Maliko Kwanjula
Kwanjula
Kitabo kini kikahandiikuwa Maliko, oghu baabaagha bamani̱ye dhee nga Yohaana Maliko. Obu Yesu aanabaagha mu Yelusaalemu Maliko oni akaba ali mutabhana, kandi aafooka mukwami̱li̱li̱ wa Yesu. Haanu̱ma aatandika kubunga hamui na mukwenda Paulo kandi aakoonela dhee mukwenda Peetelo.
Aabu̱ghi̱yʼo bwomi̱i̱li̱ bwa Yesu, naasoboolola bighambo bikani̱ye bya Ki̱yu̱daaya kandi na mi̱ghendi̱yo yabo. Nahabweki kikujooka ngu akahandiika kitabo kini kukoonela batali Bayu̱daaya abaafooki̱ye bahi̱ki̱li̱ja.
Mu kitabo kini Maliko abu̱ghi̱yʼo ebi Yesu aakoli̱ye kusaali̱ya ebi Yesu aabu̱ghi̱ye. Tukubona mu kitabo kini ngoku Yesu aakoli̱ye byakuswekani̱ya bikani̱ye, aaki̱li̱ya bantu bakani̱ye. Akacungula bakani̱ye ku̱lu̱gha mu maani̱ ghaa bi̱li̱mu̱ kandi aghanila bantu bibhi byabo. Bikoluwa ebi bikooleka bu̱toki̱ bwa Yesu. Akalu̱gha ewaa Luhanga kuhaayo bwomi̱i̱li̱ buwe niikuwo bantu batunge bughabe bwa ku̱lu̱gha mu maani̱ ghaa kibhi.
Maliko abu̱ghi̱yʼo makulu haa bwomi̱i̱li̱ bwa Yesu na mulimo ghuwe. Akatandika naabu̱gha ngoku Yohaana aabati̱i̱je Yesu. Aabu̱gha bikani̱ye haa bilo bya Yesu byakumaliilila batakabambi̱ye Yesu. Aamaliilila naasoboolola mu biihi-biihi haa ku̱hu̱mbu̱u̱ka kwa Yesu na ku̱ni̱i̱na kuwe mu eghulu.
Valgt i Øjeblikket:
Maliko Kwanjula: TLJ
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.