मरकूस 1
1
बतिसमा एमेयीग होड़ एहुनाराः परसार
(मती 3:1-12; लूका 3:1-18; एहुना 1:19-28)
1भगवानरीग बेटात ईसू मसीराः नपाय सरवन नाःआ इया बुँहड़ीनता।
2भगवानराः बड़रा कतायीग होड़ एसयाह ओजाःतेरा हना कागदरे नाःआ इया भगवान कतातेरा,
“ईंग आम अते मड़ंग ईंगरीग बराहीलिंग वारगोडता।
हाँय आम मड़ंग आम लगा दूरे संजोड़ता।”#मला 3:1
3“टयंगाब ततेररे खिररीवाडखने कतायता हाँयग होड़राः अरो,
परबू वेग लगा दूरपे संजोड़का
अरू हाँय लगा दूरपे सोएगगोड।”#एस 40:3
4दो बतिसमा एमेयीग होड़ एहुना टयंगाब ततेररे सेनेडखने परसारतेरा, भगवान अपेराः कसूरे बराव एंडागे लगा कसूर अते जीव कुदाकेडखन बतिसमापे गोः, माःआन। 5दो एहूदिया छतरराः एरुसलेम मरंग सहररिकुःआ अरू एटाः एटाः ततेररिकुःआ मुरुक होड़कू एहुना एचेरेकू सेनेडा। अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा। 6एहुना ऊँटराः ऊबते तुलात सोनहे अरू जानरराः हेड़ेतते तुलात पेटार अनँयग मयांगरेय तुसिंगगेःआ। हाँय पंपाकू#लेवी 11:22 अरू टयंगाब ततेररिकुःआ रासकूय जोमा। 7हाँय परसारवाडखने कताया, “ईंग अते मरंगीग होड़ ईंग तयोमरेय वेगतना। ईंग हुटूकियानखन हाँयराः चाटीराः डोरा लड़ाः जुकूर हों कोवायिंगा। 8ईंग अपे दाःरे बतिसमायिंग एमेवापेतना। मनदो हाँय सुद बिरुवाते बतिसमाय एमेवापेता।”#एस 44:3; ओवेल 2:28
एहुना ईसू लगा बतिसमाय एमेतेरा
(मती 3:13–4:11; लूका 3:21,22; 4:1-13)
9हनमेला ईसू गलीलराः नसरत सहर अतेय वेजेडा। दो बतिसमा एमेयीग होड़ एहुना एरदन नईरे ईसू बतिसमाय एमेवातिरिया। 10ईसू दाः अतेय उडुंगगुः मेला सेरमो देस गीगयान अरू भगवानराः सुद बिरुवा पेरवाँ तितीग इया हाँय चोटरेय उतराव वेगनेन हनाय ञेलतेरा। 11अरू सेरमो होरते बड़राय अयूमतेरा, “आम ईंगरीग दुलार बेटा हवे अरू ईंग आम सुदा राजू इदानिंगा।”
12हना तयोमरे भगवानराः सुद बिरुवा ईसू टयंगाब ततेररेय वारगोतेडीग। 13हंडा हाँय चालीस दिने दोहोना अरू कलउ ईसूय अंदजावतेरा। ईसू हना ततेररे पहाड़ जानरकू सुदाय दोहोना। मनदो सेरमो देसरिकुःआ बराहीलकू ईसूकू सेवागोड ञवना।
ईसू आँयग सेवाय बुँहड़ीतेरा
(मती 4:12-17; लूका 4:14-15)
14तोनोंग दिन तयोमरे हरदोस राजा बतिसमा एमेयीग होड़ एहुना जहेलरेय एचे सींगगोतेडीग। हनते ईसू गलील छतर सेनेवाडखन भगवानराः नपाय सरवन होड़कू एचेरेय परसारगोतेड। 15हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”
ईसू केंवटा होड़कूय राःतेरा
(मती 4:18-22; लूका 5:1-11)
16मी दिन ईसू गलीलराः हुडिंग समुंदर धरी-धरीय सेन मेला, बार होड़ केंवटाकिन सिमोन अरू आँयगरीग बोहोत अंदरियास, समुंदररे हकूकिन दाःआ हना ईसू ञेला। 17ईसू हँकिन एचेरेय कताया, “ईंग देह दूरबा वेग। दो ईंग एचेरे अबा होड़कू राः अगूदारिंग बड़ाँवबाता।” 18अरू हननमेला हँकिन अँकिनराः फेका जालकून अटू एंडातेडखन ईसूरिकिनाः चेलाकिन बड़ाँवयान।
19ईसू अरू तोरेन सेना दो जबदीरिकिनाः बेटाकिन एकूब अरू एहुनाय ञेलतेरा। हँकिन डोंगारे दुड़ुःकियानखन जालकू तुला सोझावा। 20दो ईसू हँकिन ओहेने राःतेडकिनाः अरू हँकिन अँकिनरीग अपात जबदी, डोंगारे एटाः मंजुरियाकू सुदा अटूतिरिगखन ईसूरिकिनाः चेलाकिन बड़ाँवयान।
ईसू भूत समसावनेना हाँयग होड़े नपायतेरा
(लूका 4:31-37)
21ईसू अरू आँयगरिकुःआ चेलाकू कपरनहूम सहररेकू सेनेडा। लोड़ोनराः दिनरे ईसू अरजी ओड़ाःरेय सेनेडा अरू होड़कूय चेडा। 22हाँय नियम चेडदार होड़कू इया मेरेय चेडगाडकू, मनदो हातपात पवावतो होड़ इयाय चेडतेडकुःआ। हनालगा जमा होड़कू हाँयराः चेडतो अयूमवाडखनकू बयावयान।
23हनमेला भूत समसावनेना मी होड़ होड़ हना अरजी ओड़ाःरेय वेजेडा। हाँय खिररी घड़ीने कताया, 24“ने नसरेतरीग ईसू! आम अले चिला लगाम कटसियालेतना? आम अले लाय एंडाले लगाम वेगकिया जा? ईंग सुसुदीतिनिंग आम इये हवे। आम भगवानरीग सुद होड़ हवे।”
25दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” 26दो भूत हाँय एचे एकलावतिरिया अरू खिररीवाडखन हाँयग होड़ अतेय उडुंगनेना।
27दो जमाकू बयावयानकू अरूकू कता होड़ेंगा, “नाःआ दो चिला हवे? नँवा चेड हवे जा? नाँय हुकुमगेतान दो भूतकू हों होड़कू अतेकू ञीर जुवाःता।” 28अरू ओहेन जमा गलील छतरराः डोबरा भइर ईसूराः ञाव जगावयान।
ईसू होड़कूय नपायतेरा
(मती 8:14-17; लूका 4:38-41)
29ईसू अरू आँयग चेलाकू अरजी ओड़ाः अते उडुंगवाडखन सिमोन पतरस अरू अंदरियासराः ओड़ाःरेकू सेनेडा। हँकू सुदा एहुना अरू एकूब हों दोहोना। 30दो सिमोनरीग हनहारतो जाररेय दोहोना अरू हँकू ईसू एचेरे हाँय नपायगेय लगाकू असेया। 31दो ईसू हाँय एचेरे सेनेडखन हाँयराः तिःईय साबतेरा अरूय नपाय रेमतिरिया। दो जार अड़ाःतिरिया अरू सिमोन हनहारतो हँकूय सेवातेरा।
32सिंगाड़ लिप-लिपाः मेला, एटाः एटाः होड़कू हसूकू दोहोना हँकुःआ होड़कू अरू भूतकू समसावनेना हँकुःआ होड़कू ईसू एचेरेकू अगूतेडकुःआ। 33हना सहररिकुःआ मुरुक होड़कू सिमोनराः ओड़ाः दुवाररेकू जुमावनेना। 34ईसू जमा होड़कू हसूतेय नपायतेडकुःआ अरू हाँय भूतकू हों बगरा होड़कू अतेय उडुंगतेडकुःआ। हँकुःआ भूतकू सुसुदीःआ, नाँय इये हवे, माःआन। हनालगा ईसू हँकू तोनोंगाः बड़रा कता लगा मेरेय ओवागाडकू।
ईसू रिंग-रोंग ततेररे अरजी लगाय सेनेडा
(मती 8:1-4; लूका 5:12-16)
35अंगुः मेला ईसू हना ओड़ाः अते मीटोंग रिंग-रोंग ततेररे अरजी लगाय सेनेडा। 36दो सिमोन अरू आँयगरिकुःआ सउंगताकू हाँय ञञामकू सेनेडा। 37हँकू हाँयकू ञामतेड दो हाँय एचेरेकू कताया, “ने गुरुजी, जमा होड़कू आमकू ञामतना।”
38मनदो ईसू हँकू एचेरेय कताया, “दोबू अबू एटाः गाँव अरू सहरकूनरे सेनेवाडखन भगवानराः सरवन परसारगे लगा इदा। हनालगा ईंग वेगकिया।” 39दो ईसू गलील छतरराः एटाः सहरकूनरे सेन घड़ीन हँकूराः अरजी ओड़ाःकूनरे परसार इदीःआ अरू होड़कू अते भूतकू होंय उडुंग इदीया।
ईसू कुड़गा होड़े नपायतेरा
(मती 8:1-4; लूका 5:12-16)
40एटाः दिन ईसू एचेरे मी होड़ कुड़गा होड़ वेजेडा। दो हाँय उकुड़ोमनेनखन ईसू एचेरे संघरा लगाय असेया, “ने मालिक, आम चहाः दो ईंग नपाय अवेगींगताम।”
41दो ईसू हाँये सोगावातिरिया। हनते तिःई लंबावतेडखन हाँये टोँवावतिरिया अरूय कताया, “ईंग चहाःतना, नपाय जुवाःमे।” 42अरू हननमेला हाँय नपायाने।
43हनते ईसू हाँय डंटावतिरिगखने कतावातेरिया, “नाःआ कता तोनोंगीग सुदा अलोम बड़रा। 44मनदो आम भगवानरीग पुजउरी एचेरे सेनेवाडखन हाँयते आम एचे जासगुःमे। आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमाकू सुदीगोड आम नपाययना, माःआन।”#लेवी 14:1-32
45मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।
Valgt i Øjeblikket:
मरकूस 1: kfp
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.
मरकूस 1
1
बतिसमा एमेयीग होड़ एहुनाराः परसार
(मती 3:1-12; लूका 3:1-18; एहुना 1:19-28)
1भगवानरीग बेटात ईसू मसीराः नपाय सरवन नाःआ इया बुँहड़ीनता।
2भगवानराः बड़रा कतायीग होड़ एसयाह ओजाःतेरा हना कागदरे नाःआ इया भगवान कतातेरा,
“ईंग आम अते मड़ंग ईंगरीग बराहीलिंग वारगोडता।
हाँय आम मड़ंग आम लगा दूरे संजोड़ता।”#मला 3:1
3“टयंगाब ततेररे खिररीवाडखने कतायता हाँयग होड़राः अरो,
परबू वेग लगा दूरपे संजोड़का
अरू हाँय लगा दूरपे सोएगगोड।”#एस 40:3
4दो बतिसमा एमेयीग होड़ एहुना टयंगाब ततेररे सेनेडखने परसारतेरा, भगवान अपेराः कसूरे बराव एंडागे लगा कसूर अते जीव कुदाकेडखन बतिसमापे गोः, माःआन। 5दो एहूदिया छतरराः एरुसलेम मरंग सहररिकुःआ अरू एटाः एटाः ततेररिकुःआ मुरुक होड़कू एहुना एचेरेकू सेनेडा। अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा। 6एहुना ऊँटराः ऊबते तुलात सोनहे अरू जानरराः हेड़ेतते तुलात पेटार अनँयग मयांगरेय तुसिंगगेःआ। हाँय पंपाकू#लेवी 11:22 अरू टयंगाब ततेररिकुःआ रासकूय जोमा। 7हाँय परसारवाडखने कताया, “ईंग अते मरंगीग होड़ ईंग तयोमरेय वेगतना। ईंग हुटूकियानखन हाँयराः चाटीराः डोरा लड़ाः जुकूर हों कोवायिंगा। 8ईंग अपे दाःरे बतिसमायिंग एमेवापेतना। मनदो हाँय सुद बिरुवाते बतिसमाय एमेवापेता।”#एस 44:3; ओवेल 2:28
एहुना ईसू लगा बतिसमाय एमेतेरा
(मती 3:13–4:11; लूका 3:21,22; 4:1-13)
9हनमेला ईसू गलीलराः नसरत सहर अतेय वेजेडा। दो बतिसमा एमेयीग होड़ एहुना एरदन नईरे ईसू बतिसमाय एमेवातिरिया। 10ईसू दाः अतेय उडुंगगुः मेला सेरमो देस गीगयान अरू भगवानराः सुद बिरुवा पेरवाँ तितीग इया हाँय चोटरेय उतराव वेगनेन हनाय ञेलतेरा। 11अरू सेरमो होरते बड़राय अयूमतेरा, “आम ईंगरीग दुलार बेटा हवे अरू ईंग आम सुदा राजू इदानिंगा।”
12हना तयोमरे भगवानराः सुद बिरुवा ईसू टयंगाब ततेररेय वारगोतेडीग। 13हंडा हाँय चालीस दिने दोहोना अरू कलउ ईसूय अंदजावतेरा। ईसू हना ततेररे पहाड़ जानरकू सुदाय दोहोना। मनदो सेरमो देसरिकुःआ बराहीलकू ईसूकू सेवागोड ञवना।
ईसू आँयग सेवाय बुँहड़ीतेरा
(मती 4:12-17; लूका 4:14-15)
14तोनोंग दिन तयोमरे हरदोस राजा बतिसमा एमेयीग होड़ एहुना जहेलरेय एचे सींगगोतेडीग। हनते ईसू गलील छतर सेनेवाडखन भगवानराः नपाय सरवन होड़कू एचेरेय परसारगोतेड। 15हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”
ईसू केंवटा होड़कूय राःतेरा
(मती 4:18-22; लूका 5:1-11)
16मी दिन ईसू गलीलराः हुडिंग समुंदर धरी-धरीय सेन मेला, बार होड़ केंवटाकिन सिमोन अरू आँयगरीग बोहोत अंदरियास, समुंदररे हकूकिन दाःआ हना ईसू ञेला। 17ईसू हँकिन एचेरेय कताया, “ईंग देह दूरबा वेग। दो ईंग एचेरे अबा होड़कू राः अगूदारिंग बड़ाँवबाता।” 18अरू हननमेला हँकिन अँकिनराः फेका जालकून अटू एंडातेडखन ईसूरिकिनाः चेलाकिन बड़ाँवयान।
19ईसू अरू तोरेन सेना दो जबदीरिकिनाः बेटाकिन एकूब अरू एहुनाय ञेलतेरा। हँकिन डोंगारे दुड़ुःकियानखन जालकू तुला सोझावा। 20दो ईसू हँकिन ओहेने राःतेडकिनाः अरू हँकिन अँकिनरीग अपात जबदी, डोंगारे एटाः मंजुरियाकू सुदा अटूतिरिगखन ईसूरिकिनाः चेलाकिन बड़ाँवयान।
ईसू भूत समसावनेना हाँयग होड़े नपायतेरा
(लूका 4:31-37)
21ईसू अरू आँयगरिकुःआ चेलाकू कपरनहूम सहररेकू सेनेडा। लोड़ोनराः दिनरे ईसू अरजी ओड़ाःरेय सेनेडा अरू होड़कूय चेडा। 22हाँय नियम चेडदार होड़कू इया मेरेय चेडगाडकू, मनदो हातपात पवावतो होड़ इयाय चेडतेडकुःआ। हनालगा जमा होड़कू हाँयराः चेडतो अयूमवाडखनकू बयावयान।
23हनमेला भूत समसावनेना मी होड़ होड़ हना अरजी ओड़ाःरेय वेजेडा। हाँय खिररी घड़ीने कताया, 24“ने नसरेतरीग ईसू! आम अले चिला लगाम कटसियालेतना? आम अले लाय एंडाले लगाम वेगकिया जा? ईंग सुसुदीतिनिंग आम इये हवे। आम भगवानरीग सुद होड़ हवे।”
25दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” 26दो भूत हाँय एचे एकलावतिरिया अरू खिररीवाडखन हाँयग होड़ अतेय उडुंगनेना।
27दो जमाकू बयावयानकू अरूकू कता होड़ेंगा, “नाःआ दो चिला हवे? नँवा चेड हवे जा? नाँय हुकुमगेतान दो भूतकू हों होड़कू अतेकू ञीर जुवाःता।” 28अरू ओहेन जमा गलील छतरराः डोबरा भइर ईसूराः ञाव जगावयान।
ईसू होड़कूय नपायतेरा
(मती 8:14-17; लूका 4:38-41)
29ईसू अरू आँयग चेलाकू अरजी ओड़ाः अते उडुंगवाडखन सिमोन पतरस अरू अंदरियासराः ओड़ाःरेकू सेनेडा। हँकू सुदा एहुना अरू एकूब हों दोहोना। 30दो सिमोनरीग हनहारतो जाररेय दोहोना अरू हँकू ईसू एचेरे हाँय नपायगेय लगाकू असेया। 31दो ईसू हाँय एचेरे सेनेडखन हाँयराः तिःईय साबतेरा अरूय नपाय रेमतिरिया। दो जार अड़ाःतिरिया अरू सिमोन हनहारतो हँकूय सेवातेरा।
32सिंगाड़ लिप-लिपाः मेला, एटाः एटाः होड़कू हसूकू दोहोना हँकुःआ होड़कू अरू भूतकू समसावनेना हँकुःआ होड़कू ईसू एचेरेकू अगूतेडकुःआ। 33हना सहररिकुःआ मुरुक होड़कू सिमोनराः ओड़ाः दुवाररेकू जुमावनेना। 34ईसू जमा होड़कू हसूतेय नपायतेडकुःआ अरू हाँय भूतकू हों बगरा होड़कू अतेय उडुंगतेडकुःआ। हँकुःआ भूतकू सुसुदीःआ, नाँय इये हवे, माःआन। हनालगा ईसू हँकू तोनोंगाः बड़रा कता लगा मेरेय ओवागाडकू।
ईसू रिंग-रोंग ततेररे अरजी लगाय सेनेडा
(मती 8:1-4; लूका 5:12-16)
35अंगुः मेला ईसू हना ओड़ाः अते मीटोंग रिंग-रोंग ततेररे अरजी लगाय सेनेडा। 36दो सिमोन अरू आँयगरिकुःआ सउंगताकू हाँय ञञामकू सेनेडा। 37हँकू हाँयकू ञामतेड दो हाँय एचेरेकू कताया, “ने गुरुजी, जमा होड़कू आमकू ञामतना।”
38मनदो ईसू हँकू एचेरेय कताया, “दोबू अबू एटाः गाँव अरू सहरकूनरे सेनेवाडखन भगवानराः सरवन परसारगे लगा इदा। हनालगा ईंग वेगकिया।” 39दो ईसू गलील छतरराः एटाः सहरकूनरे सेन घड़ीन हँकूराः अरजी ओड़ाःकूनरे परसार इदीःआ अरू होड़कू अते भूतकू होंय उडुंग इदीया।
ईसू कुड़गा होड़े नपायतेरा
(मती 8:1-4; लूका 5:12-16)
40एटाः दिन ईसू एचेरे मी होड़ कुड़गा होड़ वेजेडा। दो हाँय उकुड़ोमनेनखन ईसू एचेरे संघरा लगाय असेया, “ने मालिक, आम चहाः दो ईंग नपाय अवेगींगताम।”
41दो ईसू हाँये सोगावातिरिया। हनते तिःई लंबावतेडखन हाँये टोँवावतिरिया अरूय कताया, “ईंग चहाःतना, नपाय जुवाःमे।” 42अरू हननमेला हाँय नपायाने।
43हनते ईसू हाँय डंटावतिरिगखने कतावातेरिया, “नाःआ कता तोनोंगीग सुदा अलोम बड़रा। 44मनदो आम भगवानरीग पुजउरी एचेरे सेनेवाडखन हाँयते आम एचे जासगुःमे। आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमाकू सुदीगोड आम नपाययना, माःआन।”#लेवी 14:1-32
45मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.