GÉNESIS 10
10
Noé shuti runapaj churicunapaj miraicunatami villajun
(1 Crón. 1:5-23)
1Caipica, Noé runapaj churicunapaj miraicunatami villajun: Sem, Cam, Jafet shuti, Noé runapaj churicunaca, ninanda tamiashca jipami huahuacunata charishca carca.
2Jafet shuti runapaj churicunaca: Gomer, Magog, Madai, Javán, Tubal, Mesec, Tiras shuticunami carca. 3Gomer shuti runapaj churicunaca: Askenaz, Rifat, Togarma shuticunami carca. 4Javán shuti runapaj churicunaca: Elisa, Tarsis, Quitim, Dodanim shuticunami carca. 5Paicunapaj miraicunami, mama cucha manñacunapi causanajurca. Rimaitapash, paicunapaj rimaita rimashpami, paicunapaj familiacuna imashna cashcashnallata, paicunapaj llactacunapi causanajurca.
6Cam shuti runapaj churicunaca: Cus, Mizraim, Fut, Canaán shuticunami carca. 7Cus shuti runapaj churicunaca: Seba, Havila, Sabta, Raama, Sabteca shuticunami carca. Raama shuti runapaj churicunaca: Seba shuti, Dedán shutimi carca. 8Cus shuti runaca, Nimrod shuti churitami charirca. Paimi cai pachapica, ninan ushaita chari callarirca. 9Nimrod shuti runaca, Mandaj Diospaj ñaupajpica, sacha animalcunata japishpa huañuchinata alipacha yachaj, shinlli runami carca. Chaimandami cashna ninajun: “Nimrod runashna, Mandaj Diospaj ñaupajpi, sacha animalcunata japishpa huañuchinata alipacha yachaj, shinlli runaca, pipash na tianllu” ninajunmi. 10Nimrod shuti runaca, Sinar llactapimi Babel, Erec, Acad, Calne, shuti pueblocunata mandai callarirca. 11Chai llactamandaca, Asiria llactaman rishpami, Nínive, Rehobot, Cala shuti pueblocunata rurachirca. 12Nínive shuti pueblohuan, Cala shuti pueblohuan chaupipipashmi, Resén shuti jatun pueblota rurachirca.
13Mizraim shuti runaca, cai miraicunatami charirca: Ludim, Anamim, Lehabim, Naftuhim, 14Patrusim, Casluhim, Caftorim shuticunami carca. Casluhimmandami, filisteocunaca miranajurca.
15Canaán shuti runaca, Sidón shuti punda churitami charirca. Paica, Het shuti churitapashmi charirca. 16Canaán shuti runamandallatami: Jebuseo, amorreo, gergeseo, 17heveo, araceo, sineo, 18arvadeo, zemareo, hamateo nishcacunapash miranajurca. Chai jipami, cananeo familiacunaca, caipi chaipi causai callarinajurca. 19Cananeocunapaj llactaca, Sidón shuti pueblomanda callarishpa, Gerar shuti puebloman rinapi tiajuj Gaza shuti pueblocamanmi carca. Shinallata caishuj ladomambash Sodoma, Gomorra, Adma, Zeboim shuti pueblocunaman rinapi tiaj Lasa pueblocamanmi carca. 20Paicunami, Cam shuti runapaj miraicuna. Paicunaca, familia puralla tandanajushpa, paicunapaj rimaicunata rimashpami, paicunapaj alpacunapi paicunapaj llactacunapi causanajurca.
21Jafet shuti runapaj punda huauqui Sem shuti runapashmi, churicunata charirca. Sem shuti runaca, Heber shuti runamanda mirashca tucui churicunapaj punda taitami carca. 22Sem shuti runapaj churicunaca: Elam, Asur, Arfaxad, Lud, Aram shuticunami carca. 23Shinallata Aram shuti runapaj churicunaca: Uz, Hul, Geter, Mas shuticunami carca. 24Arfaxad shuti runaca, Sala shuti churitami charirca. Sala shuti runaca, Heber shuti churitami charirca. 25Heber runaca, Peleg shuti, Joctán shuti ishcai churicunatami charirca. Peleg shuti runa causajui punllacunapimi, cai pachaca shicanyachi tucurca. Chaimandami paitaca, Peleg shutita shutichirca. 26Joctán runaca, cai churicunatami charirca: Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila, Jobab shuti churicunami carca. Paicunaca, tucuillami Joctanbaj churicuna carca. 30Paicuna causanajushca llactaca, Sefar shuti llactaman rina ñambi tiaj Mesa shuti llactamanda callarishpa, indi llujshimuj urcu ladocunacamanmi carca. 31Paicunami, Sem shuti runapaj miraicuna. Paicunaca, paicunapaj familiacuna imashna cashcashnallata, imashna paicuna rimanata yachan cashcashnallatami, paicunapaj alpacunapi, paicunapaj llactacunapi causanajurca.
32Caicunami, Noé runapaj churicunapaj familiacuna. Paicunaca, paicunapaj llactacunapillatami paicuna imashna mirashcashnallata causanajun. Paicunamandami cai pachapica, ninanda tamiashca jipaca, caiman chaiman rishpa llactacuna tucunajurca.
Valgt i Øjeblikket:
GÉNESIS 10: QUII
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Quichua Imbabura Bible © United Bible Societies, 1994.