Thangambere 15
15
Lembariba pa Mungu giku Abram
1Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila. 2Man Abram uwacu kumae, E Rwoth Yehova, ibimio ira ang’o, ma nwang’u nyathin umbe kuda, man ng’atu ma bicamu pacu para en e Eliezer ma Dameski? 3Man Abram uwacu kumae, Nen, imio ira kodhi moko ngo: man, nen, ng’atu acel ma junyolo i ot para en e jacampacu para. 4Man, nen, lembe pa Yehova bino i bang’e, m’uwacu kumae, Ng’atu maeni bibedo jacampacu peri ngo; ento ng’atu ma biai ii e ma bibedo jacampacu peri. 5#Rum 4:18; Ebr 11:12Man ewodhe woko, ewacu de kumae, Kawono nen yor i polo, man ikwan cero, tek icopo kwanugi: man ewacu ire kumae, Kodhini bibedo kumeni. 6#Rum 4:3; Gal 3:6; Yak 2:23Man eyio Yehova; e ekwane ire ni bedopwe. 7Man ewacu ire kumae, An a Yehova m’ukeli woko kud i Ur mi Jukaldayo, kara ami iri ng’om maeni kara ebed ni aba iri. 8Man ewacu kumae, E Rwoth Yehova, abing’eyo nenedi nia ebibedo ira ni aba? 9Man ewacu ire kumae, Gam ira rwaya ma rundi pare adek, man min diel ma rundi pare adek, man nyog rombo ma rundi pare adek, man akuru, ku nyathin akuru. 10Man egamu ire maeni ceke, epokogi de i diere, man eketho ng’etgi kubang’gi kubang’gi ba wadi: ento epoko winyo ngo. 11Man acur giloro piny wi ring’one, man Abram uriemogi woko.
12 #
Yob 4:13, 14 E kinde ma ceng’ ubepodho, nindo ma pek upodho wi Abram; man, nen, ndiri mi mudho ma dit upodho i wie. 13#Ai 1:1-14; Tic 7:6Man ewacu ni Abram kumae, Dong’ ing’ei andhandha nia kodhi peri bibedo umondo i ng’om ma migi ngo, man gibitimo ni joca; man gibisendogi rundi dak ang’wen; 14#Ai 12:40, 41; Tic 7:7man thek maeno bende, ma gibitimo igi, abipoko lembe i wigi: man yo ku ng’eye gibiwok woko ku piny ma dit. 15Ento ibicidho ba kwaru i kwiocwiny; jubiyiki i tio ma ber. 16Man i dhanum’utuk mir ang’wende gibidwogo keni kendo: kum dubo mi Juamori fodi upong’ ungo. 17Man etimbre, nia, kinde ma ceng’ upodho, man mudho nuti, nen, uka mi yiro, man ridhro mi leb mac m’ubekadhu i kind ng’et maeni. 18#Tic 7:5I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati: 19Jakeni, man Jakenizi, ku Jakadmoni, 20man Jahiti, ku Japerizi, man Jarefai, 21man Jaamori, man Jakanani, ku Jagirgaci, man Jayebusi.
Valgt i Øjeblikket:
Thangambere 15: AB1970
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Holy Bible In Alur (Lur), Revised Orthography © United Bible Societies, 1970.