Gha ta Wəshi 35
35
Zhakob kaslə mbe Sishɛm kadzeme Bɛtɛl
1Ma ke Shala sha Zhakob kwete hɛ: «Sate kadzeme kanza pelɛ Bɛtɛl, pate nda reghwetɛ pelɛagha ke Shala nya kencɛte ŋa geva kwa nza na kahwɛ va wəza meyɛ ŋa Ɛzawə.»
2Ma ke Zhakob sha pɛtɛa mbeli nyi ki ghɛa ŋkɛ zlaɓe le mbeli nyi kese le: «Betakɛ mə yɛ shala ta kweci mbeli nyi va gheyɛ, yaɓemte mə geva ta ŋayɛ wɛŋe wɛŋe shɛ yɛ mbeɗemte lekwesa. 3Hite mə geva, dzeme Bɛtɛl gheɓəmə. 'Ya katedzeme kapa nda reghwetɛ ke Shala nya kezhɛnete ɗa ghena te və nya se 'ya mbe yaka ba'a nya kekemanakɛ ɗa te yayata ŋkwa nya se 'ya.» 4Pa hɛ fəave nda wəshi nyi kashala ta kweci mbeli nyi va hɛ pɛtɛ ba'a wəshi nyi kese mbe sleme va hɛ ke Zhakob. Pa Zhakob leyi hɛ mbe hɛɗi yitea kwete hwemeke dekwede yitea Sishɛm. 5Ma kwa slənji yɛ Zhakob le ŋwalea ŋkɛ ne, pa Shala ndeke nda ghazlənə nya wəba ke mbeli nyi mbe meleme nyi dzeyi yite, wəndə shɛ kese kakeka hɛ we.
6Pa yɛ Zhakob le pɛtɛa mbeli nyi kebeghe ŋkɛ ntsehe mbe Ləwz, geze ta ŋkɛ, Bɛtɛl nya te hɛɗia Kanan. 7Pa ŋkɛ pate reghwetɛ mbe ba'a hekate nda slə ke ŋkwa shɛ kaShala ta Bɛtɛl, kwa nza ŋkɛ tagha ncɛte nda ghəa ŋkɛ Shala te və nya se ŋkɛ kahwɛ va wəza meghekɛ.
8Pa Dɛbora, male nya kenewe ghweme te Rɛbɛka mtenyɛ, pa mbeli lamte ŋkɛ dekwede yitea Bɛtɛl yitea cɛana nya hekate nda slə mbeli se te vəa shɛ kaCɛana ta Nehwene.
9Pa Shala ncɛte nda geva zhɛkwa ke Zhakob kwa zhɛneke geva ŋkɛ se mbe Mɛzopotami ba'a wəpikɛ ŋkɛ. 10Ma ke Shala shɛ: «Zhakob se sləa ŋa, katezhɛne mbeli kaheka ŋa kaZhakob we, ama Israyɛl tenza sləa ŋa.» Pa ŋkɛ hekate nda sləa kaIsrayɛl. 11Ma ke shɛ zhɛkwa: «'Ya ya kaShala nde berete. Kwele kwele teve ŋa ŋwale 'ya kezha nza na kashia hwelefe ba'a kaŋa hwelefefi kwele kwele. Kwele kwele teshave ka meghe mbe gha. 12Ma hɛɗi nya ndeke nda 'ya ke Abraham ba'a ke Izak ne, 'ya kave ŋa ŋkɛ, kateve nda ŋkɛ 'ya ke hwelefefi nyi ketesawa mbe gha kwa sebe ta ŋa.»
13Kwetere wəmbəa ŋkɛ ne, pa Shala slənyɛ te ŋkwa nya gezete nda ghena ŋkɛ ke Zhakob. 14Pa Zhakob mɓete gɛaŋa te ŋkwa shɛ, pa ŋkɛ gəyi n'yi ba'a tɛ te kezha nza ŋkɛ kapelɛ nya keveyi geva tekeleke. 15Pa Zhakob hekate nda slə kaBɛtɛl, geze ta ŋkɛ, “Ghɛa Shala”, ke ŋkwa nya gezete nda ghena Shala te.
Ya ta Bɛnjamɛn ba'a mte ta Rashɛl
16Pa yɛ Zhakob le mbelia ŋkɛ slənji mbe Bɛtɛl. Mbanji hɛ cakeɗake le Ɛfrata ne, ferete Rashɛl yake wəzege. Tekwazhizhi yake wəzegea shɛ nde. 17Ma kwa heha Rashɛl va ya, ma ke male kwa ya ŋkwa shɛ: «Zhɛma ŋa ghazlənə ma, kwete wəzege teza ŋkɛ.» 18Mbe wənə mbe wənə tene Rashɛl. Ma katekeɗaŋe mpi hwe ne, pa nde hekate nda slə kaBɛn-Oni, geze ta ŋkɛ, “Wəzege yaka”. Ama kaBɛnjamɛn hekate yitenyɛ, geze ta ŋkɛ, “Wəzege ta dzeve kwa zeme”. 19Mtiwə Rashɛl, pa mbeli lamte ŋkɛ kwa hweŋkwa ta Ɛfrata, geze ta ŋkɛ, Bɛtelɛhɛm. 20Pa Zhakob mɓeyi gɛaŋa te kwele ta nta: mba mbeli kaheka pelɛa shɛ pa ɓeshi kagɛaŋa ta kwele ta Rashɛl.
21Cape Zhakob slənyɛ ba'a mɓete cɛ lekwesa ta ŋkɛ zlake ke Migdal-Ɛdɛr. 22Ma kwa nza Zhakob te hɛɗi nyagha ne, cape Rəbɛn lə kaɓelahehwe ɓelahe le Bilha, male meghwa ta yitenyɛ, pa Zhakob fate.
Ŋwale tezhili meŋe bakeghəmbe yaŋ'wete Zhakob: 23Ŋwale nyi yake ŋkɛ hwa Lɛya: Rəbɛn nya katezhɛa wəzege, zhɛne Simɛyon, Lɛvi, Zhəwda, Isakar ba'a Zabəlon. 24Ŋwale nyi yake ŋkɛ hwa Rashɛl: yɛ Zhozɛf le Bɛnjamɛn. 25Ŋwale nyi yake ŋkɛ hwa Bilha nya kakwatera ta Rashɛl: yɛ Dan le Nɛftali. 26Ŋwale nyi yake ŋkɛ hwa Zilpa nya kakwatera ta Lɛya: yɛ Gad le Asɛr. Tsetse ŋwalea Zhakob nyi keya mbe Mɛzopotami.
27Hwa'a Zhakob sha yitenyɛ Izak mbe Mamrɛ, dekwede yitea Kiriyat-Arba nya heka mbeli kaHɛbron tsetsenya. Nahe yɛ Abraham le Izak kese kanza mbe. 28Va gwəmsə ba'a deghesemsə menete Izak teghweme 29nda mtenyɛ ŋkɛ. Kwele kwele temə ŋkɛ teghweme nda telə ŋkɛ sha ka shihɛnyɛ. Pa yɛ Ɛzawə le Zhakob, ŋwale tezhilia ŋkɛ lamte ŋkɛ.
Valgt i Øjeblikket:
Gha ta Wəshi 35: BEKDC12
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 35
35
Zhakob kaslə mbe Sishɛm kadzeme Bɛtɛl
1Ma ke Shala sha Zhakob kwete hɛ: «Sate kadzeme kanza pelɛ Bɛtɛl, pate nda reghwetɛ pelɛagha ke Shala nya kencɛte ŋa geva kwa nza na kahwɛ va wəza meyɛ ŋa Ɛzawə.»
2Ma ke Zhakob sha pɛtɛa mbeli nyi ki ghɛa ŋkɛ zlaɓe le mbeli nyi kese le: «Betakɛ mə yɛ shala ta kweci mbeli nyi va gheyɛ, yaɓemte mə geva ta ŋayɛ wɛŋe wɛŋe shɛ yɛ mbeɗemte lekwesa. 3Hite mə geva, dzeme Bɛtɛl gheɓəmə. 'Ya katedzeme kapa nda reghwetɛ ke Shala nya kezhɛnete ɗa ghena te və nya se 'ya mbe yaka ba'a nya kekemanakɛ ɗa te yayata ŋkwa nya se 'ya.» 4Pa hɛ fəave nda wəshi nyi kashala ta kweci mbeli nyi va hɛ pɛtɛ ba'a wəshi nyi kese mbe sleme va hɛ ke Zhakob. Pa Zhakob leyi hɛ mbe hɛɗi yitea kwete hwemeke dekwede yitea Sishɛm. 5Ma kwa slənji yɛ Zhakob le ŋwalea ŋkɛ ne, pa Shala ndeke nda ghazlənə nya wəba ke mbeli nyi mbe meleme nyi dzeyi yite, wəndə shɛ kese kakeka hɛ we.
6Pa yɛ Zhakob le pɛtɛa mbeli nyi kebeghe ŋkɛ ntsehe mbe Ləwz, geze ta ŋkɛ, Bɛtɛl nya te hɛɗia Kanan. 7Pa ŋkɛ pate reghwetɛ mbe ba'a hekate nda slə ke ŋkwa shɛ kaShala ta Bɛtɛl, kwa nza ŋkɛ tagha ncɛte nda ghəa ŋkɛ Shala te və nya se ŋkɛ kahwɛ va wəza meghekɛ.
8Pa Dɛbora, male nya kenewe ghweme te Rɛbɛka mtenyɛ, pa mbeli lamte ŋkɛ dekwede yitea Bɛtɛl yitea cɛana nya hekate nda slə mbeli se te vəa shɛ kaCɛana ta Nehwene.
9Pa Shala ncɛte nda geva zhɛkwa ke Zhakob kwa zhɛneke geva ŋkɛ se mbe Mɛzopotami ba'a wəpikɛ ŋkɛ. 10Ma ke Shala shɛ: «Zhakob se sləa ŋa, katezhɛne mbeli kaheka ŋa kaZhakob we, ama Israyɛl tenza sləa ŋa.» Pa ŋkɛ hekate nda sləa kaIsrayɛl. 11Ma ke shɛ zhɛkwa: «'Ya ya kaShala nde berete. Kwele kwele teve ŋa ŋwale 'ya kezha nza na kashia hwelefe ba'a kaŋa hwelefefi kwele kwele. Kwele kwele teshave ka meghe mbe gha. 12Ma hɛɗi nya ndeke nda 'ya ke Abraham ba'a ke Izak ne, 'ya kave ŋa ŋkɛ, kateve nda ŋkɛ 'ya ke hwelefefi nyi ketesawa mbe gha kwa sebe ta ŋa.»
13Kwetere wəmbəa ŋkɛ ne, pa Shala slənyɛ te ŋkwa nya gezete nda ghena ŋkɛ ke Zhakob. 14Pa Zhakob mɓete gɛaŋa te ŋkwa shɛ, pa ŋkɛ gəyi n'yi ba'a tɛ te kezha nza ŋkɛ kapelɛ nya keveyi geva tekeleke. 15Pa Zhakob hekate nda slə kaBɛtɛl, geze ta ŋkɛ, “Ghɛa Shala”, ke ŋkwa nya gezete nda ghena Shala te.
Ya ta Bɛnjamɛn ba'a mte ta Rashɛl
16Pa yɛ Zhakob le mbelia ŋkɛ slənji mbe Bɛtɛl. Mbanji hɛ cakeɗake le Ɛfrata ne, ferete Rashɛl yake wəzege. Tekwazhizhi yake wəzegea shɛ nde. 17Ma kwa heha Rashɛl va ya, ma ke male kwa ya ŋkwa shɛ: «Zhɛma ŋa ghazlənə ma, kwete wəzege teza ŋkɛ.» 18Mbe wənə mbe wənə tene Rashɛl. Ma katekeɗaŋe mpi hwe ne, pa nde hekate nda slə kaBɛn-Oni, geze ta ŋkɛ, “Wəzege yaka”. Ama kaBɛnjamɛn hekate yitenyɛ, geze ta ŋkɛ, “Wəzege ta dzeve kwa zeme”. 19Mtiwə Rashɛl, pa mbeli lamte ŋkɛ kwa hweŋkwa ta Ɛfrata, geze ta ŋkɛ, Bɛtelɛhɛm. 20Pa Zhakob mɓeyi gɛaŋa te kwele ta nta: mba mbeli kaheka pelɛa shɛ pa ɓeshi kagɛaŋa ta kwele ta Rashɛl.
21Cape Zhakob slənyɛ ba'a mɓete cɛ lekwesa ta ŋkɛ zlake ke Migdal-Ɛdɛr. 22Ma kwa nza Zhakob te hɛɗi nyagha ne, cape Rəbɛn lə kaɓelahehwe ɓelahe le Bilha, male meghwa ta yitenyɛ, pa Zhakob fate.
Ŋwale tezhili meŋe bakeghəmbe yaŋ'wete Zhakob: 23Ŋwale nyi yake ŋkɛ hwa Lɛya: Rəbɛn nya katezhɛa wəzege, zhɛne Simɛyon, Lɛvi, Zhəwda, Isakar ba'a Zabəlon. 24Ŋwale nyi yake ŋkɛ hwa Rashɛl: yɛ Zhozɛf le Bɛnjamɛn. 25Ŋwale nyi yake ŋkɛ hwa Bilha nya kakwatera ta Rashɛl: yɛ Dan le Nɛftali. 26Ŋwale nyi yake ŋkɛ hwa Zilpa nya kakwatera ta Lɛya: yɛ Gad le Asɛr. Tsetse ŋwalea Zhakob nyi keya mbe Mɛzopotami.
27Hwa'a Zhakob sha yitenyɛ Izak mbe Mamrɛ, dekwede yitea Kiriyat-Arba nya heka mbeli kaHɛbron tsetsenya. Nahe yɛ Abraham le Izak kese kanza mbe. 28Va gwəmsə ba'a deghesemsə menete Izak teghweme 29nda mtenyɛ ŋkɛ. Kwele kwele temə ŋkɛ teghweme nda telə ŋkɛ sha ka shihɛnyɛ. Pa yɛ Ɛzawə le Zhakob, ŋwale tezhilia ŋkɛ lamte ŋkɛ.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.