Génesis 23
23
Sarata pampananpaq chakrata Abraham rantishqan
1Pachak ishkay chunka qanchis (127) watayuq kashqanyaqmi Sara kawarqan. 2Quiriat-arbacho kaykarmi Sara wanurqan. Quiriat-arbapa jukaq jutinmi kaykan Hebrón. Tsay kaykan Canaánchömi. Sara wanuykuptinmi Abraham fiyupa waqashpan lüturqan. 3Warmin tsutaraykaptinmi Abrahamqa heteo runakuna kaqman aywaykur kayno nirqan: 4<<Musyapäkushqaykinöpis kaycho jäpa runami kä.#Heb. 11.9, 13. Juk sepultürata rantikaykalämay tsayman warmïta pampanäpaq>>.#Hech. 7.16.
5Tsayno niptinmi heteo runakuna kayno nipäkurqan: 6<<Tayta, qamqa kaycho kaykanki Tayta Dios akrashqan runami. Warmikitaqa pampaykuy mas alinnin kaq sepultüraman. Noqakunaqa manami mayqanïpis michäshaykitsu mayqan sepultüraman pampaptikipis>>.
7Tsayno niptinmi Abrahamqa heteo runakunapa nawpanman qonqurpakuykur 8kayno nirqan: <<Warmïta pampanäpaq rasunpa awnimashpaykiqa Zoharpa tsurin Efrónta ruwapaykalämay 9Macpela chakran kuchuncho kaykaq machayta rantikamänanpaq. Aykata manaptinpis pägaläshaqmi. Tsayno rantiptïmi kikïpaqpis sepultürä kanqapaq>>.
10Marka mayinkuna y tsaypa pasaqkunapis mayapäkunanpaqmi markaman yaykuna punkucho Abrahamta Efrón kayno nirqan: 11<<Tayta, rantikunäpa trukanqa chakrantinta tsay machayta sepultüraykipaq qoykushayki. Marka mayïkunapa nawpanchömi qamta qaraykü#23.11 Wakin runakunaqa regalaykü nipäkun.. Tsay machayman warmikita pampaykuy>>.
12Tsayno niptinmi runakunapa nawpancho Abraham yapay qonqurpakuykurqan. 13Tsaypitanami lapanpis mayapäkunanpaq Efrónta kayno nirqan: <<Kanan ruwakushqäta mayaykalämay, tayta. Tsay machaypa chaninta chaskimaptikiraqmi warmïta tsayman pampashaq>>.
14Tsawraqa Abrahamta Efrón kayno nirqan: 15<<Mayaykalämay, tayta. Tsay chakrapa chaninqa kaykan chusku pachak (400) siclo qellaymi.#23.15 Juk siclo qellayqa juk killa arur gänashqannömi karqan. Tsayno kaptinpis tsaylapaqqa ¿imapaqtaq parlashunpis? Jukla tsayman warmikita pampay>>.
16Tsaymi Abrahamqa chakrapa chaninta manashqannöla heteo runakunapa nawpancho alinnin kaq qellayta pësaypa chusku pachak sicluta Efrónta pägarqan. 17Tsaynöpami Efrónpa chakran y tsaycho kaykaq machaypis y yörakunapis Abrahampana karqan. Tsay chakraqa kaykan Mamripa chakranpita inti jeqamunan lädupami. 18Abraham rantishqantaqa rikarqan tsaycho kaykaq heteo runakuna y marka punkupa pasaq runakunapis.
19Tsayno rantirkurnami Abraham pamparqan warmin Sarata Macpelacho machayman. Tsay chakraqa kaykan Mamripa chakranpita inti jeqamunan lädupami. Tsay partipa jukaq jutinmi kaykan Hebrón. Tsayqa kaykan Canaánchömi. 20Tsaynöpami chakrapis machaynintin Abrahampana karqan. Tsay chakrataqa heteo runakuna rantikuykurqan Abrahampis y aylunkunapis tsaycho pampakunanpaqmi.
Valgt i Øjeblikket:
Génesis 23: qvmB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2003, Wycliffe Bible Translators, Inc. All rights reserved.
Génesis 23
23
Sarata pampananpaq chakrata Abraham rantishqan
1Pachak ishkay chunka qanchis (127) watayuq kashqanyaqmi Sara kawarqan. 2Quiriat-arbacho kaykarmi Sara wanurqan. Quiriat-arbapa jukaq jutinmi kaykan Hebrón. Tsay kaykan Canaánchömi. Sara wanuykuptinmi Abraham fiyupa waqashpan lüturqan. 3Warmin tsutaraykaptinmi Abrahamqa heteo runakuna kaqman aywaykur kayno nirqan: 4<<Musyapäkushqaykinöpis kaycho jäpa runami kä.#Heb. 11.9, 13. Juk sepultürata rantikaykalämay tsayman warmïta pampanäpaq>>.#Hech. 7.16.
5Tsayno niptinmi heteo runakuna kayno nipäkurqan: 6<<Tayta, qamqa kaycho kaykanki Tayta Dios akrashqan runami. Warmikitaqa pampaykuy mas alinnin kaq sepultüraman. Noqakunaqa manami mayqanïpis michäshaykitsu mayqan sepultüraman pampaptikipis>>.
7Tsayno niptinmi Abrahamqa heteo runakunapa nawpanman qonqurpakuykur 8kayno nirqan: <<Warmïta pampanäpaq rasunpa awnimashpaykiqa Zoharpa tsurin Efrónta ruwapaykalämay 9Macpela chakran kuchuncho kaykaq machayta rantikamänanpaq. Aykata manaptinpis pägaläshaqmi. Tsayno rantiptïmi kikïpaqpis sepultürä kanqapaq>>.
10Marka mayinkuna y tsaypa pasaqkunapis mayapäkunanpaqmi markaman yaykuna punkucho Abrahamta Efrón kayno nirqan: 11<<Tayta, rantikunäpa trukanqa chakrantinta tsay machayta sepultüraykipaq qoykushayki. Marka mayïkunapa nawpanchömi qamta qaraykü#23.11 Wakin runakunaqa regalaykü nipäkun.. Tsay machayman warmikita pampaykuy>>.
12Tsayno niptinmi runakunapa nawpancho Abraham yapay qonqurpakuykurqan. 13Tsaypitanami lapanpis mayapäkunanpaq Efrónta kayno nirqan: <<Kanan ruwakushqäta mayaykalämay, tayta. Tsay machaypa chaninta chaskimaptikiraqmi warmïta tsayman pampashaq>>.
14Tsawraqa Abrahamta Efrón kayno nirqan: 15<<Mayaykalämay, tayta. Tsay chakrapa chaninqa kaykan chusku pachak (400) siclo qellaymi.#23.15 Juk siclo qellayqa juk killa arur gänashqannömi karqan. Tsayno kaptinpis tsaylapaqqa ¿imapaqtaq parlashunpis? Jukla tsayman warmikita pampay>>.
16Tsaymi Abrahamqa chakrapa chaninta manashqannöla heteo runakunapa nawpancho alinnin kaq qellayta pësaypa chusku pachak sicluta Efrónta pägarqan. 17Tsaynöpami Efrónpa chakran y tsaycho kaykaq machaypis y yörakunapis Abrahampana karqan. Tsay chakraqa kaykan Mamripa chakranpita inti jeqamunan lädupami. 18Abraham rantishqantaqa rikarqan tsaycho kaykaq heteo runakuna y marka punkupa pasaq runakunapis.
19Tsayno rantirkurnami Abraham pamparqan warmin Sarata Macpelacho machayman. Tsay chakraqa kaykan Mamripa chakranpita inti jeqamunan lädupami. Tsay partipa jukaq jutinmi kaykan Hebrón. Tsayqa kaykan Canaánchömi. 20Tsaynöpami chakrapis machaynintin Abrahampana karqan. Tsay chakrataqa heteo runakuna rantikuykurqan Abrahampis y aylunkunapis tsaycho pampakunanpaqmi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2003, Wycliffe Bible Translators, Inc. All rights reserved.