Psom 113
113
LESEGNER Bondie, lasours bonte
1Alelouya, nou sant louanz LESEGNER!
Zot tou, serviter LESEGNER, loue,
loue nom LESEGNER.
2Ki nom LESEGNER gagn tou louanz,
depi aster ek pou touletan.
3Depi soley leve ziska soley kouse
loue nom LESEGNER.
4LESEGNER gouvern lor tou bann nasion,
e so laglwar depas lesiel.
5Kisann-la parey kouma LESEGNER nou Bondie
ki lor so tronn bien lao,
6verse pou get
lesiel ek later?
7Li tir bann pov dan lapousier;
li tir bann malere dan salte.
8Li fer zot vinn konpagnon bann prins,
bann prins ki gouvern so pep.
9Li donn enn lakaz bann madam ki pa kapav gagn zanfan
e li beni zot ar nesans zanfan.
Alelouya, nou sant louanz LESEGNER!
Valgt i Øjeblikket:
Psom 113: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.