Jaratılıs 26
26
Ísaq penen Rebekka Gerarda
1Elde Ibrayımnıń dáwirinde bolǵan ashlıqtan basqa bir ashlıq júz berdi. Ísaq Gerarǵa, filistlerdiń patshası Abimelexke ketti. 2Jaratqan Iye Ísaqqa kórinip bılay dedi: «Mısırǵa barma, Men aytatuǵın jerde jasa. 3Sol jerde kelgindi bolıp jasay ber. Men seniń menen birge bolıp, seni jarılqayman. Mine, usı jerlerdiń hámmesin saǵan hám seniń urpaqlarıńa beremen. Ákeń Ibrayımǵa bergen antımdı orınlayman. 4Seniń urpaqlarıńdı aspandaǵı juldızlar sıyaqlı kóbeytip, usı jerlerdiń hámmesin olarǵa beremen. Jer júziniń barlıq xalıqları seniń urpaqlarıń arqalı jarılqanadı. 5Óytkeni Ibrayım Maǵan boysınıp, Meniń tapsırmalarımdı, buyrıqlarımdı, qaǵıydalarımdı hám kórsetpelerimdi orınladı».
6Solay etip, Ísaq Gerarda ornalasıp qaldı. 7Sol jerdiń xalqı onnan hayalı haqqında soraǵanda, ol hayalın qarındasım dep ayttı. Sebebi ol: «Rebekka gózzal, sonlıqtan bul jerdiń adamları meni ol sebepli óltiredi», – dep oylap, onı hayalım dep aytıwǵa qorqtı. 8Ísaq sol jerde jasap atırǵanına kóp bolǵanda, filistlerdiń patshası Abimelex terezeden qarap, Ísaqtıń Rebekkanı aymalap atırǵanın kórdi. 9Sonda Abimelex Ísaqtı shaqırıp alıp:
– Ol seniń hayalıń eken-ǵo. Nege onı qarındasım dediń? – dep soradı.
Ísaq oǵan juwap berip:
– Óytkeni, ol sebepli meni óltiredi dep oyladım, – dedi.
10Abimelex oǵan:
– Nege bizlerge bulay islediń? Xalıq arasınan birewdiń hayalıńa jaqınlasıp qoyıwı múmkin edi-ǵo. Sonday bolǵanda, sen bizlerdi gúnaǵa batırar ediń! – dedi. 11Sońınan Abimelex pútkil xalıqqa: «Kim de kim bul adamǵa yamasa onıń hayalına qol tiygizse, ol sózsiz óltiriledi», – dedi.
Ísaq penen Abimelex arasındaǵı kelisimniń dúziliwi
12Ísaq sol jerge tuqım septi hám sol jılı júz ese artıq ónim aldı. Sebebi onı Jaratqan Iye jarılqaǵan edi. 13Ísaq bayıp ketti, baylıǵı kem-kemnen kóbeyip, ol júdá bay adamǵa aylandı. 14Onıń iri hám mayda malları, kóp xızmetshileri bolǵanlıqtan, filistler onı qızǵana basladı. 15Ákesi Ibrayımnıń tiri waqtında onıń xızmetshileri qazǵan qudıqlardıń hámmesin filistler topıraq penen kómip tasladı.
16Sonda Abimelex Ísaqqa:
– Biziń jerimizden ket, óytkeni sen bizlerden góre anaǵurlım kúshli bolıp kettiń, – dedi.
17Sonnan keyin, Ísaq ol jerden ketip, Gerar oypatlıǵına shatırların tikti hám sol jerge qonıs bastı. 18Ákesi Ibrayımnıń tiri waqtında qazılıp, onıń óliminen soń filistler tárepinen kómip taslanǵan qudıqlardı Ísaq qaytadan qazdırıp, olarǵa ákesi qoyǵan burınǵı atlardı qoydı.
19Ísaqtıń xızmetshileri oypatlıqta qudıq qazıp atırıp, bir bulaq taptı. 20Gerar shopanları: «Bul suw bizlerdiki», – dep Ísaqtıń shopanları menen jánjellesti. Olar ózi menen talasqanı ushın Ísaq qudıqtı Esek#26:20 Esek – «talasıw» degendi bildiredi. dep atadı.
21Sońınan olar basqa bir qudıq qazdı. Biraq bul qudıq sebepli de jánjel shıǵıp, Ísaq onı Sitna#26:21 Sitna – «dushpanlıq» degendi bildiredi. dep atadı. 22Ísaq ol jerden kóship ketip, jáne basqa bir qudıq qazdırdı. Bul qudıq sebepli jánjel shıqpaǵanlıqtan, Ísaq onı Rexobot#26:22 Rexobot – «keńlik» degendi bildiredi. dep atap: «Jaratqan Iye aqırı bizlerge keń jer berdi. Endi bizler bul jerde ósip-ónemiz», – dedi.
23Ísaq ol jerden Beer-Shebaǵa kóship ketti. 24Jaratqan Iye sol kúni túnde oǵan kórinip: «Men ákeń Ibrayımnıń Qudayıman. Qorqpa, Men seniń menen birgemen. Men seni jarılqayman hám qulım Ibrayım ushın urpaǵıńdı kóbeytemen», – dedi. 25Ísaq sol jerde qurbanlıq orın qurıp, Jaratqan Iyeniń atın aytıp shaqırdı. Ol shatırların sol jerge tikti hám onıń xızmetshileri bir qudıq qazdı.
26Abimelex, onıń keńesgóyi Axuzzat hám sárkárdası Pixol Gerardan Ísaqqa keldi. 27Ísaq olarǵa:
– Nege meniń aldıma keldińler? Sizler meni jek kórip, elińizden quwıp jibergen edińiz-ǵo! – dedi.
28Olar:
– Jaratqan Iyeniń seniń menen birge ekenin bizler anıq bildik. Sonlıqtan bizler seniń menen óz ara ant iship, kelisim dúziwdi oyladıq.
29Bizler saǵan qol tiygizbey, tek jaqsılıq etip, seni tınıshlıq penen jibergenimiz sıyaqlı, sen de bizlerge jamanlıq islemewiń haqqında kelisim dúzeyik. Sen endi Jaratqan Iye tárepinen jarılqanǵan adamsań, – dedi.
30Ísaq olar ushın zıyapat berdi hám olar iship-jedi. 31Erteńine tań azanda turıp, olar bir-birine ant berdi. Sońınan Ísaq olardı shıǵarıp saldı hám olar Ísaqtıń aldınan aman-esen ketti.
32Usı kúni Ísaqtıń xızmetshileri kelip: «Bizler suw taptıq», – dep ózleri qazǵan qudıq haqqında oǵan xabarladı. 33Ísaq ol qudıqtıń atın Sheba#26:33 Sheba – «ant» yamasa «jeti» degendi bildiredi. dep atadı. Sol sebepli ol qalanıń atı búgingi kúnge shekem Beer-Sheba dep ataladı.
Esawdıń xet xalqınan alǵan hayalları
34Esaw qırıq jasqa tolǵanda, xet xalqınan bolǵan Beeriydiń qızı Yahuditke hám xet xalqınan bolǵan Elonnıń qızı Basematqa úylendi. 35Bul hayallar Ísaq penen Rebekkanıń basına kóp qayǵı saldı.
Valgt i Øjeblikket:
Jaratılıs 26: QrqMK22
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022
Jaratılıs 26
26
Ísaq penen Rebekka Gerarda
1Elde Ibrayımnıń dáwirinde bolǵan ashlıqtan basqa bir ashlıq júz berdi. Ísaq Gerarǵa, filistlerdiń patshası Abimelexke ketti. 2Jaratqan Iye Ísaqqa kórinip bılay dedi: «Mısırǵa barma, Men aytatuǵın jerde jasa. 3Sol jerde kelgindi bolıp jasay ber. Men seniń menen birge bolıp, seni jarılqayman. Mine, usı jerlerdiń hámmesin saǵan hám seniń urpaqlarıńa beremen. Ákeń Ibrayımǵa bergen antımdı orınlayman. 4Seniń urpaqlarıńdı aspandaǵı juldızlar sıyaqlı kóbeytip, usı jerlerdiń hámmesin olarǵa beremen. Jer júziniń barlıq xalıqları seniń urpaqlarıń arqalı jarılqanadı. 5Óytkeni Ibrayım Maǵan boysınıp, Meniń tapsırmalarımdı, buyrıqlarımdı, qaǵıydalarımdı hám kórsetpelerimdi orınladı».
6Solay etip, Ísaq Gerarda ornalasıp qaldı. 7Sol jerdiń xalqı onnan hayalı haqqında soraǵanda, ol hayalın qarındasım dep ayttı. Sebebi ol: «Rebekka gózzal, sonlıqtan bul jerdiń adamları meni ol sebepli óltiredi», – dep oylap, onı hayalım dep aytıwǵa qorqtı. 8Ísaq sol jerde jasap atırǵanına kóp bolǵanda, filistlerdiń patshası Abimelex terezeden qarap, Ísaqtıń Rebekkanı aymalap atırǵanın kórdi. 9Sonda Abimelex Ísaqtı shaqırıp alıp:
– Ol seniń hayalıń eken-ǵo. Nege onı qarındasım dediń? – dep soradı.
Ísaq oǵan juwap berip:
– Óytkeni, ol sebepli meni óltiredi dep oyladım, – dedi.
10Abimelex oǵan:
– Nege bizlerge bulay islediń? Xalıq arasınan birewdiń hayalıńa jaqınlasıp qoyıwı múmkin edi-ǵo. Sonday bolǵanda, sen bizlerdi gúnaǵa batırar ediń! – dedi. 11Sońınan Abimelex pútkil xalıqqa: «Kim de kim bul adamǵa yamasa onıń hayalına qol tiygizse, ol sózsiz óltiriledi», – dedi.
Ísaq penen Abimelex arasındaǵı kelisimniń dúziliwi
12Ísaq sol jerge tuqım septi hám sol jılı júz ese artıq ónim aldı. Sebebi onı Jaratqan Iye jarılqaǵan edi. 13Ísaq bayıp ketti, baylıǵı kem-kemnen kóbeyip, ol júdá bay adamǵa aylandı. 14Onıń iri hám mayda malları, kóp xızmetshileri bolǵanlıqtan, filistler onı qızǵana basladı. 15Ákesi Ibrayımnıń tiri waqtında onıń xızmetshileri qazǵan qudıqlardıń hámmesin filistler topıraq penen kómip tasladı.
16Sonda Abimelex Ísaqqa:
– Biziń jerimizden ket, óytkeni sen bizlerden góre anaǵurlım kúshli bolıp kettiń, – dedi.
17Sonnan keyin, Ísaq ol jerden ketip, Gerar oypatlıǵına shatırların tikti hám sol jerge qonıs bastı. 18Ákesi Ibrayımnıń tiri waqtında qazılıp, onıń óliminen soń filistler tárepinen kómip taslanǵan qudıqlardı Ísaq qaytadan qazdırıp, olarǵa ákesi qoyǵan burınǵı atlardı qoydı.
19Ísaqtıń xızmetshileri oypatlıqta qudıq qazıp atırıp, bir bulaq taptı. 20Gerar shopanları: «Bul suw bizlerdiki», – dep Ísaqtıń shopanları menen jánjellesti. Olar ózi menen talasqanı ushın Ísaq qudıqtı Esek#26:20 Esek – «talasıw» degendi bildiredi. dep atadı.
21Sońınan olar basqa bir qudıq qazdı. Biraq bul qudıq sebepli de jánjel shıǵıp, Ísaq onı Sitna#26:21 Sitna – «dushpanlıq» degendi bildiredi. dep atadı. 22Ísaq ol jerden kóship ketip, jáne basqa bir qudıq qazdırdı. Bul qudıq sebepli jánjel shıqpaǵanlıqtan, Ísaq onı Rexobot#26:22 Rexobot – «keńlik» degendi bildiredi. dep atap: «Jaratqan Iye aqırı bizlerge keń jer berdi. Endi bizler bul jerde ósip-ónemiz», – dedi.
23Ísaq ol jerden Beer-Shebaǵa kóship ketti. 24Jaratqan Iye sol kúni túnde oǵan kórinip: «Men ákeń Ibrayımnıń Qudayıman. Qorqpa, Men seniń menen birgemen. Men seni jarılqayman hám qulım Ibrayım ushın urpaǵıńdı kóbeytemen», – dedi. 25Ísaq sol jerde qurbanlıq orın qurıp, Jaratqan Iyeniń atın aytıp shaqırdı. Ol shatırların sol jerge tikti hám onıń xızmetshileri bir qudıq qazdı.
26Abimelex, onıń keńesgóyi Axuzzat hám sárkárdası Pixol Gerardan Ísaqqa keldi. 27Ísaq olarǵa:
– Nege meniń aldıma keldińler? Sizler meni jek kórip, elińizden quwıp jibergen edińiz-ǵo! – dedi.
28Olar:
– Jaratqan Iyeniń seniń menen birge ekenin bizler anıq bildik. Sonlıqtan bizler seniń menen óz ara ant iship, kelisim dúziwdi oyladıq.
29Bizler saǵan qol tiygizbey, tek jaqsılıq etip, seni tınıshlıq penen jibergenimiz sıyaqlı, sen de bizlerge jamanlıq islemewiń haqqında kelisim dúzeyik. Sen endi Jaratqan Iye tárepinen jarılqanǵan adamsań, – dedi.
30Ísaq olar ushın zıyapat berdi hám olar iship-jedi. 31Erteńine tań azanda turıp, olar bir-birine ant berdi. Sońınan Ísaq olardı shıǵarıp saldı hám olar Ísaqtıń aldınan aman-esen ketti.
32Usı kúni Ísaqtıń xızmetshileri kelip: «Bizler suw taptıq», – dep ózleri qazǵan qudıq haqqında oǵan xabarladı. 33Ísaq ol qudıqtıń atın Sheba#26:33 Sheba – «ant» yamasa «jeti» degendi bildiredi. dep atadı. Sol sebepli ol qalanıń atı búgingi kúnge shekem Beer-Sheba dep ataladı.
Esawdıń xet xalqınan alǵan hayalları
34Esaw qırıq jasqa tolǵanda, xet xalqınan bolǵan Beeriydiń qızı Yahuditke hám xet xalqınan bolǵan Elonnıń qızı Basematqa úylendi. 35Bul hayallar Ísaq penen Rebekkanıń basına kóp qayǵı saldı.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022