Gha ta Wəshi 34
34
Wa dewa ta yɛ Simɛyon le Lɛvi
1Ma te kwete hɛ ne, cape Dina, wəzha nya yake yɛ Zhakob le Lɛya kalə kanewe deghelɛshi nyi te hɛɗia shɛ. 2Pa Sishɛm, wəzege ta Hamor nya kameghea ka Hava nyi te hɛɗia shɛ nakɛ ŋkɛ. Pa ŋkɛ kelehwe ŋkɛ ba'a ɓelahehwe ɓelahe le kaberete. 3Pa ŋkɛ mawehwe Dina nya kawəzha ta Zhakob tsape tsape, ɗehwe ŋkɛ kwele kwele, ntake ŋkɛ kagweɗakwe nda mehele. 4Ma ke sha yitenyɛ Hamor: «'Yɛwakɛ ɗa wəzha nya, kaɗe ŋkɛ 'ya kamale.» 5Pa Zhakob fate nahe Sishɛm kebezemte wəzha ta ŋkɛ Dina. Ama kwa nza ŋwale tezhilia ŋkɛ kwamte yitea wəshi ne, kese Zhakob kageze kwete ghena nda tesheke hɛ kwamte we. 6Ntəŋə Hamor, yitenyɛa Sishɛm kalə sha Zhakob kezha geze nda ghena. 7Ma kwa sheke ŋwale tezhilia Zhakob kwamte ne, pa hɛ fate wəsə nya kemenete geva. Kaŋele nya te hɛ ŋkɛ sha hɛ, mɓɛke hɛ hwepete wənə kwele kwele va nya nza ŋkɛ beze ghena nya wəba yamenete Sishɛm, kwa ɓelahehwe ɓelahe ŋkɛ le wəzha ta Zhakob. Kamene wəsə nya kala nyagha mbeli sha ka Israyɛl we. 8Ma ke Hamor sha hɛ: «Nahe wəzege ta ɗa Sishɛm keɗehwe wəzha ta ŋa kala mpi, ndeke nda mə kamale təhwə təhwə ŋa 'ya. 9Jikə mə geva le ghen'yɛ mbe wəme geva. Pelakɛ mə ŋwalea kwɛa ŋayɛ kawəme hɛ ghen'yɛ ba'a wəme mə ŋa n'yɛ. 10Jikə tenza yɛ le ghen'yɛ. Werete tenza hɛɗi nya ke gheyɛ: wərə yɛ kanza te, kamene fəli te ba'a kaŋsle yɛ wəve.»
11Ma ke Sishɛm le ghəa ŋkɛ sha yiteyɛ Dina ba'a ka kesaka meghekɛa: «Ma kezlaɓa heli yɛ le 'ya ne, kateve ŋayɛ yayata wəsə nya tegeze ɗa yɛ 'ya. 12Wərə yɛ ka'yɛwe wəme ba'a wəshi gəmə kwele kwele va 'ya. Kateve ŋayɛ pɛtɛa wəshi nyi te'yɛwe yɛ 'ya, ama ndeke ɗa mə wəzha nya kamale.» 13Pa ŋwalea Zhakob zhɛnete nda le ntsehwele ke yɛ Sishɛm le yitenyɛ, kwa bezemte wəzha ta megheyɛa nci Dina Sishɛm. 14Ma ke hɛ sha hɛ: «Kashɛ ghen'yɛ ve nda wəzha ta meyɛ n'yɛ ke wəndə nya keslamtema mɓɛta tɛape we. Kawəsə hawe ŋkɛ kaŋa n'yɛ. 15Ma nda nza n'yɛ kayɛhwe ne, nda yɛ kemenete kala ghen'yɛ, pa zhilia ŋayɛ slamte mɓɛta. 16Ma tsagha gɛ ne, kateve ŋayɛ ŋwalea kwɛa n'yɛ ghen'yɛ ba'a katewəme ŋa ŋayɛ ghen'yɛ. Hwa gheyɛ tenza ghen'yɛ, kahwelefe nya kwetɛŋe tenza gheɓəmə. 17Ama keɗema yɛ kayɛ kezha sla mɓɛta ne, katezhɛnehwe wəzha ta meyɛ n'yɛ ghen'yɛ ba'a katedzeghwa n'yɛ ghen'yɛ.»
18Nahe ghena ta nci kenza megela sha yɛ Hamor le wəzege ta ŋkɛ Sishɛm. 19Kese mempɛhweta nyagha katemə nda menete ŋkɛ kala nya kegezete geva we, va nya nza ŋkɛ kwele kwele ɗehwe wəzha ta Zhakob ŋkɛ. Ma gheŋkɛ ne, kwele kwele hawe mbeli ve ki ghɛa nci. 20Cape yɛ Hamor le wəzege ta ŋkɛ Sishɛm kadzemɛa mɛ degha ta meleme ta nci, ma ke hɛ sha mbelia nci: 21«Ganyɛke nza ta mbeli nyi le gheɓəmə. Nza hɛ te hɛɗia ɓəmə ba'a mene fəli hɛ te, nza hɛɗi nya werete va hɛ! Wəme ɓəmə ŋwalea kwɛa nci kami, ve nda ɓəmə ŋa ɓəmə ke hɛ. 22Kateyɛ hɛ kanza hwa gheɓəmə ba'a kanza kahwelefe nya kwetɛŋe le gheɓəmə, ama nda gheɓəmə kayipəyi kwete ghena kwetɛŋe kwa: nda yayata za nya hwa gheɓəmə kasla mɓɛta kala hɛ. 23Ma keyɛhwe nda gheɓəmə ke hɛ ne, katese hɛ kanza hwa gheɓəmə. Ma tsagha, katenza wəshi keseɗa ta nci le mcɛləa nci pɛtɛ kaŋa ɓəmə.» 24Pɛtɛ mbeli nyi keshave mɛa degha ta meleme yɛhwe ghena ta yɛ Hamor le wəzege ta ŋkɛ Sishɛm. Pɛtɛ zhili nyi mbe meleme slamte mɓɛta.
25Ma te kwa mahekene ta hɛ mba mbelia shɛhɛ kasəwə zhia nci ne, kəliɓə kweci ŋwale tezhilia Zhakob bake fəte kafayɛa nci, yɛ Simɛyon le Lɛvi nyi kaka kesaka meghekɛa Dina. Shilimə hɛ mbe meleme kaɗema mbeli keɗepe kwete hwe, pɛtɛ hɛ mpəmte zhili nyi mbe. 26Pa hɛ mpəmte yɛ Hamor le wəzege ta ŋkɛ Sishɛm, pa hɛ kelakave Dina shave ki ghɛa Sishɛm, ntəŋə hɛ slənji. 27Ntake kweci ŋwalea Zhakob kafə wəshi nyi te geva ta mbeli nyi kempə mpə, pɛtɛ hɛ fəhwe wəshi nyi mbe meleme kwa bezemte wəzha ta yite nci mbeli. 28Pa hɛ ŋkahwe timɛti, kwi, sla, kwara lɛmə ba'a fəhwe pɛtɛa wəshi nyi mbe meleme ba'a nyi kwamte. 29Pɛtɛ hɛ fəhwe mcɛləa nci, ŋwalea nci, mia nci ba'a pɛtɛa wəshi nyi ki ghɛa nci.
30Ma ke Zhakob sha yɛ Simɛyon le Lɛvi: «Wəsə kwa ndiremi yakeleke yɛ kadzete 'ya kwa veyi ghema yɛ kwelɛ 'ya le mbeli nyi te hɛɗi nya, ka Kanan ba'a ka Pɛrɛs. Keɓɛhwɛ gheɓəmə, katetsene geva hɛ kadzeyitea 'ya, terayɛ tenza sebe te 'ya le ghɛa ɗa.» 31Ma ke hɛ zhɛnete: «Kala kwa mefətekwə hi mbeli kamene le wəzha ta meyɛ n'yɛ na?»
Valgt i Øjeblikket:
Gha ta Wəshi 34: BEKDC12
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 34
34
Wa dewa ta yɛ Simɛyon le Lɛvi
1Ma te kwete hɛ ne, cape Dina, wəzha nya yake yɛ Zhakob le Lɛya kalə kanewe deghelɛshi nyi te hɛɗia shɛ. 2Pa Sishɛm, wəzege ta Hamor nya kameghea ka Hava nyi te hɛɗia shɛ nakɛ ŋkɛ. Pa ŋkɛ kelehwe ŋkɛ ba'a ɓelahehwe ɓelahe le kaberete. 3Pa ŋkɛ mawehwe Dina nya kawəzha ta Zhakob tsape tsape, ɗehwe ŋkɛ kwele kwele, ntake ŋkɛ kagweɗakwe nda mehele. 4Ma ke sha yitenyɛ Hamor: «'Yɛwakɛ ɗa wəzha nya, kaɗe ŋkɛ 'ya kamale.» 5Pa Zhakob fate nahe Sishɛm kebezemte wəzha ta ŋkɛ Dina. Ama kwa nza ŋwale tezhilia ŋkɛ kwamte yitea wəshi ne, kese Zhakob kageze kwete ghena nda tesheke hɛ kwamte we. 6Ntəŋə Hamor, yitenyɛa Sishɛm kalə sha Zhakob kezha geze nda ghena. 7Ma kwa sheke ŋwale tezhilia Zhakob kwamte ne, pa hɛ fate wəsə nya kemenete geva. Kaŋele nya te hɛ ŋkɛ sha hɛ, mɓɛke hɛ hwepete wənə kwele kwele va nya nza ŋkɛ beze ghena nya wəba yamenete Sishɛm, kwa ɓelahehwe ɓelahe ŋkɛ le wəzha ta Zhakob. Kamene wəsə nya kala nyagha mbeli sha ka Israyɛl we. 8Ma ke Hamor sha hɛ: «Nahe wəzege ta ɗa Sishɛm keɗehwe wəzha ta ŋa kala mpi, ndeke nda mə kamale təhwə təhwə ŋa 'ya. 9Jikə mə geva le ghen'yɛ mbe wəme geva. Pelakɛ mə ŋwalea kwɛa ŋayɛ kawəme hɛ ghen'yɛ ba'a wəme mə ŋa n'yɛ. 10Jikə tenza yɛ le ghen'yɛ. Werete tenza hɛɗi nya ke gheyɛ: wərə yɛ kanza te, kamene fəli te ba'a kaŋsle yɛ wəve.»
11Ma ke Sishɛm le ghəa ŋkɛ sha yiteyɛ Dina ba'a ka kesaka meghekɛa: «Ma kezlaɓa heli yɛ le 'ya ne, kateve ŋayɛ yayata wəsə nya tegeze ɗa yɛ 'ya. 12Wərə yɛ ka'yɛwe wəme ba'a wəshi gəmə kwele kwele va 'ya. Kateve ŋayɛ pɛtɛa wəshi nyi te'yɛwe yɛ 'ya, ama ndeke ɗa mə wəzha nya kamale.» 13Pa ŋwalea Zhakob zhɛnete nda le ntsehwele ke yɛ Sishɛm le yitenyɛ, kwa bezemte wəzha ta megheyɛa nci Dina Sishɛm. 14Ma ke hɛ sha hɛ: «Kashɛ ghen'yɛ ve nda wəzha ta meyɛ n'yɛ ke wəndə nya keslamtema mɓɛta tɛape we. Kawəsə hawe ŋkɛ kaŋa n'yɛ. 15Ma nda nza n'yɛ kayɛhwe ne, nda yɛ kemenete kala ghen'yɛ, pa zhilia ŋayɛ slamte mɓɛta. 16Ma tsagha gɛ ne, kateve ŋayɛ ŋwalea kwɛa n'yɛ ghen'yɛ ba'a katewəme ŋa ŋayɛ ghen'yɛ. Hwa gheyɛ tenza ghen'yɛ, kahwelefe nya kwetɛŋe tenza gheɓəmə. 17Ama keɗema yɛ kayɛ kezha sla mɓɛta ne, katezhɛnehwe wəzha ta meyɛ n'yɛ ghen'yɛ ba'a katedzeghwa n'yɛ ghen'yɛ.»
18Nahe ghena ta nci kenza megela sha yɛ Hamor le wəzege ta ŋkɛ Sishɛm. 19Kese mempɛhweta nyagha katemə nda menete ŋkɛ kala nya kegezete geva we, va nya nza ŋkɛ kwele kwele ɗehwe wəzha ta Zhakob ŋkɛ. Ma gheŋkɛ ne, kwele kwele hawe mbeli ve ki ghɛa nci. 20Cape yɛ Hamor le wəzege ta ŋkɛ Sishɛm kadzemɛa mɛ degha ta meleme ta nci, ma ke hɛ sha mbelia nci: 21«Ganyɛke nza ta mbeli nyi le gheɓəmə. Nza hɛ te hɛɗia ɓəmə ba'a mene fəli hɛ te, nza hɛɗi nya werete va hɛ! Wəme ɓəmə ŋwalea kwɛa nci kami, ve nda ɓəmə ŋa ɓəmə ke hɛ. 22Kateyɛ hɛ kanza hwa gheɓəmə ba'a kanza kahwelefe nya kwetɛŋe le gheɓəmə, ama nda gheɓəmə kayipəyi kwete ghena kwetɛŋe kwa: nda yayata za nya hwa gheɓəmə kasla mɓɛta kala hɛ. 23Ma keyɛhwe nda gheɓəmə ke hɛ ne, katese hɛ kanza hwa gheɓəmə. Ma tsagha, katenza wəshi keseɗa ta nci le mcɛləa nci pɛtɛ kaŋa ɓəmə.» 24Pɛtɛ mbeli nyi keshave mɛa degha ta meleme yɛhwe ghena ta yɛ Hamor le wəzege ta ŋkɛ Sishɛm. Pɛtɛ zhili nyi mbe meleme slamte mɓɛta.
25Ma te kwa mahekene ta hɛ mba mbelia shɛhɛ kasəwə zhia nci ne, kəliɓə kweci ŋwale tezhilia Zhakob bake fəte kafayɛa nci, yɛ Simɛyon le Lɛvi nyi kaka kesaka meghekɛa Dina. Shilimə hɛ mbe meleme kaɗema mbeli keɗepe kwete hwe, pɛtɛ hɛ mpəmte zhili nyi mbe. 26Pa hɛ mpəmte yɛ Hamor le wəzege ta ŋkɛ Sishɛm, pa hɛ kelakave Dina shave ki ghɛa Sishɛm, ntəŋə hɛ slənji. 27Ntake kweci ŋwalea Zhakob kafə wəshi nyi te geva ta mbeli nyi kempə mpə, pɛtɛ hɛ fəhwe wəshi nyi mbe meleme kwa bezemte wəzha ta yite nci mbeli. 28Pa hɛ ŋkahwe timɛti, kwi, sla, kwara lɛmə ba'a fəhwe pɛtɛa wəshi nyi mbe meleme ba'a nyi kwamte. 29Pɛtɛ hɛ fəhwe mcɛləa nci, ŋwalea nci, mia nci ba'a pɛtɛa wəshi nyi ki ghɛa nci.
30Ma ke Zhakob sha yɛ Simɛyon le Lɛvi: «Wəsə kwa ndiremi yakeleke yɛ kadzete 'ya kwa veyi ghema yɛ kwelɛ 'ya le mbeli nyi te hɛɗi nya, ka Kanan ba'a ka Pɛrɛs. Keɓɛhwɛ gheɓəmə, katetsene geva hɛ kadzeyitea 'ya, terayɛ tenza sebe te 'ya le ghɛa ɗa.» 31Ma ke hɛ zhɛnete: «Kala kwa mefətekwə hi mbeli kamene le wəzha ta meyɛ n'yɛ na?»
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.