Gha ta Wəshi 29
29
Zhakob kabegeme le Rashɛl
1Ntəŋə Zhakob kwa hweŋkwa kalə laka hɛɗi nyi laka ŋkwa kesame ta veci. 2Ma te kwete hɛ ne, pa ŋkɛ nakɛ kwete belageji mbe gamba. Tagha wəvəsəa timɛti mahekene yitea belagejia shɛ meɓelahe meɓelahe, kwa nza ŋkɛ kwa belagejia shɛ sa yɛmə wəshi keseɗa. Kwete pelɛ kewəbanyɛ yaŋzlete belagejia shɛ mbeli le. 3Ma ketsenete geva wəshi keseɗa pɛtɛ tagha ne, katsəkwə pelɛ mbeli seyi mɛa belagejia shɛ, kasame nda yɛmə mbeli ke wəshi keseɗa nda tezhɛne pelɛa shɛ mbeli kadzemɛ 4Ma ke Zhakob sha ka ya wəshi: «Ka kesaka ma, tema se yɛ wa?» Ma ke hɛ shɛ: «Se mbe Haran ghen'yɛ.» 5Ma ke sha hɛ: «Nahe yɛ keɗepe Laban, wəzege ta Nahor tse na?» Ma ke hɛ shɛ: «E'e.» 6Ma ke sha hɛ: «Kwelɛŋe ŋkɛ na?» Ma ke hɛ shɛ: «Kwelɛŋe ŋkɛ, wa nya wəzha ta ŋkɛ Rashɛl nya kaseyi le timɛti.» 7Ma ke Zhakob zhɛkwa: «Newema mə, kenaka və gare tsene wəshi keseɗa we. Same nda mə yɛmə ke hɛ shɛ yɛ ŋkaghe hɛ kadzete ŋkwa kezeme gwəzə.» 8Ma ke hɛ shɛ: «Kashɛ ghen'yɛ sa nda yɛmə ke wəshi tewə ghen'yɛ ketsenete hɛ pɛtɛ we. Ma kwa sebe ta ŋkɛ, kapəŋə pelɛ nya mɛa belageji n'yɛ nda tesa nda yɛmə ghen'yɛ ke wəshi.»
9Mba Zhakob kageze ghena le hɛ nda dzeghwake dzeghwa Rashɛl le timɛtia yitenyɛ, kwa nza nde kakwa ya wəshi. 10Nakɛma ta Zhakob ke Rashɛl, wəzha ta kwesegwenyɛ Laban le timɛti ne, pa ŋkɛ hendave nda geva ke belagejia shɛ. Pa ŋkɛ pəŋəmte pelɛ nya mɛ ba'a same nda yɛmə ke timɛtia Laban. 11Həməwə Zhakob həməwəve Rashɛl, ntake ŋkɛ kanehwene. 12Pa ŋkɛ gezete nda ke Rashɛl kamenənyɛa yitenyɛ ba'a kawəzege ta Rɛbɛka ŋkɛ. Tereŋe Rashɛl te hwɛ te ŋkwa shɛnyɛ kalə sha yitenyɛ. 13Fatema ta Laban kageze ghena ta Zhakob, wəzege ta wəzha ta meghekɛ mbeli ne, tereŋe ŋkɛ te hwɛ kabegeme le, həməwə ŋkɛ shɛ, pa ŋkɛ keleghe ŋkɛ kadzeki ghɛ. Pa Zhakob ɓelate nda wəshi nyi kemenete nda geva pɛtɛ. 14Ma ke Laban shɛ: «Kaganda nza na kahwelefe ta ɗa.» Tere zake Zhakob menete ki ghɛa Laban.
Wəme geva ta yɛ Zhakob le ŋwalea kwɛa Laban
15Ma te kwete veci ne, ma ke Laban sha Zhakob: «Menə ɗa na, ama kehite geva ŋkɛ kezha mene ɗa slene na gəmə we. Gezete ɗa wəsə nya kehi kazhɛme ta ŋa.»
16Ŋwalea kwɛ bake ya va Laban, Lɛya sləa nya kwele, Rashɛl nya ɓɛhwɛ. 17Kendeɗe ndeɗenji ntsə kwa Lɛya, ama zlahe ganyɛa Rashɛl. 18Pa Zhakob ɗehwe Rashɛl, ma ke: «Katemene ŋa slene 'ya kava mberefaŋe kadzembe Rashɛl, wəzha ta ŋa nya ɓɛhwɛ.» 19Ma ke Laban shɛ: «Megela ma ke gha ve ŋa 'ya kenya ve nda ŋkɛ 'ya ke kwete wəndə. Nza ŋa ki ghɛa ɗa.»
20Pa Zhakob menete va mberefaŋe kamene nda slene ke Laban kadzembe Rashɛl. Kala hɛ ɓɛhwɛ newe va nyighɛ ŋkɛ kwa ɗehwe ŋkɛ ŋkɛ. 21Kwa sebe ta ŋkɛ, ma ke Zhakob sha Laban: «Ndeke ɗa male ta ɗa, 'ya kaŋzle ŋkɛ, kwa nza nde nahe vəa slene nya mene ŋa 'ya kekiɗi.»
22Pa Laban tsenete pɛtɛa mbeli nyi te ŋkwa shɛ, takwe ŋkɛ sha veghe. 23Ma kwa se tɛhwɛɗi ne, pa ŋkɛ beghave nda wəzha ta ŋkɛ Lɛya ke Zhakob kezha hɛ ŋkɛ le. 24Pa Laban ndeke nda Zilpa ke wəzha ta ŋkɛ kakwatera ta nta. 25Ma newe ke Zhakob masheke ne, Lɛya yanza ŋkɛ le. Ma ke Zhakob sha Laban: «Wa wəsə nya menete ɗa nya na wa? Ashɛ kezha wəme Rashɛl menete ŋa slene 'ya wəka? Yitea wa ghwetete ɗa na wa?» 26Ma ke Laban shɛ: «Kehite geva ŋkɛ laka wəsə keshia n'yɛ kave nda wəzha nya ɓɛhwɛ ke za mba nya kwele we. 27Ɓelamte nda gəsəkəa nya nda teve ŋa nya ɓɛhwɛ mbeli kemenete slene ɗa na kava mberefaŋe zhɛkwa.» 28Pa Zhakob menete kala nyagha. Pa ŋkɛ kiɗimte ɓela nda gəsəkəa Lɛya, kwetere wəmbəa ŋkɛ, pa Laban ndeke nda wəzha ta ŋkɛ Rashɛl kamale. 29Pa ŋkɛ ndeke nda Bilha ke Rashɛl kakwatera ta nta. 30Ntake Zhakob kaɓelahe le Rashɛl, za ma ɗehwe nde ke Lɛya. Va mberefaŋe ŋkɛ menete nda slene zhɛkwa ke Laban.
Ŋwalea Zhakob
31Ma kwa nakɛ Mahwətə dewə ɗe Lɛya mbeli ne, pa ŋkɛ ndeke nda ya ŋwale. Ama kajɛŋa nza nda Rashɛl. 32Njehe Lɛya le hwə, bawe yake wəzege teza, pa nde hekate nda slə kaRəwbɛn, kwa nza ŋkɛ ma ke: «Nahe Mahwətə kenakɛ hawe nya te 'ya. Ma tsetsenya ne, kateɗe ɗa za ɗa.»
33Njehe le hwə zhɛne, bawe yake kwete wəzege teza. Ma ke: «Nahe Mahwətə keɗepe kaɗema mbeli kaɗe ɗa, pa nde ndeke ɗa kwete wəzege.» Pa nde ndeke nda slə kaSimɛyon.
34Njehe nde le hwə zhɛkwa, bawe nde yake nde mahekene ta wəzege teza. Ma ke: «Ma tsetsenya gɛ ne, katejikə geva za ɗa le 'ya kwa yake nda ŋwale tezhili 'ya mahekene.» Vatse hekate nda slə Zhakob ke wəzegea shɛ kaLɛvi.
35Njehe nde le hwə zhɛkwa, bawe yake nde wəfaɗe ta wəzege teza. Ma ke: «Ma tsetsenya gɛ ne, katetsahe Mahwətə 'ya.» Vatse hekate nda slə nde ke wəzegea shɛ kaZhəwda.
Tagha gɛ, ghereŋe nde keya wəzege.
Valgt i Øjeblikket:
Gha ta Wəshi 29: BEKDC12
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 29
29
Zhakob kabegeme le Rashɛl
1Ntəŋə Zhakob kwa hweŋkwa kalə laka hɛɗi nyi laka ŋkwa kesame ta veci. 2Ma te kwete hɛ ne, pa ŋkɛ nakɛ kwete belageji mbe gamba. Tagha wəvəsəa timɛti mahekene yitea belagejia shɛ meɓelahe meɓelahe, kwa nza ŋkɛ kwa belagejia shɛ sa yɛmə wəshi keseɗa. Kwete pelɛ kewəbanyɛ yaŋzlete belagejia shɛ mbeli le. 3Ma ketsenete geva wəshi keseɗa pɛtɛ tagha ne, katsəkwə pelɛ mbeli seyi mɛa belagejia shɛ, kasame nda yɛmə mbeli ke wəshi keseɗa nda tezhɛne pelɛa shɛ mbeli kadzemɛ 4Ma ke Zhakob sha ka ya wəshi: «Ka kesaka ma, tema se yɛ wa?» Ma ke hɛ shɛ: «Se mbe Haran ghen'yɛ.» 5Ma ke sha hɛ: «Nahe yɛ keɗepe Laban, wəzege ta Nahor tse na?» Ma ke hɛ shɛ: «E'e.» 6Ma ke sha hɛ: «Kwelɛŋe ŋkɛ na?» Ma ke hɛ shɛ: «Kwelɛŋe ŋkɛ, wa nya wəzha ta ŋkɛ Rashɛl nya kaseyi le timɛti.» 7Ma ke Zhakob zhɛkwa: «Newema mə, kenaka və gare tsene wəshi keseɗa we. Same nda mə yɛmə ke hɛ shɛ yɛ ŋkaghe hɛ kadzete ŋkwa kezeme gwəzə.» 8Ma ke hɛ shɛ: «Kashɛ ghen'yɛ sa nda yɛmə ke wəshi tewə ghen'yɛ ketsenete hɛ pɛtɛ we. Ma kwa sebe ta ŋkɛ, kapəŋə pelɛ nya mɛa belageji n'yɛ nda tesa nda yɛmə ghen'yɛ ke wəshi.»
9Mba Zhakob kageze ghena le hɛ nda dzeghwake dzeghwa Rashɛl le timɛtia yitenyɛ, kwa nza nde kakwa ya wəshi. 10Nakɛma ta Zhakob ke Rashɛl, wəzha ta kwesegwenyɛ Laban le timɛti ne, pa ŋkɛ hendave nda geva ke belagejia shɛ. Pa ŋkɛ pəŋəmte pelɛ nya mɛ ba'a same nda yɛmə ke timɛtia Laban. 11Həməwə Zhakob həməwəve Rashɛl, ntake ŋkɛ kanehwene. 12Pa ŋkɛ gezete nda ke Rashɛl kamenənyɛa yitenyɛ ba'a kawəzege ta Rɛbɛka ŋkɛ. Tereŋe Rashɛl te hwɛ te ŋkwa shɛnyɛ kalə sha yitenyɛ. 13Fatema ta Laban kageze ghena ta Zhakob, wəzege ta wəzha ta meghekɛ mbeli ne, tereŋe ŋkɛ te hwɛ kabegeme le, həməwə ŋkɛ shɛ, pa ŋkɛ keleghe ŋkɛ kadzeki ghɛ. Pa Zhakob ɓelate nda wəshi nyi kemenete nda geva pɛtɛ. 14Ma ke Laban shɛ: «Kaganda nza na kahwelefe ta ɗa.» Tere zake Zhakob menete ki ghɛa Laban.
Wəme geva ta yɛ Zhakob le ŋwalea kwɛa Laban
15Ma te kwete veci ne, ma ke Laban sha Zhakob: «Menə ɗa na, ama kehite geva ŋkɛ kezha mene ɗa slene na gəmə we. Gezete ɗa wəsə nya kehi kazhɛme ta ŋa.»
16Ŋwalea kwɛ bake ya va Laban, Lɛya sləa nya kwele, Rashɛl nya ɓɛhwɛ. 17Kendeɗe ndeɗenji ntsə kwa Lɛya, ama zlahe ganyɛa Rashɛl. 18Pa Zhakob ɗehwe Rashɛl, ma ke: «Katemene ŋa slene 'ya kava mberefaŋe kadzembe Rashɛl, wəzha ta ŋa nya ɓɛhwɛ.» 19Ma ke Laban shɛ: «Megela ma ke gha ve ŋa 'ya kenya ve nda ŋkɛ 'ya ke kwete wəndə. Nza ŋa ki ghɛa ɗa.»
20Pa Zhakob menete va mberefaŋe kamene nda slene ke Laban kadzembe Rashɛl. Kala hɛ ɓɛhwɛ newe va nyighɛ ŋkɛ kwa ɗehwe ŋkɛ ŋkɛ. 21Kwa sebe ta ŋkɛ, ma ke Zhakob sha Laban: «Ndeke ɗa male ta ɗa, 'ya kaŋzle ŋkɛ, kwa nza nde nahe vəa slene nya mene ŋa 'ya kekiɗi.»
22Pa Laban tsenete pɛtɛa mbeli nyi te ŋkwa shɛ, takwe ŋkɛ sha veghe. 23Ma kwa se tɛhwɛɗi ne, pa ŋkɛ beghave nda wəzha ta ŋkɛ Lɛya ke Zhakob kezha hɛ ŋkɛ le. 24Pa Laban ndeke nda Zilpa ke wəzha ta ŋkɛ kakwatera ta nta. 25Ma newe ke Zhakob masheke ne, Lɛya yanza ŋkɛ le. Ma ke Zhakob sha Laban: «Wa wəsə nya menete ɗa nya na wa? Ashɛ kezha wəme Rashɛl menete ŋa slene 'ya wəka? Yitea wa ghwetete ɗa na wa?» 26Ma ke Laban shɛ: «Kehite geva ŋkɛ laka wəsə keshia n'yɛ kave nda wəzha nya ɓɛhwɛ ke za mba nya kwele we. 27Ɓelamte nda gəsəkəa nya nda teve ŋa nya ɓɛhwɛ mbeli kemenete slene ɗa na kava mberefaŋe zhɛkwa.» 28Pa Zhakob menete kala nyagha. Pa ŋkɛ kiɗimte ɓela nda gəsəkəa Lɛya, kwetere wəmbəa ŋkɛ, pa Laban ndeke nda wəzha ta ŋkɛ Rashɛl kamale. 29Pa ŋkɛ ndeke nda Bilha ke Rashɛl kakwatera ta nta. 30Ntake Zhakob kaɓelahe le Rashɛl, za ma ɗehwe nde ke Lɛya. Va mberefaŋe ŋkɛ menete nda slene zhɛkwa ke Laban.
Ŋwalea Zhakob
31Ma kwa nakɛ Mahwətə dewə ɗe Lɛya mbeli ne, pa ŋkɛ ndeke nda ya ŋwale. Ama kajɛŋa nza nda Rashɛl. 32Njehe Lɛya le hwə, bawe yake wəzege teza, pa nde hekate nda slə kaRəwbɛn, kwa nza ŋkɛ ma ke: «Nahe Mahwətə kenakɛ hawe nya te 'ya. Ma tsetsenya ne, kateɗe ɗa za ɗa.»
33Njehe le hwə zhɛne, bawe yake kwete wəzege teza. Ma ke: «Nahe Mahwətə keɗepe kaɗema mbeli kaɗe ɗa, pa nde ndeke ɗa kwete wəzege.» Pa nde ndeke nda slə kaSimɛyon.
34Njehe nde le hwə zhɛkwa, bawe nde yake nde mahekene ta wəzege teza. Ma ke: «Ma tsetsenya gɛ ne, katejikə geva za ɗa le 'ya kwa yake nda ŋwale tezhili 'ya mahekene.» Vatse hekate nda slə Zhakob ke wəzegea shɛ kaLɛvi.
35Njehe nde le hwə zhɛkwa, bawe yake nde wəfaɗe ta wəzege teza. Ma ke: «Ma tsetsenya gɛ ne, katetsahe Mahwətə 'ya.» Vatse hekate nda slə nde ke wəzegea shɛ kaZhəwda.
Tagha gɛ, ghereŋe nde keya wəzege.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.