Lukab 10
10
Jesub ge hûdisiǀgamǀaga* ra sîǂui
1ǁNās khaoǃgâb ge ǃKhūba ǀnî hûdisiǀgamǀaga#10:1 Hûdisiǀgamǀaga: ǀNî xoaǁguigu ge hûdisi ti ūhâ. ǁhûiǂui tsî ǁîga ǀgamǀgammese ǁîb aiǃâ ge sîǂui, mâ ǃās tsî ǃkhais hîab nî sīse is hoas ǁga. 2#Mat. 9:37-38ǁÎb ge ǁîgu ǃoa ge mî: “ǃGaos ge a kai, xawe sîsenaogu ge a ǀoro. ǁNā-amaga ǃKhūb ǃgaos dib ǃoa ǀgore, îb sîsenaoga ǃgaos âb ǃoa sî. 3#Mat. 10:16ǃGû nēsi! Mû, tita ge sago ǁkhaon ase ǂhiran ǁaegu ra sîǂgā. 4#Mat. 10:7-14; Mrk. 6:8-11; Luk. 9:3-5Tā mariǁgarus kas, saran ǁgarus kas, ǀkhapudi kas hoasa ūsao, î tā daob ai garu tawedema. 5Om-i ǃnâ go ga sīo, as nēsa sago di ǂguro mî: ‘ǂKhîba ab nē oms ǀkha hâ.’ 6ǂKhîba ǂâibahe hâ khoe-i ga ǁnāpa hâo, ob ge nē ǂkhîba ǁî-i ai nî hâ; tamas ka io sago di ǂkhîb tawedesa ǂgae-oa. 7#1Kor. 9:14; 1Tim. 5:18Tā nē omsa xu nau oms ǁga doema, xawe ǁkhā oms ǃnâ hâ, î ǂû î ā ǁîn ra mān xa, sîsenaob ge mataresa anu hâ xuige. 8ǃĀ-i ǃnâ kō ga sī tsîs ga ǃkhōǃoa go-o, mâi-aiǃâhe go rana ǂû. 9ǁNā ǃās ǃnâ ǀaesen hâna ǂuruǂuru, î khoena mîba, ‘Elob Gaosib ge sadu ǀgūse go hā’ ti. 10#ǃNǃkh. 13:51Xawe ǃās ǃnâ go ga sī tsîn ga ǃkhōǃoa go tama io, ǁîs di ǃgangu ai ǂoa î mî: 11‘ǃĀs di tsarab sige ǂaidi ai hâb tsîna ge ge ra ǃgubuǁnâ sado ge nî ǀanaǃgâse. Xawe ǀguisa du ge ǂâis ǃnâ nî ūhâ, Elob Gaosib ge sadu ǀgūse go hā.’ 12#Gen. 19:24-28; Mat. 11:24; Mat. 10:15Mîba go ta ra, ǁnā khoen nî ǀGoraǃgâtsēs ai ǃnāsa ǃgomma tsâsa, Sodoms din xa.
ǂGomoǃnâ ǃādi
(Mateub 11:20-24)
13“Tarekōse i nî tsūba si, Xorasinse! Tsî sas tsîna, Betsaidase! Saro ǃnâ ge dīhe buruxa dīn ga Tirus tsî Sidons tsîra ǃnâ dīhe hâ, on ge ǁîra khoena hūga ǀhaosarana ana tsî tsaob ǀkha tsorosen tsî ǃhobasensa ga ǁgauǂui hâ. 14ǀGoraǃgâtsēs aib ge Eloba ǃnāsa ǀkhomma Tirus tsî Sidons khoena saro khoen ǂamai nî mā. 15#Jes. 14:13-15Tsî sadu Kapernaums dido, ǂâi du ra ǀhommi ǃnâ du nî ǃgôahe ti? Sadu ge ǁŌhân Hâǃkhaib ǃnâ nî ǂhāǁnâhe!”
16 #
Mat. 10:40; Mrk. 9:48; Jhn. 13:20 Ob ge Jesuba ǁîb ǁkhāǁkhāsabegu ǃoa ge mî: “Sago ra ǁnâu-i hoa-i ge tita ra ǁnâu-e, tsî sago ra ǃharaxū-i ge tita ra ǃharaxū-e, tsî mâ-i hoa-i tita ra ǃharaxū-i ge tita ge sîba ra ǃharaxū.”
Hûdisiǀgamǀagu di oahās
17Hûdisiǀgamǀagu ge kai ǃgâiaǂgaob xa ǀoa hâse oahā tsî ge mî: “ǃKhūtse ǁgâuagu* tsîn ge ra ǁnâuǀnam ge, sa ǀons ǃnâ ge ga mîmā guo.”
18Ob Jesuba ǁîga ge ǃeream: “Satanna* ta ge napab khamib ǀhomma xu ra ǁnāse ge mû. 19#Psa. 91:13Mû, tita ge ǁkhāsiba ge mā go, ǀaon tsî ǀhūn#10:19 ǀHūn: ǀNî ǀkharigu ǃnâ ǁaruben ti ra ǂgaihe. ai go nî dāse tsî khākhoeba go ǀgaib âb ǃnâ nî danse, xawe sago ge xū-i xare-i xa tsûtsûhe tide. 20Tā ǃgâiaǂgao gagagu ra sago ǁnâuǀnam ǃkhais xa, xawe ǃgōsase sago ǀondi ǀhommi ǃnâ xoamâihe hâ ǃkhais xa ǃgâiaǂgao re.”
Jesub di ǃgâiaǂgaob
(Mateub 11:25-27; 13:16-17)
21ǁNā ǁaeb ǁkhāb aib ge Jesuba ǃAnu Gagaba xu ǃgâiaǂgaob xa ǀoa tsî ge mî: “Gangan tsi ta ra, ǀhommi tsî ǃhūbaib tsîkha di ǃKhūtse, nēnats ge gā-ain tsî ǁnâuǃāxana ǂganǃgâsa kaiba tsî ǁnâuǃāoǃnâna ǂhaiǂhaiba ǃkhaisa. Ā, ǃKhūtse, ǁnās ge satsa go ǃgâiba i.
22 #
Jhn. 3:35;
Jhn. 10:15
“Hoa xūn ge ti Îb xa tita ge ǂgomǃgâbahe. Khoe-i xare-i ge ǀGôaba ǀū, ǁGûb ǀguib ǂan tsî khoe-i xare-i ge ǁGûba ǀū, ǀGôab ǀguib ǂan tsî ǁnān ǀGôab ra ǂhaiǂhaiba ǂgaon ǀguin.” 23Ob ge Jesuba ǁkhāǁkhāsabegu âb ǃoa dabasen tsî ǁîgu ǃoa ge mî: “ǀKhaehe di ge hâ ǁnā mûdi sago ra mûna ra mûde. 24Mîba go ta ra ǂgui kēbo-aogu tsî gao-aogu tsîgu ge gere ǁkhore sago nēsi ra mûna mûsa, xawe gu ge mû tama ge i. ǁÎgu ge gere ǁnâu ǂgao, sago nēsi ra ǁnâuna, xawe ǁnâu tama ge i.”
ǀKhomxaǃnâ Samariaǁîb di ǂkhōs*
25 #
Mat. 22:35-40; Mrk. 12:28-34 Tsî mû, ǂanǂansa ǂhanuǂanseb ge ǀgui ǃnā-e khâimâ tsî Jesuba dîǁkhan ǂgao tsî ge dî: “ǁKhāǁkhā-aotse, tare-e ta nî dī, î ta ǀamo ûiba ǀumi?”
26Ob ge Jesuba ge ǃeream bi: “Mâti i Moseb ǂhanub* ǃnâ xoahe hâ? Tare-ets ǁnāpa ra khomai?”
27 #
Deu. 6:5;
Lev. 19:18
Ob ge nē ǂhanuǂanseba ge ǃeream: “ ‘ǃKhūb sa Elobats ge nî ǀnam sa ǂgaob hoab ǀkha, sa ǀoms hoas ǀkha, sa ǀgaib hoab ǀkha tsî sa ǁnâuǃāb hoab ǀkha;’ tsî ‘Sa ǀgūkhoe-e sats ǁkhāts khami.’ ”
28 #
Lev. 18:5
“ǂHanusets go ǃeream” tib ge Jesuba ge mî. “ǁNāti dī, ots ge nî ûi.”
29Xaweb ge nē ǂhanuǂanseba ǁî-aitsama ǂhanu-ai kaisen ǂgao tsî Jesuba ge dî: “Tari-e a ti ǀgūkhoe?”
30Ob ge Jesuba ge ǃeream: “ǀGui ǃnā-eb ge khoeba Jerusalemsa xub Jerixos ǁga garu hîa ǁkhâuǁnâ-aogu xa ge ǁnāǂamhe. ǁÎgu ge ǁhûǀkhā bi, ǂnau bi tsî ǁō ǁgab rase ǁnāxūǁgui tsî ge bēxū bi. 31Tsî i ge ge ī, pristeri ge ǁnā daob ǀkha hā ǃkharu ǃkhaisa. Mûǁgoe bib ge ob ge ǃnūseba-u ge ǃkharuǀkhā bi. 32ǁNās ǁkhās khamib ge Leviǁîb tsîna ǁnā ǃkhais tawab ge sīo, mûǁgoe bi tsî ǃnūseba-u ge ǃkharuǀkhā bi. 33#2Kro. 28:15Xawe Samariaǁîb hîa ge ǃgûdaob ai hâ ib ge ǁnāpa sī tsî mû bib ge, o kaise ǃoatsâsib xa khâiǃnâhe tsî ge ǀkhom bi. 34Ob ge ǁîb tawa sī tsî ǀhapidi âba oli-i tsî ǂauxûi-i ǀkha ǂnâ-ai tsî ge ǃgae-aiba bi. Tsîb ge ǁîb di ǃgapiǃgarub ai ǃnao bi tsî ǃgûkhoen ommi ǁga ǃgû-ū bi tsî ǃaruǀî ǁnāpa ge ǃkhōǂhomi bi. 35Sao ra tsēs aib ge ǀgam denara* ūǂui tsî ǃgûkhoen ommi ǀhonkhoeba mā tsî ge mî: ‘ǃKhōǂhomi bi, ǃnāsasets ga ǁîb ai māǂuio, o ta ge nî matare tsi, oa-ī ta ga hāo.’ ”
36Tsîb ge Jesuba nēti ge ǀamǀam: “Sa mûǂgāb ǃoa tarib nē ǃnonagu diba ǁkhâuǁnâ-aogu ǃomǁae ge ǁnāb di ǀgūkhoe?”
37Ob ge ǂhanuǂanseba ge ǃeream: “ǁNāb ǀkhomxa bi geb.”
Ob ge Jesuba ǁîb ǃoa ge mî: “ǃGû, î sats ona ǁkhāti ǁnāti dī.”
Jesub ge Martas tsî Marias tsîra ra sari
38 #
Jhn. 11:1
Jesub tsî ǁîb di ǁkhāǁkhāsabegu garu hîab ge Jesuba ǀnî ǃāros, Marta ti gere ǀonǂgaihe taras ge ǁanǃnâ hâ is tawa sī tsî ǁîs xa ǃhaokhoese oms âs ǃnâ ge ǃkhōǃoahe. 39ǁÎs ge Marias ti ǀon hâ ǃgâsasa ge ūhâ i; ǃKhūb ǂaira tawa ǂnû tsî mîdi âba gere ǃgâbasensa. 40Martas ge kaise ǀguris gere sîsen ǃkhais xa ǂkhîoǃnâ tsî hā tsî Jesub ǃoa ge mî: “ǃKhūtse, ǂhani tsi tama-i kha hâ, ti ǃgâsas ra tita ǀguri ǃoaba kai ǃkhaisa? Mîba si re, îs hui te!”
41Ob ge ǃKhūba ǁîsa ge ǃeream: “Martase, Martase! Sas ge ǂgui xūn ǂama ǂhansen tsî ra ǀhupuǀhupusen, 42xawe ǀgui xū-i ǀgui-i ge a ǂhâbasa. Marias ge ǂoaǂamsa xū-e go ǁhûiǂuibasen, ǁîsa xu ūbēhe tide-e.”
Valgt i Øjeblikket:
Lukab 10: KKG20
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.
Lukab 10
10
Jesub ge hûdisiǀgamǀaga* ra sîǂui
1ǁNās khaoǃgâb ge ǃKhūba ǀnî hûdisiǀgamǀaga#10:1 Hûdisiǀgamǀaga: ǀNî xoaǁguigu ge hûdisi ti ūhâ. ǁhûiǂui tsî ǁîga ǀgamǀgammese ǁîb aiǃâ ge sîǂui, mâ ǃās tsî ǃkhais hîab nî sīse is hoas ǁga. 2#Mat. 9:37-38ǁÎb ge ǁîgu ǃoa ge mî: “ǃGaos ge a kai, xawe sîsenaogu ge a ǀoro. ǁNā-amaga ǃKhūb ǃgaos dib ǃoa ǀgore, îb sîsenaoga ǃgaos âb ǃoa sî. 3#Mat. 10:16ǃGû nēsi! Mû, tita ge sago ǁkhaon ase ǂhiran ǁaegu ra sîǂgā. 4#Mat. 10:7-14; Mrk. 6:8-11; Luk. 9:3-5Tā mariǁgarus kas, saran ǁgarus kas, ǀkhapudi kas hoasa ūsao, î tā daob ai garu tawedema. 5Om-i ǃnâ go ga sīo, as nēsa sago di ǂguro mî: ‘ǂKhîba ab nē oms ǀkha hâ.’ 6ǂKhîba ǂâibahe hâ khoe-i ga ǁnāpa hâo, ob ge nē ǂkhîba ǁî-i ai nî hâ; tamas ka io sago di ǂkhîb tawedesa ǂgae-oa. 7#1Kor. 9:14; 1Tim. 5:18Tā nē omsa xu nau oms ǁga doema, xawe ǁkhā oms ǃnâ hâ, î ǂû î ā ǁîn ra mān xa, sîsenaob ge mataresa anu hâ xuige. 8ǃĀ-i ǃnâ kō ga sī tsîs ga ǃkhōǃoa go-o, mâi-aiǃâhe go rana ǂû. 9ǁNā ǃās ǃnâ ǀaesen hâna ǂuruǂuru, î khoena mîba, ‘Elob Gaosib ge sadu ǀgūse go hā’ ti. 10#ǃNǃkh. 13:51Xawe ǃās ǃnâ go ga sī tsîn ga ǃkhōǃoa go tama io, ǁîs di ǃgangu ai ǂoa î mî: 11‘ǃĀs di tsarab sige ǂaidi ai hâb tsîna ge ge ra ǃgubuǁnâ sado ge nî ǀanaǃgâse. Xawe ǀguisa du ge ǂâis ǃnâ nî ūhâ, Elob Gaosib ge sadu ǀgūse go hā.’ 12#Gen. 19:24-28; Mat. 11:24; Mat. 10:15Mîba go ta ra, ǁnā khoen nî ǀGoraǃgâtsēs ai ǃnāsa ǃgomma tsâsa, Sodoms din xa.
ǂGomoǃnâ ǃādi
(Mateub 11:20-24)
13“Tarekōse i nî tsūba si, Xorasinse! Tsî sas tsîna, Betsaidase! Saro ǃnâ ge dīhe buruxa dīn ga Tirus tsî Sidons tsîra ǃnâ dīhe hâ, on ge ǁîra khoena hūga ǀhaosarana ana tsî tsaob ǀkha tsorosen tsî ǃhobasensa ga ǁgauǂui hâ. 14ǀGoraǃgâtsēs aib ge Eloba ǃnāsa ǀkhomma Tirus tsî Sidons khoena saro khoen ǂamai nî mā. 15#Jes. 14:13-15Tsî sadu Kapernaums dido, ǂâi du ra ǀhommi ǃnâ du nî ǃgôahe ti? Sadu ge ǁŌhân Hâǃkhaib ǃnâ nî ǂhāǁnâhe!”
16 #
Mat. 10:40; Mrk. 9:48; Jhn. 13:20 Ob ge Jesuba ǁîb ǁkhāǁkhāsabegu ǃoa ge mî: “Sago ra ǁnâu-i hoa-i ge tita ra ǁnâu-e, tsî sago ra ǃharaxū-i ge tita ra ǃharaxū-e, tsî mâ-i hoa-i tita ra ǃharaxū-i ge tita ge sîba ra ǃharaxū.”
Hûdisiǀgamǀagu di oahās
17Hûdisiǀgamǀagu ge kai ǃgâiaǂgaob xa ǀoa hâse oahā tsî ge mî: “ǃKhūtse ǁgâuagu* tsîn ge ra ǁnâuǀnam ge, sa ǀons ǃnâ ge ga mîmā guo.”
18Ob Jesuba ǁîga ge ǃeream: “Satanna* ta ge napab khamib ǀhomma xu ra ǁnāse ge mû. 19#Psa. 91:13Mû, tita ge ǁkhāsiba ge mā go, ǀaon tsî ǀhūn#10:19 ǀHūn: ǀNî ǀkharigu ǃnâ ǁaruben ti ra ǂgaihe. ai go nî dāse tsî khākhoeba go ǀgaib âb ǃnâ nî danse, xawe sago ge xū-i xare-i xa tsûtsûhe tide. 20Tā ǃgâiaǂgao gagagu ra sago ǁnâuǀnam ǃkhais xa, xawe ǃgōsase sago ǀondi ǀhommi ǃnâ xoamâihe hâ ǃkhais xa ǃgâiaǂgao re.”
Jesub di ǃgâiaǂgaob
(Mateub 11:25-27; 13:16-17)
21ǁNā ǁaeb ǁkhāb aib ge Jesuba ǃAnu Gagaba xu ǃgâiaǂgaob xa ǀoa tsî ge mî: “Gangan tsi ta ra, ǀhommi tsî ǃhūbaib tsîkha di ǃKhūtse, nēnats ge gā-ain tsî ǁnâuǃāxana ǂganǃgâsa kaiba tsî ǁnâuǃāoǃnâna ǂhaiǂhaiba ǃkhaisa. Ā, ǃKhūtse, ǁnās ge satsa go ǃgâiba i.
22 #
Jhn. 3:35;
Jhn. 10:15
“Hoa xūn ge ti Îb xa tita ge ǂgomǃgâbahe. Khoe-i xare-i ge ǀGôaba ǀū, ǁGûb ǀguib ǂan tsî khoe-i xare-i ge ǁGûba ǀū, ǀGôab ǀguib ǂan tsî ǁnān ǀGôab ra ǂhaiǂhaiba ǂgaon ǀguin.” 23Ob ge Jesuba ǁkhāǁkhāsabegu âb ǃoa dabasen tsî ǁîgu ǃoa ge mî: “ǀKhaehe di ge hâ ǁnā mûdi sago ra mûna ra mûde. 24Mîba go ta ra ǂgui kēbo-aogu tsî gao-aogu tsîgu ge gere ǁkhore sago nēsi ra mûna mûsa, xawe gu ge mû tama ge i. ǁÎgu ge gere ǁnâu ǂgao, sago nēsi ra ǁnâuna, xawe ǁnâu tama ge i.”
ǀKhomxaǃnâ Samariaǁîb di ǂkhōs*
25 #
Mat. 22:35-40; Mrk. 12:28-34 Tsî mû, ǂanǂansa ǂhanuǂanseb ge ǀgui ǃnā-e khâimâ tsî Jesuba dîǁkhan ǂgao tsî ge dî: “ǁKhāǁkhā-aotse, tare-e ta nî dī, î ta ǀamo ûiba ǀumi?”
26Ob ge Jesuba ge ǃeream bi: “Mâti i Moseb ǂhanub* ǃnâ xoahe hâ? Tare-ets ǁnāpa ra khomai?”
27 #
Deu. 6:5;
Lev. 19:18
Ob ge nē ǂhanuǂanseba ge ǃeream: “ ‘ǃKhūb sa Elobats ge nî ǀnam sa ǂgaob hoab ǀkha, sa ǀoms hoas ǀkha, sa ǀgaib hoab ǀkha tsî sa ǁnâuǃāb hoab ǀkha;’ tsî ‘Sa ǀgūkhoe-e sats ǁkhāts khami.’ ”
28 #
Lev. 18:5
“ǂHanusets go ǃeream” tib ge Jesuba ge mî. “ǁNāti dī, ots ge nî ûi.”
29Xaweb ge nē ǂhanuǂanseba ǁî-aitsama ǂhanu-ai kaisen ǂgao tsî Jesuba ge dî: “Tari-e a ti ǀgūkhoe?”
30Ob ge Jesuba ge ǃeream: “ǀGui ǃnā-eb ge khoeba Jerusalemsa xub Jerixos ǁga garu hîa ǁkhâuǁnâ-aogu xa ge ǁnāǂamhe. ǁÎgu ge ǁhûǀkhā bi, ǂnau bi tsî ǁō ǁgab rase ǁnāxūǁgui tsî ge bēxū bi. 31Tsî i ge ge ī, pristeri ge ǁnā daob ǀkha hā ǃkharu ǃkhaisa. Mûǁgoe bib ge ob ge ǃnūseba-u ge ǃkharuǀkhā bi. 32ǁNās ǁkhās khamib ge Leviǁîb tsîna ǁnā ǃkhais tawab ge sīo, mûǁgoe bi tsî ǃnūseba-u ge ǃkharuǀkhā bi. 33#2Kro. 28:15Xawe Samariaǁîb hîa ge ǃgûdaob ai hâ ib ge ǁnāpa sī tsî mû bib ge, o kaise ǃoatsâsib xa khâiǃnâhe tsî ge ǀkhom bi. 34Ob ge ǁîb tawa sī tsî ǀhapidi âba oli-i tsî ǂauxûi-i ǀkha ǂnâ-ai tsî ge ǃgae-aiba bi. Tsîb ge ǁîb di ǃgapiǃgarub ai ǃnao bi tsî ǃgûkhoen ommi ǁga ǃgû-ū bi tsî ǃaruǀî ǁnāpa ge ǃkhōǂhomi bi. 35Sao ra tsēs aib ge ǀgam denara* ūǂui tsî ǃgûkhoen ommi ǀhonkhoeba mā tsî ge mî: ‘ǃKhōǂhomi bi, ǃnāsasets ga ǁîb ai māǂuio, o ta ge nî matare tsi, oa-ī ta ga hāo.’ ”
36Tsîb ge Jesuba nēti ge ǀamǀam: “Sa mûǂgāb ǃoa tarib nē ǃnonagu diba ǁkhâuǁnâ-aogu ǃomǁae ge ǁnāb di ǀgūkhoe?”
37Ob ge ǂhanuǂanseba ge ǃeream: “ǁNāb ǀkhomxa bi geb.”
Ob ge Jesuba ǁîb ǃoa ge mî: “ǃGû, î sats ona ǁkhāti ǁnāti dī.”
Jesub ge Martas tsî Marias tsîra ra sari
38 #
Jhn. 11:1
Jesub tsî ǁîb di ǁkhāǁkhāsabegu garu hîab ge Jesuba ǀnî ǃāros, Marta ti gere ǀonǂgaihe taras ge ǁanǃnâ hâ is tawa sī tsî ǁîs xa ǃhaokhoese oms âs ǃnâ ge ǃkhōǃoahe. 39ǁÎs ge Marias ti ǀon hâ ǃgâsasa ge ūhâ i; ǃKhūb ǂaira tawa ǂnû tsî mîdi âba gere ǃgâbasensa. 40Martas ge kaise ǀguris gere sîsen ǃkhais xa ǂkhîoǃnâ tsî hā tsî Jesub ǃoa ge mî: “ǃKhūtse, ǂhani tsi tama-i kha hâ, ti ǃgâsas ra tita ǀguri ǃoaba kai ǃkhaisa? Mîba si re, îs hui te!”
41Ob ge ǃKhūba ǁîsa ge ǃeream: “Martase, Martase! Sas ge ǂgui xūn ǂama ǂhansen tsî ra ǀhupuǀhupusen, 42xawe ǀgui xū-i ǀgui-i ge a ǂhâbasa. Marias ge ǂoaǂamsa xū-e go ǁhûiǂuibasen, ǁîsa xu ūbēhe tide-e.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.