Pin'ilʋg 6
6
Noa nɛ ku'om n da di teŋgbauŋ la yɛla
1Nidibi da du'adi pɛ'ɛn dunia la, ba da du'ad bipumis, 2ka Wina'am biribisi da gɔsi nyɛ ka saalib bipumis vɛnl hali la, ba da gaansi ba sieba di. 3Ka Zugsɔb yɛl ye, “M vʋm la kʋ lɛm bɛ nɛ ninsaali yuug hali, bɔzugɔ o anɛ niŋgbiŋ, ka o yʋma na anɛ kɔbiga nɛ pisi ma'aa.” 4#Kal 13:33 Ka Wina'am biis la da di pu'a vɛnla la ka digin nɛ ba la, ba da du'a bibanɛ da lieb gandaad ka ba da buonnɛ ba ye Nefil dim. Ba da anɛ nimbɛda banɛ mɔr paŋ, ka ba bɛ saŋkan la nɛ li nya'aŋ. 5Ka Zugsɔb la da nyɛ nidib la tʋʋmbɛ'ɛd nɛ ba pʋtɛnda an bɛ'ɛd saŋa wʋsa si'em la, 6o sʋʋnr da san'am on maal ninsaal la zug. 7Ka Zugsɔb la yɛl ye, “M na san'am saalib ban ka m maal dunia nwa', nɛ bʋnkɔnbid nɛ niis nɛ bʋnvuuda la, bɔzugɔ m sʋʋnr san'ami ba yɛla.” 8Amaa Zugsɔb sʋnf da ma'ae Noa yɛla.
9 #
2Pi 2:5
Nwa' pa'an Noa nɛ o yaas yɛla: Noa da anɛ pʋpiel ka pʋ mɔr gbɛliŋɔ, ka dɔl Wina'am bɔɔdim sʋ'ʋŋa. 10O da du'a biribis atan' ka ba yʋda an Sem nɛ Ham nɛ Jafet. 11Wina'am da nyɛ ka dunia la san'am ka pɛ'ɛl nɛ tʋʋmbɛ'ɛd buudi wʋsa nɛ zam nɛ zaba, 12ka nyɛ ka nidib la wʋsa an pɔnrʋŋ dim dunia ni, ka dɔl suobɛ'ɛdnam hali. 13Ka Wina'am yɛl Noa ye, “M na san'am nidib wʋsa dunia nwa' ni bɔzugɔ, banɛ kɛ ka zaba pɛ'ɛl dunia nwa'. Asida mɛnɛ, m na san'am saalib nɛ dunia la wʋsa. 14Dinzug nɔkim tikanɛ daugʋ kpi'emi maal anrintita'ar. Pʋdigim dɔɔdi li pʋʋgin ka bia' li nɛ bi'en pʋʋgin nɛ nya'aŋ. 15Maalimi li anwana: Li wa'alim na an nɔbir makir kɔbisnaasi nɛ pisnu (450), li yalʋŋ anɛ nɔbir makir pisyɔpɔi nɛ anu (75), li saazug dʋʋb an nɔbir makir pisnaasi nɛ anu (45). 16Pilimi li naae ka maal vɔɔnri li zugin la ka li yalʋŋ an nɔbir makir ayinne nɛ pʋsʋk. Ka kpɛn'ɛs kʋlʋŋi li lʋgirin ka pʋdigi li zin'is atan' wʋʋ girimbisa nɛ. 17M na kɛ ka saa ni ka ku'om kena pɛ'ɛl dunia n di ninsaalib, nɛ linɛ wʋsa mɔr vʋm teŋgbauŋ la zug. 18Amaa m na maal nɔnaar nɛf ka fʋ na kpɛn' anrʋŋʋn la, fʋn nɛ fʋ pu'a nɛ fʋ biis nɛ fʋ bipu'ab. 19Mɔr linɛ an bʋnvʋr wʋsa, li bʋndaug nɛ li bʋnnya'aŋ, ka kɛ ka ba kpɛn' fʋ san'an anrʋŋ la pʋʋgin, na ka ku'om la da dii ba. 20Kɛl ka bʋn-ian'ada, nɛ bʋnkɔnbid, nɛ bʋnvuuda buudi wʋsa kena, dinɛ na kɛ ka ba da kpi'ilim. 21Fʋ na la'as diib buudi wʋsa mɔr na su'a anina ka li an diibi tis fʋn nɛ ban wʋsa.” 22Ka Noa da tʋm linɛ wʋsa ka Wina'am da pa'al o ye o tʋm la.
Valgt i Øjeblikket:
Pin'ilʋg 6: kus_gh
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2023, Ghana Institute of Linguistics, Literacy and Bible Translation