Lukà Kpɔ̀kplɔ̀sɔyìemè
Kpɔ̀kplɔ̀sɔyìemè
Lukà be àŋɛ̀nyuɛ̃ a nyi xoma kè ɖè Yesù fiɔ sìgbè Hlùɛ̃tɔ kè Mawu fìã na Izràɛl be dùkɔ̃a ku àgbètɔ xòmèa kpataa nène. Ènu kè Lukà ŋlɔ̀a, ɖè e mè be Tɔhonɔ̀ be Gbɔ̃gbɔ̃ a ye yɔ Yesù ne “bèa do àŋɛ̀nyuɛ̃ a na wɔ̀amènɔ̀wo.” Nène a, àŋɛ̀nyuɛ̃ kè lè xoma kèa mèa ɖè àlekè Mawu kãmana na àmè sùgbɔ kèwo ènu hamèhamèwo hiã veve ɖe a be ènyàa fiɔ. Lukà be àŋɛ̀nyuɛ̃ a hɛ̃ jìjɔɛ gã ɖe va, vevetɔa, lè xoma a be tɔtɔji, wàlɛbɛ kè wo do àŋɛ̀ be Yesù va ɖoa, ku lè yebe ènuwuwu, wàlɛbɛ kè Yesù yì jiŋùkusia. Xoma kèa be ŋlɔ̀tɔa ke ye ŋlɔ̀: Àmèdɔ̃dɔ̃wo be èdɔwɔ̀wɔ xoma a, ekè pò nupo so àlekè Kristò ji xɔ̀sèa va sĩ ɖo e ji ɖo, kaka yì tèpe vòvòvò woa ŋuti.
Wo gblɔ̃ ènyà ɖewo ɖo xoma a be àkpa èvègɔ̃a ku àdɛ̃gɔ̃ a mè. Ènyà kèawo lè àŋɛ̀nyuɛ̃-xoma kèa ɖèɖe kpò mè. (Kpɔ xoma a be ènyàtiwo). Wo mu lè àŋɛ̀nyuɛ̃ kpɔ̀tɛawo mè ò. Lè kpɔwɔɛ mè: èhà kè Mawu be àtikplɔtɔwo jìa, àlekè àlɛ̃kplɔ̀tɔwo yì ji Yesù, ɖèvia kpɔ ɖoa, Yesù yì mawuxɔa mè lè ɖèvi mè, Èlododowo so Sàmarìatɔ àdɔ̀mènyuɛ̃tɔa ku èvi bubua ŋuti. Lè xoma bliboa mèa, wo tɛ ègbè ɖo kuefã, Gbɔ̃gbɔ̃ Kɔ̀kɔ̀ɛ a be èdɔwɔ̀wɔ, nyɔ̃nùwo be èdɔ lè Yesù be sùmɔ̀-sumɔ dɔa mè, ku lekè Mawu sɔna èvuɛ̃ kènàa ji.
Xoma a mè-nyàwo
Kpɔ̀kplɔ̀sɔyìemè 1.1-4
Yòhanɛ̀s Mawusilènamètɔa ku Yesù: woabe jìji ku ɖèvimè nɔ̀nɔ 1.5—2.52
Yòhanɛ̀s Mawusilènamètɔa be èdɔwɔ̀wɔ 3.1-20
Mawusi lèle na Yesù ku tètèkpɔ 3.21—4.13
Yesù be èdɔwɔ̀wɔ lè àgũ dòmè lè Galilea 4.14—9.50
Yesù be èmɔzɔ̃zɔ̃ so Galilea yì Yèruzàlɛm 9.51—19.27
Yesù be kuasiɖa mlɛ̃a lè Yèruzàlɛm be èdùa mè ku èdùa godo 19.28—23.56
Tɔhonɔ̀a be fɔ̃fɔ̃ so èku, ye ɖokoe ɖèɖè fiɔ ku yebe jiŋùkusi yìyi 24.1-53
Valgt i Øjeblikket:
Lukà Kpɔ̀kplɔ̀sɔyìemè: GEN
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Mina Bible © Bible Society of Togo, 2014.