Psom 110
110
Lesegner ek lerwa ki li finn swazir
Enn Psom David.
1LESEGNER Bondie dir mo segner lerwa,
“Asiz la, dan mo kote drwat
e atann ziska ki mo fer to lennmi
azenou divan to lipie.”
2LESEGNER pou fer ou pouvwar rwayal
grandi depi Zerizalem ziska lezot landrwa.
Inpoz to lalwa ek to pouvwar lor to lennmi.
3Kan ou desid pou dres kont ou lennmi
ou pep pou dibout pou soutenir ou konba.
Parey kouma laroze gramatin
bann zenes pou vinn ver ou lor montagn sakre.
4LESEGNER ti fer enn serman
e li pa pou renie so promes:
“Ou pou res so pret pou touletan
parey kouma pret Melkisedek.”#110:4 Zenez 14:18. Ebre 5:6,10; 6:20; 7:3,17,21.
5LESEGNER pe asiz dan ou kote drwat;
kan so koler pran li, li rakle bann lerwa.
6Li pou ziz bann nasion,
e kadav bann lennmi pou tale partou;
li kraz bann dirizan partou lor later.
7Nou lerwa pou bwar dilo ki sorti dan lasours;
li pou vinn for e li pou relev so latet.
Valgt i Øjeblikket:
Psom 110: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.