozhanq bonjfaenh de mbouj dwg gij rongh neix nej, dauq dwg ij cingqmingz gij rongh neix lah. 9Gij rongh neix dwg saedsaeh hih, de ij ciuq baenx cenz lajmbwn sojmiz hih vunz.
10De cauh lajmbwn sojmiz hih, hoeng, de daeuj lajmbwn, lajmbwn hih vunz dauq mij rox de. 11De daeuj dieg bonjfaenh de, hoeng gij vunz bonjfaenh de dauq mij ciep de. 12Yiengq, hauhnaeuz miz vunz ciep de hih, couh dwg doengh boux sinq de he, doengh boux sinq de he de couh nyok gienz hawj doengh boux de, hawj gyoengqde miz gienz ndaej guh lwg Cangqdiq. 13Guh lwg Cangqdiq hih vunz mbouj dwg ciuq swqyienz yienghmwnq seng daeuj hih, cixnaeuz dwg vunz caeuq vunz yienghmwnq miz lwed miz noh miz muengh hih yienghmwnq seng, dauq dwg baengh Cangqdiq ndaej seng daeuj hih lah.
14Gij vah Cangqdiq bienqbaenz miz lwed miz noh hih vunz; de youq laeng gyoengqraeuz youq. Gyoengqraeuz yawjraen gij rongh de, gij veijdaq de; gij rongh neix couh dwg daeglwg dog Cangqdiq Bohmbwn cij ndaej he. De dwg sinq ndaej goq he, haijliengh raixcaix he, gig aiq vunz he.
Guh sijlij#1:14 Couh dwg naeuz aeu raemx ma saj haeuj laeng boux vunz bae, cixnaeuz hawj baenx boux vunz cungj ndaem roengz ndaw raemx bae liux bae. Yienghneix guh couh dwg daiqbiuj boux vunz neix gaenq nginh coih lo. dih Yozhanq cingqmingz
Majdaiq Saw 3:1-12; Majgoj Saw 1:1-8; Luqgyah Saw 3:1-20
15 Guh sijlij dih Yozhanq cingqmingz hawj de hih mwhde, hemq naeuz: “Boux neix couh dwg gaxgonq gou gangj goq hih: ‘De daeuj gajlaeng gou, hoeng beij gou veijdaq, aenvih de youq gaxgonq gou; baenjlaiz de gaenq miz lo.’”
16De haijliengh raixcaix, cungj dwg aiq raeuz nyiuz raeuz, nyiuz mbat caiq mbat. 17Cangqdiq dunghgoq Mohsih#1:17 Boux Mohsih neix couh dwg youq gij lizsij neix dih cienhaj bi gaxgonq he. Dwg boux youq gij vunz Hijswzlez ngaiz gij vunz Ngaihgiz yazbwz hawj gyoengqde guh hoiq, de ndaej gouq gyoengqde okma hih boux neix lo. De caemh dwg boux Cangqdiq naeuz de ni vunz caeuq vunz wnggai baenzlawz baenzlawz, caeuq baenzlawz gingqcungh Cangqdiq dih gij fazliz neix lo. Cingj yawj Ok Ngaihgiz. daeuj senhbuq fazliz, hoeng aiq caeuq saedsaeh dwg Yehsuh Gihduz, Cangqdiq baij daeuj dih vuengz, nyok hawj hih. 18Coengzlaiz mij'z vunz ndaej raen goq Cangqdiq, ndaej rox Cangqdiq; caenhgag daeglwg dog de youq henz ndang de ndaej raen de goq. De hawj vunz ndaej rox Cangqdiq.
19Laj neix dwg Yozhanq baenzlawz han vunz dih vah. Mwhde Youzdaiq vunz dih lingjdauj baij goengjsae dajbwiz caeuq Liqveiq cuz#1:19 Liqveiq vunz dwg Youzdaiq vunz dih it aen cuz. Caenhgag Liqveiq cuz hih vunz ndaej guh goengjsae dajbwiz. Cingj yawj Ok Ngaihgiz 32:25-29. hih vunz daj Yehluqsajlaengj daeuj cimh Yozhanq, cam de naeuz: “Mwngz dwg byawz?”
20Hoeng Yozhanq it di cungj mbouj yo, couh doq han naeuz: “Gou mbouj dwg Gihduz.”
21Gyoengqde dingq de yienghneix naeuz le, caiq cam naeuz: “Yiengq mwngz dwg byawz nex? Dwg Hijliqyaq#1:21 Boux Hijliqyaq neix dwg youq gij lizsij neix dih betbak lai bi gaxgonq de, dwg boux Hijswzlez vunz miz mingz dih boux cenz gij vah Cangqdiq he. haj?”
Yozhanq dingq le, caiq han naeuz: “Mbouj dwg hah.”
Gajlaeng gyoengqde youhcaiq cam naeuz: “Yiengq mwngz dwg boux cenz gij vah Cangqdiq mwnq haj?”
Yozhanq youhcaiq han naeuz: “Caemh mbouj dwg.”
22Gyoengqde dingq le, vanzlij caiq saemjcam naeuz: “Yiengq mwngz dauqdaej dwg byawz nex? Mwngz gag naeuz bax, naeuz raeuz ni, hawj raeuz haemq ndei maj naeuz doengh boux baij raeuz daeuj he ni.”
23Yozhanq dingq gij vah neix le, couh yungh gij vah Hijcaiqyaq boux cenz gij vah Cangqdiq neix ma doiq gyoengqde naeuz:
“Gou couh dwg boux youq rogndoi hemq goggog naeuz: ‘Coih roen sohsoh hwj hawj Cangqdiq,’
hih boux mwnq lo.”
24Gajlaeng doengh boux baij daeuj mwnq ndaw de miz geij boux gaep haeuj Fazliqcaiq baij he#1:24 Fazliqcaiq baij couh dwg Youzdaiqgyauq dih aen gyauqbaij he. Gyoengqde yiemzgwz soenhsouj Mohsih dih fazliz caeuq gag miz gyoengqde haujlai dih gveihdingq. 25couh cam de naeuz: “Giqyienz mwngz mbouj dwg Gihduz, cix mbouj dwg Hijliqyaq caeuq mbouj dwg boux cenz gij vah Cangqdiq mwnq vwz, mwngz miz maz swhgwz bang vunz sijlij nej?”
26Yozhanq dingq le, youhcaiq han naeuz: “Gou cijmboujgoq dwg aeu raemx ma sijlij hawj vunz lah; youq faenhsou mwnq miz boux he faenhsou mbouj rox de. 27Gannaeuz de daeuj gajlaeng gou lah, hoeng, daiqlienz gou bang de riuj haizcauj cungj mbouj boiqndaej hwx.”
28Mwhde gij saeh neix dwg youq diuz dah Yozdanq hih baixdoeng Mbanj Bwzdaqniz#1:28 Miz hih gujdaiq saw dineix miz ‘Bwzdaqbahlah.’ fatseng he; mwhde Yozhanq cingq youq mwnq bang vunz sijlij.
Cangqdiq dih yiengzlwg
Majdaiq Saw 3:13-17; Majgoj Saw 1:9-11; Luqgyah Saw 3:21-22
29Gajlaeng, daengz daixngeih ngoenz, guh sijlij dih Yozhanq yawjraen Yehsuh byaij goqdaeuj, couh naeuz: “Neq, yawj hax, duz yiengzlwg Cangqdiq, couh dwg boux bang vunz rap coih hih boux mwnq, 30couh dwg gaxgonq gou naeuz goq: ‘Beij gou daeuj gajlaeng, hoeng de beij gou veijdaq, aenvih baenjlaiz de gaenq miz lo’ dih boux mwnq. 31Gaxgonq gou gaenhbaenj mbouj rox de dwg guxmaz, hoeng seizneix gou daeuj aeu raemx ma hawj vunz sijlij dwg vih ij hawj de yienh okdaeuj hawj gij vunz Hijswzlez rox de lah.”
32Yozhanq youhcaiq cingqmingz naeuz: “Gou raen Hoenzsaenz Cangqdiq luj duz roegguqgap yienghmwnq daj gwnzmbwn roengz daeuj doz youq gwnz ndang de. 33Gou gaenhbaenj mbouj rox de dwg guxmaz, hoeng boux baij gou daeuj hawj gou aeu raemx ma sijlij hawj vunz hih boux mwnq naeuz gou ni: ‘Mwngz raen Hoenzsaenz Cangqdiq roengz gwnz ndang bouxlawz bae nex, bouxlawz couh dwg yungh Hoenzsaenz Cangqdiq ma sijlij hawj vunz lo.’ 34Yiengq gou gaenq raen goq lo, sojhij gou yiengq faenhsou baujcingq, de couh dwg daeglwg Cangqdiq lo.”
Daixit buek lwgsae
35Yiengq caiq goq ngoenz he, Yozhanq caeuq song boux lwgsae de youq mwnq sijlij mwnq. 36De raen Yehsuh byaij goqdaeuj le, couh naeuz: “Neq, boux mwnq couh dwg vih ij bang vunz rap coih hwj ngaiz rai hih duz yiengzlwg Cangqdiq lo.”
37Song boux lwgsae de dingq de yienghneix naeuz le, couh doq bae gaen Yehsuh. 38Yiengq Yehsuh rox song boux de gaen youq gajlaeng de le, couh veq goqma doiq song boux de naeuz: “Faenhsou ijsiengj guh gijmaz?”
Song boux de dingq le, han naeuz: “Lahbij, mwngz youq mwnqlaw youq lah?” (‘Lahbij’ couh dwg ‘lauxsae’ dih iqswh.)
39Yehsuh han naeuz: “Faenhsou gaen gou bae yawj bax.” Song boux de dingq le, couh gaen de bae, siengj yawj de youq mwnqlaw youq. Mwhde daihgaiq dwg yaquj seiq diemjcung yienghneix; ngoenz mwnq song boux de cungj dwg gaen de youq baenxngoenz.
40Gajlaeng, song boux mwnq miz boux he, gij coh de heuh Anhdwzlez, dwg daegnuengx Sihmaenz-Bijdwz, 41de couh majcangq bae cimh daeggo de Sihmaenz naeuz de ni naeuz: “Gyoengqraeuz ndaej raen Mizcaiqyaq hwj!” (‘Mizcaiqyaq’ couh dwg ‘Gihduz’ dih iqswh.) 42De yienghneix naeuz le, vanzlij daiq daeggo de Sihmaenz bae laeng Yehsuh.
Yehsuh raen le, couh cimyawj Sihmaenz naeuz: “Mwngz couh dwg Sihmaenz daeglwg Yozhanq#1:42 Dineix dih Yozhanq mbouj dwg guh sijlij dih Yozhanq, caemh mbouj dwg sij bonj saw neix dih Yozhanq, dwg daixlingh boux lah. laj; baezneix mwngz ij gaij coh heuh Gihfaz ndaej lo.” (‘Gihfaz’ caemh dwg ‘Bijdwz;’ gij iqswh de couh dwg ‘rin.’)
43Goq ngoenz he le, Yehsuh gyezdingq bae Gyahliqliq Saengj. Bae hih mwhde, dingjlingz nyangz Feihliz, yiengq de couh doiq Feihliz naeuz: “Daeuj, gaen gou bax.” 44Boux Feihliz neix dwg Mbanj Bwzcaiqdaq he, dwg caeuq Anhdwzlez caeuq Bijdwz doxcaemh mbanj he.
45Gajlaeng Feihliz caemh bae cimh Nazdanqnez, cimh de naeuz de ni naeuz: “Youq ndaw saw Mohsih caeuq ndaw saw doengh boux cenz gij vah Cangqdiq soj sij hih boux mwnq hax, gyoengqraeuz ndaej raen de hwj, couh dwg Yehsuh, daeglwg Yozswz; de dwg aen mbanj Nazsajlwz vunz he.”
46Nazdanqnez dingq le, couh naeuz: “Aen mbanj Nazsajlwz ij ndaej ok miz gijmaz ndei hwj?” Feihliz dingq le, han de naeuz: “Mwngz mbouj sinq, daeuj yawj veiq!”
47Song boux de yienghneix gangj le, couh byaij goq bae yawj Yehsuh. Couh youq mwh Yehsuh yawjraen Nazdanqnez byaij goq laeng de daeuj hih mwhde, de naeuz: “Neq, yawj veiq, boux mwnq cingqcaen dwg vunz Hijswzlez; de dwg boux lauxlaux saedsaed mij coemx vunz goq he.”
48Yiengq Nazdanqnez dingq Yehsuh yienghneix naeuz le, couh cam de naeuz: “Mwngz baeq rox gou hwj?”
Yehsuh han naeuz: “Feihliz mijyaengz bae cimh mwngz haem gou cix raen mwngz youq laj go uzvahgoj lux.”
49Gajlaeng Nazdanqnez naeuz: “Ox! Lahbij! Mwngz dwg daeglwg Cangqdiq, dwg Hijswzlez dih vuengz!”
50Yehsuh dingq de yienghneix naeuz le, couh doiq de naeuz: “Gou naeuz gou raen mwngz youq laj go uzvahgoj goq, mwngz couh sinq laj? Baezneix mwngz ij raen gij beij gij saeh neix engqgya hung haem hwx.” 51Yehsuh vanzlij caiq naeuz: “Gou saedsaeh naeuz sou ni lo, faenhsou gaengjdingq ndaej yawjraen aen dou mbwn hoi, bouxcai Cangqdiq#1:51 Bouxcai Cangqdiq dwg Cangqdiq cauh okdaeuj hih hoenzsaenz, dwg bouxhoiq Cangqdiq. Gyoengqde caemh dawz gij vah Cangqdiq cenz naeuz vunz ni. ij youq gwnz ndang Vunz dih Daiqbiuj hwnjhwnj roengzroengz.”
Valgt i Øjeblikket:
Yozhanq Saw 1: YBNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© New Bridge Publishing Company Limited
