Psom 29
29
Lavwa Lesegner omilie siklonn
Enn Psom David.
1Donn LESEGNER, zot bann kreatir lesiel,
donn LESEGNER so laglwar ek so pouvwar.
2Donn LESEGNER laglwar ki so nom merite,
ador LESEGNER ki sin, ler li paret dan so mazeste.
3Lavwa LESEGNER rezone lor lamer;
Bondie laglwar rezone kouma toner,
LESEGNER rezone lor tou bann losean.
4Lavwa LESEGNER ranpli ar pwisans.
Lavwa LESEGNER ranpli ar mazeste.
5Lavwa LESEGNER frakas bann pie,
pie pli for ki ena dan Liban;
6Li fer montagn Liban sot-sote kouma ti vo;
e montagn Ermon sot-sote kouma ti toro.
7Lavwa LESEGNER fer zekler alime.
8Lavwa LESEGNER fer dezer tranble,
mem dezer dan Kades tranble.
9Bann gran pie tranble ar lavwa LESEGNER;
tou fey dan lafore grene.
Lerla adorater LESEGNER kriye,
“Laglwar pou Twa Bondie.”
10LESEGNER lor so tronn dominn tou bann losean.
LESEGNER limem lerwa eternel.
11LESEGNER donn lafors so pep,
ki LESEGNER beni so pep e donn li lape.
Valgt i Øjeblikket:
Psom 29: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.