Lukab 11
11
ǀGores xa hâ ǁkhāǁkhās
(Mateub 6:9-13; 7:7-11)
1Jesub ge ǀguri sī gere ǀgore. Tsî toab geo, ob ge ǁkhāǁkhāsabegu* di ǀguiba ǁîb ǃoa ge mî: “ǃKhūtse, mâti ge nî ǀgore ǃkhaisa ǁkhāǁkhā ge re, Johaneb ǁĀǁnâ-aob ge ǁîb ǁkhāǁkhāsabega gere ǁkhāǁkhā khami.”
2Ob ge Jesuba ǁîgu ǃoa ge mî: “ǀGore go ka, o nēti mî:
“ ‘Sida Îtse:
Sa ǀonsa as khaihe re;
sa gaosiba ab hā re.
3Mâ tsēs hoasa sida tsēkorobe pereba mā da.#11:3 tsēkorobe pereba mā da: ǀNî xoaǁguigu ge ǂhâbasa ǂû-i tamas ka io sao ra tsēs di ǂû-i ti ūhâ.
4Î sida ǁorena ǀûba da,
sida ǃoagu ra ǁorena da ra ǀûbas ǁkhās khami,
î tā ǃâitsâb ǃnâ ǂgaeǂgui da.’ ”
5ǃAruǀîb ge Jesuba ǁîgu ǃoa ge mî: “Sago di ǀguib ga ǀhōsa-e ūhâ tsîb ga tsuxub ǃgâb ai, ǁîb tawa sī tsî sī a ǂgan: ‘Ti ǀhōsatse, ǃnona perega ǀkhupi te; 6ti ǀhōsab ǃgûdaob ai hâb go ti tawa hā tsî xawe ta xū-e ūhâ tama ǁîba ta nî mâi-aiǃâse xuige.’ 7Tsî naub ga omǃnāba xu ǃeream: ‘Tā ǂhani te; dao-ams ge ǀnai ǂganamsa tsî ti ôaron tsî tita tsîn ge ǀnai ǁgoe. Khâi tsî ta sī a mā tsi ǁoa.’ 8Mîba go ta ra: ǁÎb ǀhōsab a ǃkhais ǃaromab ga khâi tsî mā bi tama i, xaweb ge khâi tsî ǂhâbab hân hoana nî mā bi, tao tamaseb ǀûs oseb ra ǂgan ǃkhais ǃaroma. 9Mîba du ta ra: ǂGan, o du ge nî māhe; ôa, o du ge nî hō; ǃgubu-am, o du ge nî ǁkhowa-ambahe. 10ǂGan ra-i hoa-i ge nî māhe, ôa ra-i hoa-i ge nî hō tsî ǃgubu-am ra-i hoa-i ge nî ǁkhowa-ambahe. 11Mâ ǁgûba ǁîb ôab ga ǁau-e ǂgan, o ǁîba ǀao-e nî mā? 12Tamas ka io ǃupu-eb ga ǂgan, o ǀhū-e nî mā bi? 13Sadu hîa a ǂkhaba du ga ǃgâi xūna sadu ôana māsa ǂan, o mâtikō ǃnāsaseb kha ǀhommi ǃnâ hâ ǁGûba ǃAnu Gagaba ǁnān ǂgan bi rana nî mā.”
Jesub tsî Beelsebuli*
(Mateub 12:22-30; Markub 3:20-27)
14Jesub ge ǀgui ǃnā-e ǃgomesiba ra ǃaromaba ǁgâua-e* khoeba xu ge ǃhaeǂui tsî ǁgâuab ge ǂoaxū bio, ob ge ǃgomeba ge ǃhoatsoatsoa. On ge khoena ge buru, 15#Mat. 9:34; 10:25xawen ge ǀnîn âna ge mî: “ǁGâuagu di danaǂgaeǂgui-aob Beelsebuli di huib ǀkhab ge ǁgâuaga ra ǃhaeǂui.”
16 #
Mat. 12:38; 16:1; Mrk. 8:11 ǀNîn ge Jesuba ǃâitsâ ǂgao tsî ǀhomma xu hâ sao-e gere ǂgaoǀkhā. 17Xaweb ge ǁîn di ǂâide ǂan tsî ge mî: “Mâ gaosib hoab, ǁîb ǂûb ǃnâ ǃkharagab ge hâhâ tide tsî omaris hîa ǁîs ǃnâ ǀgoraǃāsas ge nî ǀgaru. 18Satanni* gaosib ga ǁî-aitsama ǁîb ǃoagu a ǀgoraǃāsen, o mâtib kha gaosib âba nî mâǀgara? Sadu kom ra mîo, tita Beelsebuli huib ǀkha ǁgâuaga ra ǃhaeǂui ti. 19Beelsebuli di huib ǀkha ta ǁgâuaga nî ǃhaeǂuis kao, sadu saoǃgonaona tari-i di huib ǀkhan ra ǁnāsa dī? ǁNā-amagan ge ǁîna nî sadu ǀgoraǃgâ-ao. 20Elob di ǀgaib ǃnâ ta ǁgâuaga ra ǃhaeǂui, amagab ge ǁîb Gaosiba ǀnai sadu kōse go hā.
21“ǀGaisa khoeb ga ǃgâise ǁâtanisen tsî oms âba ǃûi, on ge xūn âba a ǃnorasa. 22Xaweb ga ǁîb ǃgâ-ai ǀgaisaba ǁîba ǁnāǂam tsî dan, ob ge hoaraga ǁâtanin, ǁîn aib ǂgomaiǂnûi hâna ūxū bi tsî ǃnarib go xūna nî ǀgoraǂui.
23 #
Mrk. 9:40
“Tita ǀkha hâ tama-i ge ti ǃoagu hâ-e. Tsî tita ǀkha ǀhaoǀhao tama-i hoa-i ge ǁîna ra sauruǀgaruǀgaru-e.
ǂKhaba gagab di oahās
(Mateub 12:43-45)
24“ǃAnuoǃnâ gagab ga khoe-e xu ǂoa, ob ge ǂnâsa ǃhūb ai ra ǁkhanama, sâǃkhai-e ra ôase. Tsî hō tamab ka io, ob ge ra mî: ‘Oa ta nî ti oms ǁîsa xu ta ge ǂoas ǁga.’ 25Tsîb ge oa tsî ǁîsa ǀnapuǃnâhe hâse tsî ǃamkuse ra hō. 26Ob ge ǃgûǂoa tsî ǀnî hû gagagu ǁîb xa ǃnāsase a ǂkhabaxaga sī ra ū, tsî gu ge ǁnāpa hā doeǂgâ tsî ra ǁan. Nēn hoan ga ǃkharus khaoǃgâ i ge nē khoe-i ǀkha ǂguros ǃgâ-ai nî ǃgom.”
Ama ǃgâiaǂgaob
27Tsî Jesub ganupe ra ǃhoa hîas ge ǀgui tarasa ǂnubisa xu ǃgari dommi ǀkha ge mî: “Mâtikōses a ǀkhaehesa ǁnā taras satsa ge tani tsî a daisisa.”
28Xaweb ge Jesuba ge ǃeream: “ǀKhaehen ge hâ ǁnān Elob di mîsa ǁnâu tsî ra sâubasenna.”
Jonab di saos
(Mateub 12:38-42)
29 #
Mat. 16:4; Mrk. 8:12 Tsî khoen ǁîb ǂnamipe ǀhao tsî ra ǀarosen hîab ge Jesuba ge mî: “Nē ǂkhabaxa surib ge sao-e ra ǂhâba, xawen ge sao-e māhe tide, Jonab di saos ǀguis ose. 30Jonab ge Nineves khoena ǁgauǁgaus ase ība is ǁkhās khamib ge Khoen Ôaba sado nētsē ǁgauǁgaus ase ība. 31#1Gao. 10:1-10; 2Kro. 9:1-12Gao-aos Skebas dis ge ǀgoraǃgâs ǃnâ nē surib ǀkha khâi tsî ǁîna nî ǀgoraǃgâ; ǁîs ge ǃhūbaib ǀamsa xu Salomob gā-aisiba nî ǁnâuse hā amaga, tsî mû, Salomoba ǃnā hâ-i ge nēpa hâ. 32#Jon. 3:5ǀGoraǃgâtsēs ain ge Nineves khoena khâimâ tsî ǁîna nî ǀhapimā. ǁÎn ge Jonab di aoǁnâsan ge ǁnâu, o ge ǃhobasen. Tsî ta amase ra mîba du nēpa i ge xū-e hâ Jonab xa a kai-e.”
Soros di ǃnâb
(Mateub 5:15; 6:22-23)
33 #
Mat. 5:15; Mrk. 4:21; Luk. 8:16 “Khoe-i xare-i kom ǃamǀaesa ǃamam tsî ǃgū-ai tamas ka io [ǂgoasū-i ǃnaka]#11:33 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. mâi tamao; xawe ǃamǀaekandelari ai ra mâi, ǂgâxa ra khoen ǃnâba nî mûse. 34Sa mûs ge a soros di ǃamǀae. Mûs ga ǃgâi mâsib ǃnâ hâ, os ge hoaraga sorosa ǃnâba ra mā; xawes ga sa mûsa ǃgâi tama i, os ge sa sorosa ǃkhaenab ǃnâ nî hâ. 35ǂAnbasen ǁnâi, îb tā sats ǃnâ hâ ǃnâba ǃkhaenase ī. 36Sa hoaraga soros ga ǃnâb xa ǀoa, ǃkhae ǃkhairo-i tsîn ǀkhaise os ge hoaragase nî ǃnâ, ǃamǀaes ra ǃnâb âs ǀkha ǃnâǃnâ tsi khami.”
Jesub ge Farisegu* tsî Moseb ǂhanub di ǁkhāǁkhā-aogu tsîga ra ǀhapimā
(Mateub 23:1-36; Markub 12:38-40)
37Tsî Jesub ra ǃhoatoa hîab ge Fariseba ge ǁkhau bi, ǁîb tawab sī nî ǂûse. Ob ge Jesuba oms âb ǃnâ ǂgâ tsî tāb tawa sī ǂûb nîse ge ǂnû. 38Fariseb ge ge buru Jesub ge ǁnaetib ǃoa ǂûb nîs aiǃâ ǃomkha ǁā tama i ǃkhais xa. 39Xaweb ge ǃKhūba ǁîb ǃoa ge mî: “Sago Farisego ge ǃaugab kobis tsî ǃores tsîra diba ra ǃanuǃanu, xaweb ge ǂganagab sago diba xūǃgunuxasib tsî ǂkhabasib tsîn xa ǀoa hâ. 40Sa gârego! Elob hîa ge ǃaugaba kuruba kha ǁnâi ǂganagab tsîna kuru tama hâ? 41Xawe sago di ǂûǃnâxapan ǃnâ hâna ǀgâsana mā re, on ge hoaraga xūna sago nî ǃanuba.
42 #
Lev. 27:30
“Tarekōse-i sago ǃaroma a ǃhuriǃhurisa, Farisego! Sago ge Eloba disiǁîǃâs ǂûǁkhoaǁkhoaxūn, aiǁgaus ase kristamen-i, ru-i tsî ǀnî ǃkharagaǃnâgu ǃhanaǂûn disa ra mā, xawe go ge ǂhanu-aisib tsî Elob di ǀnammi tsîna ra ǃharaxū. Nēna go ge nî ûiǂui, nauna ǁnākhao tamase.
43“Tarekōse i sago ǃaroma a ǃhuriǃhurisa, Farisego! Sago ge ǃkhōǂuisa ǂnûǃkhaide sinagogegu* ǃnâ a ǀnam tsî ǁamaguǃkhaidi tawa ǃgôasib ǀkha tawedehesa. 44Kaise i ge nî ǃhuriǃhurisa sago ǃaroma! Sago xoa-aisa tama ǀhoban, khoen xa ǀūn ase ra ǃgû-aihen khami ī amaga.”
45Ob ge ǂhanuǂansegu di ǀguiba Jesub ǃoa ge mî: “ǁKhāǁkhā-aotse, ǁnātits kara ǃhoa, ots kom sige tsîna ra mîǁgaiǁgaio!”
46Ob ge Jesuba ge ǃeream: “Sago tsîn ǃaroma i kha tarekōse ǃhuriǃhurisa Moseb ǂhanub* di ǁkhāǁkhā-aogo! Sago ge tani ǁoan a ǃgomma khoena ra ǃnao-ai, xawe go ge ǁî-aitsama ǁnā ǃgomma tanitsâs tsîna hî tama hâ. 47Tarekōse i sago ǃaroma a ǃhuriǃhurisa! Sago ge kēbo-aoga ǀhobade ra omba, sago di îgu ge ǁîga ǃgam hîa. 48ǁNāti go ge ra ǀhûǀgui, sago îgu di sîsenni xa go a ǃgâibahe ǃkhaisa, ǁîgu ge kēbo-aoga ǃgam tsî go sago ǁîgu di ǀhobade ra om amaga. 49ǁNā-amagab ge Gā-aisib Elob diba ge mî ‘Tita ge kēbo-aogu tsî apostelga* ǁîn ǁga nî sî, xawen ge ǀnîga ǃgam tsî nauga nî ǃgôaǃgon.’ 50ǁNātin ge nē ǁaeb khoena nî ǁkharahe, ǃgams hîan ge ǃhūbaib di tsoatsoasa xu hoaraga kēbo-aogu ai dīs ǃaroma. 51#Gen. 4:8; 2Kro. 24:20-21Abeli ǃgamsa xu Saxariab di ǃgams kōse, ǁîb hîa altars tsî ǃAnu ǃKhaib tsîn ǁaegu ge ǃgamheba. A, mîba du ta ra, nē ǁaeb khoen ge hoan ǃaroma nî ǁkharahe!
52“Tarekōse i a ǃhuriǃhurisa sa Moseb ǂhanub* di ǁkhāǁkhā-aogo ǃaroma! Sago ge ǂans di ǁkhowa-ammi hîa dao-ams ǂans ommi disa ra ǁkhowa-amma ge ū; aitsama go ǂgâ ǂgao tama, xawe go ge ǂgâ ǂgao rana ra ǂhani.”
53Tsî ǁnāpa xub ge bē, o gu ge Moseb ǂhanub* di ǁkhāǁkhā-aogu tsî Farisegu* tsîga Jesuba ǁaixa hâse ge ǀhapiǂgā-am tsî ǂguiǃnâgu dîde ge dî bi, 54tsî ǂōrisase gere ǃgaoǃgâ xū-eb nî mîsa, ǁî-i ai gu nî ǀhapiǀhapi bi-e.
Valgt i Øjeblikket:
Lukab 11: KKG20
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.
Lukab 11
11
ǀGores xa hâ ǁkhāǁkhās
(Mateub 6:9-13; 7:7-11)
1Jesub ge ǀguri sī gere ǀgore. Tsî toab geo, ob ge ǁkhāǁkhāsabegu* di ǀguiba ǁîb ǃoa ge mî: “ǃKhūtse, mâti ge nî ǀgore ǃkhaisa ǁkhāǁkhā ge re, Johaneb ǁĀǁnâ-aob ge ǁîb ǁkhāǁkhāsabega gere ǁkhāǁkhā khami.”
2Ob ge Jesuba ǁîgu ǃoa ge mî: “ǀGore go ka, o nēti mî:
“ ‘Sida Îtse:
Sa ǀonsa as khaihe re;
sa gaosiba ab hā re.
3Mâ tsēs hoasa sida tsēkorobe pereba mā da.#11:3 tsēkorobe pereba mā da: ǀNî xoaǁguigu ge ǂhâbasa ǂû-i tamas ka io sao ra tsēs di ǂû-i ti ūhâ.
4Î sida ǁorena ǀûba da,
sida ǃoagu ra ǁorena da ra ǀûbas ǁkhās khami,
î tā ǃâitsâb ǃnâ ǂgaeǂgui da.’ ”
5ǃAruǀîb ge Jesuba ǁîgu ǃoa ge mî: “Sago di ǀguib ga ǀhōsa-e ūhâ tsîb ga tsuxub ǃgâb ai, ǁîb tawa sī tsî sī a ǂgan: ‘Ti ǀhōsatse, ǃnona perega ǀkhupi te; 6ti ǀhōsab ǃgûdaob ai hâb go ti tawa hā tsî xawe ta xū-e ūhâ tama ǁîba ta nî mâi-aiǃâse xuige.’ 7Tsî naub ga omǃnāba xu ǃeream: ‘Tā ǂhani te; dao-ams ge ǀnai ǂganamsa tsî ti ôaron tsî tita tsîn ge ǀnai ǁgoe. Khâi tsî ta sī a mā tsi ǁoa.’ 8Mîba go ta ra: ǁÎb ǀhōsab a ǃkhais ǃaromab ga khâi tsî mā bi tama i, xaweb ge khâi tsî ǂhâbab hân hoana nî mā bi, tao tamaseb ǀûs oseb ra ǂgan ǃkhais ǃaroma. 9Mîba du ta ra: ǂGan, o du ge nî māhe; ôa, o du ge nî hō; ǃgubu-am, o du ge nî ǁkhowa-ambahe. 10ǂGan ra-i hoa-i ge nî māhe, ôa ra-i hoa-i ge nî hō tsî ǃgubu-am ra-i hoa-i ge nî ǁkhowa-ambahe. 11Mâ ǁgûba ǁîb ôab ga ǁau-e ǂgan, o ǁîba ǀao-e nî mā? 12Tamas ka io ǃupu-eb ga ǂgan, o ǀhū-e nî mā bi? 13Sadu hîa a ǂkhaba du ga ǃgâi xūna sadu ôana māsa ǂan, o mâtikō ǃnāsaseb kha ǀhommi ǃnâ hâ ǁGûba ǃAnu Gagaba ǁnān ǂgan bi rana nî mā.”
Jesub tsî Beelsebuli*
(Mateub 12:22-30; Markub 3:20-27)
14Jesub ge ǀgui ǃnā-e ǃgomesiba ra ǃaromaba ǁgâua-e* khoeba xu ge ǃhaeǂui tsî ǁgâuab ge ǂoaxū bio, ob ge ǃgomeba ge ǃhoatsoatsoa. On ge khoena ge buru, 15#Mat. 9:34; 10:25xawen ge ǀnîn âna ge mî: “ǁGâuagu di danaǂgaeǂgui-aob Beelsebuli di huib ǀkhab ge ǁgâuaga ra ǃhaeǂui.”
16 #
Mat. 12:38; 16:1; Mrk. 8:11 ǀNîn ge Jesuba ǃâitsâ ǂgao tsî ǀhomma xu hâ sao-e gere ǂgaoǀkhā. 17Xaweb ge ǁîn di ǂâide ǂan tsî ge mî: “Mâ gaosib hoab, ǁîb ǂûb ǃnâ ǃkharagab ge hâhâ tide tsî omaris hîa ǁîs ǃnâ ǀgoraǃāsas ge nî ǀgaru. 18Satanni* gaosib ga ǁî-aitsama ǁîb ǃoagu a ǀgoraǃāsen, o mâtib kha gaosib âba nî mâǀgara? Sadu kom ra mîo, tita Beelsebuli huib ǀkha ǁgâuaga ra ǃhaeǂui ti. 19Beelsebuli di huib ǀkha ta ǁgâuaga nî ǃhaeǂuis kao, sadu saoǃgonaona tari-i di huib ǀkhan ra ǁnāsa dī? ǁNā-amagan ge ǁîna nî sadu ǀgoraǃgâ-ao. 20Elob di ǀgaib ǃnâ ta ǁgâuaga ra ǃhaeǂui, amagab ge ǁîb Gaosiba ǀnai sadu kōse go hā.
21“ǀGaisa khoeb ga ǃgâise ǁâtanisen tsî oms âba ǃûi, on ge xūn âba a ǃnorasa. 22Xaweb ga ǁîb ǃgâ-ai ǀgaisaba ǁîba ǁnāǂam tsî dan, ob ge hoaraga ǁâtanin, ǁîn aib ǂgomaiǂnûi hâna ūxū bi tsî ǃnarib go xūna nî ǀgoraǂui.
23 #
Mrk. 9:40
“Tita ǀkha hâ tama-i ge ti ǃoagu hâ-e. Tsî tita ǀkha ǀhaoǀhao tama-i hoa-i ge ǁîna ra sauruǀgaruǀgaru-e.
ǂKhaba gagab di oahās
(Mateub 12:43-45)
24“ǃAnuoǃnâ gagab ga khoe-e xu ǂoa, ob ge ǂnâsa ǃhūb ai ra ǁkhanama, sâǃkhai-e ra ôase. Tsî hō tamab ka io, ob ge ra mî: ‘Oa ta nî ti oms ǁîsa xu ta ge ǂoas ǁga.’ 25Tsîb ge oa tsî ǁîsa ǀnapuǃnâhe hâse tsî ǃamkuse ra hō. 26Ob ge ǃgûǂoa tsî ǀnî hû gagagu ǁîb xa ǃnāsase a ǂkhabaxaga sī ra ū, tsî gu ge ǁnāpa hā doeǂgâ tsî ra ǁan. Nēn hoan ga ǃkharus khaoǃgâ i ge nē khoe-i ǀkha ǂguros ǃgâ-ai nî ǃgom.”
Ama ǃgâiaǂgaob
27Tsî Jesub ganupe ra ǃhoa hîas ge ǀgui tarasa ǂnubisa xu ǃgari dommi ǀkha ge mî: “Mâtikōses a ǀkhaehesa ǁnā taras satsa ge tani tsî a daisisa.”
28Xaweb ge Jesuba ge ǃeream: “ǀKhaehen ge hâ ǁnān Elob di mîsa ǁnâu tsî ra sâubasenna.”
Jonab di saos
(Mateub 12:38-42)
29 #
Mat. 16:4; Mrk. 8:12 Tsî khoen ǁîb ǂnamipe ǀhao tsî ra ǀarosen hîab ge Jesuba ge mî: “Nē ǂkhabaxa surib ge sao-e ra ǂhâba, xawen ge sao-e māhe tide, Jonab di saos ǀguis ose. 30Jonab ge Nineves khoena ǁgauǁgaus ase ība is ǁkhās khamib ge Khoen Ôaba sado nētsē ǁgauǁgaus ase ība. 31#1Gao. 10:1-10; 2Kro. 9:1-12Gao-aos Skebas dis ge ǀgoraǃgâs ǃnâ nē surib ǀkha khâi tsî ǁîna nî ǀgoraǃgâ; ǁîs ge ǃhūbaib ǀamsa xu Salomob gā-aisiba nî ǁnâuse hā amaga, tsî mû, Salomoba ǃnā hâ-i ge nēpa hâ. 32#Jon. 3:5ǀGoraǃgâtsēs ain ge Nineves khoena khâimâ tsî ǁîna nî ǀhapimā. ǁÎn ge Jonab di aoǁnâsan ge ǁnâu, o ge ǃhobasen. Tsî ta amase ra mîba du nēpa i ge xū-e hâ Jonab xa a kai-e.”
Soros di ǃnâb
(Mateub 5:15; 6:22-23)
33 #
Mat. 5:15; Mrk. 4:21; Luk. 8:16 “Khoe-i xare-i kom ǃamǀaesa ǃamam tsî ǃgū-ai tamas ka io [ǂgoasū-i ǃnaka]#11:33 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. mâi tamao; xawe ǃamǀaekandelari ai ra mâi, ǂgâxa ra khoen ǃnâba nî mûse. 34Sa mûs ge a soros di ǃamǀae. Mûs ga ǃgâi mâsib ǃnâ hâ, os ge hoaraga sorosa ǃnâba ra mā; xawes ga sa mûsa ǃgâi tama i, os ge sa sorosa ǃkhaenab ǃnâ nî hâ. 35ǂAnbasen ǁnâi, îb tā sats ǃnâ hâ ǃnâba ǃkhaenase ī. 36Sa hoaraga soros ga ǃnâb xa ǀoa, ǃkhae ǃkhairo-i tsîn ǀkhaise os ge hoaragase nî ǃnâ, ǃamǀaes ra ǃnâb âs ǀkha ǃnâǃnâ tsi khami.”
Jesub ge Farisegu* tsî Moseb ǂhanub di ǁkhāǁkhā-aogu tsîga ra ǀhapimā
(Mateub 23:1-36; Markub 12:38-40)
37Tsî Jesub ra ǃhoatoa hîab ge Fariseba ge ǁkhau bi, ǁîb tawab sī nî ǂûse. Ob ge Jesuba oms âb ǃnâ ǂgâ tsî tāb tawa sī ǂûb nîse ge ǂnû. 38Fariseb ge ge buru Jesub ge ǁnaetib ǃoa ǂûb nîs aiǃâ ǃomkha ǁā tama i ǃkhais xa. 39Xaweb ge ǃKhūba ǁîb ǃoa ge mî: “Sago Farisego ge ǃaugab kobis tsî ǃores tsîra diba ra ǃanuǃanu, xaweb ge ǂganagab sago diba xūǃgunuxasib tsî ǂkhabasib tsîn xa ǀoa hâ. 40Sa gârego! Elob hîa ge ǃaugaba kuruba kha ǁnâi ǂganagab tsîna kuru tama hâ? 41Xawe sago di ǂûǃnâxapan ǃnâ hâna ǀgâsana mā re, on ge hoaraga xūna sago nî ǃanuba.
42 #
Lev. 27:30
“Tarekōse-i sago ǃaroma a ǃhuriǃhurisa, Farisego! Sago ge Eloba disiǁîǃâs ǂûǁkhoaǁkhoaxūn, aiǁgaus ase kristamen-i, ru-i tsî ǀnî ǃkharagaǃnâgu ǃhanaǂûn disa ra mā, xawe go ge ǂhanu-aisib tsî Elob di ǀnammi tsîna ra ǃharaxū. Nēna go ge nî ûiǂui, nauna ǁnākhao tamase.
43“Tarekōse i sago ǃaroma a ǃhuriǃhurisa, Farisego! Sago ge ǃkhōǂuisa ǂnûǃkhaide sinagogegu* ǃnâ a ǀnam tsî ǁamaguǃkhaidi tawa ǃgôasib ǀkha tawedehesa. 44Kaise i ge nî ǃhuriǃhurisa sago ǃaroma! Sago xoa-aisa tama ǀhoban, khoen xa ǀūn ase ra ǃgû-aihen khami ī amaga.”
45Ob ge ǂhanuǂansegu di ǀguiba Jesub ǃoa ge mî: “ǁKhāǁkhā-aotse, ǁnātits kara ǃhoa, ots kom sige tsîna ra mîǁgaiǁgaio!”
46Ob ge Jesuba ge ǃeream: “Sago tsîn ǃaroma i kha tarekōse ǃhuriǃhurisa Moseb ǂhanub* di ǁkhāǁkhā-aogo! Sago ge tani ǁoan a ǃgomma khoena ra ǃnao-ai, xawe go ge ǁî-aitsama ǁnā ǃgomma tanitsâs tsîna hî tama hâ. 47Tarekōse i sago ǃaroma a ǃhuriǃhurisa! Sago ge kēbo-aoga ǀhobade ra omba, sago di îgu ge ǁîga ǃgam hîa. 48ǁNāti go ge ra ǀhûǀgui, sago îgu di sîsenni xa go a ǃgâibahe ǃkhaisa, ǁîgu ge kēbo-aoga ǃgam tsî go sago ǁîgu di ǀhobade ra om amaga. 49ǁNā-amagab ge Gā-aisib Elob diba ge mî ‘Tita ge kēbo-aogu tsî apostelga* ǁîn ǁga nî sî, xawen ge ǀnîga ǃgam tsî nauga nî ǃgôaǃgon.’ 50ǁNātin ge nē ǁaeb khoena nî ǁkharahe, ǃgams hîan ge ǃhūbaib di tsoatsoasa xu hoaraga kēbo-aogu ai dīs ǃaroma. 51#Gen. 4:8; 2Kro. 24:20-21Abeli ǃgamsa xu Saxariab di ǃgams kōse, ǁîb hîa altars tsî ǃAnu ǃKhaib tsîn ǁaegu ge ǃgamheba. A, mîba du ta ra, nē ǁaeb khoen ge hoan ǃaroma nî ǁkharahe!
52“Tarekōse i a ǃhuriǃhurisa sa Moseb ǂhanub* di ǁkhāǁkhā-aogo ǃaroma! Sago ge ǂans di ǁkhowa-ammi hîa dao-ams ǂans ommi disa ra ǁkhowa-amma ge ū; aitsama go ǂgâ ǂgao tama, xawe go ge ǂgâ ǂgao rana ra ǂhani.”
53Tsî ǁnāpa xub ge bē, o gu ge Moseb ǂhanub* di ǁkhāǁkhā-aogu tsî Farisegu* tsîga Jesuba ǁaixa hâse ge ǀhapiǂgā-am tsî ǂguiǃnâgu dîde ge dî bi, 54tsî ǂōrisase gere ǃgaoǃgâ xū-eb nî mîsa, ǁî-i ai gu nî ǀhapiǀhapi bi-e.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.