LUKAS 22
22
Hopuloupahkat nawan Yesus
(Mat. 26:1-5; Mrk. 14:1-2; Yoh. 11:45-53)
1 #
Ex. 12:1-27
Pesta Luhte Eam Boragi ijo konohawot Paska jari dohkin. 2Imam-imam kopala tutang guru-guru agama uhun ngurahjalan ahkan munu Yesus cara toni-tonih, tului iro mihkoh umba ulun aro.
Yudas sotuju ngorana Yesus
(Mat. 26:14-16; Mrk. 14:10-11)
3Pongohino sehtan nyolong Yudas ijo konohawot Iskariot, iorih 'cobehti tahkan koduo balas murid Yesus. 4Tului orih Yudas tulak tutang bohaum umba imam-imam kopala tutang dolang kopala pongawal Lohpou Tuhan tohou koloukuwoh io duon nyarahoh Yesus ahkan iro. 5Iro jorih samasino tutang hobowot ahkan nongaoh duit ahkaioh. 6Yudas ka sotuju tutang nopara ngurah kosapet ahkan monyarah Yesus ahkan iro tahpi ara kota'an ulun.
Nyodia ukun Paska
(Mat. 26:17-25; Mrk. 14:12-21; Yoh. 13:21-30)
7Johcok ondouoh ang Pesta Luhte Ijo Eam Boragi Io tobiri ahkan ukun Paska tonyombalih. 8Mahka Yesus nyuhu Petrus tutang Yohanes, ‘‘Tulak'kam nyodia ukun Paska ahkan ihto.’’
9‘‘Ang amoh Amai nyuhu ihkai monyodiaoh?’’ kisok iro.
10Yesus mutah, ‘‘Aang ohkot ihkam nyolong nokuh lowu, ihcobehti ulunbahkas ijo beteng ngomin ihcokobawak kandi, bosuang danum, ahkan hosombang umba ihkam. Ngahasu io nokuh lohpou ijo tonyolongoh, 11tutang nuhtuirih ahkan tepun lohpou rih: Guru nuhtui, ‘Ang umoh unukoh mangat murid-murid-Ku tutang Ahku kuman ukun Paska?’ 12Tepun lohpou rih ahkan pokarah ahkan'kam ihcotahkun aang luteng ijo hajo, sodia honong puatoh. Nyodia paringoh ang anan.’’
13Mahka tulak Petrus tutang Yohanes, turus nyombang paringoh sorurui kolou ijo jari tonuhtui bain Yesus. Iro ka nyodia ukun Paska rih.
Ukun Pesta Tuhan
(Mat. 26:26-30; Mrk. 14:22-26; 1Kor. 11:23-25)
14Kotihka jari ohkotoh ahkan kuman ukun Paska rih, Yesus tuot homboh murid-murid-Oh ang unuk ukunpesta rih. 15Turus Yesus nuhtui umba iro, ‘‘Ahku jorik samasino kuman ukun Paska tuh homboh ihkam sounumba Ahku ngarotporos! 16Tului, porocayarih: Ahku eam ahkan kuman tuh hino, nyiring riman tahkan ukun tuh bakorinah ang Kolunon Bohua Ain Pohotala.’’
17Uliorih Yesus ngahtang sakir anggur, turus ngohawot do'a torimakasih ahkan Pohotala, pongohuli nuhtui, ‘‘Ngomin tuh, tutang magi-magiohrih; 18tului kota'anrih: nopara uhuntuh Ahku eam ahkan ngorih anggur tuh hino, nyiring Pohotala jari bokowasa honong kotuwi-Oh.’’
19Umbotrih rih Yesus ngomin luhte. Tutang uli ngohawot do'a torimakasih, Io mbagi-mbagi luhte rih umba longoi-Oh, turus nongaoh ahkan iro, tutang nuhtui, ‘‘Jihtuh behtik-Ku [ijo tonyarah ahkan ihkam. Nguanohrih koloutuh ahkan mingat Ahku.’’ 20#Yer. 31:31-34 Kolourih ka'a uli kuman, Io nonga sakir anggur rih ahkan iro tutang nuhtui, ‘‘Sakir tuh anairih bowot Pohotala ijo bohua, ijo tonosah umba dahak-Ku – daha ijo tonusuh ahkan ihkam.’’]
21 #
Msm. 41:10
‘‘Tahpi nohto! Ulun ijo ngorana umba Ahku anai ang ohtoi hihco Ahku! 22Anak Ulun puna ahkan mahtoi kolouumoh jari tongatuh bain Pohotala; tahpi colahka ulun ijo ngorana Ahku!’’
23Mahka iro nopara hokisok ihco umba ijo bohkon, iai tahkan louk iro ijo ahkan ngorana rih.
Hotokian tohou iai ijo hajo
24 #
Mat. 18:1; Mrk. 9:34; Luk. 9:46 Aang louk murid-murid Yesus lombut tokian tohou iai tahkan iro ijo harus tongohu paling hajo. 25#Mat. 20:25-27; Mrk. 10:42-44 Yesus nuhtui umba iro, ‘‘Lahca-lahcan uhtus ijo eam kosono Pohotala mohenyek rayatoh, tutang pongowasa-pongowasaoh konohawot ‘Polindung rayat’. 26#Mat. 23:11; Mrk. 9:35 Tahpi ihkam eam tou kolourih. Sobalikoh, ulun ijo hajo ang louk'kam harus kolou ijo pokokoikoh, tutang okon harus monjadi kolou pohalu. 27#Yoh. 13:12-15 Iai ijo labih hajo: Ulun ijo tuot kuman ang meja, ata'ai ulun ijo nahalu io? Puna ulun ijo tuot rih. Tahpi Ahku tohko ang louk ihkam kolou pohalu.
28A'ang kokaro kosusah-Ku ihkam toturus sama-sama umba Ahku. 29Kolou ka'a Amai jari nonga ahkak-Ku hak ahkan moretah, kodorih ka'a Ahku ahkan nonga ahkan'kam hak rih. 30#Mat. 19:28 Umba kolouorih ihkam duon umba jorih-jirah hihco Ahku ang ohkot Ahku monjadi Lahca. Tutang ihkam ahkan tuot ang ngosan duo balas pododusan ahkan moretah koduo balas lihit uhtus Israel.’’
Tujum ijo Petrus eam ngahku Yesus
(Mat. 26:31-35; Mrk. 14:27-31; Yoh. 13:36-38)
31‘‘Simon, Simon, ngonih! Sehtan duon ijin ahkan nikos ihko; kolou gandum ngobohkon umba apihoh, nyiring ijo pios ngobohkon umba ijo ja'at. 32Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’
33Petrus mutah, ‘‘Tuhan, ahku bosodia nyolong sipir tutang mahtoi homboh Tuhan!’’
34‘‘Porocayarih, Petrus,’’ hion Yesus, ‘‘Sounumba dalung manuk nandu ondou tuh, ihko tolu tikat eam ngahku Ahku.’’
Ehpok, kambut ata'ai padang
35 #
Mat. 10:9-10; Mrk. 6:8-9; Luk. 9:3, 10:4 Uliorih rih Yesus nuhtui umba iro, ‘‘Soun kotihka Ahku moretah ihkam hawui eam nyuhu ihkam ngomin ehpok, kambut ata'ai sopahtu, inonrih ihkam kurang ino-inon?’’
‘‘Eam!’’ hion'ndo.
36‘‘Tahpi huntuh,’’ hion Yesus, ‘‘iai ijo anaingina ehpok ata'ai kambut, pahtut ngomiuoh; tutang iai eam anaingina padang, harus monjual jubahoh mangat moli padang. 37#Yes. 53:12 Tului porocayarih, ayat Surat Borasih ijo auh koloutuh, ‘Io mongohu kolou 'cobehti ponyirou,’ harus nyolung ngosan arop-Ku. Tului inon ijo tonyurat a'ang Surat Borasih tohou Ahku uhun nyolung huntuh tuh.’’
38‘‘Tuhan,’’ hion murid-murid Yesus, ‘‘topahjah ang ohtoi anai duo padang.’’
‘‘Jadirih!’’ hion Yesus.
Yesus bodo'a ang Puruk Zaitun
(Mat. 26:36-46; Mrk. 14:32-42)
39Yesus nohtah lowu tutang hihkas kolou bahutoh nokuh Puruk Zaitun, tutang murid-murid-Oh tulak ka'a homboh Io. 40Kotihka johcok ang anan, Io nuhtui umba iro, ‘‘Bodo'arih mangat ihkam ara bodusa, amat ihkam tonihkos.’’
41Pongohuli rih Io tulak labih mahcu isut tahkan iro, kira-kira komahcu pukah bahtu, turus nolehku-kalopoh tutang bodo'a. 42‘‘Amai,’’ hioi-Oh, ‘‘amat tou ngomahcuohrih tahkan Ahku karotporos ijo harus Ahku nyuruoh tuh. Tahpi ara numbun konohuang-Ku, molekan numbun konohuang Amai ih.’’ [43Ihcobehti molehkat lombut nokuh Io tutang ngoba'as-Oh. 44Yesus karas ngarot cara mboruai, nyiring Io mahi tu'u-tu'u bodo'a. Horas-Oh kolou daha mohceu nokuh tana.]
45Tondo bodo'a, Yesus hoduli hino nokuh murid-murid-Oh. Io nyombang iro rahat tiruh, tului paham poros ahtoi. 46Turus Io nuhtui umba iro, ‘‘Ombai ihkam tiruh? Monyun tutang bodo'a mangat ihkam eam kona tihkos.’’
Yesus tonawan
(Mat. 26:47-56; Mrk. 14:43-50; Yoh. 18:3-11)
47Pondehan Yesus magun pander, lombut ihcokokawan ulun. Iro konokon bain Yudas, tahkan ihcobehti murid Yesus. Ulihino Yudas tulak nokuh Yesus turus ngarok Io. 48Tahpi Yesus nuhtui umba io, ‘‘Yudas, inon umba karok orih ihko kani ngorana Anak Ulun?’’
49Kotihka murid Yesus ijo anai ang anan, nohto inon ijo ahkan nyolung, iro nuhtui, ‘‘Tuhan, keleh ihkai nyarang iro hapan padang!’’ 50Turus ihcobehti tahkan iro molong jihpon imam hajo hapan padang nyiring bosaping tolingai koto'uioh.
51Tapi Yesus nuhtui, ‘‘Umbotrih!’’ Turus Io ngomin tolingan ulun rih tutang ngopiosoh.
52Pongohuli rih Yesus nuhtui umba imam-imam kopala tutang komandan-komandan pongawal Lohpou Tuhan tutang okon-okon Yahudi ijo lombut nokuh anan mangat nawan Yesus, ‘‘Inon Ahku tuh ponyilou, nyiring ihkam lombut hapan padang tutang tohtok kaju ahkan nawan Ahku? 53#Luk. 19:47, 21:37 Nyinong ondou Ahku anai ang louk ihkam ang Lohpou Tuhan, ihkam eam nawan Ahku. Tapi huntuh johcok ohkotoh ihkam nguaioh, kotihka kowasa kopindong nguan gawiu.’’
Petrus ngulim Yesus
(Mat. 26:57-58, 69-75; Mrk. 14:53-54, 66-72; Yoh. 18:12-18, 25-27)
54Iro nawan Yesus tutang ngomin Io nokuh lohpou imam hajo, Petrus ngohasu tahkan mahcu. 55Ang tohun kanaha rih anai pohunbaho jari tomohun tutang Petrus ngondoni tuot umba ulun-ulun ijo tuot ang kodilingoh pohun baho rih. 56Anai ihco pohalu bawi nohto Petrus tuot ang kodilingoh pohunbaho rih; turus pohalu bawi rih nolihti Petrus, pongohuli nuhtui, ‘‘Ulun tuh ka'a nanai, anai hihco umba Yesus!’’
57Tahpi Petrus eam ngahku. Io nuhtui, ‘‘Ahku eam kosono ulun tuh!’’
58Eampira pongohuli ihcobehti bohkon nohto Petrus tutang nuhtui, ‘‘Ihko ka'a anai ihcobehti tahkan iro!’’
Tahpi Petrus nuhtui, ‘‘Eam, bohkon ahku!’’
59Kira-kira ihco jam pongohuli, ihcobehti bohkon hino nuhtui tutang hajo auh, ‘‘Puna ulun tuh murid Yesus, tului io ka'a ulun Galilea!’’
60Tahpi Petrus mutah, ‘‘Inon hion'mu, ahku eam ta'an!’’
Uhun rih ka'a, rahat Petrus magun hopander, dalung manuk nandu. 61Yesus ka'a nopoliou tutang nopahjah Petrus. Turus Petrus ingat Tuhan jari nuhtui umba io, ‘‘Hounumba dalung nandu ondou tuh, ihko tolu tikat eam ngahku Ahku.’’ 62Mahka Petrus soluka tahkan anan tutang nangih sungu-sungut.
Yesus kononjea tutang tonahup
(Mat. 26:67-68; Mrk. 14:65)
63Ulun-ulun ijo rahat monjaga Yesus, ngonjea tutang nahup Io. 64Iro nuhtup mahtai-Oh tutang ngisok umba Io, ‘‘Cuba ngohu iai ijo nahup Ihko?’’ 65Aro hino auh-auh mohina ijo iro muatoh ahkai-Oh.
Yesus ang toharep Balai Bosara Agama
(Mat. 26:59-66; Mrk. 14:55-64; Yoh. 18:19-24)
66Ang ngohkos ondouoh, okon-okon Yahudi, imam-imam kopala, tutang guru-guru agama bohaum, turus Yesus omin'ndo nokuh tohun Balai Bosara Agama iro. 67‘‘Nyorihtaoh ahkan ihkai,’’ hion iro umba Yesus, ‘‘inonrih Ihko tuh Lahca Ponyolamat?’’
Yesus mutah, ‘‘Amat Ahku nyorihta ahkan'kam, ihkam tuh eam ahkan porocaya. 68Tutang amat Ahku ngisok umba'kam, ihkam ka eam ahkan mutah. 69Tahpi nopara tahkan huntuh, Anak Ulun ahkan tuot ang hila kotoun Pohotala Ijo Mahakowasa.’’
70Iro paringoh nuhtui, ‘‘Amat kolourih, Ihko tuh Anak Pohotala?’’
Yesus mutah, ‘‘Kolourih hion ihkam.’’
71Mahka iro nuhtui, ‘‘Eam usah hino saksi! Ihto jari ngonih tahkan auh-Oh bongoi!’’
Valgt i Øjeblikket:
LUKAS 22: OTD
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
@ LAI 1997 Indonesian Bible Society (Lembaga Alkitab Indonesia)