Mattĕo 13

Bwèbādèkhwĭ Agèlè

(Mărko 4.1-9; Lŭka 8.4-8)

1B́ĕ anu dini nu, Jezŭ hèhta hwă hi akhlŏ d́ō, Za sańălăògè d́ŏ pellèwe nu. 2Kîd́ò̆ bija aboahò ladēplo khwè̆b́a Cè d́ō Zè khè̆htanī khlĭ tè b́è abu, kî Za sańăògè, kîd́ò̆ bija thèd́è̆bo sò̆hto ò lŏ pèllèwe. 3Cò d́ò̆sa lōwa dèòè̆ mi dègèlè abu.

Cò d́ò, “Tcabò̄ abā dèkhwĭ dèbwè le bāgè dèkhwĭ. 4Kîd́ò̆ za bā d́ō, dèkhwĭ ladē klè awōlò tòcò; kî htŏpho tòcò la cò alō tèpwè. 5Tòcò cò ladē lokhraklè̆, htè hahî tò òè ńò alle nu. Kîd́ò̆ akèhta danā tèpwè barasă haphe ti dĭ ńò acè̆, 6b́ĕ lumuhta nu dègosa b́è cè kîd́ò̆ akhawi tò ò ńò dō, ahwĕ thĭ tèpwè. 7Kîd́ò̆ tòcò cò aladē dèscudèphî̆ aklè̆, kî dèscudèphî̆ bègè cè d́ō, ab́îb́ô̆thĭ tèpwè cè. 8Barasă tòcò cò ladē hahîwî akho; kîd́ò̆ athèhtanigè apla agèjè ò, apla ascĭthăthô ò, apla sŏscĭ ò ò.

9“Bija anigu athîhè̆i ò dèbwè gī thîhè̆ d́ò̆è.”

Dègèlè Adèthaè d́ò̆sa

(Mărko 4.10-12; Lŭka 8.9,10)

10Zo bōhmubicè tòcò leb́ôhtî Cè kî cò d́ò, “Nî jî̄b́èhtî ma cè tòcò dègèlè aklè̆ nè̄?”

11Cò d́òge lōwa alī gōjo, “Dèila tepwè thĭ agī thîhè̆b́è Mò̄kho ahtĭage adèòhu, barasă dè ti ilani cè tòcò ńò. 12Manè̄ kò̄ d́òdo dō, bija adèò dèbwè nu, dè kī i d́okhlŏkò̆ cè kî cè è̆ kò òkè̆òôkò̆. Barsă adè tò ò ńò dèbwè nu, dè gī phîthĭwīkò̆ cè cè è̆ aò tîkî lò nu. 13Mègōnu, jî jî̄b́èhtîkò̆ cè dègèlè abu nu ḿî ajo acè̆, manè̄ kò̄ d́òdo dō, za tca nòthò̆ cè tè kèhtî ńò, zò sòkhĕńe nòthò̆ zi dî thîhè̆ ńò, kîd́ò̆ zò dò dòniphîni ńò ńò. 14Kîd́ò̆ Prò̆fèt Izaĭah adèd́òdòlò dagla pĕhtazòhta tèpwè zòlò tòcò, ad́ò;

‘Thĭ kò sòkhĕńe kî sòkhĕńekò̆, barasă thĭ gò̄ dò dòniphîni ńò,

thĭ gā tca kî gā tcakò̆, barasă thĭ gā da kèhtîkò̆ ńò.

15Manè̄ kò̄ d́òdo dō, bija ajo tòcò atha sanida òjî̄gè,

zi nigu hto òjî̄gè,

kîd́ò̆ zi b́ila za gādŭ,

cab́ô̆htè za gā da tcahtî kî za gādŭ ńò,

dî ḿî ma ńò d́ō, za gādŭ gā tcahtî d́ò̆,

zi nigu gî̄ thîhè̆ d́ò̆,

kîd́ò̆ ca tha gā b́ăhta d́ò̆,

ca gā d́ab́age d́ò̆ ze ne d́ŏ Jò ò nu,

kî cè kè̄ b́è mèhmage d́ò̆,

Kib́ĭcè d́ò do.’

16“Barasă ab́èhôwî ḿî thĭ gādŭ, manè̄ kò̄ d́òdo dō, atcahtî dè, kî thĭ nigu b́èhôwî, manè̄ kò̄ d́òdo dō, athîhè̆ dè. 17Kîd́ò̆ Jò d́ò̆sa thĭ, Prò̆fèt kî bija adî̄ahma òè̆bwè thaè tcahtîsôgè dè htè thĭ tcahtîb́è tòcò nu, ḿî za da tcahtîb́ègè ńò. Ca thaè thîhè̆sôgè dè htè thĭ thîhè̆b́è tòcò nu, ḿî zî dî thîhè̆b́ègè ńò.

Bwèbādèkhwĭ Agèlè

(Mărko 4.13-20; Lŭka 8.11-15)

18“Mègōnu d́ō, sòkhĕńebò̄ bija abā dèkhwĭ dèbwè adègèlè kha. 19B́ĕ bija dèbwèbwè sòkhĕńe Mò̄kho Ahtĭage alēahwè zi di thîhè̆ ahtabohtab́ă ńò nu, dèkî̆kkè amubwe le, kî phîkè̆ tèpwè dè htè aò bāla za thabu nu; ajo ḿî bija htè anib́è dèkhwĭ aladē klèwōlò dèbwè nu. 20Bija htè anib́è dèkhwĭ aladē lokhrakho dèbwè nu, ḿî bija asòkhĕńe dèlēdèhwè kî adòni plaplă dèthalōthalai abu dèbwè nu. 21Barasă za khawi tò ò ńò kî cò ò tod́o lò, b́ĕ dèlēdèhwè acè̆, dèbadèsè̆ kî dèlômèssègnè̆ òhta nu, zè dèb́u hèkè̆danā tèpwè. 22Kîd́ò̆ bija anib́è dèkhwĭ htè aladē dèscudèphî̆ klè̆ dèbwè nu, ḿî bija athîhè̆b́è nòthò̆ dèlēdèhwè hnò̆nu, òi dèb́èhjŏi lākho adè kî hô̆htè̆ adèhlòplè b́îb́ô̆ thĭ dèlēdèhwè d́ō, adò phò̆htathèhta ńò dèbwè nu. 23Barasă bija anib́è dèkhwĭ htè aladē d́ŏ hahî awî akho dèbwè ḿî bija htè athîhè̆b́è dèlēdèhwè kî adòniphîni dèbwè nu, bija ajo dèbwè gè̄ thèhtaphò̆hta tèpwè apla dègèjè ò, apla ascĭthăthô ò, apla sŏscĭ ò.”

Mihnè Agèlè

24Cò d́o lōwa tòcò dègèlè alewe dèdè̆ gōjo, “Mò̄kho ahtĭage mè acab́ô̆ bija abā dèkhwĭ awî d́ŏ huklè̆bu dèbwè nu. 25Barasă b́ĕ bija sòḿĭthebĕ nu, ce d́ĕd́ò dèbwè le bālagè mihnè akhwĭ d́ŏ b́u aklè̆ nu, kî zè hèphlòḿĭ tèpwè. 26Kîd́ò̆ amu dohta kî ad́ŏhtablò̄hta hwă nu, mihnè ḿî ḿî phò̆htathèhtakô gè gè. 27Kîd́ò̆ huklè̆ ab́icè azôabwè tòcò lehtî cè kî cò d́ò lōwa gōjo, ‘B́ĭcè, d́ŏ nu huklè̆bu nu na da bāla mè dèkhwĭ awî lò ńò ā? Mègōnu mihnè òkô manè̄?’ 28Cò d́òge lōwa, ‘Ajo ḿîthè̆ d́ĕd́ò dèbwè mègè lò.’ Zôpho tòcò d́è̆ cè, ‘Na thaèni we le hjakè̆ ā?’ 29‘Ńò! B́èkhè̆ thĭ gā hjakè̆ mi thè d́ō, thĭ gā hjakè̆ nid́ò̆ b́u hnò̆nu. 30Agō dohta d́ò̆è gīdè̆ lōlō htô̆ b́uhmĭkhè̆ nu, kî b́ĕ b́uhmĭkhè̆ nu jè hmèlakò̆ akèb́u tòcò gōjo, “Hjaphlòhta ŭsu mihnè, gjî̄glo dôdô, dôdô, cab́ô̆htè kô b́ô̆gè̄htai hmî nu; ḿî b́u nu, tònīgebò̄ ja phăbu,” jè hmèlakò̆ cè d́o,’ Cò d́ò lōwa d́o.”

Thèplèphlo Agèlè

(Mărko 4.30-32; Lŭka 13.18,19)

31Cò d́ò̆sa lōwa dègèlè alewe dèdè̆ be gōjo, “Mò̄kho ahtĭage mè acab́ô̆ thèplèphlo dophlo, htè bija dèbwè phî kî sola d́ŏ za lākho bu nu. 32Dèphlo lŏcăcè aklè̆ zi ḿî asciphogudu hŏ; barasă b́ĕ adohta nu, adolĭ tèpwè mihnè alewe lŏcăcè kî aphî̆hta tèpwè tho tòb́ò̆ pwĕ acab́ô̆ htŏpho tòcò le pragè abi d́ŏ amēaphă aklè̆ nu.”

Gimi Agèlè

(Lŭka 13.20,21)

33Cò d́ò kòd́ò̆ lōwa dègèlè alewe dèdè̆ be gōjo, “Mò̄kho ahtĭage mè acab́ô̆ gimi htè amihmu dèbwè phî hwă cu b́ŭlăhu d́ŏ tokohmu thŏta aklè̆ htô̆ aphèhta lŏ dèdè̆ nu.”

Jezŭ D́òi Dègèlè

(Mărko 4.33,34)

34Dè ajo lŏcăcè nu Jezŭ d́òŭd́ò̆sagè bija aboahò dègèlè abu; gī dî ḿî dègèlè abu ńò, Cò tò d́òŭd́ò̆sa lōwa tòcò ńò. 35Cab́ô̆htè Prò̆fèt d́ògè dèjî̄b́è tòcò gē pĕhtabò̄ nu, Cò d́ò;

“Ja ăhta Jò hòbŭ dègèlè abu,

Jò d́òphlò̆htakò̆ dè htè aòhugè hlĕ lākho akăhtî tòcò nu.”#Ps 77.2

Jezŭ D́òhlî̆hta Mihnè Agèlè

36B́ĕnu Ca b́ăplège hwă bija aboahò, Ze ge nīgè hibu kî Zo bōhmubicè tòcò lehtî Cè, “D́ò̆sabò̄ wa mihnè aò huklè̆bu agèlè ahtabohtab́ă tîkî,” Cò d́ò lōwa d́o.

37Cò d́ò̆sa lōwa gōjo, “Abā dèkhwĭ awî dèbwè ḿî Bija Apho. 38Huklè̆ ḿî Lākho jo; dèkhwĭ awî ḿî htĭge aphoali; mihnè akhwĭ ḿî akî̆kkè dèbwè aphoali. 39D́ĕd́ò htè abā cè tòcò ḿî Mod́èlî; b́uhmĭkhè̆ ḿî munilēdū; akèb́u tòcò ḿîkò̆ Mò̄khobwèzo. 40Acab́ô̆ bija hjakè̆ mihnè kî bija scwikè̆ kî hmî nu, d́ŏ munilēdū nu, dè gi ḿîkò̆ gōnu nu. 41Bija Apho gā hnakò̆ Amò̄khobwèzo tòcò kî zi gî̄ phîkè̆kò̆ dèd́è̆lî̄ klè atè è ńò lŏcăcè, kî bija amè dèkî̆kkèmèhlò̆ lŏcăcè d́ŏ Zi htĭ Ze ge abu nu. 42Kîd́ò̆ zî gî̄ htîladēnikò̆ lōwa d́ŏ hmîŭbò bu nu, d́ŏnu dèjodèha dè edithô̆edithè̆ kò òkò̆. 43B́ĕnu akhî bija adî̄ahma tòcò gî̄ hlî̆gòbròkò̆ acab́ô̆ lumu nu, d́ŏ Ja Pa ahtĭage abu nu. Bija anigu athîhè̆i ò dèbwè, gi thîhè̆ d́ò̆è.

Dèlīdobwîthè̆ kî Căgò̄hto

44“Mò̄kho Ahtĭage mè ane cab́ô̆ dèlīdobwîthè̆ dèdè̆ aòhu d́ŏ lākho taklaẃa abu nu, htè bija dèbwè pani hwă zè lè̄hu tècè̆ d́ò̆ nu; kîdò̆ za thaganāi acè̆ ze ge sè̆ lŏ zè dè kî zi bwîgè lākho anu taklaẃa nu.

Dèlīdobwîthè̆ kî Lo Awî

45“Tapla be, Mò̄kho Ahtĭage mè acab́ô̆ agwāadè ahè wāhlè căgò̄hto dèbwè nu. 46Ca pani hwă căgò̄hto dèmè̆ d́ō, ze ge sè̆gè zè dèlŏcăcè, kî zi bwîgè căgò̄hto anu dèmè̆ nu.

Dwī Agèlè

47“Tapla be, Mò̄kho Ahtĭage mè acab́ô̆ dwī bija bāla d́ŏ pèllèbu kî apôni dāpho gô̄mogô̄phè̆ tapla lò dokho nu. 48B́ĕ dwī pĕhta nu bija cwihtage khò̆kho kî za sańăla hwă pèllèwe, zô rôhlè dāpho awî awî, kî zè b́è̆nīge dèbudègî̄ abu, barasă adî wî ńò tòcò nu za bāphlòmĭ tèpwè akhò̆pha nu. 49Gōnu akhò̆pha b́ĕ munilēdū nu dè gè mèkò̆ ane gōnu nu. Mò̄khobwèzo tòcò gè̄ hèhta kî phîhtakè̆kò̆ bija akî̆kkè d́ŏ bija adî̄ahma aklè̆ nu. 50Kî zî htîladēnīkò̆ lōwa tòcò d́ŏ hmîŭbò bu. D́ŏnu dèjodèha kî dè edithô̆edithè̆ kò òkò̆.”

51Jezŭ d́è̆tca cè tòcò, “Thĭ thîhè̆ lŏ htŏ dè ajo tòcò jo nu ā?”

“O, B́ĭcè,” cò d́òge lōwa do.

52Cò d́ò lōwa tòcò, “Mègōnu Skrĭbāpho arră ahtî̆nigoni Mò̄kho Ahtĭage awîakè̆ dèbwè nu ḿî acab́ô̆ hib́icè htè aphî̆hta dè athè̆thè̆ alili d́ŏ adè līdobwîthè̆ agòlò bu dèbwè akhò̆pha nu.”

Jezŭ d́ŏ Nazarè̆th U bu

(Mărko 6.1-6; Lŭka 4.16-30)

53Kîd́ò̆ b́ĕ Jezŭ d́ò̆sa hwă dègèlè ajo tòcò nu, Zè hèhtagè b́ĕnu. 54Zo donīge Co d́ŏ Za phă abu d́ō, Cò d́òŭd́ò̆sagè bija d́ŏ lōwa asinagŏgābu nu; d́ō cè tòcò htèdômô̄dahmă kî la d́è̆hlè lōwa, “Bija ajo dèbwè adèthîhè̆ ò ma, kî mèkèhta ma dècòklî pwĕ gōnu nè̄? 55Ajo dèbwè di ḿî bwècubōkhajò apho ńò ā? Zo mo ami di ḿî Marĭa ńò ā? Kî Zu bu Ze we di ḿî Zăkomo kî Zŏzè kî Simŏnè kî Jŭdas ńò ā? 56Kîd́ò̆ Zè thè̆buwe amihmu lŏcăcè tèb́èbò̄ aòb́ôhtîb́ôwa wa tòcò nu ńò ā? Mègōnu Zi phîni dè ajo lŏcăcè d́òlè̄?” 57Kîd́ò̆ za thablè̄ gè lōwa akhoacè̆ tòcò.

Jezŭ d́ò cè tòcò gōjo, “Prò̆fèt di nib́è dèd́ŏdèj́a ńò ḿî d́ŏ zi htĭ ze gebu kî zi hibu nu lò.” 58Kîd́ò̆ bija adèb́u tò ò ńò akhoacè̆, Zè dè mè òègè dèbòdèba d́ŏ nu ńò.

Valgt i Øjeblikket:

Mattĕo 13: GRNT21

Markering

Del

Kopiér

Vil du have dine markeringer gemt på tværs af alle dine enheder? Tilmeld dig eller log ind

Geba Roman New Testament © Bible Society of Myanmar, 2021.

Læs mere om Geba Roman New Testament

Mattĕo 13

Bwèbādèkhwĭ Agèlè

(Mărko 4.1-9; Lŭka 8.4-8)

9“Bija anigu athîhè̆i ò dèbwè gī thîhè̆ d́ò̆è.”

Dègèlè Adèthaè d́ò̆sa

(Mărko 4.10-12; Lŭka 8.9,10)

10Zo bōhmubicè tòcò leb́ôhtî Cè kî cò d́ò, “Nî jî̄b́èhtî ma cè tòcò dègèlè aklè̆ nè̄?”

‘Thĭ kò sòkhĕńe kî sòkhĕńekò̆, barasă thĭ gò̄ dò dòniphîni ńò,

thĭ gā tca kî gā tcakò̆, barasă thĭ gā da kèhtîkò̆ ńò.

15Manè̄ kò̄ d́òdo dō, bija ajo tòcò atha sanida òjî̄gè,

zi nigu hto òjî̄gè,

kîd́ò̆ zi b́ila za gādŭ,

cab́ô̆htè za gā da tcahtî kî za gādŭ ńò,

dî ḿî ma ńò d́ō, za gādŭ gā tcahtî d́ò̆,

zi nigu gî̄ thîhè̆ d́ò̆,

kîd́ò̆ ca tha gā b́ăhta d́ò̆,

ca gā d́ab́age d́ò̆ ze ne d́ŏ Jò ò nu,

kî cè kè̄ b́è mèhmage d́ò̆,

Kib́ĭcè d́ò do.’

Bwèbādèkhwĭ Agèlè

(Mărko 4.13-20; Lŭka 8.11-15)

Mihnè Agèlè

Thèplèphlo Agèlè

(Mărko 4.30-32; Lŭka 13.18,19)

Gimi Agèlè

(Lŭka 13.20,21)

Jezŭ D́òi Dègèlè

(Mărko 4.33,34)

“Ja ăhta Jò hòbŭ dègèlè abu,

Jò d́òphlò̆htakò̆ dè htè aòhugè hlĕ lākho akăhtî tòcò nu.”#Ps 77.2

Jezŭ D́òhlî̆hta Mihnè Agèlè

Dèlīdobwîthè̆ kî Căgò̄hto

Dèlīdobwîthè̆ kî Lo Awî

Dwī Agèlè

51Jezŭ d́è̆tca cè tòcò, “Thĭ thîhè̆ lŏ htŏ dè ajo tòcò jo nu ā?”

“O, B́ĭcè,” cò d́òge lōwa do.

Jezŭ d́ŏ Nazarè̆th U bu

(Mărko 6.1-6; Lŭka 4.16-30)

Valgt i Øjeblikket:

Markering

Del

Kopiér

Vil du have dine markeringer gemt på tværs af alle dine enheder? Tilmeld dig eller log ind

Læs mere om Geba Roman New Testament