Ivangeli ka‐Johane 9
9
1WATI akuba ebedlula wabona umntu obeyimfama ngokuzalwa. 2Baza babuza kuye abadisipile bake, besiti: Rabi! ngubanina owabesona, nguye lo, ngabazali bake, kusinina, ukuba abe nokuzalwa eyimfama? 3Wati u‐Yesu ukupendula: Akona naló, abona nabazali bake; kukuba kubonakaliswe imisebenzi katixo kuye. 4Ndifanele ukusebenza imisebenzi yalowo wanditumayo, nxa imini iseko; buyeza ubusuku, oko kungesetyenzwe mntu. 5Xeshekweni ndiselizweni, ndilukanyiso lwelizwe.
6Akuba ebetshilo oku, watshica emhlabeni, wenza udaka ngamate, watambisa amehlo oyimfama ngodaka olo, 7wati kuye: Hamba uhlambe ecibini le‐Siloha; (okuti ukukunyushwa lelitunyiweyo.) Waya ngoko wahlamba, weza ebona.
8Ngako imimelwane, nabo babefudula bembona ukuba uyimfama, babesiti: Lo asi nguye na oti ahlale anqi̔be? 9Bati abanye: Nguye: bati nabanye: Ufana naye. Wati yena: Ndinguye. 10Bati ngoko kuye: Atiwa nina ukuvulwa amehlo ako? 11Wapendula yena wati: Umntu o‐kutwa ngu‐Yesu wenza udaka, watambisa amehlo am, wati kum: Hamba uye ecibini le‐Siloha, uhlambe. Ndaya ke ndahlamba, ndamkela ukubona. 12Bandula bati kuye: Upina yena? Wati: Andazi.
13Bamzisa kubafarisi lowo ubefuda eyimfama. 14Kekaloku bekuyimini yesabata oko u‐Yesu wenzayo udaka olo, wavula amehlo ake. 15Ngako kanjako babuza kuye nabafarisi ukuba watiwa nina ukwamkela ukubona. Wayesiti kubo: Wabeka udaka pezu kwamehlo am, ndaza ndahlamba, ndiyabona ke. 16Bati ngoko inxenye kubafarisi: Lomntu akaveli kutixo, ngokuba engagcini imini yesabata. Bati abanye: Angati nina umntu ongumoni ukwenza imimangaliso engakanana? Kwaza kwabako impambano pakati kwabo. 17Bati kobeyimfama kanjako: Uti nina wena ngaye, evulile amehlo ako nje? Wayesiti: Ungumprofite.
18Ati kekaloku ama‐Juda akakolwa ngaye ukuba ebeyimfama waza wamkela ukubona, ada abiza abazali balowo obekwamkele ukubona. 19Aza abuza kubo, esiti: Lo ungunyana wenu na, eniti wazalwa eyimfama? ute nina pofu ukubona ngoku? 20Bapendula kuwo abazali bake bati: Siyazi ukuba lo ungunyana wetu, nokuba wazalwa eyimfama: 21kodwa ukuba ute nina ukubona kaloku, asikwazi; nokuba ungubanina owavula amehlo ake, asimazi tina: usel’ ekulile yena; buzani kuye; wozitetela ngokwake.
22Batsho abazali bake, kuba bebesoyika ama‐Juda: ngokuba ama‐Juda ebesel’ evumelene, ukuba, xeshekweni umntu amvumayo ukuba ungu‐Kristu, makaku̔tshwe entlanganisweni. 23Ngako oko abazali bake bati: Usel’ ekulile; buzani kuye.
24Bandula bambiza ngokwesibini lowamntu obeyimfama, bati kuye: Mnike udumo utixo; siyazi tina ukuba umntu lo ungumoni. 25Wandula wapendula yena lowo wati: Ukuba ungumoni na, andikwazi; inye into endiyaziyo, yokuba, ndiyimfama nje, kaloku ndiyabona.
26Baza bati kuye kanjako: Wenza nto nina kuwe? wati nina ukuvula amehlo ako? 27Wati ukubapendula: Sendinixelele, kanti anivanga; yinina ukuba nifune ukuva kanjako? kanene nani nifuna ukuba ngabadisipile bake na?
28Bandula bamtuka, bati: Wena ungumdisipile walowa; tina kodwa singabadisipile baka‐Mosesi. 29Siyazi tina ukuba utixo utetile ku‐Mosesi; kodwa lo asimazi ukuba uvela pina. 30Wapendula umntu lowo wati kubo: Pofu lento ingummangaliso okunene, yokuba nina animazi ukuba uvela pina, noko wavulayo amehlo am. 31Kekaloku siyazi ukuba aboni utixo akabeva; kodwa ukuba umntu engumbedeshi katixo, esenza nentando yake, yena lo uyamva. 32Akuzanga kuviwe kwa napakade ukuba bekuko owavula amehlo obezelwe eyimfama. 33Ukuba lo ebengaveli kutixo, ebengenze luto. 34Bapendula bati kuye: Wena uzelwe upela ezonweni nje, uyasifundisa tina na ke? Baza bamku̔pela pandle.
35Weva u‐Yesu ukuba bebemku̔pele pandle: waza akumfumana wati kuye: Uyakolwa kunyana katixo na? 36Wapendula yena wati: Ungubanina, Nkosi! ukuze ndikolwe kuye? 37Wati ke u‐Yesu kuye: Umbonile kambe, kanjalo lo uteta nawe unguye. 38Wayesiti: Ndiyakolwa, Nkosi! wambedesha ke.
39Waza wati u‐Yesu: Ndeza kwelilizwe kube kukugwetywa, ukuze abo bangaboniyo babone, nabo babonayo benzwe imfama.
40Baza abo bakubafarisi abebenaye beva ezizinto, bati kuye: Nati sizimfama na? 41Wati kubo u‐Yesu: Ukuba nibe nizimfama, ngeniba ningenasono; kodwa kaloku niti: Siyabona; ngoko isono senu siseko.
Valgt i Øjeblikket:
Ivangeli ka‐Johane 9: XHO1902A
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society in 1902.
