Bɛ̈n 20
20
Lööŋ Kathiëër
(Nyöŋ 5:1-21)
1Na wën, ke Nhialic jam lueel ë kakë kedhie an, 2“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.
3“Yïn cïï nɔm bï dɛ yiëth kɔ̈k të cïn Ɛn.
4 #
Bɛ̈n 34:17; Leb 19:4; 26:1; Nyöŋ 4:15-18; 27:15. “Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny. 5#Bɛ̈n 34:6,7; Kuɛ̈n 14:18; Nyöŋ 7:9,10. Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn. 6Ku Yɛn ee nhiëërdiën agɔk nyuöth aguum ke rɛm#20:6: aguum ke rɛm; nɔn aaaguum. nhiaar Ɛn, ku yek lööŋkï gam.
7 #
Leb 19:12. “Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.
8 #
Bɛ̈n 16:23-30; 31:12-14. “Ye kööl ë Thabath döt ke ye kööl ɣeric. 9#Bɛ̈n 23:12; 31:15; 34:21; 35:2; Leb 23:3. Yïn de nɔm akööl kadhetem, akööl bïï yïn ke luɔɔidu looi thïn. 10Na kööl ye akööl dhorou, ee Thabath ë Bɛ̈nydït Nhialicdu. Du ee luui thïn, yïn wekë mïthku, ayï lïïmku, ayï kɔc lei rɛ̈ɛ̈r në yïn ayï läiku. 11#Cäk 2:1-3; Bɛ̈n 31:17. Në luɔi ë cak Ɛn piny nɔm, ayï nhial, ayï wɛ̈ɛ̈r në këriëëc tɔ̈u në keyiic ëbɛ̈n në akööl kadhetem, ku ja bɛ̈n lɔ̈ŋ në kööl ye akööl dhorou. Yen aa thiɛɛi Ɛn kööl ë Thabath ku ta ɣeric.
12 #
Nyöŋ 27:16; Math 15:4; 19:19; Mak 7:10; 10:19; Luk 18:20; Epe 6:2;
Epe 6:3. “Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.
13 #
Cäk 9:6; Leb 24:17; Math 5:21; 19:18; Mak 10:19; Luk 18:20; Rom 13:9; Jak 2:11. “Du raan näk.
14 #
Leb 20:10; Math 5:27; 19:18; Mak 10:19; Luk 18:20; Rom 13:9; Jak 2:11. “Du lɔ we tiiŋ lei, ku tik ë cïï lɔ ke mony däŋ.
15 #
Leb 19:11; Math 19:18; Mak 10:19; Luk 18:20; Rom 13:9. “Du kuël.
16 #
Bɛ̈n 23:1; Math 19:18; Mak 10:19; Luk 18:20. “Du raan ciëk thok.
17 #
Rom 7:7; 13:9. “Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”
Riɔ̈ɔ̈c de Kɔc
(Nyöŋ 5:22-33)
18 #
Ɣeb 12:18,19. Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec. 19Ku lëkkï Mothe an, “Jäämë wook yïn, ku kë luel abuk piŋ. Të le Nhialic wo jääm, wok bï thou.”
20Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.” 21Go kɔc ŋoot ke ke kääc tëmec go aa Mothe yetök yen lɔ në luät lɔ̈ɔ̈m luän cool dïït lɔcɔ̈t, luän ë nu Nhialic thïn.
Lööŋ ke yïŋ ë Yïk
22Go Bɛ̈nydït lɛ̈k Mothe an yɔ̈ɔ̈kë kɔc ke Yithriɛl an, “Acäk tïŋ në wenyïïn wapäc nɔn cän we jääm ke Ya nu nhial. 23Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp. 24Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei. 25#Nyöŋ 27:5-7; Joc 8:31. Ku të kaar wek bäk Ɛn yiëk yïïŋ ë kuur, ke duökï yïk në kur cï tueŋ ë wëëth. Të la wek en tueŋ në wënh ye kur tueŋ, ka cäk jɔ riɔ̈ɔ̈k ka acï bï bɛ röŋ nɔn bä wek Ɛn yiëk yïk në keek. 26Ku duökï ya ee yiëk yïïŋ de kë ye kɔc lɔ nhial në yen, ke we cï wethäär bï nyääŋ wei të ruɛc wek yïk.”
Valgt i Øjeblikket:
Bɛ̈n 20: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.