Bɛ̈n 19
19
Kɔc ke Yithriɛl në Kuur ë Thinai Lɔ̈ɔ̈m
1-2Go kɔc ke Yithriɛl jäl Repidim, na kööl ye pɛɛi ye pɛ̈i diäk thok tök, pɛɛi ɣɔn jël kek paan ë Rip, ke ke jɔ ɣet ë jɔ̈ɔ̈r ë Thinai yic. Agokï lɔ piɔ̈ɔ̈t në jɔ̈ɔ̈r ë Thinai yic. 3Na wën, ke Mothe lɔ nhial në kuur nɔm tëde Nhialic.
Go Bɛ̈nydït e cɔɔl në kuuric, ku lëk en an, lɛ̈kë kɔc ke Yithriɛl, ku yek mïth ke Jakop an, 4“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë. 5#1 Pet 2:9. #Nyöŋ 4:20; 7:6; 14:2; 26:18; Tit 2:14. Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc. 6#Nyu 1:6; 5:10. Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka. 7Ago Mothe lɔ piny, le röördït ke Yithriɛl mät nïïm tëtök, ku guïïr ke këriëëc ëbɛ̈n, kë cïï Bɛ̈nydït lɛ̈k en. 8Agokï puk nɔm an, “Këriëëc cïï Bɛ̈nydït lueel ëbɛ̈n abuk looi.” Go Mothe ee jamë guiëër Bɛ̈nydït?
9Go Bɛ̈nydït lɛ̈k Mothe an, “Yɛn bï bɛ̈n të nu wekë në gök dïït ë luätic, ke kɔc ke Yithriɛl ë ke bï Ya piŋ röl të jaam ɛn wo yïn, ke ke bï jɔ gam aɣet athɛɛr.”
Go Mothe Bɛ̈nydït guiëër kë cïï kɔc puk nɔm. 10Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken. 11Na rutui, ke ke jɔ röt guiɛɛr piny. Yɛn bï bɛ̈n piny ë kuur nɔm rutui, bä të bï kɔc A tïŋ kedhie. 12#Ɣeb 12:18-20. Geer piny ë kuur thar, ke cïï kɔc en bï lïïr nɔm, ku lɛ̈kë keek ë ke cïï bɔ̈ nhial ë kuur nɔm, ku na cakaa tëthiɔ̈k ë ke cïï bɔ̈. Na lɔ raan e cök thɛm ë kuur nɔm, ke näk. 13Tök në keyiic, na cïï biöökë në kur, ke muucë në dhaŋ, ke cïï jak guöp. Alɔ pëk ë kë cïï kuur käc nɔm, na ee raan ku nɔn ee yen läi, ke näk. Ku na le kaaŋ koothic, ke kɔc ë ke jɔ lɔ në kuur nɔm.”
14Na wën, ke Mothe jɔ bɛ̈n piny ë kuur nɔm, ku lëk kɔc an, “Guiɛɛrkï röt.” Agokï lupɔɔken waak. 15Go Mothe lɛ̈k keek an, “Guiɛɛrkï röt në biäk de rutui, ku cïn raan tɔ̈c ke tik në ee nïnkë yiic.”
16 #
Nyu 4:5. #Nyöŋ 4:11,12. Na ɣɔn amiäk, në kööl ye akööl diäk, ke deŋ ë ye rel ku wil deŋ, ku tiëc gökdïït ë luät në kuur nɔm, ku piŋ röl de kaaŋ cï lɔ gaŋgaŋ. Go riɔ̈ɔ̈c kɔc nu në pɛɛny yiic lath kedhie. 17Go Mothe ke wat, leer keek të nu Nhialic. Gokï lɔ kɔ̈ɔ̈c në kuur thar. 18Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek. 19Ku jɔ kaaŋ lɔ ke ŋuak e röl. Ago Mothe jɔ jam ku ye Nhialic puɔ̈k nɔm en në rel ë deŋ. 20Go Bɛ̈nydït bɛ̈n piny nhial le ë kuur ë Thinai nɔm ku cɔɔl Mothe ë kuur ë Thinai nɔm. Go Mothe lɔ nhial ë kuur nɔm. 21Go Bɛ̈nydït lɛ̈k en an, “Lɔ jɔ̈ny kɔc ë ke cïï akeu lïr nɔm bïk Ɛn bɛ̈n tïŋ. Të le kek akeu lïïr nɔm kɔc juëc abïk thou në keyiic. 22Ayï bäny ke kake Nhialic bɔ̈ të nu Bɛ̈nydït thïn, ë ke ye kegup kɔn waak. Na cïkï lɔ looi aya, abï Bɛ̈nydït ke luöi këtuc.”
23Go Mothe lɛ̈k Bɛ̈nydït an, “Kɔc acïkï bï kɔn bɛ̈n nhial, në luɔi cï Yïn wo yɔ̈ɔ̈k ɣɔn an tɔku kuur ee kuur ɣeric ku tɔ wo geer kuur thar ëbɛ̈n.”
24Go Bɛ̈nydït puk nɔm an, “Lɔ piny, ku lɔ bä wekë Aron. Ku bäny dït ke kake Nhialic ë ke cïï akeu lïr nɔm ke ke bɔ̈ të nu Yɛnë. Na lek akeu lïïr nɔm, abä ke luöi këtuc. 25Go Mothe lɔ piny të nu kɔc thïn, ku le ke guiëër ka cïï Bɛ̈nydït lɛ̈k en.”
Valgt i Øjeblikket:
Bɛ̈n 19: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.