Johaneb 19
19
1Ob ge Pilatuba Jesuba ū tsî ge ǂnau kai. 2Tsî gu ge toroǃkhamaoga kron-e ǁkhūxa ǁnâuga xu kuru tsî Jesub danas ai ǂnûi tsî ǂhoaǀapa sara-e ge ana bi. 3Tsî gu ge ǁîb tawa ǀgū tsî ge mî: “Tawede tsi Jodeǁîn di gao-aotse!” Tsî gu ge ǁîba gere ǁapu. 4Ob ge Pilatuba ǁkhawa ǂoa tsî ǁîn ǃoa ge mî: “Mû, tita ge ǁîba sado ra ǂoaxa-ūba, î du tita ǁîb ǃnâ ǀhapi-i xare-e hō tama ǃkhaisa ǂan.” 5Ob ge Jesuba ǁkhūkronsa ǀgapa tsî ǂhoaǀapa saraba ana hâse ge ǂoaxa. Ob ge Pilatuba ǁîn ǃoa “Mû, nē hâ khoeb ge” ti ge mî.
6Tsî danapristergu tsî Tempelǃûi-aogu tsîgu ge mû bi, o gu ge “ǃGâu bi! ǃGâu bi” ti ge ǂgaiǂui.
Ob ge Pilatuba ǁîgu ǃoa ge mî: “Tita ǁîb ǃnâ ǀhapi-e hō tama hâ xuige sago ǁnâi ū, î ǃgâu bi re.”
7On ge Jodeǁîna ge ǃeream: “Sida ge ǂhanuba ūhâ tsî ǁnā ǂhanub ǃoab ge nî ǁō, ǁîb ge aitsama Elob Ôase dīsen xui-ao.” 8Pilatub ge nē mîsa ǁnâu, ob ge ǃaruǀî kaise ge ǃao. 9Tsîb ge ǁkhawa gao-ommi ǃnâ ǂgâ tsî Jesuba “Mâpa xuts hâ?” ti ge dî. Xaweb ge Jesuba ǃeream bi tama ge i. 10Ob ge Pilatuba ǁîb ǃoa ge mî: “Tita ǀkhats ǃhoa ǂgao tama hâ? ǂAn tamats kha hâ, satsa ǃnoraǃnoras tamas ka io ǃgâu kais di ǁkhāsiba ta ūhâ ǃkhaisa?”
11 #
Gā-ai.Sa. 6:3 Ob ge Jesuba ge ǃeream: “ǁKhāsi-i xare-ets ge tita ǂamai ūhâ tama ga i hâ, ǀgapiseba xu i ga satsa māhe tama io, ǁnā-amagab ge tita go sats ai māǁnâba, kai ǁoreba ūhâ.”
12Tsî Pilatub ge nēna ǁnâu ob ge mâtib nî Jesuba ǁnāxūsa gere ôa-am, xawen ge Jodeǁîna ǃgarise ǂgai tsî gere mî: “ǁÎbats ga ǁnāxūo, ots kom Kaesari di horesa tamao. ǁÎ-aitsama ra gao-aodīsen-i ge Kaesara mâǃoa hâ-e xui-ao.”
13Tsî Pilatub ge nē mîde ǁnâu, ob ge Jesuba ǂoaxa-ū tsî ǀgoraǃgâǃnaos ai Litostroto ti ra ǂgaihe ǃkhais ai ge ǂnûi. (Hebregowab ǃnâ Gabatas ti ra ǂgaihesa.) 14Pasxaǁâudīb* aiǃâ ge ǂnôa i tsēs di ǁaubexa disiǀgamǀaǁî iri ǃnâb ge Pilatuba Jodeǁîn ǃoa: “Nēb ge hâ sadu gao-aoba” ti ge mî.
15“Ūbē, ūbē, î ǃgâu bi” tin ge gere ǂgaiǂui.
Ob ge Pilatuba ǁîn ǃoa: “Sadu gao-aoba ta nî ǃgâu ǃkhaisa du ǂhâba hâ” ti ge dî.
O gu ge danapristerga “ǀNî gao-ao-e da ūhâ tama, Kaesari ǀguib” ti ge ǃeream. 16Ob ge Pilatuba Jesuba ǃgâuheb nîse ge māǁnâ.
Jesub ge ra ǃgâuhe
(Mateub 27:32-44; Markub 15:21-32; Lukab 23:26-43)
On ge Jesuba ge ū. 17Ob ge Jesuba ǃgâuhaib* âba aitsama tani tsî “Danaǂkhōs di ǃKhais,” (Hebregowab ǃnâ “Golgotas” ti ra ǂgaihes) ǃoa ge ǂoa. 18ǁNāpan ge ǁîb ǀkha ǀnî ǀgamkha, mâ ǀkhāb hoab ai ǀguiba tsî Jesuba ǁaegub ǃnâ ge ǃgâu. 19Pilatub ge ǁkhāti xoaǂam-e xoa tsî ǃgâuhaib ai ge ǂgāmâi kai. Tsî i ge nēti ge xoahe hâ i: “Jesub Nasaretǁîb, Jodeǁîn di gao-aob.” 20ǂGui Jodeǁîn ge nē xoaǂamsa ge khomai, Jesub ge ǃgâuhe hâ i ǃkhaib ge ǁnā ǃāsa xu ǃnū tama hâ i amaga. Nē xoaǂams ge Hebregowab, Latyngowab tsî Grikegowab tsîgu ǃnâ ge xoahe hâ i. 21Jodeǁîn di danapristergu ge Pilatub ǃoa ge mî: “Tā ‘Jodeǁîn di gao-aob’ ti xoa, xawe, nē khoeb ge ge mî: ‘Tita ge Jodeǁîn di gao-aota’ ti.”
22Ob ge Pilatuba “Xoa ta go-i ǁnā-e ta ge go xoa” ti ge ǃeream.
23Jesuba gu ge ǃgâutoas khaoǃgâ gu ge toroǃkhamaoga ǁîb sarana ū tsî haka ǃâdi ǃnâ ge ǀgora, mâ toroǃkhamaob hoab ǃaroma ǀgui ǃâsa. ǁÎgu ge ǁkhāti ǂamsaraba ge ū. ǁÎb ge ǂomdao-e ūhâ tamase ǀgapiseba xu ǃnakab kōse ge ǂgapusa i. 24#Psa. 22:18O gu ge toroǃkhamaoga ǁîǃnābe: “A ge tā ǁîba ǀkhauǃā, î ge ǁîb ai ǂnōgusa ao tsî mû tari-i di kaib nî ǃkhaisa” ti ge mî. Xoas nî dīǀoaǀoahese, nēti ra mîsa:
“Ti sarana gu ge ǁîgu ǃnâ ǀgoragu
tsî ti ǂamsarab ai ǂnōgusa ge ao.”
Tsî nēs ge toroǃkhamaogu ge dīsa.
25Jesub di ǃgâuhaib tawa di ge Jesub îs tsî ǁîs di ǃgâsas, Marias, Klopab taras, tsî Maria Magdalenas tsîde ge mâ i. 26Tsî Jesub ge ǁîb îs tsî ǁkhāǁkhāsabeb,* ǁîb ge ǀnam iba ǁîs tawa mâse a mû, ob ge ǁgûs ǃoa ge mî: “Nēb ge a sa ôa.”
27ǁNās khaoǃgâb ge ǁkhāǁkhāsabeb ǃoa ge mî: “Mû nēs ge sa îsa.” Tsîb ge ǁkhāǁkhāsabeba ǁnā ira xu ǁîsa oms âb tawa ge ū.
Jesub di ǁōb
(Mateub 27:45-56; Markub 15:33-41; Lukab 23:44-49)
28 #
Psa. 69:21; 22:15 Jesub ge ge ǂan i hoan ge ǀnai dītoahe ǃkhaisa, tsîb ge Xoas nî dīǀoaǀoahese “ǁGâ ta hâ” ti ge mî.
29ǁNāpa i ge ǀkhuru xûi-i xa ǀoa hâ xapa-e ge mâ i, o gu ge sponsa ǀkhuru xûib ǃnâ ǀhari tsî hisopǁnâub ai ǃkhāmâi tsî ams tawa ge sī-ū. 30Tsî Jesub ge ǀkhuru xûiba ātoa, ob ge ge mî: “Dītoahe go!”
Tsî danasa ǃgam tsîb ge gagasa ge māǁnâ.
Jesub ge ǃnammi âb ǃnâ ra ǃkhāhe
31Aiǂhomisentsēs ge i amagan ge Jodeǁîna sorodi nî Sabbattsēs* ai ǃgâuhaib ai mâ ǃkhaisa ge ǂgao tama hâ i tsî Pilatuba ge ǂgan, ǀnūgu âga khôahe tsî gu nî ūǁnâhe ǃkhaisa, ǁnā Sabbattsēs ge kai i amaga. 32ǁNā-amaga gu ge toroǃkhamaoga hā tsî ǂgurob tsî ǁnās khaoǃgâ naub Jesub ǀkha ge ǃgâuhe hâ ikha di ǀnūga ge khôa. 33Xawe Jesub tawa gu ge sī, o gu ge ǀnaib ǁō hâ ǃkhaisa mû tsî ǀnūgu âba khôa tama ge i. 34Xawe ǀguib toroǃkhamaogu dib ge ǁhâigôab âb ǀkha ǁîb ǃnammi ǃnâ ge ǃkhā tsî i ge ǁnātimîsi ǀaob tsî ǁgammi tsîkha ge ǂoaxa. 35Tsî nēsa ge mû-i ge ǁîs xa ge ǃkhō-am tsî ǁî-i di ǃkhō-ams ge a ama tsî-i ge a ǂan, sadu tsîn nî ǂgomse i ra amaba ǃhoa ǃkhaisa. 36#Eks. 12:46; Num. 9:12; Psa. 34:20Nēn ge Xoas nî dīǀoaǀoahese ī xui-ao. “ǂKhō-i âb tsîn ge khôahe tide.” 37#Sax. 12:10; ǂHai. 1:7Tsî ǁkhawas ge ǀnî Xoasa ra mî: “ǁÎn ge ǃkhān geba nî mû.”
Jesub di ǁkhōs
(Mateub 27:57-61; Markub 15:42-47; Lukab 23:50-56)
38Nēn khaoǃgâb ge Josefi, Arimateas dib hîa Jesub di ǁkhāǁkhāsabes tsîna ge i iba, Jodeǁînab gere ǃao amaga ǂganǃgâsasib ǃnâ Jesub sorosa Pilatub ai ge ǂgan. Pilatub ge mā-am bi ob ge Josefa Jesub di sorosa ge ūǁnâ. 39#Jhn. 3:1, 2ǁKhātib ge Nikodemub Jesub tawa ǀgui tsuxuba ge sī hâ iba hā tsî habahe hâ miren tsî aukoren, ǁaubexa ǃnonadisiǀgamǀa kiloxramgu kōsiba ūhân tsîna ge hā-ū. 40O kha ge Jodeǁîn ǁkhōs di ǁnaetib ǃoa Jesub sorosa ū tsî ǃgâihamxūn ǀkha dīhe hâ ǃuri, tsaura lapigu ǃnâ ge ǃgami. 41Jesub ge ǃgâuhe hâ i ǃkhaib tawab ge ǃhanaba ge ǁgoe i tsî ǃhanab ǃnâs ge ǀasa ǀhobas khoe-i xare-i ge tātsē ǁguiǃnâhe tama hâ isa ge hâ i. 42Jodeǁîn di Aiǂhomisentsēs ǃaroma tsî ǀhobas ge ǀgū i xui-ao kha ge Jesuba ǁnāpa ge ǁguiǂgā.
Valgt i Øjeblikket:
Johaneb 19: KKG20
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.
