Matai 11
11
1Lelo bo Yesu amalile ukubalagila abafundigwa bake kalongo na babili, alinkusoka alinkubuka nkumanyisya na ukulumbilila ntwaya twabo.
Yohani Umosi
(Luk. 7,18-35)
2Umwene Yohani bo apilike nnyumba ya bannyololo imbombo sya Kristi, alinkubatuma abafundigwa bake kukundalusya
3ukuti: Kali yo ugwe gwe batigi ikwisaga, pamo tungulilege
4uyungi? Popapo Yesu alinkubamula alinkuti: Amubukege mukambulege Yohani isi mukusipilika na isi mukusibona.
5Abafwamaso bikuketa, aba bikukwema bikwenda, aba bukoma bikwelusigwa, aba mapuli bikupilika, abafwe bikusyusigwa,
6nabalondo bikulumbililigwa inongwa inunu. Nsangalufu gwesa uyu linga atikwikinyamo mmyangu.
(Luk. 7,24-35)
7Lelo bo bikubuka bababa, popapo Yesu alinkwanda ukufibula ifilundilo isya Yohani alinkuti: Kali mwabukaga nku-
8keta fiki ndukubo? Ulutete ulu lukupetanika kumhelo? Loli mwabukaga nkuketa fiki? Umundu uyu afwele imyenda imitakanyifu? Keta, aba bikufwala imyenda imitakanyifu
9bikuya nnyumba sya batwa. Mwabukaga ko fiki lelo? Nkunketa unkunguluka? Ena, nikubabula umwe nikuti:
10Nkinde na kunkunguluka. Yo uyu asimbiligwe isi sikuti:
Keta, nikuntuma ugwandumi gwangu nkyeni mmyako,
Uyu isakutendekesyaga injila yako nkyeni mmyako.
11Naloli nikubabula umwe nikuti: Muli aba bapapigwe nabakikulu, akabonekamo nayumo unkulumba ukunkinda Yohani Umosi; loli unnandi kuli bosa mbutwa bwa kumwanya, yo
12ankindile ubukulumba. Ukufuma mmasiku ga Yohani Umosi, ukwisakufika kulilino kuno, ubutwa bwa kumwanya buku-
13kubilwa kuba maka, aba maka bikubunyaka. Namanga abakunguluka bosa nululagilo fyakungulukaga ukufika pa
14Yohani; linga mukwitika ukusyambilila, umwene yo yu Elia
15uyu ikwisaga. Uyu linga ali nasyo imbulukutu yo alipilikaga.
16Mbafwanikisyege bo ifiki abandu ba lilino aba? Bali bo abakeke aba batugele pasokoni, aba bikukolela kubinabo
17bikuti: Tubakubile ililonge loli mukakinapo; twililisisye loli
18mukatomolelapo. Buno Yohani alisile alinkusita ukulya
19nukunwa, balinkuti: Ali nimbepo inyali. Nnyamundu isile, ikulya nukunwa, abene bikuti: Keta umundu umpafu ugwa kinwelo uyu, ummanyani gwa basongesyasongo nabatulanongwa! Amahala gikuboneka ukuya magolofu mumbombo syake.
Hitata kutwaya twa busitalwitiko
(Luk. 10,13-15)
20Popapo alinkwanda ukutukemela utwaya, mumo abombile imbombo syake ingulumba ukukinda, papo tukapindwike,
21alinkuti: Hitata gwe Korazini! Hitata gwe Betsaida! Buno linga imbombo ingulumba isi sibombigwe mmyinu syabombigwe mu-Tiri na mu-Sidoni, po angali bapindwike liyolo,
22bafwele ifisepe nukutugala mumfwandilo. Loli nikubabula une nikuti: Sisakuya mbepepo isya Tiri na Sidoni pisiku lya
23bulongelo, ukukinda isyinu. Nungwe gwe Kapernaumu, bule kwisakwimikigwa ukufika kumwanya? Kwisakwisigwa ukufika mbusyuka! Buno linga imbombo ingulumba isi sibombigwe mmyako, syabombigwaga nkisu kya Sodomu,
24angali kiliko na lilino. Loli nikubabula umwe nikuti: Sisakuya mbepepo isya kisu kya Sodomu pisiku lya bulongelo, ukukinda isyinu.
Yesu ikubabilikila bosa aba bikutamigwa
(Luk. 10,21)
25Nkabalilo kako Yesu alinkwamula alinkuti: Nikugwa ulupi kumyako gwe Tata, gwe Ntwa gwa kumwanya na pasi, papo usifisile sisisi kubamaganyi na kuba mahala; loli ubakingulile ba
26bakeke. Ena gwe Tata, buno syo sikukyelile ugwe nkyeni mmyako.
(Luk. 10,22)
27Fyosa itolo mbegigwe une na Tata; nayumo akammanya uMwana loli mwene yu Gwise; kangi nayumo akammanya uGwise, loli mwene yu Mwana, na kuli uyu
28linga uMwana atile nunkingulile. Isaga kumyangu mwesa mwe mukutamigwa, mwe mwilikiligwe nifisito, nikubapaga
29ubutusyo. Amwifwikege ikigoligoli#kifwene bo ikipiki iki sikufwikigwa ingambaku pakulima. kyangu, mumanyilege kumyangu, buno une ndi ntengamoyo kangi niyisisye mundu-
30mbula, po mwisakubwagaga ubutusyo bwa myoyo gyinu. Namanga ikigoligoli kyangu kihobofu, gope nuntwalo gwangu mpepe.
Valgt i Øjeblikket:
Matai 11: NYY
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nyakyusa Ngonde New Testament (Ulwitikano Ulupya) © United Bible Societies, 1966.