Psom 11
11
Mo ena konfians dan twa Segner
Pou sef koral. Enn Psom David.
1LESEGNER, limem mo sekirite! Abe kouma to kapav dir mwa,
“Anvole kouma zwazo, al kasiet lor montagn
2parski move dimounn pe prepar zot zarm,
zot finn plas zot fles dan ark,
zot kasiet dan nwar, zot pe viz leker bon dimounn.
3Kan fondasion lasosiete pe vir anba-lao,
dimounn ki viv drwat, ki li kapav fer?”
4LESEGNER li dan so Tanp sakre;
LESEGNER so tronn li dan lesiel.
Li sirvey tou bann imin partou e li examinn zot.
5LESEGNER teste tou dimounn, so bon kouma so move.
Li deteste bann ki servi violans.
6Lor bann move dimounn li pou vers labrez ek souf anflame;
enn labriz kouma dife, samem ki li pou gard pou zot.
7Parski LESEGNER limem drwatir,
li kontan bann aksion ki zis,
bann ki viv drwat pou viv dan so prezans.
Valgt i Øjeblikket:
Psom 11: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.