Jaratılıs 24
24
Ísaqtıń úyleniwi
1Ibrayım qartayıp, biraz jasqa barıp qalǵan edi. Jaratqan Iye onı hár tárepleme jarılqap qoyǵan edi. 2Ibrayım úyindegi hámme nárseni basqaratuǵın bas xızmetshisine bılay dedi:
– Qolıńdı sanımnıń astına qoyıp, 3aspan hám jerdiń Qudayı bolǵan Jaratqan Iye haqı ant ishiwińdi qáleymen: men aralarında jasap atırǵan qanan xalqınan ulıma qız alma. 4Al ulım Ísaqqa qız alıw ushın meniń elime, aǵayin-tuwǵanlarıma bar.
5Xızmetshi Ibrayımnan:
– Eger qız meniń menen birge bul elge keliwdi qálemese she? Onda ulıńızdı ózińiz shıǵıp ketken elge aparıwım kerek pe? – dep soradı.
6Ibrayım oǵan bılay dedi:
– Yaq, ulımdı hasla ol jerge apara górme! 7Meni óz ákemniń úyinen, tuwılǵan elimnen alıp shıǵıp: «Bul jerdi seniń urpaqlarıńa beremen», – dep ant ishken aspannıń Qudayı Jaratqan Iye seniń aldıńnan Óz perishtesin jiberedi hám sen sol jerden ulıma qız alıp keleseń. 8Eger qız seniń menen birge keliwdi qálemese, onda sen maǵan bergen bul antıńnan azat bolasań. Tek ulımdı ol jerge apara górme!
9Solay etip, xızmetshi xojayını Ibrayımnıń sanınıń astına qolın qoyıp, aytılǵandı islewge ant ishti.
10Sońınan xızmetshi xojayınınıń túyelerinen onın hám hár qıylı qımbat bahalı zatlarınan alıp, júrip ketti. Ol Aram-Naharayımdaǵı Naxor jasaytuǵın qalaǵa jetip keldi. 11Xızmetshi túyelerin qala sırtındaǵı qudıqtıń qasına shóktirdi. Bul hayal-qızlar suw alıw ushın shıǵatuǵın keshki payıt edi.
12Sonda xızmetshi bılay dep duwa etti: «Jaratqan Iye, xojayınım Ibrayımnıń Qudayı! Búgin maǵan áwmet berip, xojayınım Ibrayımǵa jaqsılıq isley gór! 13Mine, men qudıq basında turman, qalanıń qızları suw alıwǵa kiyatır. 14Men qaysı qızǵa: „Gúzeńdi eńkeyt, men suw iship alayın“, – degenimde, ol: „Ishińiz, men túyelerińizdi de suwǵaraman“, – dese, onda sol qız Seniń qulıń Ísaq ushın tańlaǵan qızıń bolsın. Xojayınıma jaqsılıq islegenińdi sonnan bileyin».
15Xızmetshi ele duwasın tamamlamay atırıp-aq, iynine gúzesin kótergen Rebekka kelip qaldı. Ol Ibrayımnıń inisi Naxor menen hayalı Milkanıń ulı Betueldiń qızı edi. 16Rebekka oǵada sulıw, erkek qolı tiymegen qız edi. Ol qudıqqa qaray tómen tústi de, gúzesin suwǵa toltırıp, joqarı shıqtı. 17Ibrayımnıń xızmetshisi qızdıń aldına juwırıp shıǵıp:
– Ótinish, gúzeńnen maǵan az-maz suw ber, – dedi.
18– Ishińiz, mırza, – dep qız dárhal gúzesin iyninen túsirdi de, oǵan ishiwge suw berdi. 19Qız oǵan ishkizip bolıp:
– Men túyelerińizdi de shóli qanǵansha suwǵarıp bereyin, – dedi. 20Sońınan qız gúzesindegi qalǵan suwdı nawaǵa quyıp bosattı da, jáne suw tartıp shıǵarıw ushın qudıqqa qaray juwırıp ketti. Solay etip, ol xızmetshiniń barlıq túyelerin suwǵardı. 21Al xızmetshi bolsa, Jaratqan Iyeniń jolın áwmetli qılǵan yamasa qılmaǵanın biliw ushın, qızǵa dıqqat qoyıp, únsiz qarap turdı.
22Túyeleri suw iship bolǵannan soń, ol qızǵa awırlıǵı yarım shekel shıǵatuǵın altın árebek hám on shekel shıǵatuǵın eki altın bilezik berdi. 23Sońınan ol qızdan:
– Aytshı, kimniń qızısań? Bizlerdiń túnep shıǵıwımız ushın ákeńniń úyinen orın tabıla ma? – dep soradı.
24Qız oǵan:
– Men Milkanıń Naxorǵa tuwıp bergen ulı Betueldiń qızıman. 25Bizde saban da, jem de kóp, túnew ushın orın da bar, – dep juwap berdi.
26Sonda xızmetshi tájim etip, Jaratqan Iyege sıyındı da: 27«Óz miyrim-shápáátin hám sadıqlıǵın xojayınımnan ayamaǵan Ibrayımnıń Qudayı Jaratqan Iyege alǵıslar bolsın. Ol meni tuwrı xojayınımnıń aǵayin-tuwǵanlarınıń úyine baslap keldi», – dedi.
28Qız anasınıń úyine juwırıp barıp, bolǵan waqıya haqqında aytıp berdi.
29Rebekkanıń Laban degen ájaǵası bar edi. Ol qudıq basında turǵan adamǵa qaray juwırıp ketti. 30Laban qarındasınıń murnındaǵı árebekti, qollarındaǵı bileziklerdi kórip, Rebekkadan ol adamnıń ózine ne aytqanın esitkende, dárhal sol adamnıń janına ketken edi. Al sol adam qudıq basında, túyelerdiń janında turǵan edi. 31Laban oǵan:
– Úyge júriń, Jaratqan Iye jarılqaǵan bende! Nege sırtta turıpsız? Men ózińiz ushın bólme, túyelerińiz ushın orın tayarlap qoydım, – dedi.
32Solay etip, xızmetshi úyge kirdi. Laban túyelerdiń júklerin túsirtip, aldına saban hám jem saldırdı. Xızmetshiniń hám onıń janındaǵılardıń ayaqların juwıw ushın suw ákeldirdi. 33Aldılarına awqat qoyılǵanda, xızmetshi:
– Men ne ushın kelgenimdi aytpay turıp, awqat jemeymen, – dedi.
– Meyli, aytıń, – dedi olar.
34Sonda xızmetshi bılay dedi:
– Men Ibrayımnıń xızmetshisimen. 35Jaratqan Iye xojayınımdı mol-mol etip jarılqap, onı bayıttı. Oǵan qoy hám sıyırlar, gúmis hám altınlar, qul hám shorılar, túye hám eshekler berdi. 36Xojayınımnıń hayalı Sara qartayǵan shaǵında oǵan ul tuwıp berdi. Xojayınım óziniń barlıq mal-múlkin ulına tapsırdı. 37Xojayınım maǵan ant ishtirip: «Ulıma men jerinde jasap atırǵan qanan xalqınıń qızlarınan emes, 38al meniń ata jurtıma, aǵayin-tuwǵanlarıma barıp, sol jerden qız alıp bereseń», – dedi. 39Men xojayınımnan: «Eger ol qız meniń menen keliwdi qálemese she?» – dep soradım. 40Sonda ol maǵan: «Men Jaratqan Iyeniń jolı menen júrmen. Ol Óz perishtesin seniń menen birge jiberip, jolıńdı beredi. Sen aǵayin-tuwǵanlarımnan, ata jurtımnan ulıma qız alıp kel. 41Eger sen aǵayin-tuwǵanlarıma barǵanıńda, olar saǵan qızın bermese, onda sen ishken antıńnan azat bolasań, awa, sen usınday jaǵdayda ishken antıńnan azat bolasań», – dedi.
42Solay etip, men búgin qudıq basına kelgenimde: «Jaratqan Iye, xojayınım Ibrayımnıń Qudayı! Ótinemen, jolımdı bere gór! 43Házir men qudıq basında turman. Eger men suw alıwǵa kelgen qızlardıń birine: „Ótinish, gúzeńnen maǵan az-maz suw ber“, – desem, 44ol maǵan: „Ishińiz, men túyelerińizdi de suwǵaraman“, – dep aytsa, Jaratqan Iyeniń xojayınımnıń ulı ushın tańlaǵan qızı sol bolsın», – dep duwa ettim.
45Men ele ishimnen duwa etip turǵanımda, iynine gúzesin kóterip, Rebekka sırtqa shıqtı. Ol tómen túsip, qudıqtan suw aldı. Men oǵan: «Ótinish, maǵan ishiwge suw ber», – dedim.
46Rebekka dárhal iyninen gúzesin túsirip: «Ishińiz, men túyelerińizdi de suwǵaraman», – dedi. Solay etip, men suw ishtim, ol túyelerimdi suwǵardı.
47Men onnan: «Kimniń qızısań?» – dep soradım.
Ol maǵan: «Men Milkanıń Naxorǵa tuwıp bergen ulı Betueldiń qızıman», – dedi.
Sonda men onıń murnına árebek, qollarına bilezik taqtım. 48Soń tájim etip, Jaratqan Iyege sıyındım. Xojayınımnıń ulına inisiniń aqlıq qızın alıw ushın maǵan tuwrı joldı kórsetken xojayınım Ibrayımnıń Qudayı Jaratqan Iyege alǵıslar ayttım.
49Endi sizler xojayınıma jaqsılıq islep, sadıqlıq kórsetpekshi bolsańız, maǵan aytıńlar, eger qálemeseńiz, onı da aytıńlar, men ne isleytuǵınımdı shesheyin.
50Laban menen Betuel bılay dep juwap berdi:
– Bul – Jaratqan Iyeniń isi. Bizler saǵan jaqsı-jaman, hesh nárse ayta almaymız. 51Mine, Rebekka, onı alıp kete ber. Jaratqan Iyeniń aytqanınday, ol seniń xojayınıńnıń ulına hayal bolsın.
52Ibrayımnıń xızmetshisi bunı esitkende, jerge deyin iyilip, Jaratqan Iyege sıyındı. 53Sońınan xızmetshi gúmis hám altın zatlardı, kiyimlerdi shıǵarıp, Rebekkaǵa berdi, jáne de, onıń ájaǵası menen anasına da qımbat bahalı sawǵalar berdi. 54Sońınan xızmetshi hám onıń janındaǵılar iship-jedi hám sol jerde qonıp qaldı.
Erteńine azanda olar uyqıdan turǵanda, xızmetshi:
– Endi ruxsat bolsa, xojayınıma qaytaman, – dedi.
55Biraq Rebekkanıń ájaǵası hám anası:
– Qız onlaǵan kún bizler menen bolsın, keyin jolǵa shıǵarsızlar, – dedi.
56Al xızmetshi buǵan:
– Jaratqan Iye jolımdı berip tur eken, meni irikpeńler. Maǵan xojayınıma qaytıwǵa ruxsat berińler, – dedi.
57Sonda olar:
– Qızdı shaqırıp sorayıq, ózi ne der eken? – dedi. 58Solay etip, olar Rebekkanı shaqırıp, onnan:
– Mına adam menen keteseń be? – dep soradı.
– Ketemen, – dedi ol.
59Solay etip, olar Rebekkanı, onıń tárbiyashısın, Ibrayımnıń xızmetshisi menen onıń adamların shıǵarıp saldı. 60Olar Rebekkaǵa pátiya berip bılay dedi:
«Qarındasım, anası bol mıń-mıńlaǵan perzentlerdiń,
Úrim-putaqlarıń iyelesin dushpan qalaların».
61Sońınan Rebekka hám onıń jas shorıları tayarlanıp, túyelerge mindi hám Ibrayımnıń xızmetshisiniń izine erdi. Solay etip, xızmetshi Rebekkanı alıp, jolǵa shıqtı.
62Sol arada Negeb jerinde jasap atırǵan Ísaq Beer-Laxay-Roiyden qaytıp kelgen edi. 63Keshte Ísaq oylanıw ushın atızǵa shıqtı hám ol basın kóterip qaraǵanda, jaqınlap kiyatırǵan túyelerdi kórdi. 64Rebekka Ísaqtı kórip, túyeden tústi hám 65xızmetshiden:
– Bizlerge qaray atız boylap kiyatırǵan ana adam kim? – dep soradı.
– Bul – meniń xojayınım, – dep juwap berdi xızmetshi.
Sonda Rebekka jawlıǵın alıp, júzin japtı. 66Xızmetshi Ísaqqa islegen isleriniń hámmesin aytıp berdi. 67Ísaq Rebekkanı anasınıń shatırına alıp keldi hám oǵan úylendi. Solay etip, Rebekka Ísaqtıń hayalı boldı. Ísaq Rebekkanı súyip qaldı. Usı tárizde ol anası qaytıs bolǵannan keyingi qayǵısına jubanısh taptı.
Valgt i Øjeblikket:
Jaratılıs 24: QrqMK22
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022
Jaratılıs 24
24
Ísaqtıń úyleniwi
1Ibrayım qartayıp, biraz jasqa barıp qalǵan edi. Jaratqan Iye onı hár tárepleme jarılqap qoyǵan edi. 2Ibrayım úyindegi hámme nárseni basqaratuǵın bas xızmetshisine bılay dedi:
– Qolıńdı sanımnıń astına qoyıp, 3aspan hám jerdiń Qudayı bolǵan Jaratqan Iye haqı ant ishiwińdi qáleymen: men aralarında jasap atırǵan qanan xalqınan ulıma qız alma. 4Al ulım Ísaqqa qız alıw ushın meniń elime, aǵayin-tuwǵanlarıma bar.
5Xızmetshi Ibrayımnan:
– Eger qız meniń menen birge bul elge keliwdi qálemese she? Onda ulıńızdı ózińiz shıǵıp ketken elge aparıwım kerek pe? – dep soradı.
6Ibrayım oǵan bılay dedi:
– Yaq, ulımdı hasla ol jerge apara górme! 7Meni óz ákemniń úyinen, tuwılǵan elimnen alıp shıǵıp: «Bul jerdi seniń urpaqlarıńa beremen», – dep ant ishken aspannıń Qudayı Jaratqan Iye seniń aldıńnan Óz perishtesin jiberedi hám sen sol jerden ulıma qız alıp keleseń. 8Eger qız seniń menen birge keliwdi qálemese, onda sen maǵan bergen bul antıńnan azat bolasań. Tek ulımdı ol jerge apara górme!
9Solay etip, xızmetshi xojayını Ibrayımnıń sanınıń astına qolın qoyıp, aytılǵandı islewge ant ishti.
10Sońınan xızmetshi xojayınınıń túyelerinen onın hám hár qıylı qımbat bahalı zatlarınan alıp, júrip ketti. Ol Aram-Naharayımdaǵı Naxor jasaytuǵın qalaǵa jetip keldi. 11Xızmetshi túyelerin qala sırtındaǵı qudıqtıń qasına shóktirdi. Bul hayal-qızlar suw alıw ushın shıǵatuǵın keshki payıt edi.
12Sonda xızmetshi bılay dep duwa etti: «Jaratqan Iye, xojayınım Ibrayımnıń Qudayı! Búgin maǵan áwmet berip, xojayınım Ibrayımǵa jaqsılıq isley gór! 13Mine, men qudıq basında turman, qalanıń qızları suw alıwǵa kiyatır. 14Men qaysı qızǵa: „Gúzeńdi eńkeyt, men suw iship alayın“, – degenimde, ol: „Ishińiz, men túyelerińizdi de suwǵaraman“, – dese, onda sol qız Seniń qulıń Ísaq ushın tańlaǵan qızıń bolsın. Xojayınıma jaqsılıq islegenińdi sonnan bileyin».
15Xızmetshi ele duwasın tamamlamay atırıp-aq, iynine gúzesin kótergen Rebekka kelip qaldı. Ol Ibrayımnıń inisi Naxor menen hayalı Milkanıń ulı Betueldiń qızı edi. 16Rebekka oǵada sulıw, erkek qolı tiymegen qız edi. Ol qudıqqa qaray tómen tústi de, gúzesin suwǵa toltırıp, joqarı shıqtı. 17Ibrayımnıń xızmetshisi qızdıń aldına juwırıp shıǵıp:
– Ótinish, gúzeńnen maǵan az-maz suw ber, – dedi.
18– Ishińiz, mırza, – dep qız dárhal gúzesin iyninen túsirdi de, oǵan ishiwge suw berdi. 19Qız oǵan ishkizip bolıp:
– Men túyelerińizdi de shóli qanǵansha suwǵarıp bereyin, – dedi. 20Sońınan qız gúzesindegi qalǵan suwdı nawaǵa quyıp bosattı da, jáne suw tartıp shıǵarıw ushın qudıqqa qaray juwırıp ketti. Solay etip, ol xızmetshiniń barlıq túyelerin suwǵardı. 21Al xızmetshi bolsa, Jaratqan Iyeniń jolın áwmetli qılǵan yamasa qılmaǵanın biliw ushın, qızǵa dıqqat qoyıp, únsiz qarap turdı.
22Túyeleri suw iship bolǵannan soń, ol qızǵa awırlıǵı yarım shekel shıǵatuǵın altın árebek hám on shekel shıǵatuǵın eki altın bilezik berdi. 23Sońınan ol qızdan:
– Aytshı, kimniń qızısań? Bizlerdiń túnep shıǵıwımız ushın ákeńniń úyinen orın tabıla ma? – dep soradı.
24Qız oǵan:
– Men Milkanıń Naxorǵa tuwıp bergen ulı Betueldiń qızıman. 25Bizde saban da, jem de kóp, túnew ushın orın da bar, – dep juwap berdi.
26Sonda xızmetshi tájim etip, Jaratqan Iyege sıyındı da: 27«Óz miyrim-shápáátin hám sadıqlıǵın xojayınımnan ayamaǵan Ibrayımnıń Qudayı Jaratqan Iyege alǵıslar bolsın. Ol meni tuwrı xojayınımnıń aǵayin-tuwǵanlarınıń úyine baslap keldi», – dedi.
28Qız anasınıń úyine juwırıp barıp, bolǵan waqıya haqqında aytıp berdi.
29Rebekkanıń Laban degen ájaǵası bar edi. Ol qudıq basında turǵan adamǵa qaray juwırıp ketti. 30Laban qarındasınıń murnındaǵı árebekti, qollarındaǵı bileziklerdi kórip, Rebekkadan ol adamnıń ózine ne aytqanın esitkende, dárhal sol adamnıń janına ketken edi. Al sol adam qudıq basında, túyelerdiń janında turǵan edi. 31Laban oǵan:
– Úyge júriń, Jaratqan Iye jarılqaǵan bende! Nege sırtta turıpsız? Men ózińiz ushın bólme, túyelerińiz ushın orın tayarlap qoydım, – dedi.
32Solay etip, xızmetshi úyge kirdi. Laban túyelerdiń júklerin túsirtip, aldına saban hám jem saldırdı. Xızmetshiniń hám onıń janındaǵılardıń ayaqların juwıw ushın suw ákeldirdi. 33Aldılarına awqat qoyılǵanda, xızmetshi:
– Men ne ushın kelgenimdi aytpay turıp, awqat jemeymen, – dedi.
– Meyli, aytıń, – dedi olar.
34Sonda xızmetshi bılay dedi:
– Men Ibrayımnıń xızmetshisimen. 35Jaratqan Iye xojayınımdı mol-mol etip jarılqap, onı bayıttı. Oǵan qoy hám sıyırlar, gúmis hám altınlar, qul hám shorılar, túye hám eshekler berdi. 36Xojayınımnıń hayalı Sara qartayǵan shaǵında oǵan ul tuwıp berdi. Xojayınım óziniń barlıq mal-múlkin ulına tapsırdı. 37Xojayınım maǵan ant ishtirip: «Ulıma men jerinde jasap atırǵan qanan xalqınıń qızlarınan emes, 38al meniń ata jurtıma, aǵayin-tuwǵanlarıma barıp, sol jerden qız alıp bereseń», – dedi. 39Men xojayınımnan: «Eger ol qız meniń menen keliwdi qálemese she?» – dep soradım. 40Sonda ol maǵan: «Men Jaratqan Iyeniń jolı menen júrmen. Ol Óz perishtesin seniń menen birge jiberip, jolıńdı beredi. Sen aǵayin-tuwǵanlarımnan, ata jurtımnan ulıma qız alıp kel. 41Eger sen aǵayin-tuwǵanlarıma barǵanıńda, olar saǵan qızın bermese, onda sen ishken antıńnan azat bolasań, awa, sen usınday jaǵdayda ishken antıńnan azat bolasań», – dedi.
42Solay etip, men búgin qudıq basına kelgenimde: «Jaratqan Iye, xojayınım Ibrayımnıń Qudayı! Ótinemen, jolımdı bere gór! 43Házir men qudıq basında turman. Eger men suw alıwǵa kelgen qızlardıń birine: „Ótinish, gúzeńnen maǵan az-maz suw ber“, – desem, 44ol maǵan: „Ishińiz, men túyelerińizdi de suwǵaraman“, – dep aytsa, Jaratqan Iyeniń xojayınımnıń ulı ushın tańlaǵan qızı sol bolsın», – dep duwa ettim.
45Men ele ishimnen duwa etip turǵanımda, iynine gúzesin kóterip, Rebekka sırtqa shıqtı. Ol tómen túsip, qudıqtan suw aldı. Men oǵan: «Ótinish, maǵan ishiwge suw ber», – dedim.
46Rebekka dárhal iyninen gúzesin túsirip: «Ishińiz, men túyelerińizdi de suwǵaraman», – dedi. Solay etip, men suw ishtim, ol túyelerimdi suwǵardı.
47Men onnan: «Kimniń qızısań?» – dep soradım.
Ol maǵan: «Men Milkanıń Naxorǵa tuwıp bergen ulı Betueldiń qızıman», – dedi.
Sonda men onıń murnına árebek, qollarına bilezik taqtım. 48Soń tájim etip, Jaratqan Iyege sıyındım. Xojayınımnıń ulına inisiniń aqlıq qızın alıw ushın maǵan tuwrı joldı kórsetken xojayınım Ibrayımnıń Qudayı Jaratqan Iyege alǵıslar ayttım.
49Endi sizler xojayınıma jaqsılıq islep, sadıqlıq kórsetpekshi bolsańız, maǵan aytıńlar, eger qálemeseńiz, onı da aytıńlar, men ne isleytuǵınımdı shesheyin.
50Laban menen Betuel bılay dep juwap berdi:
– Bul – Jaratqan Iyeniń isi. Bizler saǵan jaqsı-jaman, hesh nárse ayta almaymız. 51Mine, Rebekka, onı alıp kete ber. Jaratqan Iyeniń aytqanınday, ol seniń xojayınıńnıń ulına hayal bolsın.
52Ibrayımnıń xızmetshisi bunı esitkende, jerge deyin iyilip, Jaratqan Iyege sıyındı. 53Sońınan xızmetshi gúmis hám altın zatlardı, kiyimlerdi shıǵarıp, Rebekkaǵa berdi, jáne de, onıń ájaǵası menen anasına da qımbat bahalı sawǵalar berdi. 54Sońınan xızmetshi hám onıń janındaǵılar iship-jedi hám sol jerde qonıp qaldı.
Erteńine azanda olar uyqıdan turǵanda, xızmetshi:
– Endi ruxsat bolsa, xojayınıma qaytaman, – dedi.
55Biraq Rebekkanıń ájaǵası hám anası:
– Qız onlaǵan kún bizler menen bolsın, keyin jolǵa shıǵarsızlar, – dedi.
56Al xızmetshi buǵan:
– Jaratqan Iye jolımdı berip tur eken, meni irikpeńler. Maǵan xojayınıma qaytıwǵa ruxsat berińler, – dedi.
57Sonda olar:
– Qızdı shaqırıp sorayıq, ózi ne der eken? – dedi. 58Solay etip, olar Rebekkanı shaqırıp, onnan:
– Mına adam menen keteseń be? – dep soradı.
– Ketemen, – dedi ol.
59Solay etip, olar Rebekkanı, onıń tárbiyashısın, Ibrayımnıń xızmetshisi menen onıń adamların shıǵarıp saldı. 60Olar Rebekkaǵa pátiya berip bılay dedi:
«Qarındasım, anası bol mıń-mıńlaǵan perzentlerdiń,
Úrim-putaqlarıń iyelesin dushpan qalaların».
61Sońınan Rebekka hám onıń jas shorıları tayarlanıp, túyelerge mindi hám Ibrayımnıń xızmetshisiniń izine erdi. Solay etip, xızmetshi Rebekkanı alıp, jolǵa shıqtı.
62Sol arada Negeb jerinde jasap atırǵan Ísaq Beer-Laxay-Roiyden qaytıp kelgen edi. 63Keshte Ísaq oylanıw ushın atızǵa shıqtı hám ol basın kóterip qaraǵanda, jaqınlap kiyatırǵan túyelerdi kórdi. 64Rebekka Ísaqtı kórip, túyeden tústi hám 65xızmetshiden:
– Bizlerge qaray atız boylap kiyatırǵan ana adam kim? – dep soradı.
– Bul – meniń xojayınım, – dep juwap berdi xızmetshi.
Sonda Rebekka jawlıǵın alıp, júzin japtı. 66Xızmetshi Ísaqqa islegen isleriniń hámmesin aytıp berdi. 67Ísaq Rebekkanı anasınıń shatırına alıp keldi hám oǵan úylendi. Solay etip, Rebekka Ísaqtıń hayalı boldı. Ísaq Rebekkanı súyip qaldı. Usı tárizde ol anası qaytıs bolǵannan keyingi qayǵısına jubanısh taptı.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022