Psom 23
23
Lesegner limem mo Berze
Enn Psom David.
1LESEGNER limem mo berze;
akoz sa mo pa mank nanye.
2Li amenn mwa repoze dan patiraz lerb tann;
li gid mwa kot rwiso dilo trankil,
3pou mo regagn lavi;
li kondir mwa lor bon sime
pou loner so nom.
4Mem kan mo travers vale bien som, parey lamor
nanye pa fer mwa per
parski to touletan la koste ar mwa,
ar to baton berze to protez mwa.
5To dres latab pou mwa
divan mo bann adverser.
To vers delwil parfime lor mo latet pou resevwar mwa ar loner,
e to plin mo koup ziska li deborde.
6Mo kone ki to bonte ek to lamour
pou akonpagn mwa toulezour mo lavi,
e mo pou res dan lakaz mo SEGNER
osi lontan ki mo viv.
Valgt i Øjeblikket:
Psom 23: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.